روايه قوة انثي
عمر:واقف يستنا في القهوا وفجأه يلمح يقين من بعيد….ويمشي بسرعه يدور مره يشوفها ومره تختفي من كثر الزحمه لين وصل جيهة الجوازات وهوا يجريالشرطي:وين الشناطي؟
عمر:لا مش طيارتي بس…
الشرطي:ياريت تتفضل ع صالة الانتضار متقدرش تخش
عمر:شاف يقين واقفه في طابور الجوازات …يقيييين يقييين
لمار:كأنو في حدا عم يناديكي
يقين لا ماسمعتش
عمر:يقييييييين
يقين:تلفتت
لمار:انا إلتلك هداك الشب عم يناديكي روحي شوفيه
يقين:قربت منه …انت؟
عمر:داااهش…اخيرااا
يقين:انت شنو ادير هني
عمر:مسافر ع المانيا انتي شنو اديري هنايا
يقين:مسافره ع الاردن
عمر:انشاء الله خير؟
يقين:خير خير متخافش ?
عمر:اسمعي ستنس لحضه
يقين:اوكي
عمر:طلع ورقه وقلم وكتب ايميله ورقمه …هاك هادا رقمي الدولي والليبي وهادا ايميلي ع الانستا والفيس دوريني ضروري
يقين:انشاء الله بي المناسبه انت شنو اسمك
عمر:انا عمر
يقين:عاشت الاسامي
عمر:تسلمي
لمار:يقيين يلا تعي
يقين:يلا لازم نمشي
عمر:محتاجه شي ؟
يقين:لا كل شي تمام باي
عمر:سلام ومتنسيش تكلميني
يقين :خاضر …ومشتعمر:رجع فرحاان للكفيتيريا اخذ قهوا ومشي لي بوه
حميد:هادا كله قهوا نسحابك بتجيبلي بزين
عمر:زحمه هلبا
حميد:خيرك واقف تعال قعمز
عمر:قعمزت جنب بوي وانا عقلي عند يقين ونستنا بي الدقيقه امتا تكلمني
يقين:ركبت الطيارهوانا راسي ملخببط بكل اول منوصل وين بنمشي؟شنو رح ندير وعمر هادا يلي طلع في حياتي من جديد ااااه ياراسي
✨روايات بنووتةالشيخ✨
وليد:اختك ليها اسبوعين مهناش يا استاذ
وائل:صدقني غير نشوفها بس رح نخليها تتمنا الموت الف مره
وليد:مرجوعها لينا بس رح تشوف وقتها
فجريه:قتلك
صالح:نعم
فجريه:نبي نفاتحك في موضوع
صالح:شنو
فجريه:طلع عندي ورث
صالح:قداااش??
فجريه:300الف
صالح:من وينلك?
فجريه:اختي عطتهولي طلع عندنا قطعه بي اسم امي وباعوها شنو رايك ناخذو حرش قي طرابلس
صالح:وينهم الفلوس?وعلاش مقلتيش من الاول ?
فجريه:هيا قتلي تعالي طرابلس نبيك في موضوع ومحكتش لي وصلت عندها
صالح:به جيبي الفلوس وخلي ناخذو بيهم زي مقلتي
فجريه:اي??
صالح:وبناخد بيهم سياره
فجريه:اي حلال عليك((وباقي الفلوس ليا ومستحيل تعبا نقولك عليهم ))
✨روايات بنووتة الشيخ✨
يقين:وصلت ونزلو الركاب وانا نزلت نتبع فيهم لاني مش عارفه وين نمشي لين لقيت لمار
لمار:كنت عم دور عليكي
يقين:وتوا وين؟
لمار:انتي بس خليكي معي
يقين:خذيت الشناطي وطلعت من امطار لقيت هلبا تكاسي يستنو برا ركبت في واحد منهم وقتله نبي اقرب فندق وصلت الفندق وكان خياااال يطل ع البحر يهبببل خشيت غرفتي بدلة حوايجي لاني كنت تاااعبه وراسي منفوخ من دوشت المطار امتديت ع سريري وخذيت الجريده فتحت علي صفحةباحثين عن عمل قعدت نقلب فيها لين لقيت قناة تلفزيونيه تبي بنت تكون متخصصه في الترجمه انا حسيت ان ربي يفتح عليا وين منمشي. الحمد الله رقدت وقلت بعدين ساهل رح نشوف موضوع الخدمه
عمر:وصلت المانيا واموري تمام ومشيت مع بوي الشركه يلي بيخدم فيها وانا طووول الوقت عيني ع التالفون يمكن يوصلني مسج او شي من يقين
يقين:نضت من نومي الساعه 3في الليل حسيت روحي خلاص رقدت هلبا قعمزت في البلكونه تبع الغرفه وانا مش مصدقه روحي اني وصلت لهنايا ؟بعدين اذكرت الورقه يلي خذيتها من عمر فتحت الشنطه لقيتها فتحت فيس وكتبت اسم ايميله وطلعلي الايميل عليه صورته في الاول ترددت بعدين بعتله مسج
يقين؛السلام عليكم عمر انا يقين
عمر:كيف طلع من الدوش يمسح في شعره وفجأه يسمع في ترن ترن وين فتح المسج عرفه من يقين ع طول رد عليها
عمر:اهلين يقين كيف حالك
يقين:بخير الحمد الله انشاء الله تكون وصلت ؟
عمر:اي وانتي
يقين:الحمد الله ا السلامه اي واصله من بكري بس منكثر متاعبه رقدت ع طول
عمر:الحمد الله ع سلامتك انشاء الله ماتشوفي شر
يقين:تسلم
عمر:بس مقلتيليش علاش ماشيه للاردن معاك راجلك؟
يقين:اءء لا بروحي
عمر:كيف بروحك?
يقين:قعدت تحكي لي عمر من البدايه ومصدقت لقت حد تفضفضله
حميد:الله يسلمك
امنه:وين عمر؟
حميد:في غرفته مخديتش غرفه زوجيه خليه ياخد راحته
امنه:كلمه خليه يرد علي ولاء
حميد:خليه يستريح اكيد راقد المهم شنو حال عاصم
امنه:الحمد الله زي مخليته …وكملو هدرزه
عمر:انتي كيف قدرتي تتحملي هادا كله?
يقين:ههههه قوة انثى?تستخدم عند الحاجه
عمر:ههههه جديات والله كيف قدرتي
يقين:عادي مفيش حاجه ادوم مشت الايام السوده وانشاء الله الايام الجايه تكون احسن
عمر:يقين اسف انا حطيتك في هادا كله
يقين:بلعكس الشي يلي صار خلاني نطلع من الحياة يلي انا فيها يعني لو تجوزت معتز بدون ميدير ياسين الشي يلي داره لا كنت توا قاعده عند معتز والله اعلم كيف كانت حياتي
عمر:ع سيرة ياسين انا ولد عمه مش صاحبه زي ما انتي مفكره
يقين:الله ?
عمر:اي ومن يوم يلي صارت فيه الكارثه معاد كلمته
يقين:اهااا ربي ياخد فيه الحق
عمر:بس ليش مقلتيش يلي صارلك لما تلاقينا في المشفى كنت مشيت عجنته طريحه معتز هوا
يقين:هههههه …والله شفت مرتك جنبك محبيتش نخرب عليكم
عمر:منو مرتي ؟?
يقين:البنت يلي جت كلماتك قتلك روح بيا
عمر:اها لا هديكا امها صاحبت امي
يقين:وحبيبتك
عمر:كيف عرفتي
يقين:سمعتها تقولك حبيبي ربي يحفضكم لبعض
عمر:تسلمي بس توا انتي شنو ناويه اديري
يقين:بي اذن الله في الصبح رح نشوف خدمه في قناة يبو بنت في الترجمه
عمر:دبرتي سكن ؟
يقين:حاليا قاعده بي فندق اول منحصل خدمه رح نأجر في مكان يكون قريب من خدمتي
عمر:يقين امااانه عليك تحتاجي اي شي تكلميني
يقين:انشاء الله عارفاتك ماتقصرش
عمر:ولوو
يقين:اي انت مقتليش شنو ادير في المانيا
عمر:بوي عنده شوية شغل وانا قلت نغير جو
يقين:اهااا به ربي يعاونكم…وكملو هدرزه
✨روايات بنووتة الشيخ✨
بعد مرور ساعات:-
عمر:الوو
ولاء:وووووووينك نتصل بيك ع الماسنجر متردش
عمر:انا راقد الزح شنو تبي
ولاء:مشيت للمحلات يلي بعتلك اسمائهم
عمر:هاذا بدل متسألي عليا وصلت ولا لا وكيف حالي
ولاء:لا بس ا….
عمر:سلاام …صكرت ورقدت ولما اذكرت اني كلمت يقين ابتسمت منعرفش علاش
يقين:لبست سروال اسود وسوريه حمراء ووشاح مزركش وسبيدرو ابيض وشنطه بيضه ونزلت فطرت وخذيت تاكسي عطيته عنوان الشغل يلي في الجريده ومشينا طبعا منحكيلكمش ع الخوف واسم الفندق كتبته في الملاحضات في التالفون عشان مننساشي ونريح وخايفه يرفضوني لاني مش اردنيه وهلباا افكار في دماغي بس قويت روحي وشديت شهادتي بي ثقه وخشيت للقناة
الريسبشن:استاذ علي في بنت حابه تأبلك بخصوص شغل الترجمه
علي:خليها تتدخل
الريسبشن :تفضلي
يقين:شكرا…وخشين وانا متوترررره
يقين:السلام عليكم
علي:وعليكم السلام تفضلي
يقين:شكرا
علي:شنو عندك شهاده ؟
يقين:اي بس انا من ليبيا ومنعرفش لو تتقبلوها
عليها:هاتي خليني شوفها
يقين:تفضل
علي:قعديشوف لي الشهاده فتره …مشاء الله نسبتك 96%كتير منيحه
يقين:شكراا
علي:اوكي خليني اسألك شوي وبعدين بنحكي بخصوص الشغل
يقين:تمام…طبعا التوتر خف شويه لان الحق المدير كان كويس هديت روحي وقعد يسأل فيا بي الانجليزي وانا نجاوب وقعدنا نهدرزو بي الانجليزي ((طبعا من لما كنت صغيره نمووت في حاجه اسمها لوغات وكنت نتفرج ع الافلام هلباااا وبرامج تعليميه لدرجه كنت نتكلم انجليزي قبل منخش المعهد اصلا هادا باش جبت نسبه مليحه وكان طموحي نقرا حتا فرنسي لاكن ماما توفت وطبعا خوتي قعمزوني ))
علي:تمام التمام انا من البدايه كان بدي بنت تكون شاطره بي شغلها وتكون حلوه عشان انتي رح تمثلي القناة تبعنا ورح تترجمي حوار السياسيين مثل يلي بنشوفهم ع التلفزيون فهمتي ؟
يقين:اي
علي:انتي شاطره وحلوه يخزي العين لاهيك انا موافق ولو بدك من بكرا فيكي تبلشي
يقين:شكرااا?انشاء الله نكون عند حسن ضنك
علي:تسلمي ?
يقين:طلعت وانا بنطير من الفرح وقعدت لا الليل مروحتش للفندق ندور في حوش قريب للايجار وحصلت استوديو دار ومطبخ وحمام صغير ومناسب لياا دفعت اجار 6شهور وخذيت المفتاح ع اساس رح نسكن الصبح وبعدين شريت شوي حجات ليا لبسات شناطي كناد لي الشغل ومكياج ورجعت للفندق فتحت فيس لقيت عمر باعتلي 8رسايل
وينك
شغلتيني معادش كلمتيني …وحجات زي هكي
يقين:ياعمرررر???
عمر:عيوونه
يقين:باركلي حصلت شغللللللل
عمر:رورورورو هههههههه
يقين:ههههههه
عمر:الف مبروك شنو احكيلي من البدايه
يقين:هادا ياحنا خشيت للمدير…..وكملت هدرزه
✨روايات بنووتة الشيخ✨
ياسين:ضروري نطلقها من راجلها
محمد:منو
ياسين:يقين
محمد:واااك الزح فوتها ياراجل
ياسين:مستحيل تقعد في خاطري بنت ضروري تطلق وبعدين تو نضملها امورها
محمد:لهادرجه طرف هياا
ياسين:تي فاتت الطروفيه من غادي
محمد:تو نشوفو
عمر:فرحتيني معاك ربي يكمل فرحتك
يقين:تسلم
عمر:بس خايف عليك كيف رح تعيشي بروحك
يقين:خاف عليا لما نكون في ليبيا لما يشوفو بنت معندهاش سند الكل يبدا ينهش فيها بس هنايا كل واحد لاعب في حاله
عمر: صدقتي افتحي كل يوم وطمنيني عليك
يقين:انشاء الله …شنو انت امتا بتروح
عمر:بعد غضوا يمكن
يقين:اهاا مسرع
عمر:خلاص تمينيا شغل
يقين:اوكي كويس
عمر:تو نديرلك زياره مره مره
يقين:تشرف اكيد
#تسريع_في_الاحداث
يقين:بديت في الخدمه وكانت تهبببببل البنات يلي يخدمو معاي محلاهم بدينا زي العائله في القناة فطورنا مع بعض غدانا مع بعض ومره مره نديرو في زرده حتا اني تعرفت علي بنت اسمها نور في شغل جت جديده فنية صوت وسكنت معاي في الاسترديو لان مدينتها بعيده بنت بسيطه وطيبه نمشو ونروح من الشغل مع بعض ومره مره نطلعو ندهورو تعودنا ع بعض هلبااا وانا خشيت في كورس فرنسي بديت نتعلم فيه بسرعه حياتي مشت تمام التمام تعلمت نسوق وشريت سياره رح نبني روحي اكتر واكتر ومستحيل نخلي شي يهدني
عمر:روح لي ليبيا وكانت ولاء زعلانه منه لان مجابلهاش يلي تبيه حس بي فرق كبيييير بينها وبين يقين بس خلا روحه عادي
طبعا يقين وعمر كل يوم يحكو مع بعض خلاص اصبح روتين يقين تروح تحكيله كللل شي وشن صار معاها وهوا نفس الشي ويحكو فيديو ويتبيردو ع بعض …يتبع