رواية فتاة الميتم

رواية فتاة الميتم
البارت الثانى
بداية المشوار
رنوة : أنا موافقه على طلبك بس عندى شروط لو قبلتها اول متحسن هبدأ فى شغلى…….
هجام : شروط ! طيب اتفضلى قولى شروطك الاول و اشوف………
رنوة : اولا جوان هتكون مسؤوله منى مش مسموح لأى شخص يعقب على تعاملى معاها
ثانيا مسموح أخرج بها لأى مكان من غير ما ابلغ أى شخص ومش من حقك تسأل عن طريقة عقابى لها لو أخطأت……..

هجام وقف و عجبه تحديها بس ياترى هيقبل يسيب بنته تحت مسؤوليتها والأهم هل والدته هتقبل بوجود رنوة فاق على صوت تيلفونه وكانت والدته خرج يكلمها بعيد عنهم……..

نازلى : ممكن افهم انت فين للوقتى مش قلت لين هتتغدى معانا……..
هجام : انا رجعت الفيلا يا امى مش هسمح لأى واحده تزعلها بعد اذنك…….

قفل و دخل تانى وكانت جوان مع رنوة ؛

هجام : انا موافق على طلباتك بس مش مسموح اشوفها بتبكى لأى سبب……..
رنوة : اطمن انا و هى هنتفاهم سوا صح يا جوجو……
جوان : أكيد هنكون أصحاب و هسمع كلامك يا رنوة……..

هجام اتفاجأ انها نادت اسمها بس من غير القاب وبعد فترة وصل رنوة والمديرة الملجأ واخد جوان وراح فيلته القديمة و جوان فرحت جدا لانها كانت رافضه تعيش مع جدتها بسبب خوفها منها وكانت هناك المديرة المسؤوله عن الفيلا و شغاله لحساب نازلى اى معلومه بتوصلها علشان كده نازلى متمسكه بها جدا وبعد فترة وصلت والدته وكانت معاها لين و اول جوان م شافتهم جريت على هجام واستقبلهم وقعدوا فى غرفة الاستقبال……..

نازلى : ممكن افهم رجعت تانى هنا ليه كل ده علشان بنتك المدلعه……
هجام : لو سمحتى كفاية انا خلاص لاقيت مربية تهتم بها وهعيش هنا فى بيتى………
نازلى : واضح أنك رتبت كل حاجه طيب فين الهانم خلينا نشوفها…. ..
جوان : رنوة هتيجى بعد اسبوعين لأنها مريضه لما تتحسن………
لين : يعنى المربية اللى هتكون معاكى مريضه طيب هتيجى امتى علشان نشوفك بقى زى الاول من وقت ما اتجوزت ونسيت اصحابك…….
هجام : اعتقد انك اكتر واحده عارفه حياتى والخروج والسهر انا قفلت قصتهم بعد ما قابلت جانا وحتى بعد ما ماتت حياتى الوقتى مش ملكى اهتمامى مقتصر على المؤسسة و بنتى والباقى مش مهم عندى……..
نازلى : هترجع القصر امتى بقى………
هجام : مش راجع يا امى البنت محتاجه جو هادى……..
نازلى بغضب : طبعا الاول تجيب واحده أجنبية تتجوزها و تبعدك عنى والوقتى بنتك ياريت ماتت مع امها علشان تفوق من جنانك……..
هجام : لو سمحتى يا نازلى هانم كفايه كلام علشان م نجرحش بعض………
نازلى : ماشى بس صدقنى هترجع تانى مهما كان الثمن يلا يا لين خليك مع بنتك المجنونه……..
هجام : نفسى أفهم بتكرهى جانا و سكتت و الوقتى جوان ليه هه فهمينى…….
نازلى : لانها مش من ديانتك وأنت رافض تقبل حقيقتها كدبت عليك و كنت اعمى بسبب حبك بتلومنى على خوفى عليك ممكن افهم جنسية بنتك ايه هه اتكلم ولا نسيت القضية اللى اترفعت علشان ياخدوها منك يا بشمهندس……..
هجام : جوان بنتى فهمتى و مش هسمح لأى حد يفرقنا طول ما انا عايش……..
نازلى : انت حر انا تعبت معاك بس صدقنى لو حياتك هتكون التمن هسلمها لهم بنفسى……..

خرجت وهى متعصبه ومعاها لين وهو رجع بزكرياته اول لقاء له مع جانا وهو كان مسافر ينهى صفقه خاصة بالشركه فى برلين و هناك قابل جانا وكان فيه شباب بيضياقوها ضربهم ومن وقتها وهو أصبح مسؤول عنها لأنها عندها حاله خاصه واتجوزها ورجع بها مصر وكانت نازلى معارضه وفى فترة اهل جانا عرفوا مكانها وطلبوا ياخدوها لأنها بتعانى من ( زهايمر نوع نادر ) بس هجام رفض واهلها رفعوا قضية لابطال الجواز بس ماتت قبل الحكم ورفعوا قضية علشان ياخدوا جوان وفى انتظار الحكم مر اسبوع فى جو قلق و خلاص كانت اول جلسه والقاضى قرر انها تكون معاهم اسبوع و مع هجام اسبوع فى وجود مشرف من المحكمه و هجام قلق من أنه انها تعمل مشاكل علشان ياخدوها منه بس اول اسبوع كان مع اهل امها اللى كانوا بيتعاملوا معاها بقسوه و مر الاسبوع وبدأ اسبوع هجام ومن حظه أن رنوة وصلت هناك وقتها و شافت جو قلق و خوف من جوان وكانت نازلى موجوده وأول ما شافتها جريت عليها و حضنتها أوى وفجأة سمعوا صوت صريخ من جوه………….