رواية فتاة الميتم

البارت الرابع والعشرون

الباب اتفتح و كان عياش دخل و رنوة متجنبه النظر له تماما .. احساسها كره و حقد له .. هو اتخلى عنهم المفروض كان يهتم بهم …..

عياش : ممكن اتكلم معاكى شوية …….
رنوة : انت باى حق عاوز تتكلم معايا .. هاه انت مين ؟
عياش المصرى : أنا ابوكى سمعتى مفيش اى شخص هيقدر يغير الحقيقة ……..
رنوة بغضب : متتخيلش أنا بكرهك قد ايه .. انت رميت بناتك فى النار و بنتك الكبيرة سبتها لوحدها بعتها للموت .. هههههه انت اب فاشل حتى لما اتجوزت تانى ولادك عايزهم يعيشوا حياتهم منتظرين الموت .. أنا مستحيل اكون بنتك ابدا .. كنت نفسى اشوفك علشان اسالك .. أنا و اسمهان ولادك ولا لا ؟
عياش المصرى : _______________
فارس : رنوة بلاش غضبك يعميكى اهدى ……
رنوة : هو لسه شاف غضب .. متتخيلش أنا بكرهك قد ايه .. بسببك اتحرمت من اختى اتكلم قول انا و اسمهان ولادك ولا لا !!
عياش : ممكن نتكلم سوا على انفراد ….
رنوة : اعتقد مفيش هنا حد غريب غيرك انت .. حتى أنا كمان بقيت غريبة عنهم أنا بنت حرام …….

الوقت ده زاد غضب عياش منها بس هى معاها حق هو اتخلى عنهم ميستحقش يكون اب ابدا .. فجأة رفع ايدة و لسه هتنزل على وشها ايد فارس منعته و غضب جدا من تصرف اخوه المفروض يحتويها لكن العكس .. وقفت عاجزه عن اى شئ وعنيها دمعت هى مين .. بنت تايهه عاجزه فى يوم وليله اصبحت مش عارفه توصف شعورها .. خرجت بسرعه و ركبت عربيتها و سايقه بسرعه كبيره جدا .. وصلت فى الصحرا وبدأت تصرخ بصوت عالى و تبكى بشده .. من بعيد شخص مراقبها بعربيته لمحها نامت على الرمل .. نزل بسرعه و كان اغمى عليها .. حاول يفوقها لكن فشل طلب من حارس معاه ياخد عربيتها و هو طلع بسرعه للمستشفى وصرخ على دكتور الاستقبال و فحصها و بلغه أن عندها انهيار عصبي اعطاها ابره مهدأه و طلب منه تبعد عن جو التوتر .. بات معاها و الصبح بدرى كلم فارس و بلغه لكن قال انه هيرجعها البيت و وافق لانه مطمن بسبب وجوده معاها .. بدأت تفوق قرب منها و رفع أيده على وشها لكن هى رفضت تتكلم لانها عايزه تشوفه لاخر مره قبل متبعد عنه بس ياترى هتقدر على بعده دخلت الممرضه مع الدكتور و طمنهم و كتب لها خروج ………..

وهما فى العربية /

رنوة : ممكن تشغل الكاست عاوزه اسمع أغنية ….
هجام : العربية و صاحب العربية تحت امرك حبيبتي ……..
رنوة : شغلت الكاست و كانت أغنية ؛:

لمين هعيش بعده هعيش انا ليه هتسوى ايه *كلمة محذورة|الإدارة*مى لو مش ليه وتسوى ايه احلامى لو مش بيه من غيره صعب الدنيا دى احس بيها وحياتى بعدصعب اتعود عليها مش كل حب هيتنسى هنحب بعده ولا كل حاجه حلوه بسهوله نلاقيها املى الوحيد وماليش امل قبليه املى الوحيد وماليش امل بعديه حياتى ليه وحياتى وقفه عليه من غيره صعب الدنيا دى احس بيها وحياتى بعده صعب اتعود عليها مش كل حب بيتنسى هنحب بعده ولا كل حاجه حلوه بسهولة نلاقيها ؛؛

وبعد انتهاء الاغنية لمح دموع فى عينها وقتها اتمنى يخفيها عن العالم كله علشان يشيل اوجعها .. طلبت من يقف على النيل خرجت وقفت تتفرج على المراكب وقف معاها قرر هى تبدأ بالكلام ميضغطش عليها وهى وقتها تايهه تبعد ولا تقرب منه لكن خلاص مش هتقدر وكأن الاغنية شجعتها فجأة قربت منه و حضنته اوى كانها خايفة يبعدوه عنها هو اتصدم وقتها لكن حضنها هو كمان و مستغرب من تصرفها لكن شاف دموعها مسحها بايده و رجعوا العربية و اخدها لليخت الخاص بيه نزلوا و ركبت فى صمت تصميمه عجبها جدا قعدت على كرسى و هو جنبها …….

هجام : تحبى اليخت يمشى فى النيل ولا ……
رنوة بتوهان : هو ممكن يمشى يعنى ……..

سابها شويه بس حست به بيمشى ببطئ رجع و معاه عصير حطه على طاوله قدامهم ……..
فتاة الميتم / بقلم فاطمه الزهراء

هجام : مش هتحكى بقى ايه سبب حالتك دى ……
رنوة بدموع : رجع كنت فاكره اللقاء هيكون سهل بس كنت غلطانه أنا تعبانه اوى حاسه انى بموت .. خايفه تبعد عنى انت كمان اخوك بكره يخرج هيكون عائق بينا .. ليه الدنيا ماشيه بالعكس معايا انت هتبعد عنى صح ………

وقف قرب منها وقفها قصاده و حضنها اوى علشان يطمنها وقتها لاول مره تحس بامان احساس جديد عليها بعدت بعد فترة … فجأة تيلفون رن و كانت المستشفى اللى فيها سوناتا طلبت تشوفها لان حالتها متاخرة وقفت متردده فترة عقلها عاوز يشوفها لكن قلبها رافض الفكره .. هجام حس بها و طلب انهم يرجعوا و فعلا اخدها و راحوا المستشفى كان هناك فارس و عياش و زين طلبت تشوف رنوة و زين دخلوا عندها و كانت بتتالم من الوجع خلاص كانت النهاية ………….

سوناتا بضعف : سامحونى عارفه انى ظلمتكم بس كان غصب عنى .. رنوة كان لازم تبعدوا علشان حمايتكم ممكن اكون أنانية بالنسبه لكم لكن ده كان الحل الوحيد لو هربت كانوا هيعرفوا مكانى و يقتلونا كلنا .. زين اسفه عارفه انك كرهتنى اكيد بعد الحقيقة م ظهرت سامحنى لكن صدقنى وجودك معايا خفف عنى كتير كفاية قسوه و عناد عيش حياتك ااااااه ……….
زين بقلق : اهدى انتى تعبانه دلوقت نتكلم بعدين .. أنا مش زعلان منك انتى كنتى ام فعلا ليا و هتفضلى امى ……….
سوناتا : رنوة عيشى حياتك بلاش تعيشى فى الماضى متضيعيش احلى سنين عمرك .. كان نفسى اشوفك بتكبرى قدامى و اشوف فرحك و ولادك ………

فى لحظه كانت فارقت الحياة تم دفنها لانها اعلنت اسلامها و دى كانت مفاجأة ل زين و رنوة مر اسبوع و هى رافضه تقابل اى شخص فى اوضتها طول اليوم و زين بلغهم بكل المعلومات اللى تفيدهم و قرروا خروجه و كانت صدمه لهجام خاصة بعد طلب نازلى انه يعيش معاهم قرر يبعد هو و يعيش فى شقه صغيرة و كل فترة يشوف جوان .. و بدأ رابط جديد بين هنا و زين بس ياترى عياش هيوافق أن يجوز بناته لهم مر شهرين و هجام هيتجنن لانه مش عارف يشوف رنوة و اخيرا قرر يروح يتقدم لها لكن رفضت و فى يوم كانت خارجه من المخابرات مع تيم فجأة شافت هجام و شالها رغم اعتراضها و اخدها اليخت و كان متزين و عليه بلالين كتير و اتصدمت لانه شكله كان جميل جدا وقفت ساكته نزل على ركبته و فتح علبه فيها خاتم شكله جميل كانت زى التايهه قررت تمشى لكن وقفها ………

هجام : رنوة دى اخر فرصه لنا لو مشيتى مش هتشوفينى تانى هسافر مش راجع تانى …….

واقفه ساكته مش قادره تاخد اى قرار دموع بس اللى نازله من عينها دى اخر فرصه لو ضاعت هتعيش ندمانه طول عمرها التفتت له و من غير اى كلام كانت فى حضنه و بتبكى متمسكه به كان روح هتروح لو بعد عنها ……..

هجام : افهم ايه من الحركه دى ……..
رنوة : لسه بتسأل انت فاكر انى هقدر اعيش من غيرك عارف من اول يوم و فيه رابط بينا بس كنت بهرب منك و من نفسى .. أنا بحبك أوى ………

فجأة اشتغلت أغنية و ابتسمت له اوى

وبدأوا يرقصوا سوا على الاغنية و بعد ما خلصت رجعها البيت و الكل متفاجئ بسبب تغيريها دخلت اوضتها لقت علبه كبيره فتحتها و كانت عباره عن فستان اصفر جميل و معاه جزمه بيضاء و علبه تانية بس فيها شيكولاته و مر الوقت وصل هجام و نازلى وجوان معاهم وكانت قعده هادية و طلب هجام الجواز من رنوة بس قبل ما فارس يرد ……

عياش : المفروض تطلبها من والدها مش عمها صح كلامى ولا غلط عامة طلبك مرفوض ……..
فارس : _______________
رنوة : انت بأى حق عاوز يكون لك رأى هاه انت من يوم ما رمتنا فى الملاجئ وانت فقدت اى حق لينا الوحيد اللى هيقول رأيه بابا فارس ……
عياش : وانا قلت لا و اتفضلوا من غير مطرود …….
فارس بغضب : عياش مش معنى انى ساكت يبقى ماليش رأى .. أنا موافق يا هجام و فرحكوا اخر الشهر ……..

كانت الجلسه متوترة و فجأة دخل شخص غير متوقع ………….