رواية حظي اهلكني
#قصة_حقيقية
#الحلقة_الاولى
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
بعدها ركبنا فصل وخذينا باقي الحصص ورن جرس وطلعت انا ومروة وماسكين ايدين بعض
مروه:ح نرايف عليك
انا:انا اكثر
مروه:حي عليك تقطعي علاقتك بيا
انا:مستحيل انتي خيتي وحضنتها جو بنات ما غباكم ?
مهم وقعدنا نستنو في هلنا
مروه:باتك طول
انا:اها مش من عده يطول
مروه:تعالي نقعمزو نين يجونا
انا:باه
قعمزت وانا نبحت في باب
انا:غريب شن جايبه هذا هنا
مروة:ع من تحكي
انا:احمد خويا مش عارف كانه
مروة:كيف مش عارفه كانه اكيد يبي يروح بيك يا هم
انا:خلاص نتلاقو
مروة:تمام بايطلعت لاحمد
احمد:هي
انا:غريبه شن جابك انت وين بابا
احمد:عند موضوع دزني
انا:اها باهي درت خير قبل لا تزوج
احمد:هههه شن قصدك من قبل ما نديرش في خير
انا:مره في عام
احمد:باهي انزلي هي
انا:شكراخشيت حوش
انا:سلام الله عليكم
ماما:عليك سلام
ريحاب:روحتي
انا:لالا تبي حاجه قبل لا نروح
ريحاب:بارده
انا:قوليها روحك تسالي سوال بارد
فاطمة:هي تعالي سعدينا
انا:هي توا نجي
الكاتب:Arhima Alagory
مشيت غيرت دبشي وجيت نساعد فيهم
انا:شن اندير
ماما:في مواعين هذين اغسليهن
انا:هذي بس حاضر
ريحاب:من جاينا بعدين
فاطمة:اكيد خالتي
ماما:اها تبي تجي نمشي انا وياها للسوق
انا:من ماشي معاكم
ماما:بروحنا
انا:نمشي معاكم
رحاب: وقريتك
انا:نعرف مصلحتي
ماما:شن تبي ماشيه خليك مع خواتك وبنات خالتك
انا:انشاءلله غير يجن هن
وكملنا الحوسه وحطينا تغدينا بعد الغداء
ماما:شوفو بابا
معتز:هي هي وطلع فتح
خالتي:خير عزو شنجو
معتز:تمام
وخشت خالتي وبنات
ماما:مرحبا وين طولتو
خالتي:يا حنه راجل كان راقد
ماما:هي تعالي قعمزي
خالتي:بلكي وقت
ماما:لالا نشربو قهوة ونوضو وليد ونمشو
خالتي: باه
ماما:ديرن قهوة يا بنات
عندنا
انا:شنجوكن وين مختفيات
طبعا خالتي عندها بنتين رحمه ورتاج
رحمه:والله قعدين حال قرايه
رحاب:توا نجيكن ماما انضني قالت ديرو قهوة
فاطمة:رتوجه شنجوك
رتاج:تمام ماشي الحال
وقعدنا نهدرزو
الكاتب:Arhima Alagory
رحاب دارت قهوة وشلتها لماما
رحاب:تفضلي اخويله
خالتي:تسلم ايديك يارب
رحاب:سلمك اخويله
ماما:رحاب امشي وعي وليد
رحاب:حاضر
بعد دقائق جتنا رحاب
رحمه:كنك طولتي
رحاب:نوعي في وليد
انا:اها شيلهم وليد
رحاب:اها
وقعدنا نهدرزو نحنا وماما وخالتي طلعو للسوق جابو حاجات وروحو وخالتي روحت حوشها هي وبنات وهكي مرت الايام وبديت في امتحانات
في اول يوم امتحانات
انا:نضت صليت الفجر وبعدها قعدت نرجع شوي
ماما:نضت صباح الخير غريبه كيف واعيه بدري
انا:امتحانات وخايفه
ماما:ماتخفش وركزي
انا:انشاءلله
ماما:امشي وعي باتك
انا:حاضر
مشيت وعيت بابا هو خش حمام وانا مشيت ناما لقيتها وتيت فطور قعمزت نفطر طلع بابا
بابا:صباح الخير
انا وماما:صباح النور
بابا:واتيه بدري
انا:اكيد خلاص عاد امتحانات
بابا:هي نفطر ونمشو
انا:باه
فطرنا وطلعنا وصلنا للمدرسه
بابا:تبي حاجه
انا:سلامتك
بابا:ردبالك من روحك
انا:حاضر
وخشيت لقيت بنات مشيتلهن
انا:خيرات
بنات:خير
انا:مروه وين
بنات:غير سلمي علينا قبل
انا:انتن قعدت مش طيرات
بنات:مازال ماجت مروه
طبعا لما نقول بنات يعني تحكي بنت وحده مش كلهن مع بغضهن غير مانبش كل وحده نذكر اسمها وقصه ?
الكاتب:Arhima Alagory
شوي هكي وجت مروه
مروه:خير يا بنات
نحنا:خيرات
مروه:شنجو قريتو
نحنا:والله يستر الله
مروه:ماتخوفنش وتزيدوها عليا
نحنا:هههههه حتي نحنا خايفات
بعدها جا استاذ وبدا يوزع في قاعات انا جيت قاعة رقم 2 ومروه مش عارفه قاعة كم جا الامتحان وكملنا وطلعنا
انا:مروه وين كنها طولت
مروه:نزلت من دروج لقتني
انا:شن صار
مروه:انتي شن صار
انا:تمام حليت وانتي
مروه:حتي انا الحمدلله
انا:ماتفرحش واجد ديما اول امتحان هك
مروه:الله يبشرك
انا:هي اوكي بابا برا نبي نروح نقرا بيش نكمل بدري عندنا فرح
مروه:اها صاح لعقبالك
انا:ولعقبالك حتي انتي
طلعت لبابا
بابا: شنجو امتحان
انا:تمام اكويس
بابا:باهي انشاءلله بنجاح
انا:انشاءلله
روحنا الحوش لقيتهم يعلقو في العقود الضي ع حوش
انا:عليك جو يهبل
وخشيت نزغرت وجو هكي طبعا فرحانين لان بعرس واول عرس لنا
ماما:هذي تزغرت حلت في امتحان ولا غير هكي وخلاص
انا:طبعا حليت
فاطمة:انشاءلله
انا:نبي نمشي نقرا انا بيش نكمل بدري
ماما: باه امشي
خشيت نقرا وقعدت نقرا سمعت جونا عرب قلت في عقلي خطرلهم يديرو عرس توا حتي تعليم ما يقدرش سرع الامتحانات بعدها تعوذت من شيطان ورديت نقرا
نحكيلكم طبعا انا خوالي6 وخالتي وحده بس وعندي عمي متوفي وعياله كبار وكان مربيهم بابا لان امهم ازوجت بعد وفاته عمي
المهم قريت عند مغرب وانا عيوني في الكتاب و وذاني معهم برا ?
طلعت عليهم
رحاب:كملتي
انا:انشاءلله
وسعدتهم في العشاء وبعدها درنا جو بناات يدربكو ويغنو ع فكره العرس مزال ما بدا هذين ايام قبل العرس
نبي نختصر الاحداث ومانديرش حديث بين الشخصيات واجد بيش ما تقولش ممله ولا حاجه
ثاني يوم مشيت للمدرسه ودرت الامتحان وروحت ومره اول اسبوع هكي نمشي مدرسه نخش نقرا ونطلع ع مغرب وهكذا نين جا اسبوع ثاني امتحانات نفس اسبوع العرس
الكاتب:Arhima Alagory
مشيت مدرسه
مروه:شنجوك
انا:تمام بس مقهوره من جو العرس وانا نعاني ونقرا
مروه:الله غالب
انا:هي نخشو امتحان
خشيت امتحنت وطلعت جا بابا وروحنا وكان يوم الفاتحه انا خشيت نقرا وهم وتو الحاجات ومشيو قرو الفاتحه وانا بعد المغرب طلعت ومرت الايام
جا يوم الاربعاء اخر يوم امتحانات
انا:هي يا بابا
بابا:هي اطلعي جايك
طلعت ركبت سياره وانطلقنا للمدرسه
انا:ما طولش عليا
بابا:به
انا:باهي بابا نبي نعزم صحباتي
بابا:باهي اعزميهم هم واهلهم
انا:جكليا
خشيت للمدرسه
انا:خير يابنات
بنات:خيرات شكلك قارية
انا:اين قارية انتي وياها المهم بيش تفضلو بكرا في قاعة
بنات:شنو فرحك
انا:انشاءلله
بنات:شن يبي يجيبنا
انا:انتو وهلكم حتي امهتكم كلهوهن
بنات:حاضر وانشاءلله عقبالك
انا:ان شاءلله وحي عليكم تغيبو نزعل منكم راه
بنات: حاضر ان شاءلله نجو
مروه:وانا
انا:انتي اول وحده بلا عزومه
مروه:نجكليا
استاذ:هي انتي وياها من غادي
مروه:عليك قصه هي بنات
وركبنا للقاعات وجا الامتحان وكمل الامتحان ونزلت طلعت لقيت بابا
انا:شوي بابا
بابا:باه
نزلت مروه مشيتلها
انا:مروه بيش تجي بكرا ضروري
مروه: ان شاءلله
انا:خلاص نشوفك ع خير
مروه:باي
الكاتب:Arhima Alagory
وطلعنا انا وبابا للحوش
انا:خير
ماما:ان شاءلله بنجاح
انا:انشاءلله
خشيت غيرت دبشي وطلعت مع بنات وكان عندنا عشاء رجاله وانا نرقص ونقوللهم الله ما جوبت حاجه ?
ماما:تعالي وانتي ساعدي بنات
انا:باهي باه وانا نضحك وجو سمح
شوي نداني ولد خالي اسم احمد
احمد:اميرة تعالي
انا:نعم وكنت لبسه سوري ورديه وتضحك
احمد:يبحت فيا وسكت
انا:شن في كنك
احمد:كنك انتي
انا:كني نضحك كنت مع بنات بس
احمد:اها باهي نبيك في موضوع
انا:تفضل
احمد:اميرة انا نحبك
انا:سكتت وانصدمت
احمد:كنك
انا:ساكته
احمد:فكري وردي عليا
انا:مشيت وما رديتش عليه بجد انصدمت لان معتبرته كيف خويا
مشيت مع بنات وسعدتهم وجينا ثاني يوم كان يوم خميس يوم زفه طبعا هضا عرس احمد خويا ومشينا للقاعة
رحاب:يا اميرة تعالي يا هم
انا:كنك
رحاب:امشي صاحبتك جت
انا:تمام
مشيت لقيتها مروه
انا:حبيبتي تعالي هنا
مروه:انشاءلله نحظر عرسك
انا:انشاءلله
وخذينا طاولة وبعدها جن بنات
انا:هي تعالو ترقصو
مروه:لالا يا حنه
انا:خيرلكن مرات تشوفكم وحده وتخطبكم
مروه:امشي انتي عرس خوك
انا:باه ومشيت قعدت نرقص وجو
بعدها جا العريس وخذا العروس وطلعو وبدو المعزيم يروحو
مروه:اوكي يا ميرو
انا:باي نتلاقو راه تقطعي عليا
مروه:حاضر لعقبالك
انا:انا وانتي انشاءلله
فضيت القاعة وروحنا نحنا للحوش وبتنا نحنا وبنات العيله وجو الافراح انتو عرفينهن
الكاتب:Arhima Alagory
وبعد يومين روحو عرب عندنا انا خشيت دار لقيت رحاب
انا:رحاب نبي نحكيلك موضوع
رحاب:شنو
انا:احمد ولد خالي قالي نحبك
رحاب:تحكي جد عليك جو
انا:كنك انتي يحبني انا انتي كنك فرحتي
رحاب:يابارده فرحتلك
انا:بس انا ما نبش جو هذا وانتي عرفتني
رحاب:بس نحنا نعرفو احمد
انا:مش عارفه شن اندير اول ما قالها ليا انصدمت وسكتت معاش رديت عليه
رحاب:امتي قالها لك
انا:يوم الاربعاء
رحاب:اها فكري انتي
انا:ان شاءلله
مرت الايام وبعد العرس باسبوع
فاطمة:شوفو الباب
عبدالرحمن:هي توا نطلع فتح لقاهم عيت خالي لي هم عيت احمد
طبعا احمد عند اختين
خشو وقعدنا نهدرزو وجو عند ليل سمعنا باب يدق طلعت نفتح في الباب
انا:من
احمد:انا احمد حلي
انا:باه فتحت خش يا احمد
احمد:هي شنجوك اميرة
انا:تمام وسكتنا شوي
احمد:فكرتي في موضوع
انا:هزيت راسي اها فكرت
احمد:باهي شن ردك
انا:…..
.
.
.
.
.
#يتبع