رواية فتاة الميتم

رواية فتاة الميتم
البارت التاسع
تيم قاعد على البحر يفكر ازاى هينجح فى مهمته مطلوب منه يكون من غير قلب علشان يقدر ينجح ضرورى يرجع فيلا ديفيد مره تانيه و يقابل رنوة و هجام باى تمن لازم ينجز مهمته بسرعه مطلوب منه يرجع أخته و جوان و بالنسبه ل ديفيد يتم اختطافه من اى دوله تانية إيفا وصلت عنده…….

إيفا : اختفيت ليه مره واحده هه أنت مش فى مصر هنا…….
تيم : كنتى عارفه أن اللى خطف رنوة مش هجام صح……..
إيفا : ……………….
تيم بغضب : انطقى كنتى عارفه ولا لا……….
إيفا : عرفنا من يومين بس صدقنى……..
تيم : ديفيد نهايته على أيدى و قريب أوى……..
إيفا : تيم أهدى يارييت تكون اقوى من كده النهارده هتقابل ديفيد لازم تقرب منه………
تيم : اكيد بس روحه هسحبها بإيدى و مفيش اى شخص هيمنعنى بعد اذنك……..

مشى و قرر يرجع الفيلا تانى أما رنوة كانت مع ديفيد مستنى رايها و هو عارف انها هتقبل………

ديفيد : هه قولتى ايه موافقه ولا طلبك مرفوض…..
رنوة : أنا موافقه بس متنساش وعدك انك مش هتأذيه و لا تقرب منه………
ديفيد : موافق عارفه ايه مشكلة العرب…….
رنوة : ايه هى ياترى…….
ديفيد : انكم مش بتتحكموا فى مشاعركم و عواطفكم و ده غلط القوى بياكل الضعيف……..
رنوة : مهما طال الظلم الحق هيظهر و مهما الليل طال نهار الحق هيظهر انا خلاص استسلمت لقدرى مش عارفه ايه ممكن يحصل بس عندى ثقه أن ربنا موجود و مطلع على حالى……..
ديفيد : مش خايفه أنهم يطلبوا تغيرى ديانتك مقابل حياة جوان……….
رنوة : أى شئ متوقع منكم بس صدقنى وقت م هكون فى مساومه يبقى وقتها هختار موتى……..
ديفيد : غبيه مش قولت ماشيين بمشاعركم اللى هتضيعكم يلا علشان ترتاحى شوية………
رنوة : اشوف هجام الاول و اكون لوحدى……..
ديفيد بغضب : رنوة لا هكون معاكى على الأقل الوقتى و بعدين عادى………
رنوة : عارف الموت رحمه له يارييت ترحمه خلاص هو مفقود بالنسبه للمصريين ميت……..
ديفيد : هقولك السبب بصراحه انا شاكك أنه اخويا ازاى معرفش و اللى عرفته من نازلى انها خلفت ولد واحد بس ليه الشبه الكبير ده بينا فيه لغز عاوز اعرفه……..
رنوة : ممكن تعمل تحليل ال D N A وقتها هتعرف بس اشك أنه اخوك عارف ليه لو اخوك هتحس به هتساعده مش تكون سبب ألمه صدقنى أنت أبعد ما يكون عن الإنسانية انت أسوأ انسان اتعرفت عليه………
ديفيد : بالنسبه ل غلطك الأخير هتغاضى عنه لكن الجزء الأول عملت تحليل و للاسف النتيجة سلبية بس عارف أنهم عارفين الحقيقة بس مستنى الوقت المناسب هما ميعرفوش أن معايا ادله تدين الكل لأنهم غلطوا معايا مرتين و الغلطه التالته هكشف ورقهم كله يلا وصلنا………

دخلوا و كان نايم على بطنه بسبب الحروق اللى فى ظهره و بيتالم بوجع و اخيرا سمعت صوته الضعيف رغم انكساره لكن كان عنده كرامه و شجاعه كبيرة جدا قربت منه رفع ايده يمنعها تكمل…………

هجام بألم : مكانك اطلعوا من هنا لو عندك كرامه واجهنى مش تبعت كلابك يضربونى يا خاين يا حقير………….

ديفيد قرب منه و خنقه وقتها جوان كانت واقفه بره و دخلت تمنعه عنه وهى بتبكى………

جوان : بابى ابعد عنه ارجوك سيبه اقبض عليه مش تموته هو حرامى صح………
ديفيد ابتسم بخبث : يعنى ينفع يدخل يسرقنا و نسكت لازم يتعاقب………
جوان : ابعته لعمو الضابط و هو يعاقبه………
ديفيد : طيب يلا روحى العبى و انا جاى العب معاكى مش تتشاقى ……..

خرجت جوان تجرى و هو كان بيضحك بكل صوته و قرب منه………..

ديفيد : شوفت بنتك متعرفتش عليك ايه رايك هههههه و بتطلب تتعاقب بس لا انا وعدت أميرتى أنى اسيبك فتره ( قرب منها و جذبها من خصرها و باسها فى وجهها )
هجام : اطلعوا بره الموت اهون من أن بنت تكون السبب فى عدم عقابى اضربنى مش هزعل بالعكس هكون سعيد و لا أن كلبه زيك تتوسط ليا عندك كلكم كلاب اطلعوا بره………..
ديفيد : ماشى صدقنى هتتعاقب يلا يا أميرتى…….
رنوة : ممكن تسيبنى معاه شويه لو سمحت اطمن هو مش قادر يقف ديفيد انت وعدتنى نفذ وعدك ده على الأقل خلينى احس بالامان شوية………
ديفيد : طيب بس لو فكر يإذيكى وقتها هقتله من غير تردد صدقينى………

عند سوناتا فى الدير قاعده و دخل عندها الحاخام يتكلم معاها…….

$ بتفكرى فى ايه سوناتا القيادة مستاءة من ديفيد كتير بسبب تهوره وخاصة اخر مهمه……..
سوناتا : ضرورى نخلص من البنت اللى معاه وقتها هيرجع زى الاول مش فاهمه ايه اللى غيره كده الاول البنت الفلسطينية فيروز و الوقتى دى……..
$ وليه مش تقولى إن ديفيد ب يحن لأصله ولا نسيتى ديفيد منين و اهله فين………
سوناتا بغضب : ديفيد ابنى و مش هسمح لأى واحد يإذيه ارجوك ساعدني……….
$ طيب نشوف بعد العيد و نقرر و ضرورى تتكلمى معاه والا مش ه نقدر نسيطر عليه المره اللى فاتت كان لسه صغير مش فاهم لكن الوقتى……….
سوناتا : مش تخاف و مش تنسى أنه انا اللى ربيته و الام مش اللى بتولد اطمن ديفيد ابنى و مفيش اى شخص يقدر يقول غير كده او يفرقنا………
$ اتمنى اسيبك الوقتى……..

خرج و هى رجعت بذاكرتها لما اخدت ديفيد من المستشفى بعد اتفاقها مع الدكتورة و دفعت لها مبلغ كبير و سافرت به اسرائيل أما فى مصر اتعرضت نجاة لانهيار عصبى بعد معرفتها بوجود رنوة فى إسرائيل ( لسه معرفتش بوجود تيم كمان ??? ) اخدت ابره مهدأه و نامت وفارس فى مكتبه ب يفكر ليه الشبه الكبير بين ديفيد و هجام معقول يكونوا أخوات مستحيل ضرورى يتأكد طلب من إيفا تبعت عينة من هجام و من ديفيد علشان يتأكد بنفسه و يحاول يعرف ازاى سافر تل أبيب و ازاى نازلى متعرفش عنه طلب من ضابط يجيب تاريخ ميلاد هجام و عنوان المستشفى اللى اتولد فيها و معلومات عن الدكتورة اللى ولدتها وطاقم التمريض أما عند رنوة وقفت ساكته فترة و هجام بيتالم بس مش عاوز يبين قدمها………

رنوة : تسمح لى اساعدك…………
هجام : اخرجى بره عاوزه منى ايه انتى كمان…….
رنوة : عاوزه اساعدك و اخرجك من هنا……..
هجام ضحك بألم : هتخرجينى ازاى بقى ??? هه انتى مين و عاوزه ايه الغريب انك مش شكلهم مختلفه عنهم ??? فيكى ملامح المصريين بس معتقدش إن المصريين بقوا يزوروا اسرائيل و يتعاملوا معاهم ايه فين الانتماء………
رنوة : انا جيت هنا بنفس الطريقة اللى انت جيت بها مع الفرق انت كنت بره مصر وقت اختطافك لكن أنا اتخطفت من مصر……..
هجام : كفاية كدب بقى و اخرجى بره مش هقول حاجه دى اساليبكم القذرة لما تحبوا تعرفوا معلومه بس الموت اهون من إنى اتكلم بره………..

فى الوقت ده كان فيه واحد بيسمعهم من بره و اتصدموا لما دخل عندهم…………………