رواية عشق العيون
نظرت رؤي الى السلم بدهشه
مش معقووول
نظر الجميع الى السلم
إياد:مجنونه وتعمل اي حاجه
اقتربت ايسل منهم
ابتسم باسل عندما رأها ومنال ايضا
ايسل:صباح الخير
الجميع :صباح النور
كارمن اقتربت منها قمر يا ايسو ياريتك لبستيه من زمان
ايسل بابتسامه رقيقه :ميرسي
اقتربت منها منال وحضنتها مبروك ياحبيبتي
وكذلك رؤى
اقتربت هي من جدها وقبل يديه
احتضنها جدها مبروك يابنتي
ايسل وهي مازلت تحضنه الله يبارك فيك ياجدو
جلست بجانب باسل
الذي نظر لها بابتسامه شكلك حلو بالحجاب
ايسل بخجل :شكرا
عدى اليوم بسلام ولم يحدث جديد
كانت في مكالمه مع صديقتها
جودي:بجد الف مبروك يا ايسو
ايسل:الله يبارك فيكي ياقلبي
جودي:بس كويس انكم وصلتوا لاتفاق
تنهدت ايسل بضيق:ايوه
جودي:مالك؟
ايسل:مفيش مخنوقه ان ماما مش موجوده معايا
جودي:متاكده
ايسل:ايوه
جودي :هي مقالتش هترجع امتى
ايسل:لا
دخل الغرفه وجدها في الشرفه تتحدث في الموبيل
جلس امام الاب توب يقوم ببعض الاعمال
ايسل:مساء الخير
باسل:وهو مازل باصص في الاب مساء النور
ايسل:باسل انا كنت عايزه اروح لجودي شويه بكره
باسل:مفيش مشكله السواق معاكي روحي اي مكان تحبي
ايسل:انا عايزه اروح بعربيتي
صمت باسل لثوان
اوك مفيش مشكله
ايسل بهدوء:ممكن من غير حرس
باسل:ليه؟
ايسل: انا ببقا مضيقه وانا ماشيه وهما ماشين ورايا وبعدين انت لسه مش واثق فيا
باسل:من قال كده انا لو مش واثق فيكي مكنتش اتفقت معاكي اننا نكون صحاب
ايسل:تمام يبقا اروح من غير حرس
باسل:اوك بس متتاخريش
ايسل:حاضر
ابتسم باسل بخفه :اول مره اسمع منك كلمة حاضر
ايسل بضيق:هو لكده عاجب ولا كده عاجب
باسل:هههههههههه اهدي اتحولت كده ليه
ايسل:اوك انا هروح انا تصبح على خير
باسل:وانتي من اهله
في الصباح
ذهب الى عمله في الشركه
كان منشغلا في عمله
تدخل عليها السكرتيره
نسرين :باسل بيه انسه هايدي بره وعايزه تقابل حضرتك
باسل :ماشي خليها تدخل
ثواني ودخلت هايدي
هايدي:صباح الخير
باسل:صباح النور
هايدي:انا زعلانه منك جدا ياباسل
باسل تنهد بضيق :ليه بس
هايدي:انت فعلا اتجوزت
باسل ببرود:ايوه
هايدي بضيق:ايه طيب ليه هي احسن مني في ايه
باسل:مش احسن منك في حاجه ..هايدي انا بعتبرك زي اختي الصغيره دا انتي حتى في نفس سن رؤى اختي
هايدي ببكاء بس انا بحبك اوي
باسل:ممكن تهدي انتي زي اختي
جمبك لو احتاجتي حاجه
ازادت بكاء اكثر انت بتحبها
باسل:دي حاجه تخصني
هايدي ببكاء:اوك ماشي انا اسفه
باسل:مفيش داعي للاسف
في الخارج
اياد:نسرين باسل جوه
نسرين:ايوه بس معه الانسه هايدي
اياد:خلاص ابقا اجيله وقت تاني
كانوا يجلسون في الحديقه
رؤى:بس انا حاسه انك الايام دي متفقه شويه انتي و ابيه باسل
ايسل:اممم شويه
رؤى:طيب دي حاجه كويسه على فكره ابيه باسل طيب جدا بس هو بيركز شويه على موضوع الصح والغلط
ايسل بتفهم :عارفه
رؤى بابتسامه واسعه :شايفه في عنيكي لامعه ايه حبتيه
ايسل بخضه وهي تعتدل في جلستها لمعة ايه يابنتي وحب ايه لا خالص
رؤى:طيب ايه يعني اما تحبيه دا جوزك
قطع حديثهم اياد
مساء الورد على الحلوين
رؤى وايسل:مساء النور
رؤى:ايه غريبه راجع رايق من الشغل
اياد :عادي ياختي
جاء اليهم باسل
شعرت ايسل بخفقان في قلبها
باسل :مساء الخير
الجميع مساء النور
اياد :كنت جاي اقعد معاك شويه كنت عايز اتكلم معاك في موضوع كده بس لقيت الصاروخ هايدي عندك بقا
ايسل اول ماسمعت اسم هايدي وشها جاب ميت لون وحست انا هتتخنق
باسل لاحظ ده بص ل اياد لكن اياد كمل كلامه وهو ناسي ايسل
اياد: مردتش ارخم عليكم وخصوصا البت موزه دا كفايه شعرها وعنيها يالهووي
ايسل بضيق:طيب عن اذنكم هشوف انطي منال بتعمل ايه
ومشيت من جمبهم
رؤى:على فكره انت مستفز
اياد:والله ماخدتش بالي من ايسل اصل الجوازه دي جاءت بسرعه فمش متعود على الوضع بس
رؤى:وكمان رخم عن اذنكم
اياد:سوري يا باسل والله ما اخدت بالي سلام بقا دلوقتي
ومشي اياد
باسل ابتسم كان فرحان من جواه لم حس ان ايسل غيرانه من موضوع هايدي
دخل جوه القصر
لاقى منال ووفاء قاعدين وجمبهم ايسل
باسل:مساء الخير
منال:حمدلله على السلامه ياحبيبي
باسل وهو يقترب منها ويقبل رأسها الله يسلمك ياماما
وفاء :كان ليا عندك طلب يا باسل
باسل:تحت امرك ياعمتو
وفاء بمكر وهي تنظر لايسل:كنت عايزاك تاخد كارمن الشركه تشتغل معاكم شويه لحد مالدراسه تبداء
باسل:مفيش مشكله لو حابه تيجي وعمو موافق مفيش مشكله
وفاء بابتسامه واسعه :طبعا موافق
ايسل ماكانتش مركزه معاهم كانت بتفكر في الكلام اللي قاله اياد
باسل كان ملاحظ ده وعارف انها اضايقت من كلام اياد
كان يجلس في الغرفه
ايسل دخلت ممكن نتكلم شويه
باسل بهدوء:اتفضلي
ايسل :زي ما انا بحافظ على شكلك كزوج لازم انت كمان تحافظ على شكلي
باسل :وانا اساءت لشكلك في ايه
ايسل:والكلام اللي قاله اياد ده ميسش ليا
باسل:قصدك هايدي طيب ما انتي بتحبي واحد
ايسل بضيق:بس انا مش بقابله ولا بقعد معه.
باسل بعصبيه:دا اللى ناقص عايزه تقابليه كمان
باسل وهو بيحاول يستفزها
وبعدين مش هتشوفيه غير لما اسلمك بايدي ليه عشان تتجوزيه
ايسل اتضايقت لما هو قالها كده كان نفسها تقوله انها مش بتحب حد وانها حبته هو بس طبعا مش قادره تعمل كده
ايسل وهي تحاول مسك دموعها وبعدين من كلام اياد انها مش محجبه ليه خلتني اتحجب تنت قاصد تذلني
باسل وقام من مكانه ووقف قصدها
باسل :بقا انا يا ايسل لما اقولك اتحجبي عشان احافظ عليكي ابقا بذلك
ايسل بدموع:اومال بتعمل كل ده ليه
باسل:عموما لو مضايقك ممكن تبلسي من بكره زي ما انتي عايزه
ايسل بدموع:لا انا كده راضيه عن نفسي وعمري ما هقلعه حتى بعد مانتطلق
وجريت دخلت الحمام وقفلت على نفسها وفضلت تعيط
كانوا يجلسون يتحدثون
كمال:انا عارف وفاء وتفكيرها كويس
منال:انا خايفه اوي يا بابا
كمال:متخافيش انا هعرف اوقفها عند حدها منال :انا مش عايزه كارمن علاقتها تتوتر بايسل اوحتي بباسل
كمال:قولتلك متخافيش
ظل ينتظر قرابة الساعه ولم تخرج ايسل من الحمام
بداء يقلق عليها
خبط على الباب
ايسل….
انتهت الحلقه
احب اشوف تعليقاتكم
بقلمي شوشو