رواية فتاة الميتم

البارت العاشر

حينما التقينا للمره الأولى كنت فى قمة ضعفى
واليوم أصبحت مصدر قوتى و شجعاتى
ظننت اللقاء بعيدا ليصبح قريبا جدا
سأوفى بوعدى لك و لكن لا تنتظرنى
أصبحت حطام أنثى بعد أن دمرونى الذئاب
قد تجد من تداوى جراحك
ولكن تذكرنى دائما كى لا أصبح ذكرى للجميع
اذكرنى دائما و تناسى جراحك
عشقتك منذ أول يوم ليصبح عشقك قوتى
اليوم اطالبك بالرحيل انظر للأمام و لا تنظر للخلف
الماضى معاناه و الم والمستقبل بداية حياة
سأحيا حياتى مادمت تذكرنى
قد أصبح ذكرى للجميع و لكن لك
اعلم أنى الحياة اذكرنى

عند ديفيد قعد يفكر إزاى يجبر رنوة على تقبله من غير ضغط هو كدب عليها و خدعها هل يستحق تسامحه القدر دايما ماشى عكس رغبته جوان دخلت عنده و معاها عروسه لعبه قربت منه ابتسم لها و خرجوا الجنينة و شافتهم نتالى قربت منهم…….

نتالى : تصدق فعلا اى واحد يشوفكم هيقول اب و بنته………..
ديفيد : ياترى عندك اعتراض ايه اخبار اللى طلبته منك وصلتى لايه……..
نتالى : اطمن الموضوع منتهى الاقتحام هيتم بعد يومين بس بصراحه خايفه……..
ديفيد : نتالى قلبك بقى ضعيف أوى اللى هينفذ بعيد عننا و لو اتقبض عليه احنا بعيد صح ولا…….
نتالى : لما اشوف طيب فين البرنسيسة مش معاكم ليه ولا لسه مرضيتش عنك……….
ديفيد : نتالى العلاقه بينى و بينك شغل مش اكتر متنسيش كده تانى اتفضلى…….

مشيت و هى غضبانه و بتفكر فى طريقة تخلص بها من رنوة و قررت تلجأ ل سوناتا تساعدها…….

نتالى : يعنى نخلص من فيروز تظهر رنوة انتى وعدتينى أنه يتجوزنى……..
سوناتا : أهدى و صدقينى هنخلص منها قريب المهم تخلى عينك عليها اكيد فهمانى……..
نتالى : أكيد فهمتك امشى بقى اجهز للحفله………
سوناتا : بلاش مشاكل معاها نتالى استنى الفرصه و نخلص منها………

عند رنوة و هجام دخل و كأن الزمن وقف عندهم مفيش اى حركه اخوها عايش طيب إزاى و كان فين الفتره دى كلها نظرات الم و حزن قربت منه و حضنته وسط تعجب من هجام و دموع منهم…….

رنوة ببكاء ??? : اختفيت فين الفتره دى كلها هه ليه اختفيت ( و بدأت تضربه على كتفه و تبكى )
تيم : أهدى حبيبتى آسف بس غصب عني اطمنى خلاص رجعت و هجيب حقك و حقى……..
رنوة : طيب فهمنى انت جيت هنا إزاى……..
تيم : كنت جاى ارجعك انتى و جوان بس لاقيت الغام هنا و فيه تار بينى و بينهم و ديفيد مطلوب فى مصر……….
رنوة : انا خايفه انت مش عارف عمل فيا ايه خليك بعيد………..
تيم بعصبية : بعيد ليه مش هسيب حقى و لا حقك كفاية أنه المسؤول عن اختفائى سنه كامله انا هنا فى مهمه مش جاى العب و حقى هاخده بأى تمن عاوز نسخ للمستندات اللى خزنته ضرورى معاكى يومين و لو مش هتساعدينى قولى من الوقتى……..
رنوة : انت متخيل انه لو عرف هيسكت ممكن يقتله لو شك فيا……….
تيم : اعتقد حمايته مسؤوليتى الخاصه……….
رنوة : انت ناوى على ايه فهمنى………
تيم : هرجع هجام مصر و جوان و بالنسبه ل ديفيد هيرجع مصر من قبرص………
رنوة : و ليه قبرص من هنا اسهل………
تيم : مش هنخاطر اكتر من كده فى خلال اسبوعين هنكون فى مصر ب ديفيد………
رنوة : طيب و هجام اليهود مش عارفين أنه عايش للوقتى بتفكر فى ايه……….
تيم : هجام ضرورى يخرج من هنا عارف انها مخاطره و مجاذفه بس مفيش حل غيره……..

قرب من هجام اللى مش فاهم حاجه و عرفهم على بعض و خرج بهدوء زى م دخل و بدأت رنوة تعمل اسعافات له رغم اعتراضه……….

هجام : اسف على اتهامى لكى بس اللى عشته هنا يوصلنى للشك فى نفسى………
رنوة : متعتذرش انا فاهمه و عارفه اى واحد مكانك هيعمل كده و اكتر المهم بلاش تضعف عارفه أن سنتين عذاب كتير هانت قريب و ترجع مصر و تعيش وسط عيلتك …………
هجام : تفتكرى هرجع تانى مفيش عندى امل…….
رنوة : اطمن انت بقيت مسؤول من المخابرات يعنى رجوعك اكيد اه هنقابل مخاطر كتير على منقدر نخرج من هنا بس هنرجع عارف أول موصلت هنا كنت مرعوبه خلاص فقدت الأمل فى أنى هرجع مصر و قلت أنى مصيرى هيكون زيك و اتنسى……..
هجام : لانك بنت مدير المخابرات اكيد مش هيسكتوا غير برجوعك لكن أنا…….
رنوة : صدقنى لو عرفنا من وقتها مستحيل كنت تفضل هنا الفترة دى كلها بس كان تقصير مننا ديفيد لعب على الكل الشك كان أنه جاسوس بس بعدين عرفت الحقيقة والدتك و بنتك محتاجينك صدقنى جوان صغيرة و بكره تعرف و تكون فخوره بيك جدا اى واحده مكانها تتمنى تكون والدها…….
هجام : والدها و انا اسير اعتقد لا……..
رنوة : خلى عندك ايمان و ثقه انك هتاخد حقك بالقانون ديفيد جاسوس و هيتعاقب…….

فى الوقت ده دخل حارس و طلب من رنوة الخروج و مشيت علشان مش يشكو فيها راحت الجنينة كانت جوان بتلعب و لما شافتها جريت عليها و حضنتها و لعبوا سوا تحت نظرات ديفيد اللى كلها شهوه ل رنوة ياترى هيصبر كتير عليها بعد فترة وصلت نتالى تبلغه بحضور مارشال و مساعدته علشان يقابلهم و طلب منها تكون معاه و وافقت و سط اندهاشه هو و نتالى لأنه كان متخيل هترفض أما فى مصر طلب فارس يعرف معلومات عن المستشفى اللى نازلى ولدت فيها و الطبيبه اللى ولدتها و فعلا طلب استدعاء الطبيه……….

______: تمام يا فندم المدام موجوده بره ندخلها غرفة التحقيقات ولا ………..
فارس : لا عاوز اشوفها الأول خلينا ندردش سوا ممكن تتكلم بسرعه و تريحنا……..
______: تمام يا باشا هدخلها لحضرتك……..

دخلها و كانت خايفه من الاستدعاء و مع فارس ملفها بيقرأه قعدت فى هدوء طلب فارس من الظابط يخرج فتره و يسيبهم سوا………

فارس : سناء والى ٥٥ سنه طبيبة نساء و ولاده اول تعينك كان فى مستشفى تبارك متجوزه من رجل الأعمال شريف عامر عندكم بنت و ولد ابنك بيساعد والده فى الشركه اللى كبرت فى اقل من سنه عن طريقه راس مال غير معروف مصدره و بنتك بره و صورها فى فضائح المشاهير و لها علاقات كتير و اتجوزت ابن وزير التجارة زواج مصلحه قعدت معاه سنه و انفصلوا و بنتها مع جوزها حاليا عمرها سنتين امممممم ملف مريب و عاوز عمق و تفكير بصراحه قرأت المعلومات الخارجية بس بعدين اتعمق فيه شوية المهم من ٣٠ سنه و ضرورى تفتكرى انا بتكلم بشكل ودى بلاش نلجأ للتحقيقات لان مفيش خروج قبل متقولى اللى عندك…………
سناء : خير بس يا فندم انا دكتورة محترمه و عندى مستشفى خاصه………
فارس : هههههههههه محترمه بشهادة الأطباء الغريبه أن الحالات بتخرج تلجأ للقانون و تسكت بسبب تهديدكم مش كده عمليات مشبوهه الغريب انك جيتى المنطقه الغلط فى الوقت الصح المهم ( و بعصبية خبط على مكتبه لدرجة أنها خافت ) من ٣٠ سنه كان عندك حاله باسم نازلى الشامى ولدت توأم بس انتى قولتى انها ولدت ولد بس ابنها التانى فين!!!!!
سناء بقلق : مش فاكره وبعدين حضرتك بتقول من ٣٠ سنه اكيد مش هكون فاكره………
فارس بعصبية : اسمعينى كويس مفيش خروج من هنا قبل متتكلمى…….
سناء : أنت متعرفش أنا مرات مين و ابنى خاطب بنت مين……….
فارس بغضب : عارفه لو جوزك وزير الدفاع نفسه مش هيفرق معايا انت متعرفيش انا مين ووصلت للمكان ده ازاى ( وقف و شاور على الكرسى ) الكرسى ده موصلتش له من فراغ فهمتى هتتكلمى ولا تستنى هنا كام يوم ولا اقولك تعرفى صاحبة الصوره دى ( كانت صوره ل سوناتا ) هه ولا الصورة دى كمان ( صورة ل نازلى ) هسيبك تفتكرى براحتك……
و نادى على ضابط طلب منه يقعدها فى اوضه لوحدها وقعد يفكر فى الملف اللى فى ايده معقول يكونوا من ضمن شبكة التجسس هى و جوزها وبعد فتره فاق على صوت تيلفون مكتبه الخاص……..

& : اهلا يا باشا اخيرا سمعنا صوتك………
فارس : اهلا يا فندم فرحت جدا بمكالمتك خير يا باشا معاك………..
& : مرات شريف عامر بتعمل ايه عندك جوزها مش ساكت هيعمل قلق كتير…….
فارس : يا باشا انا مش هيفرق معايا مين و مرات مين دى قضية جاسوسية و مش هتهاون مع أى شخص متورط الكل فى دائرة الاتهام………
& : وانا منتظر تقرير منك توضح ابعاد القضية…….
فارس : اكيد يا باشا فى رعاية الله……..

فى إسرائيل عرف ديفيد رنوة على مارشال و إيفا وبعد م مشيوا جيه حارس له و بلغه بمحاولة هروب ل هجام و خرج و رنوة معاه و طلب من الحرس يجلدوه و هى واقفه مش قادرة تساعده…….

رنوة ??? : كفاية بقى حرام عليك سيبه…….
ديفيد : للاسف المره دى هيتعاقب خروجه كارثه فهمتى……..
رنوة : انت عاوز ايه و هعمله……..
ديفيد : نتجوز وقتها عقابه هينتهى………
رنوة : انا اكيد مجنون مش طبيعى جوازنا باطل انت ايه………
هجام بضعف و غضب : انت كلب و جبان واجهنى لو راجل……….

قرب منه و بدأ يضربه بعنف و هو متكتف…..

ديفيد : يلا اضرب ساكت ليه الفرصه بتيجى مره واحده………

الحرس فكوه و بدأت مواجهة عنيفة رغم ضرب هجام بس وقتها الغضب اللى عنده يحرق مدينة كامله جوان شافتهم و بدأت تصرخ و فجاه خرجت رصاصه الكل وقف مصدوم………..