رواية حظي اهلكني

#حظي_اهلكني
#قصة_حقيقية
#الحلقة_الثامنة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
يوم 17/2/2015 كان يوم مطر طلعت انا وخالد مراجعه عند دكتورة وفي يوم هذا بديت في تعبخالد:حبيبتي هيا
انا:حاضر يا قلبي
طلعنا في طريق
خالد:امتي تجيبي وتفرحيني
انا:اصبر مزال 3شهور بس
خالد:يارب يمشن بسرعه
انا:تمشي بسرعه اصلا الايام شوف اول امس قتلي حامل توا ليا 6شهور
خالد:عليك جو
انا:ماشاءالله مطر سمحه اليوم
خالد:هي انزلي
انا:هي
ونزلنا للمستشفي
وخشينا ع دكتورة وشافت ملفي وجو هذا بعدين درت صوره متاع تشوف جنين ع شاشة
دكتورة:يا اميرة انتي حامل ببنت
انا:بحتت في خالد
خالد لقيت فرحان
دكتورة:الف مبروك وربي يقومك بسلامه
انا:انشاءلله
جا خالد يصبي في مع سرير
خالد:ربي يخليكم ليا
انا:ويخليك ليا
نزلت من سرير وطلعنا للحوش خالد نزل للمحل يجيب في حاجات وجا
خالد:توا نفرحو هلي ونتعشو عندهم
انا:تمام
وصلنا حوش عمي دخلت وخالد وراي دخل الحاجات

نحنا:سلام عليكم
عمتي وبنات:عليك سلام
انا سلمت عليهم وقمعزت
انا:كيف حالك عمتي
سعاد :الحمدلله بخير
خالد:يا امي كنه عند دكتورة
سعاد:باهي شن صار
خالد:قالت انها بنت
سعاد:بنت
خالد:اها بنت
سعاد:وانت فرحان بيها ونحنا نرجو في ولد تجي مراتك تجيبلنا بنت وقعدت تعيط وتهزب
انا:اضيقت منها مشيت للبنات
خالد:باهي يا امي توا مزال توا تحمل اخر وتجيب ولد
سعاد:والله شكلها ما تجيب الا بنات ونحنا نبوك تجيب ولد وكان ما جباته هيا نجيبلك لي تجيبه وعرم كلام
خالد:امي كنك شن صارلك
سعاد:ما كني شي وخشت لدارها
انا وبنات درنا العشاء وعمتي ما بتش تتعشاء معنا انا كليت شوي وصبيت وكمل خالد وروحنا للحوش

في حوش
خالد:اميرتي ما تزعلش من امي هي خطرها في ولد
انا:عادي حياتي ماصار شي
خالد:باسني ع راسي ربي مايحرمني منك
وقعدنا في سرينا نين رقدنا

الكاتب:Arhima Alagory

ثاني يوم
نضت لقيت خالد مش قاعد شفت كلام ع مرايه دولاب لقيت كتبلي كلام رومانسي وحلو كلام خلاني ننسى لي صار كله المهم خشيت حمام وبعدها طلعت صليت وفطرت وبديت نظم في حوش شوي هكي وجا خالد
خالد:حياتي
انا:عيونها
خالد:شن اديري
انا:نظم في حوش
خالد:ريحي روحك مش وقت توا
انا:لالا وقته توا تلمه ونكمل ع سريع
خالد:بعدين نحنا ماعندنا من يحوس وانا ندير حاجه نلمها انتي ريحي روحك
انا:نجكليا
خالد:بعدين نشيلك لاهلك تبشربهم ببنيتنا
انا:تمام خشيت درت غداء وتغدين

في العشية مشيت لاهلي
دقيت باب فتحولي
انا:سلام عليكم
معتز:عليك سلام
انا:شنجو عزو
معتز:تمام وانتي
انا:بخير
ماما:نورتي
انا:خير يا ماما كيف حالك
ماما:الحمدلله وانتو كيف حالكم
انا:بخير الحمدلله
معتز:وين خالد
انا:عند صاحبه يبي يمشيله
فاطمة:خيرات يا حنه
انا:مرحبا شنجوك
فاطمة:قاعده حال كساد ونكد
انا:حي لو تشوفي نكد لي عندي
فاطمة:كنك
انا:اسكتي ما تقولش لماما بس
خشينا
ماما:شن داير معاك الحمل
انا:الحمدلله وحي قلتلي دكتورة انها بنت
ماما:لولولولولي مبروك ان شاءلله
انا:الله يبارك فيك
فاطمة:قصدك نبي نقاعد خاله اخره
انا:انشاءلله
ماما:باهي ومنا نحنا كل شي يخصها بنتك شورنا
انا:ربي مايحرمني منكم يارب
وقعدنا نهدرزو وجا بابا
بابا:سلام عليكم
انا:عليك سلام
بابا:اميرتنا هنا
انا:اها هنا
بابا:مرحبتين كيف حالك
انا:الحمدلله
وقعدنا نهدرزو ودرنا عشاء بعدها رن فوني لقيت خالد
انا:الو
خالد:وتي روحك جاي في طريق
انا:تمام

الكاتب:Arhima Alagory

وتيت روحي وجا خالد خش خالد وسلم ع هلي وطلعنا
خالد:شنجوك
انا:الحمدلله تمام
خالد:وبنيتي
انا:تمام تسلم عليك
خالد:امتي تبي تجي نستنا فيها
انا:توا تجي وتمل منها
خالد:اكيد نمل منها مدامك قاعده انتي ماندورهش هي
انا:توا نشوفو
خالد:هي انزلي
نزلت وخشيت حوش

مرت الايام وعمتي كثرت كلام عليا ومشاكل
كنت راقده سمعت باب يدق
انا:هي من
سعاد:افتحي وانتي ما عندك الا نوم
انا:فتحت خير عمتي
سعاد:من وين يجي الخير وكنك راقده لعند توا صبي لمي حوشك
انا:حاضر بس كنت راقده وتعبانه شوي
سعاد:عليش تعبانه لانك حامل يا حنه
انا:اها والله تعبانه
سعاد:بلا دلع نوضي حتي لو حامل بولد نقولو ومشيت وخلتني
انا:قعدت نبكي وسكرت باب وخشيت حوش

جا خالد
خالد:اميرة
انا:نعم
خالد:شن قتلك انا
انا:شنو
خالد:قتلك ما تعبش روحك صاح ولالا
انا :اها صاح بس اليوم جتني عمتي وقالتلي نوضي لمي حوشك
خالد:سكت تمام
وهكي تمت حياتي مشاكل مع عمتي وخلاص وصلت بيها معاش تاكل مني وع ابسط شي ادير مشكله وعيشتني في رعب كل مشكله تقوله طلقها وفكنا منها وانا نتحمل عشان خالد وبنتي لي في بطني

ومرت الايام وانا نوتي حاجات بنتي وهلي يشرولي حاجات وعمتي حلفت معاش تدخل حوش خالد مدام انا فيه

الكاتب:Arhima Alagory

خالد:كنك يا امي
سعاد:ما كني شي وانا قتلك فكنا منها هذي تملالك حوشك بنويت وخلاص
خالد:سكت وطلع

ثاني يوم فون خالد يرن
خالد:رد عليه ونسمع فيه يقول هي جاي
انا:من
خالد:امي تبيني
انا:اها تمام

خالد مشالها
خالد:نعم يا امي
سعاد:مدام مراتك جايبه بنت انا نبي نسميها
خالد:هذي بس عادي
سعاد:رن عليها وعطيها ليا
رن خالد عليا
انا:الو خالد
خالد:تبيك امي
سعاد:الو
انا:خير عمتي
سعاد:مدامك انتي جايبه بنت نبي نسميها انا ع عمة خالد المتوفيه
انا:عادي عمتي بنت بنتكم
سعاد:تمام معنها اسمها فتحية
انا:فرحت شوي قلت مدام سمت البنت اكيد بدت تحن عليا
الكاتب:Arhima Alagory

مرت فترة وخالد خايف عليا من كل شي جا يوم مراجعة عند دكتورة مشيت انا وخالد
خالد:ساعدي روحك
انا:تعبتني بنتك هذي
خالد:هههه خالد اكثر من باتها
انا:لالا باتها تعبه راحه
خالد:نجكليا
خشينا ع دكتورة
دكتورة:كيف الحال
انا:الحمدلله
دكتورة:درتلي فحص وهكي وقالت يا اميرة وضعه ما يطمنش
انا:بحت في خالد
خالد:شن فيه
دكتورة:في نقص في المياة متاع جنين وهكي ح تكون ولاده مبكره
خالد:باهي يعني امتي
دكتورة:بعد بكرا انشاءلله
خالد:تمام
دكتورة:ربي يكون في عونك
انا:انشالله
وطلعنا روحنا

جا يوم الولاده هو تاريخ 18/5/2015
مشيت انا وخالد مستشفي ومابيتش نقول لماما وهلي خشيت عمليات وخالد خايف عليا ويدعي بعدها طلعت دكتورة
خالد:طمني
دكتورة:مبروك عليكم
خالد:الله يبارك فيك الحمدلله ياربي ورن ع امه
سعاد:شن صار
خالد:جابت بنت
سعاد:باهي مبروك
خالد:الله يبارك فيك

الكاتب:Arhima Alagory

خش خالد عليا
خالد:وين اميراتي
انا:وحده واعيه وحده في سابع نومه
خالد:ربي مايحرمني منكم
انا:ولا منك
خالد:تعبتي يا روحي
انا:كل شي من اجلك راحتي
خالد:باسني ع راسي
وقعدنا نهدرزو ع بنتنا ومستقبلها
جت بنتي بس ما فرحوش بيها وانا كسرولي خاطري وعمتي صارت تغني تقول(جيبت لبنات علاش ريتها عقيمه متضناش) جو اهله وسمينها فتحيه وقلتها لاهلي وفرحو اهلي واجد وجوني في مستشفي

ثاني يوم طلعت للحوشي
جو اهلي وكل شي جابو هدية حتي من سرير ومشاي جبوهن ماما:وريني
انا:تفضلي
ماما:نجيها يارب
فاطمة:انشاءلله تطلع كيف خالتها
انا:خالتها مره وحده
فاطمة:اها مش عاجبك
انا:لالا عجبني
جت رحاب ومعاها ولدها
رحاب:وريني كنتي
انا:كنتك من وين جت
رحاب:نبي نخطبها من توا
ماما:هههه ماتلقا خير من ولد خالتها
انا:يعني خلاص مصممين
فاطمة:اها وعرس اسبوع جاي
رحاب:ههه الحمدلله ع سلامتك
انا:الله يسلمك يارب
قعدنا نهدرزو و روحو هلي

الكاتب:Arhima Alagory

جت اخر ليلة يبات فيها خالد معايا توا تعرفو عليش
خالد:حبيبتي
انا:نعم
خالد:نحبك
انا:حتي انا نحبك نسالك جوبني بصراحه
خالد:تفضلي
انا:انت زعلان لان جبت بنت
خالد:عليش نزعل الحمدلله ولي تجي من ربي يا محلها
انا:طمنتني
خالد:حضني وباسني

ثاني يوم
سمعنا صوت عياط
انا:خالد نوض صوت عياط
خالد:شنو
انا:مش عارفه
طلع خالد
بعدها رد
انا:شن في
خالد:عمي توفي
انا:عظم الله واجرك
خالد:اجرنا واجرك ع الله نشيلك لهلك
انا:عليش
خالد:لان رجاله يقعدو في حوشي
انا:تمام عادي
خالد:خلاص وتي روحك بسرعه
انا:وتيت روحي وطلعت عزيتهم ومشيت حوشي لهلي

عند هلي
ماما:كنك
انا:لا شي بس خالد عمه متوفي
ماما:اها خشي لداركم تريحي
انا:باه خشيت تريحت
في ليل جاني خالد
خالد:شن تحسي روحك
انا:الحمدلله
خالد:باهي وفتوحه
انا:حال العياط
خالد:مسكها ماتعبش ماما يا شينه
انا:متريحه منها اليوم
خالد:والله رايفت عليكم
هدرزت انا وياه وروح خالد وانا في ليل نهارت بكاء مش متوقعه هكي يصير اهل زوجي مش هامتهم البنت بكل لا يسالو عليها ولا دوروها قطعو علاقتي بيهم وكل لان جبت بنت فاتو الايام وكل يوم يجيني خالد بس كل يوم يتغير ع يوم قبله بعد 12يوم من وافاة عمه رديت لحوشي بس خالد مش خالد القديم تغير بكل معش مهتم بيا واجد ومافيش كلام سمح لي عودني عليه بدت ناس تجي تبارك واهلي وقفو معاي ونبيها تجيني وحتي خالد بس مش زي قبل

الكاتب:Arhima Alagory

مره في يوم جمعة
نضت ضميت الحوش ودوشت فتحيه ولبستها وتيت فطور ناض خالد
خالد:شن اديري
انا:نوتي في فطور
خالد:وعليش فاتحه رواشن وما تشوفيش في ناس وخذا سلاح متاعه وطلع لشارع تعارك هو وجارنا لان كان قاعد في بلكوني بشورت وكت وصار ضرب بسلاح وانا ماسكه بنتي وندعي جو جيران بابا وحلو مشكله
بابا:اسمع يا خالد فكنا من مشاكل انت هكي قبل ضريت روحك وهلك معاك وانا نخسر كل شي الا بنتي
خالد:انا عارف شن اندير
بابا:وانا قتلك الا بنتي
وطلع بابا وخالد خش عليا وما عبرنش بكل

بعد يومين
خالد كان عند امه وجاني
خالد:يا اميرة اميرة
انا:بشويه ليش تعيط بنت راقده
خالد:ما يهمنش البنت نبي نسالك جوبي بصراحه
انا:شنو
خالد:امي ديمه تقولي طلقاها لعند اليوم قلتها ليا عليش تبيني نطلقك
انا:ليش ما سالت امك انا شن عرفني
خالد:اكيد في شي امي تبيني نطلقك ع سبه
انا:قعدت نبكي والله مافي شي انت كنك بس
خالد:طلع من حوش وسيبني

صار يشك فيا وماعندش ثقة فيا بكل مش عارفه ليش هكي خالد لي كان يموت فيا ومايزعلني ليش دار هكي واعر ضلم وخاصه يتهموك بشي انت باري منه

بعد 40يوم من جيابي لبنتي مشيت لهلي وهنا كانت صدمة
خالد:هي بسرعه
انا:هي
ركبت في سياره فتحيه تبكي
خالد:سكريلها فمها بنتك
انا:باهي قاعده نسكت فيها
خالد:مش عارف وين نلقاها راحه
وصلنا
خالد:انزلي اسمعي
انا:نعم
خالد:انتي…..
.
.
.
.
.
#يتبع