روايه قوة انثي
لايك قبل متقري والله تاعبه ونكتب ع خاطركم
?❤️
عمر:طلع من الجامعه ومشي المعرض متع الاثاث متعه قعمز شويه علي جية عمه (فايز)اب ياسين…
فايز:عمرررر?
عمر:بكل برود…تفضل عمي
فايز:شنو يلي درته في ياسين ????ولد عمك يستحق هكي؟
عمر:منبيش ندخلك بينا ياعمي انا وياسين نتفاهمو
فايز:ولدي بسببك في المستشفى
عمر:ورح يكون في المقبره بسبيبي انشاء الله
فايز:اسمع يا فرخ انا هادا ولدي الوحيد يلي طلعت بيه من الدنيا اي حد يوقف في طريقه رح نمسحه مهما كان يقربلي
عمر:ابتسم…يصير خير عمي الغالي ?
فايز:طلع وهوا متكننننننطي ???يقين:كملو الماكله قمت السفره وغسلت الماعين بروحي طبعا ودرت شاهي وحطيتهم معاهم حلوات وقعمزت جنبهم طبعا وفاء ونجوى روحو
انتصار:بنت خالتي مفيده مشاء الله طول وزين تهببل
كلثوم:كنت نبيها لي معتز لاكن ختار بروحه ..وشافت لي يقين وقلبت عيونها
نورهان:كان مزال عندنا خو راهو خذيتهولا
يقين:ساكته?
معتز:علاش خو تاني والشرع محلل اربعه
ايمان:بعيد السو عليا
معتز:هههههه لا منتكلمش عليك
ايمان:اهاااا شكلك ياسلفي ناوي اديرها وتاخد التانيه
يقين:?ساكته
معتز:اي والله غير مش توا
انتصار:هاذا النهار المبارك والله
يقين:الف صحه ياعمتي?
كلثوم:قلبت وجها
يقين:شعور لما يبدو كلهم عيله وحده عليك وانتي لاعندك اب ولا ام ولاحتا خوت معندكش سند في ها الدنيا تواجهي فيهم بروحك شعور صععععب وصعب هلبا زياده بس الشعور هادا ولا الفضيحه قدام الناس ? ….طبعا قعدت نساير فيهم وكل شوي نقول تو ينزلو تو ينزلو لاكن قعدو لا العشي نضت طيبت رز بلاو ودجاج في الكوشه وبازيليا ونفس الشي قعمزو على السفره تقول مش ضايقين نعمه في حياتهم وطول الوقت قهو شاهي قهوا شاهي وبس اخيرا جت الساعه 10في الليل ونزلو درت دوره ع الحوش وخشيت نبي نرتاح بنمووت من التعب رقدت من الساعه10✨روايات بنووتة الشيخ✨ياسين:اااااااه ياراسي اه
شريفه:الله يعطيه ميكسر ظلوعه ياربي?
ياسين:والله عير نطلع من المستشفى تو نوريه
شريفه:اهدا ياحبيب امك انت اهدا متعبش روحك بلكلام
فايز:بشويه عليك ياسين مشيت بهدلته اليوم وعطيته اندار
ياسين:اااااه
الساعه3في الليل:-
معتز:يضرب في يقين بي رجليه ….هي انتي ياوسخه
يقين:اااااه …نضت نتألم من ضرباته ليا في عز نومي …نعم
معتز:نوضي ديريلي قهوا
يقين:وهيا تحاول تفتح عيونها …حاضر
ولاء:الووو عمر عمر وينك رقدت؟؟؟
عمر:هااا لا ياعمري معاك
ولاء:خيرك الايام هاذي مش عاجبني
عمر:ليش شنو شفتي مني؟!
ولاء:حسيت انك سرحان وعقلك مش معاي
عمر:شغل ياقلبي بس والعركه يلي صايره بيني وبين ياسين مأثره فيا شوي
ولاء:ليش تعاركتو؟
عمر:حجات تافها مهم فكيني من سيرته توا
ولاء:اوكي بيبي نبي نشري قفطان وماتابعه للعزومه ولا نسيت !
عمر:لا مش ناسي حبي
ولاء:به ياعمري نبي توا جو1000جني وبعدين ساهل
عمر:تمام تو نخطم عليك بكرا نعطيهولك
ولاء:اوكي….وكملو هدرزه
طبعا ام عمر وام ولاء صاحبات ويمشو ويجو هلبا علي بعض وكلهم يعرفو ان ولاء تبي عمر وعمر نفس الشي
✨روايات بنووتة الشيخ✨
ثاني يوم الساعه 8الصبح:-
يقين:زي العاده صليت الفجر ودرت فطور معتز وجهزتله حوايجه ونزلت لاول مره
يقين:صباح الخير عمتي
كلثوم:هاذا وين نايضه؟
يقين:عمتي قاعده الساعه8
كلثوم:معش تردي الدوه وخشي ديري الفطور وقت ع انتصار بتمشي خدمتها
يقين:انشاء الله
في غرفه تانيه في نفس الحوش:-
انتصار:جهزتلك روحي ع الاخر ?
سراج:به اول متوصلي كلميني نجي ناخدك ياقلبي انتي
انتصار:اوكي يلا باي
يقين:انتصااار انتصاار
انتصار:اففف ها شنو تبي
يقين:تعالي افطري وقت عليك
انتصار:به جايا اقلبي وجهك
يقين:انصدمت الحق من اسلوبها يكرهوني كأني قاتله بوهم الهم الاحرف ….المهم فطرو ونورهان راااقده يلي تقهر امها متبيش تنوضها وانا نازله من8وتقولي هاذا وين نايضه اخخخ بس كملت تنضيف الحوش ودرت الغدي ع النار وقلت خلي نستريح
كلثوم:وين قعمزتي ياماما في قطعة بساط اغسلي تحركي تلقيه برا
يقين:ياعمتي توا صقع?
كلثوم:كنه بايره شكلك انا قتله معتز خوت بنت مفيده هوا مباش خلي يروح تو يتصرف معاك
يقين:تخيلت لو معتز يسمع شنو ممكن يديرلي وكيف يضربني نضت نجري قمت قفطاني وبديت في الغسيل نحيت الوشاح وقعدت نساوي في شعري
موسى:يشبح لي يقين وعيونه قريب يطلعو فيهاا??
يقين:كملت لف شعري وشفت وراي لقيت راجل نخلعت نزلت قفطاني ولبست وشاحي بسرعه
موسى:اهلا اهلا?
يقين: تغسل في البياط وعيونها لوطه …اهلين بيك
موسى:انتي مرت معتز صح؟
يقين:اها
موسى:انا سلفك?
يقين:بجوده….وقعدت نلف في البساط
موسى:هاتي رزين عليك
يقين:لاعادي
موسى:وعليا الطلاق ماك قايمتيه
يقين:بعدت وخليته يقيم البساط وانا قعدت نساوي في الجنان
ايمان:موووووسى???
موسى:ها?
ايمان:شنو وقفك هنايا
موسى:كيف جيت انا
ايمان:به خش ارتاح ياعيوني انت وانتي قتلك عمتي خشي حطي الغدي لان انا خايفه ع البيبي ااااه مقتلكش انا حامل هادا باش مدرت شي معاك
يقين:عادي ولا يهمك…وخشيت الكوجينه بسرعه
✨روايات بنووتة الشيخ✨
يقين:خشيت الكوجينه وتيت السفر وحطيتلهم الغدي ونزل معتز
معتز:شن جو امي
كلثوم:مليح
يقين:هي تفضلو
موسى:منوره?
يقين:عمتي نورهان راقده انوضها ولا كيف؟!
كلثوم:خلي البنت ترتاح مدخلكش بيها
يقين:انشاء الله ?
وقعمزو ياكلو وعين موسى اتابع في يقين بكل لقطه وكل دقيقه ،
يقين:ااااه تعبت كملت غسيل الماعين وركبت
في شقة ايمان:-
ايمان:شفتها مرت معتز اعععع رايحه زي مجاعت الصومال
موسي:يتكلم في سره …عليها جسم يذوب الجبل ?
ايمان:وين سرحت
موسى:لا قاعد
ايمان:حتا تطيبها زي خليقتها
موسى:هادا باش لحستي الصونيه لحس هههههه
ايمان:الله عالب جعان ?
موسى:اي عارف عارف
انتصار:وصلت قدام مكان خدمتها (انتصار تخدم في روضه تبع اطفال )
سراج:اها وينك
انتصار:قدام الروضه بزبط
سراج:اها شفتك هي تعالي
ركبت انتصا لي السياره ومشت مع سراج
✨روايات بنووتة الشيخ✨
عمر:في صالة الرياضه يتمرن والسمعات في وذانه والتلفزيون قدامه فجأه شاف خبر عاجل:-
حميد ابراهيم الدوسري يستقيل من منصبه في وزارة الداخليه فجأه لي اسباب مجهوله
عمر:شنو يخرفو هادم
ترن ترن ترن
حميد:الو
عمر:بوي الكلام يلي ع التلفزيون صح ولا اشاعات
حميد:انت وين؟
عمر:في الصاله نتمرن
حميد:به لما تروح تو نهدرزو
عمر:اوكي
✨روايات بنووتة الشيخ✨
فجريه:صالح
صالح:نعم
فجريه:الشهر الجاي نبي نمشي لي اختي في طرابلس
صالح :وعلاش ترفعي فيا لي اخر الدنيا غادي
دنيا:والله مفي ناس في اخر الدنيا إلا حني
فجريه:صكري فمك انتي مدخلكش….قداش ليا عليها اختي ومريضه يناري خلي نمشو نقعدو عندهم اسبوع ونروحو
صالح:به يصير خير
عمر:وصل للحوش دوش ولبس وجي نازل من الدروج…تعالا جاي
عاصم:بخوف …نعم?
عمر:شن مداير انت ؟
عاصم:والله مدرت حاجه قاعد عاقل الايام هادي ?
عمر:عيني في عينك
عاصم:لما تجي عيني في عينه بحس اني مغرم بيه?
عمر:عااااااصم
عاصم؛افففف به حصلت استدعاء ولي امر ع خاطر درت حاجه والله متحلم نقولك عليها لين تمشي تسمع بروحك وبوي معصب مني ع خاطر خذيت سيارة المرسيدس امس بدون علمه وامي كانت تهزب فيا ع خاطر عاكست نهله بنت جيرانه ياريته حتا فيها منضر كليت هزايب ع الفاضي
عمر:برا توا حسابي معاك بعدين
عاصم:به?…طبعا عاصم اخ عمر واصغر منه يقرا 3ثانوي وشطان هلبا يخاف من عمر وميخافش من بوه
طق طق طق
حميد:تفضل
عمر:السلام عليكم
حميد:وعليكم السلام قعمز
عمر:اممم انا جاي نبي نتأسف ع الكلام يلي قلتهولك اولامس
حميد:لا بلعكس كلامك صحاني ع هلبا حجات
عمر:يعني صح يلي قريته في التلفزيون
حميد:اي قدمت استقالتي وخليني راجل بسيط وبس خلي نتفرغ نربي خوك وندير بالي عليكم
عمر:بس هادا قرار مش ساهل
حميد:قررته وانا مقتنع ومشي الوضح
عمر:ناض باس راس بوه ….ربي يحفضك لينا
حميد:ويخليك ياولدي …بس توا نبيك تحكيلي سبب عركتك مع ياسين
عمر:ع خاطر يضحك ع بنات الناس هلبا وشفت منه موقف مش حلو
حميد:وانت من امتا تخاف ع بنات الناس ؟ع حد علمي قلبتها فوق راسك ومفيش بنت خليتها
عمر:دا كان زمان ??
✨روايات بنووتة الشيخ ✨
بعد مرور شهر:-✨
يقين:تخيلو شهر تام وانا نفس النضام ضمان وتطيب فوق ولوطه وضرب من معتز لين خلاص نهد حيلي وشبحات سلفي موسه مش مريحتني بكككل اليوم نضت زي اي يوم نوتي في فطور معتز لا فجأه الباب خبط بصوت عاااالي:-
طقققققققق طقققق
يقين:بسم الله …فتحت الباب
انتصار:وين معتز ?
يقين:معتز راقد خيرك شنو فيه
انتصار:امي مريضه بسررررعه نوضيه بسرعه
يقين:اوكي ….
في المستشفى:
ولاء:???
عمر:خلاص لولو اهدي بي ادن الله تنوض امورها تمام
ولاء:خايفه علي ماما ياعمر بنموووت
عمر:حضنها اششش متبكيش انا جنبك كلها يومين تقعد فيهم يتعدل السكر وتطلع انشاء الله …منضر ولاء وهيا تبكي فكرني بي يقين يلي فات شهر كامل ومنسيتهاش ولا راحت من بالي حتا يوم.
الدكتور:امك ضرووري تمشي لي مستشفى طرابلس عندها اليوريا مرتفعه ونحنا زي متعرف هنايا مفيش امكانيات برا لي طرابلس تحصل بس ضروري تمشي اليوم
معتز:اوكي انشاء الله
✨روايات بنووتة الشيخ✨
يقين:قعمزت في الحوش وانا نفكر زعما شنو يصير في عمتي ؟!!!وفجأه خش معتز
معتز:لمي حوايجك بسرعه
يقين:شش شن في
معتز:امي ضروري تمشي طرابلس البسي حجزت في طياره
يقين:طرررت من الفرحه زمان ديما خاطري نمشيلها بس للاسف جتني مع الشخص الغلط ?بس يلا عادي ….خذيت حجاتي يلي نستحقهم وطلعنا
نورهان:حتا هادي ماشيه ?
معتز:امالا من عابي عليه بيطيب ؟وبيقعد جنب امي يخدمها
انتصار:اركبي نونو نضام خدامه مدوريهاش
يقين:تعودت ع الاهانات مدورتش …وصلنا المطار وركبنا في الطياره ✈️✈️
امنه:عمور روح انت تو نقعد جنبها
عمر:بوها وخوها مزال مروحوش من مصر كيف نخليكم بروحكم؟خليني قاعد عادي
امنه:ع راحتك يا ولدي
يقين:وصلت قبلنا عمتي للمستشفى ونحنا نزلنا في فندق حطينا فيه شناطينا وطبعا طول الوقت عيوني في الطريق قدااااش ليا مشفتش ناس ومحلات?
انتصار:انا تاعبه بنرقد اسيقونا وتو نلحقو
نورهان:اي اسبقونا وارفع البنقلا يلي جايبه معاك
يقين:انا مصدووومه كيف مش خايفين علي امهم معقوله ؟
معتز:هيا اطلعي قدامي
يقين:جايا
ترن ترن ترن
ايمان:الوووو وينك
موسى:في الشغل
ايمان:هي شنو متبيش تمشي طرابلس؟
موسى:ريحي روحك تو تروح امورها تمام ع اساس انتي خايفه عليها يعني
ايمان:وخير هديك الكلبه يقين مشت وانا نقعد شنو ناقصني ?
موسى:صكر في وجها طووط طوووط طوووط
✨روايات بنووتة الشيخ✨
يقين:وصلنا المستشفى وكنت ميته من التعب بس نقاوم
الدكتور:خليهم مستريحين المريضه في العنايه ورح تقعد فتره
معتز :تمام
امنه:?يعطيني السلامه بزعت عليك القهوا سامحني ياوليدي
عمر:عادي يا امي انتي شكلك نعستي ههههه شويه ونجيك خلي نمشي الحمام
امنه:به
يقين:حطت يدها ع فمها
معتز:خير امك
يقين:حاسه روحي بنرجع من ريحة مطهر المستشفيات
معتز:اففففف ناقصني قرف انا اقلبي وجهك للحمام
يقين:نضت بسرررعه للحمام رجعت حشاكم وغسلت وجهي وطلعت
عمر:غسل سوريته وطلع …جت عين علي يقين
عمر:يقين?
يقين:وقفت من الصدمه منو هادا يعرف اسمي ؟…وتلفتت
يقين:اااانت ….يتبع