رواية حظي اهلكني

#حظي_اهلكني
#قصة_حقيقية
#الحلقة_السادسة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
في ليل رن عليا خالد
انا:حبيبي
خالد:عيونه
انا:شكرا
خالد:مانبش نسمعها منك واجبي هضا
انا:ربي ما يحرمني منك
خالد:ولا منك انشاءلله
وهكي كانت علقتي مع خالد ومافيش مشاكل بينتنا
مرت الايام وبدينا نوتو للعرس
انا:يا ماما تبي حاجه من سوق
ماما:سلامتك ردبالك من روحك
انا:حاضر

طلعت مع وليد انا ورحاب لان حتي رحاب توتي لعرسها وعرسها وعرس وليد نفس يوم عرسي يعني نحن 3مع بعضنا
وليد:وين تبو تمشو
رحاب:المحل لي امس في حاجات اسمح وانا كملن عليا الفلوس
وليد:تمام
انا:شنجو خطيبتك
رحاب:اين خطيبته قولي مراته
وليد:لي هيا تمام حتي هيا مشغوله في العرس
انا:باهي ربي يهنيكم
وليد:انشاءلله هي انزلو
انا:نبي محل اخر ونتعبك
رحاب:محالات اخره خلينا نتعبوه بعد العرس معش تحصليه بكل
انا:هههه زعمك
وليد:خلاص انتي ويها انزلن

الكاتب:Arhima Alagory

نزلنا للمحل تبيه رحاب كان محل مواد منزليه وكهربائيه
نحن خشينا محل ورن فوني لقيته خالد
انا:الو خالودي
خالد:خير يا عيوني وين قاعده
انا:في محل
خالد:من معاك
انا:رحاب و وليد كنك
خالد:لالا نسال عليك بس
انا:ربي ما يحرمني منك
خالد: ولا منك
انا:وانت وين قاعد
خالد:في حوش توا طالع نبي نمشي نشري دار نوم لي وريتها لكي
انا:نجكليا يارب
خالد:وليا قتلك نقصتك حاجه تبي حاجه
انا:نبي سلامتك بس
خالد:خلاص نتلاقو بعدين تمام
انا:تمام

طبعا خالد كان مدلعني وكل شي نبيه يجيبه ليا وكل شي ع ذوقي وكنت احلي ايام معاه وكل دقيقه معاه ما ننساها المهم نرجع لقصتنا

رحاب:من
انا:من بيكون خالد
رحاب:باهي تعالي نشوف حاجات
انا:هي
وخذينا حاجات من محل وجا وليد دفع حقهن وطلعنا
وليد:وين محل الاخر
انا:في شارع ****
وليد:تمام
مشينا للمحل
وليد:بسرعه توا بكرا تكملو
انا:عليش يا وليد مش مزال شي اصبر علينا اليوم وخلاص
وليد:شباب رنو عليا يبوني نجيهم
رحاب:مش طايرن شباب خلينا ع مهلنا
انا:ايواه تحملنا اليوم بس الله يربحك
وليد:امري لله باهي هي انزلن
نزلنا محل دبش وفي اتوت وهكي خذينا وطلعنا مشينا محل اكسورات وعطور خذينا حاجتنا
وليد:خلاص
انا:مزال الفيلوات
وليد:بكرا في صبح انشاءلله نشيلكن
رحاب:شن يوعيك انت
وليد:توا نوض ما عليك
وحطنا وليد في حوش وعده لاصحابه
ماما:لولولولولي
فاطمة:ياحنه انتن زيطات وانا ازرطت
انا:هههه كنك
فاطمة:انهلكت وانا ندير ونوتي
ماما:شن جبتن حاجاتكن
رحاب:اها بس فيلوات قال بكرا وليد
ماما:وين وليد
رحاب:ماشي لشباب
فاطمة:اه ياريتني شاب
رحاب:هي خشي معانا شكاير
انا:شن درتو انتو
ماما:نغلفو في دبشكن
انا:راه تلخبطونا
ماما:لالا كل وحده لون بروحها وعرفين دبشك من دبشها
انا:طمنتيني
عبدو:وكان خذيتي دبشها شن فيها خوات
انا:عارفه خوات بس ذوقها شين
رحاب:ع اساس انتي ذوقك سمح
ماما:خلاص انتي وياها وتعالن سعدونا
فاطمة:نبي نتريح انا
غيرنا دبشنا وقعدنا نسعدو في ماما انا ورحاب ومره مره تجي مساعده من عبدو ومعتز وفاطمة مولع اغاني

الكاتب:Arhima Alagory

جا بابا
بابا:سلام عليكم
نحنا:عليك سلام
بابا:شن جو عروستنا
انا:بخير يا غالي
بابا:وين رحاب
رحاب:هي جايه
ماما:تحط في حاجات في دار
انا:خلاص ماما اليوم نبي ندير العشاء توا
بابا:ايواه ديري العشاء لاني جعان
انا:من عيوني
وخشيت درت عشاء وتعشينا وبعدها خشيت دار ونرجا في خالد يفتح نت معش فتح رنيت عليه سكر عليا
انا:اوف كانه هذا
رنيت اخر نفس شي سكر عليا
انا:شن فيه كانه هكي
رحاب:كنك
انا:خالد ما يردش
رحاب:ممكن راقد ولا مش جنب تلفون
انا:يديرلي في مشغول المشكله
رحاب:غريبه
رنيت اخره لقيته مقفل
رحاب:شن صار
انا:مقفل بكل
رحاب:انشاءلله خير
انا:انشاءلله
وقعدت بعد ساعه وربع رن عليا
انا:الو
خالد:عيوني
انا:توا عيوني باي وسكرت
خالد:رن كم مره مابيتش نرد
دزلي رساله
عيوني انتي ديمه مش توا وردي عليا نفهمك قصه
رن عليا رديت
انا:نعم
خالد:وسعي بالك
انا:احكي
خالد:والله كنت مع شباب وانتي ترني مانبش نرد عليك
انا:وعليش شن فيها لو رديت راه خطيبتك وبعد كم يوم مراتك
خالد:عارف بس مانحبش نحكي قدامهم
انا:علي الاقل رساله طمن لي خايفه عليك
خالد:قصدك خفتي
انا:لالا فرحت خالد بلا حرق دم
خالد:هضا كل مش محروق دمك
انا:باهي اوكي
خالد:اسمعي افتحي نت نبي ندزلك حاجه
انا:مش فاتحه
خالد:بجوك انا توا ندزلها ونرقد باي
سكرت وفتحت نت ?
شوي هكي وجني صوره لقيتهن صور دار نوم وكانت تهبل
انا:نحبك
خالد:حتي انا نحبك
انا:امتي ركبتها
خالد:امبدري
انا:انشاءلله بهنانا وسلامتنا
خالد:انشاءلله يارب خطرها امبدري تكيت ع دكان وتفرجت ع كم بدله توا ندزلك شوفي لي تعجبك
انا:تمام
دزلي صور البدالي وخترت وحده
خالد:تمام بكرا ناخذها مزال واجد دبشك ولا كملتي
انا:فيلو بس
خالد:ربي يكمل علينا
وقعدنا نهدرزو عند رقدنا

الكاتب:Arhima Alagory

ثاني يوم
مشيت انا و وليد ورحاب جبنا الفيلوات وفرحانه نبي نطير وبعد كم يوم قرينا الفاتحه وقعدت مرات خالد
خالد رن عليا
انا:راجلي
خالد:نعم مراتي
انا:ربي مايحرمني منك
خالد:ولا منك حبيبتي
انا:مش مصدقه
خالد:صدقي خلاص معش يفرقنا شي
انا:انشاءلله يارب
خالد:خلاص انا توا مع شباب نحكو
انا:لالا خلاص انا انساني الايام هذي اسبوع ونكون معاك
خالد:في عينك ما نتحملش بلاك يوم
انا:نحبك
خالد:وانا نموت فيك
وسكرنا
طبعا نحنا درنا فرح كبير لان انا ورحاب و وليد فرح كان من الاخير ع قولت خوتنا الطرابلسيه ?

مرت الايام وجا يوم الحنه ولبست وردي وجو هذا وخش خالد وقرب مني
خالد:طالعه تجنني بلبسته الحنه
انا:ابتسمت وتحشمت
خالد:تفضلي وكان جيبلي وردات
انا:تسلملي يارب
خالد:اعيونك
خالد:شن رايك نولع العاب ناريه (تنوير)انا وياك
انا:خالد من جدك
خالد:لالا من جتي
انا:هههه
وجاب العاب ناريه ولعنهم انا وياه وكان جو يهبل
خالد:نتلاقو بعدين ع تلفون
انا:تم
وكمل يوم حنه وكان جو يهبل وانا فرحانه ونبي نطير

في ليل رن عليا خالد
انا:حبيبي
خالد:اعيونه
انا:نحبك
خالد:انا اكثر
انا:يهبل جو اليوم ربي مايفرقنا
خالد:انشاءلله يارب
انا:شن ادير
خالد:شي هربت من شباب بيش نسمع صوتك
انا:ههه خلاص امشيلهم
خالد:باهي واخيرا بعد بكرا وتكوني ليا وملكي
انا:انشاءلله
خالد:خلاص باي
انا:ردبالك ع روحك
خالد:حاضر
وسكرنا

الكاتب:Arhima Alagory

ومرت الايام وجا يوم الخميس هو يوم زفتنا تاريخ 14/8/2014واحلي يوم في حياتي كلها
نضت في صبح لقيت فاطمة تبكي
انا:فطومة كنك
فاطمة:تبي تسيبوني بروحي شن اندير بعدكم
انا:تميت نبكي باهي ع اقل انتي مع هلي وفي حوش لكن نحنا مشيات العرب جدد علينا
فاطمة:مهما كان حوش بلاكن شين وما ينقعد في دقيقه
انا:يا روحي انتي وحضنتها
فاطمة:والله انتن تطلع وتشرن في دبشكن وانا نبكي ونقاعد نقصني شي
رحاب:تسمع فينا وتبكي
ماما:جت رحاب كنك
رحاب:شي وتمسح في دموعها
ماما:خشت علينا كنكن انتن
انا:ح نرايف عليكم
ماما:اسكتي واطلعي شوفي رحاب
انا:باه
ماما:عيونها دمعن فطومة خلاص حبيبتي خواتك اليوم فرحهن ومانبوش نكدو عليهن
فاطمة:حاضر بس مش بيدي والله
ماما:قعدت تبكي
خش علينا محمود
محمود:كنكم انتو شن في
وجت مرات احمد:تمت تسكت فينا
مرات احمد:يا عمتي خلاص خلينا نطلع انا وبنات
ماما:مربوحه
محمود:فجعتونا نحسبو الا واحد مات
ماما:اطلع وانت ساكت
محمود:تم
وطلعنا للكوافيره
وماما وفاطمة وعربنا يوتو حاجات القاعة
و وليد مع جماعته يلبس وخالد كذالك

الكاتب:Arhima Alagory

وصلنا كوافير لقينا مرات وليد قاعده
نحنا:عروسنا شنجوك
مرات وليد:الحمدلله وسلامنا وجو هضا وبدت فينا كوافيره وبدينا نلبسو وهكي

رن فوني لقيت خالد
انا:الو خلودي
خالد:وين قاعده
انا:توا كيف نضت
خالد:تحكي جد انتي
انا:اها كنك
خالد:تي وقت معقوله هكي
انا:لا وقت لا شي وانت وين
خالد:انا حلقت نبي ندوش ونلبس يا همي
انا:باهي نتلاقو في قاعدة
خالد:باهي بسرعه وتي روحك
انا:نبصر قاعده في كوافيره
خالد:بارده باي
وسكرت
ولبست انا ورحاب ومرات وليد وكل وحده احلي من الاخره طلعت
شوي خشت علينا فاطمة
فاطمة:يا ربي نجيهن عروستنا وسلمت علينا
انا:من جابك
فاطمة:محمود وهي قال
رحاب:ما نركبوش في سياره وحده
فاطمة:عارفه حتي احمد برا
انا:سالت مرات وليد اسمها نجاح من بيشيلك
نجاح:خويا وقاعد برا من امبدري
فاطمة:تمام هي

طلعنا نحنا3
نجاح مع خوها
وانا ركبت مع محمود وفاطمة
ورحاب مع احمد ومراته

وصلنا للصاله خشينا لقينا ماما ترجا فينا تمت تبخ فينا بمياه راقية وشربتنا وخشينا للصاله ونت مليانا ومعازيم واجد وعيون كلهن علينا وانا مرتبكه وخايفه شويه وقعمزنا ع مسرح

وجتني مروه
مروة:حبيبتي عروسه
انا:نجكليا يا الحب
مروة:ربي يهنيك
انا:انشاءلله
مروة:شن قصتك انتي لبستي لبسته حنه تهبل عليك وتوا الفيلو يجنن عليك
انا:الان طلعتلك
وقعدنا نهدرزو ومر الوقت و وصلو العرسان وخشو للقاعه وكل حد جا لعروسته

خالد:من انتي
انا:انت لي من
خالد:تهبلي
انا:انت اكثر نحكي بصوت واطي لان متحشمه ومتوتره
خالد:واخيرا قعدتي ليا وبس
انا:ابتسمت
خالد:انا راجلك راه عليش تحشمي هكي
انا:خالد خلاص عاد
خالد:هههه باه
وجت مصوره وتمت تصور فينا وكان فرح روعه صورنا وكل شي ودرنا جو العرسان في قاعه

الكاتب:Arhima Alagory

بعدها كل عريس خذا عروسته وطلع وطلعت انا وخالد وجت عيني في ماما وفاطمة كانو يبكو
انا:عيوني دمعن
خالد:مسحهن ليا ما نبكش تبكي مدامك معايا وهلك مش ح نحرمك منهم
ماما:ردبالك منها يا خالد
خالد:انشاءلله يا عمتي وطلعنا من قاعد لسيارة

في طريق
خالد مولع اغاني وجو سمح فرحان يبي يطير وانا اكثر منه
خالد:مراتي
انا:بصوت واطي نعم
خالد:كنك تحكي بصوت واطي ومتحشمه
انا:اول مره نقاعد معاك هكي
خالد:و ديمه ح تقاعدي معايا انشاءلله
انا:انشاءلله

وصلنا للحوش
خالد:حل باب حوش تفضلي قولي بسم الله
انا:قبل لا نخش نفكر كيف تكون حياتي فيه نتريح ولالا شن داسلي زمان
.
.
.
.
.
#يتبع

 

error: