رواية عشق العيون
انا بعتذر جدا جدا عن التاخير كل الفتره دي
ايسل عشان خاطري يامامي وافقي ونمشي ونروح عند خالو انا مش حابه القعده هنا
ناهد
انتي عايزنا نسيب المكان اللي في حاجه من ريحة باباكي
وبعدين حتى لو فكرنا نمشي جدك مش هيوافق
ايسل
نمشي من غير مايعرف
ناهد
يعني مش هيعرف يوصلنا دا سهل اووي عليه
وبعدين انا عايزك تبقي جمب اهلك
ايسل
وانا بقولك انا مش عايزه اكون جمبهم دا خنقه
ناهد
اعقلي يا ايسل شويه جدك بيحبك جدا ومش بيحب يزعلك
وانا متاكده ان هو اللي باعد باسل عنك
ايسل
متفكرنيش بالزفت االي اسمه باسل والله ما انا هسكت على اللي حصل ده
في مكتب باسل
طرق الباب
واردف الى الداخل
يااااا اياد باشا بنفسه عندنا
اخيرا فكرت تيجي الشركه
قالها مازن وهو يجلس امام اياد على الكرسي
اياد
ههههههههه شوفت بقا
مازن
منور يا ايدو
اياد
دا نورك ياميزو
باسل بجديه
خلصتوا ترحيب
مازن
هههههههههه شكله عامل مصيبه
باسل
هو بيعمل ايه غير كده
اسمع بقا
الواد ده هيشتغل معاك
مازن
حبيبي دا قلبي ده
اياد
الشق
باسل
وخبط بايده على المكتب بغضب
فيه ايه انتو الاتنين هو انتوا قاعدين على قهوه
مازن
احم اقصدش متقلقش على اياد معايا
باسل بسخريه
لا يا اخويا مش هقلق بس اعمل حسابك اي غلطه هيعملها انت هتتحمل مسؤليتها شغله مسؤول منك
مازن
اه لا كده دا بجد سوري يا ايدو
الشغل الشغل يابن خالتي
اياد
بقا كده بتتخلى عني في اول موقف
مازن
معلش بقا دا باسل في الشغل مبيرحمش
باسل
يلا يابيه انتو وهو على شغلكم انا مش فاضلكم
سند رأسه للخلف
وتذكر ما حدث ليلة امس
Flash back
انت بتقول ايه ياجدو اتجوزها
مينفعش
قالها باسل وهو يقف
امسكه كمال من ايده واجلسه
اقعد بس
هو ده الحل الوحيد انت مش فاهم انا بعمل كده ليه ايسل لو ضغطنا عليها شويه ممكن تفكر تسيب البيت وهتجبلنا فضايح وانت عارفها اللي بيجي في دماغه بتنفذه
باسل
ياجدو افهمني ايسل هي وكارمن بالنسبه ليا زي رؤى بالظبط اخواتي يعني مستحيل افكر غير كده فيهم
كمال
لا دول مش اخوتك دول ولاد عمك
وبنت عمك انت اولى بيها وانت الوحيد اللي اطمن عليها معاك
باسل
ياجدو اس….
قاطعه كمال
انا مش عايز اسمع ردك دلوقتي
فكر براحتك لحد ماالترم ده يخلص وتخلص هي امتحانات
فاق من شرودوه
على طرقات الباب
باسل
احم ادخل
نسرين
كمال بيه طلب حضرتك
باسل
ماشي هروحله
في المساء
كان الجميع يجلس على مائدة العشاء
باستسناء ايسل التي رفضت النزول
كان الصمت هو سيد الموقف
ولكن قاطعه
جدو كنت عايز افكر حضرتك بموضوع الشركه اللي قولتلي هتفتحها ليا
قالها اياد وهي يعتدل في جلسته
باسل بتساؤل شركة ايه
اياد
شركة سياحه
باسل
سياحيه ليه
اولا ده مش مجالك ثانيا والشركات اللي عندنا دي كلها مش عجباك
اياد
انا عايز اشتغل في مجال السياحه وجدو وعدني انه هيفتحلي شركة سياحه
باسل
الكلام ده بجد ياجدو
كمال بتنهيده
اه طالما هو عايز كده
بس اما يخلص كليه الاول
اياد
طيب ليه ياجدو مش دلوقت
كمال
هو ده قراري مش معقول تكون صاحب شركه وانت مش معاك مؤهل وهو ده شرطي عجبك مش عجبك انت حر نلغي الفكره
اياد
لا وعلى ايه موافق
بعد ساعه
كانت تجلس في غرفتها
طرقات على الباب
ايسل
مين
اياد
انا يا ايسو
ايسل بسخريه
ادخل ياوش الهنا
اياد
ههههههههه وش كده طيب اصبري اما ادخل
ايسل
تعالى
اياد وهو يجلس على احد الكراسي وينظر لها
يالهووي اخوايا باسل ايده تقيله عارف مجربها
ايسل بضيق
اخلص يا اياد عايز ايه
اياد
مفيش جيت اطمن عليكي مشوفتكيش من الصبح
ايسل
ثانكس
اياد
انا بسببك شوفت مرمطه النهارده في الشغل
ايسل
بسببي انا !!
دا بسببك انت ده كل اللي حصل انا كنت برجع كل يوم محدش بيحس بيا
اياد
يابنتي انتي هبله هو انتي مفكره باسل اخويا ميعرفش انك بترجعي متاخر وربنا عارف بس مش بيكلمك عشان جدي ليكي حمايه بقا يابختك
ايسل بسخريه وهي تضع يديها على وجهها
اه حمايه
اياد
هههههههه طيب يلا سلام انا بقا هروح انام هيصحني من بدري
ايسل
سلام
وخرج اياد
مسكت الهاتف
وحادثت صديقتها
ايوه ياجودي
كان يجلس في غرفته
يفكر في كلام جده
طرقات على الباب
زفر بضيق
ادخل
منال
لسه صاحي
باسل وهو يعتدل في جلسته
تعالي ياماما
منال
مش جيلي نوم قولت اجي اقعد معاك شويه
باسل بابتسامه
تنوري
منال
تسلم ياحبيبي
سكتت لثوان ثم اكملت
مالك شايفك شارد شويه النهارده
باسل
مفيش مشاغل في الشغل
منال
متاكد
عموما انت الشغل مش بيسيطر عليك كده لكن هعمل نفسي مصدقاك
ابتسم باسل وقبل جبينها
متقلقيش ياماما مفيش حاجه
منال
انا عارفه انك مضايق انك مديت ايدك على ايسل ومتقولش لا لانك لو خبيت على الدنيا كلها مش هتخبي عليا انا بفهمك من غير ماتتكلم
باسل
تستاهل اكتر من كده كمان
منال
يابني ايسل طيبه بس عنيده شويه
باسل
ياماما انا خايف عليها عامله زي الطفله اللي بيجي في دماغها بتنفذه لا بتخاف على شكلها ولاشكلنا
منال
صغيره وعايزه تعيش حياتها
ومتقوليش ليه مش زي رؤى وكارمن اللي اصغر منها عشان كل واحد له طريقة تفكير
وايسل اتعودت ان اي حاجه عوزها تاخدها للاسف جدك عودها من صغرها على كده
جودي
يالهوي وصلت انه مد ايده عليكي
ايسل
اه بس والله لاعرفه بس اصبري
جودي
ايسل شكل باسل ده صعب اووي ابعد عنه احسن
ايسل
مش هستسلم من الاول كده
لايفكرني اني ضعيفه
جودي
يابنتي اسمعي الكلام العند مش حلو
ايسل:
مستحيل ادي فرصه للمتخلف ده انه يمشي كلامه عليا
بعد مرور يومين
كانوا يجلسون في احد الكافيهات القريبه من الجامعه
مازن:
انتي ليه مرتبكه كده
رؤى:
بصراحه انا خايفه حد يشوفنا
مازن بهدوء:
رؤى بضايق اما اشوفك كده
رؤى:
انا اسفه
مازن :
متتاسفيش انا قولتلك اكلم باسل بس انتي مش موافقه
رؤى:
انا خايفه يرفضوا عشان انا لسه في سنه تانيه
مازن:
انا اقدر اقنعهم دي مهمتي
رؤى:
معلش يامازن نصبر شويه
مازن بتنهيده :ماشي
اشربي العصير طيب
رؤى وهي تمسك كأس العصير
بابتسامه اوكي
كانت تجلس في حديقة المنزل
وجدته ياتي من بعيد تجاهلته تماما
اقترب منها
اياد:
مساء الخير
كارمن بضيق:
مساء النور
اياد وهو يجلس بجانبها
عامله ايه
كارمن:
كويسه
اياد:
والمذاكره
كارمن
تمام
اياد بتردد
كارمن انا ممكن اتكلم معاكي في موضوع
كارمن:موضوع ايه؟
اياد وهو يقترب منها:كارمن انا بحبك و…
قاطعته كارمن:لو سمحت يا اياد انا لو سمحت مش بفكر في الموضوع ده ممكن تقفل
اياد :كارمن اسمعني انا…
اتاه صوت من الخلف
في حاجه يا اياد
انتهت الحلقه
بقلم شوشو محمد