رواية حظي اهلكني
جميع الحقوق محفوظة للكاتب Arhima Alagory
حظياهلكني
قصةحقيقية
المقدمة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
السلام عليكم ورحمه الله وبركاته كيف حالكم ان شاءلله تمام اسف ع تاخير وع الغيبه توا ردت وان شاءلله يعجبكم كل لي نكتب ونبي منكم دعمكم حتي بكلمة وشكرا للجميع نحكيلكم ع رواية الجديدة قصة من قصص الواقع ليبي فيها فرح وحزن حسد ومحبه طبعا القصة حقيقية وصاحبتها هي طلبت اني نكتبها احداث قصه كلها واقعيه وكلها مرت بيها بنت وان شاءلله تنفعكم وتعجبكم نبدا في قصة
طبعا كيف ما عودتكم نحكي بلسان صاحبة قصة
انا أميرة مواليد 93 من جبل الغربي موصفاتي بيضة طولي متوسطة عيوني سود شعري كحلي طبعي نحب ناس وطيبه وماكنتش نعرف علاقات وحب وجو هذا ونحب نضحك واجد وابتسامه ما تفرقش وجهي في مره واحد قريب ماما قالي يا بنتي معاش تضحكي واجد توا كل ما تكبري سنه حزنك يزيد انا ما عدلتش بس توا اقتنعت توا تعرفو عليش
نحكيلكم ع عائلتي
بابا اسمه محمد مواليد 61 ماما فوزية مواليد63 وعندي خوتي خمسة احمد م84 وليد م85 محمود م87 عبدالرحمن م2001 معتز م2003 خواتي اثنين ريحاب 91 فاطمة 94 وهذي عائلتي
كانت حياتي بابا انسان طيبة ويحب فعل الخير وكان مدلعنا انا وخواتي وااجد وما يتحمل فينا شي ومافيش مشاكل في حوشنا بكل حياة سعيدة يعني بدت قصتي عام 2011 كنت وقتها نقرا ثالثة ثانوي
ماما:هي يا اميرة تعالي افطري
انا:حاضر ماما جاي
بابا:العيال وين
ماما:فطرو من امبدري وكل حد طلع للكلية
انا:صباح الخير بابا
بابا:صباح النور اميرتي
انا:كيفك اليوم
بابا:تمام هي افطري بيش نوصلك للمدرسه
انا:حاضر دقايق بس
ماما:رحاب هي نوضي انتي و فاطمة ساعدوني
فاطمة:اوووف امتي يكمل سريب العرس ونتريح
انا:انشطي واخدمي انتي وياها
فاطمة:سكري فمك خير انتي راه صبح
انا:انا متريحه طبعا
فاطمة:اخر يوم في مدرسه بعدها تبدي معانا
انا:لالا يا ماما انا جياتني امتحانات ونبي نقرا خلاص تاخرت ماما وين وصيتك عليها
ماما:في مطبخ
انا:تمام باي
ماما:اوكي
فاطمة:شن وصتك عليها
ماما:حاجه
الكاتب:Arhima Alagory
طلعت مع بابا
انا:اسفه تاخرت
بابا:لالا ماتخرتش
انا:باه هي نطلعو
بابا:باهي كنك مستعجله
انا:اخر يوم نبي نمشي بدري نكسد مع بنات وبعدها انتريح
بابا:وين تريحي مزال امتحانات
انا:اي عارفه بس مهم نتريح من شنطة وثقل متعاها
بابا:هههههه لي يسمعك يقول تمشي ع رجليك
انا:لالا ربي مايغيبك علينا يارب لولك راه كل يوم ع رجليا
بابا:هي انزلي وامسكي فطورك
انا:شكرا بابا ردبالك ع روحك
بابا:وانتي
انا:حاضر
خشيت مدرسه
لقيت بنات
انا:خير يا حناتي
بنات:خيرات ميرو تعالي كنك طولتي
انا:حرام عليك اين طولت والله اول مره نجي بدري هكي
مروه صاحبتي مقربه طبعا
مروه:تعالي فكينا منهم نبي نشبع منك
انا:اخر يوم خلاص
مروه:اخر يوم عينك مستحيل نسيبو بعضنا يا هبله
انا:ربي مايحرمني منك يارب
مروه:ولا منك
بنات:هيا انتي ويها طبور
مروه:عليك قصه
مشينا طابور وركبنا للفصول وخذينا حصص ونزلنا للفطور كنت دايره انا وبنات زردة وهكي ولي وصيت عليها ماما شوي حاجات ديرتهن ليا عشان ناخذهم معاي
الكاتب:Arhima Alagory
مروه:هي بنات وقت
انا:هي وحطينا حاجات وبدينا ناكلو وكل وحده جايبه حاجه من حوشهم وجو هذا ونضحكو وجو سمح
بعدها ركبنا فصل وخذينا باقي الحصص ورن جرس وطلعت انا ومروة وماسكين ايدين بعض
مروه:ح نرايف عليك
انا:انا اكثر
مروه:حي عليك تقطعي علاقتك بيا
انا:مستحيل انتي خيتي وحضنتها جو بنات ما غباكم ?
مهم وقعدنا نستنو في هلنا
مروه:باتك طول
انا:اها مش من عده يطول
مروه:تعالي نقعمزو نين يجونا
انا:باه
قعمزت وانا نبحت في باب
انا:غريب شن جايبه هذا هنا
مروة:ع من تحكي
انا:…..
.
.
.
.
.
#يتبع