رواية حظي اهلكني

#حظي_اهلكني
#قصة_حقيقية
#الحلقة_الثالثة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
عندنا في عشية جرس رن طلعت فاطمة تفتح لقتها ام احمد ومرات خوها
فاطمة:اهلين تفضلو
ام احمد:تسلمي افطومة
ماما:لقتهم اهلين شرفتونا تفضلو
ام احمد ومرات خوها:يزيد فضلك انشاءلله
وخشو للصالون
ماما:كيف حالكم
هم:الحمدلله تمام
ام احمد:يا فوزيه جايتك في طلب ومانبيك ترديني
ماما:تفضلي
ام احمد:الموضوع ان نبي
انا:جبت قهوة وخشيت
ام احمد:نبي اميره لولد خويا
انا:بحتت في ماما ونصدمت
ماما:سكتت مش متوقتها بكل لان جيتها هذي متوقعين تخطبني لاحمد
مرات خاله احمد:شن ردك يا فوزية
انا:تفضلو
مرات خاله احمد:ماشاءالله تبارك رحمن عليك
انا:ساكته
ومديت ع مرات خالي وامي وطلعت
ماما:والله ماعندي رد انا رد هو رد باتها
مرات خاله احمد:باهي فكرو ع مهلكم
ام احمد:هو شايف اميرة في عرس خوك يا فوزيه وعجباته وقبل يبي يخطب بعدها قال نخلوها بعد عرس ولدك
ماما:ان شاءلله خيرعند احمد
رن عليه تلفونه لقاه خالي لي هو عمه طبعا
احمد:الو عمي
خالي:وين قاعد يااحمد
احمد:توا في طريق ماشي للحوش
خالي:تمام شوفلي امك قوللها نبي نجي نحكي معاها
احمد:تمام
خالي:رد عليا
احمد:باه

عندنا في حوش
انا:خشيت مطبخ
رحاب:شن صار
انا:شن صار
فاطمة:شن قالت مرات خالك
انا:تي مش جايه تخطب لاحمد
رحاب:نعنجد هكي
فاطمة:تخطب لخالي املا
رحاب:هههههه تخيلي
انا:خلاص انتي وياها ماتصدقو
رحاب:والله نحكو جديات من تخطب
انا:لولد خوها
فاطمة:واحمد كيف صار مش يبيك

الكاتب:Arhima Alagory

عند احمد خش للحوش
احمد:امي امي وينك
اخته:امي عدت مش قاعده
احمد:وين عدت
اخته:عدت تخطب
احمد:بلا بصاره مش فاضيلك
اخته:وحق الله عدت لعيت عمتي فوزيه تخطب
احمد:فرح يحسابه تخطبله مع من مشيت
اخته:جتها مرات خالي اصلا تخطب لولدها
احمد:شن تحكي انتي ولدها من ومن تخطبله
اخته:والله جد تخطبله في اميرة لان عجبته من عرس عمي
احمد:انفصل وقعد يسب
سمع باب يدق مع طلعت احمد فتح الباب يلقاه ولد خاله
احمد:انت والله ما تحشم ع وجك ومانك راجل
ولد خاله:كنك
احمد:ع اساس ما تعرفش وماشي تخطب وجي هنا جوك سمح
ولد خاله:شن في
احمد:تعرف تمشي من قدام وجهي خير ما ندير فيك حاجه
ولد خاله:مش عارف شي
احمد:ركب في سياره وطلع للمزرعه

الكاتب:Arhima Alagory

عندنا في حوش
رحاب:شن رايك في موضوع
انا؛ماعندش راي انا راي عند بابا وماما
رحاب:ان شاءلله خير
فاطمة:بس وحق الله حقيره مرات خالي هذي
رحاب معقوله مش حكيلها احمد
انا:عادي توقعي منها اي شي ماشفتي بنتها شن قالت
فاطمة:شن قالت
انا:فوتو خلاص

رن خالي ع احمد كم مره بعدها احمد رد
احمد:الو
خالي:شن صار
احمد:شن نقولك امي سيبتني انا ومشت تخطب لولد خوها
خالي:كيف
احمد:سكر وقفل نقاله
خالي رن كم مره عليه ماردش بعدها رن ع بنات

اخت احمد:الو
خالي:احمد وين
اخته:كان هنا وطلع انضني للمزرعه له كم يوم يبات غادي
خالي:باهي اوكي وسكر

الكاتب:Arhima Alagory

عندنا في حوش
مرات خاله احمد رن فونها ردت عليه طلع ولدها قاللها هيا
وطلعو روحو
ولد خال احمد:ساكت ومتعقد
مرات خالي:ان شاءلله مبروك
رد عليها الله يبارك فيك

عند احمد في مزرعه خالي جا غادي لقاه سياره احمد قاعده خش للمزرعه لقاه احمد طايح ركبه واسعافه للمستشفى

عندنا في حوش
ماما تحكي لبابا
ماما:اليوم جتنا مرات خويا ومعاها مرات خوها
بابا:باهي شن صار
ماما:تخطب في اميرة لولد خوها
بابا:كيف مش يبيها احمد
ماما:مش عارفه بس هضا صار شن رايك
بابا:راي فوتيهم مش موافق
ماما:عليش اسال عليه
بابا:لالا
ماما:كيف لا ما تخربش ع بنت
بابا:لا يعني لا انا نعرف مصلحتها بنت ومن بكرا ردي عليهم
ماما:لي تشوفه
انا كنت نسمع لان بابا تعقد من موضوع صوته كان عالي بس ما عدلتش لان عادي مافيش اي مشاعر اتجاهم هم الاثنين

الكاتب:Arhima Alagory

عند احمد
خالي شاله مستشفي لقاه واخذ دواء طول خش دروله غسيل معده قعد في عنايه ساعتين بعدها طلعو اكويس
خالي:معقوله هكي
احمد:ساكت
خالي:هذا اسم نصيب وكل حد ياخذ نصيب
احمد:ساكت ويبحت في طريق
خالي:شاله لحوشه
وخوالي قالو لاحمد انسى موضوع لان هلك ح يضلموها وهكي بس احمد مسكر راسه عليا

**مهما تمنيت ما تاخذ غير نصيبك**

ثاني يوم رنت ماما ع مرات خالي وقلتلها ان رفضين ومش موافقين

كنت قاعده نقرا في دار رن فون لقيت رقم رديت
احمد:الو
انا:من
احمد:انا احمد ولد خالك
انا:نعم يا احمد
احمد:اميرة انا نحبك ونبيك
انا:احمد بس هلك ما يبوني وانا مانبش مشاكل ارجوك انساني والحمدلله ماصار بينتنا شي ولا انا عشمتك بحاجه وهضا نصيب وسكرت

الكاتب:Arhima Alagory

مرت الايام وجا يوم امتحاني مشيت امتحان درت و روحت قعدت نرجا في نتيجه يوم نتيجه

كنت في مطبخ جا بابا
بابا:سلام عليكم
ماما:عليك سلام شن هذي
بابا:عندي اميرتي نجحت
انا:سمعتها طلعت نجري صااح امتي
بابا:توا شفتها لك مبروك
ماما:تزغرت مبروك
انا:الله يبارك فيك
رحاب:كنكم شن في
ماما:اميرة نجحت
رحاب:مبروك ميرو ان شاءلله بسلامتك
انا:ان شاءلله
ماما:بيش نجحت
بابا:جيد جدا
انا: واخيرا افتكيت منها
بابا:باهي نبو نقاعدو هكي
انا:ههههه لالا خذيت تورته وخشيت مطبخ
وبعدها جونا عيال عمي وعمتي ودرنا جو وهكي كملت مرحله ثانوية

جا ليل
رحاب:شن تبي تخشي
انا:اكيد قانون رغبتي من انا صغيره
رحاب:انشاءلله بتوافيق
انا:انشاءلله

جت فتره تسجيل في جامعة
بابا:اميرتي نقولك ماتقدرش تخشي قانون
انا:عليش
بابا:قرار هكي
طبعا ايام نظام سابق كان قرار ان لي قريتها في ثانوية تخصصيه تقراها في جامعة وخشيت كليه لغة عربية ودرت امتحان قبول ونقبلت

الكاتب:Arhima Alagory

بعد ايام بديت في كلية
انا نضت من صبح بدري وفرحانه
ماما:كبرتي عاد وتنوضي بروحك
انا:اها خلاص جامعة توا
ماما:ربي يسعدك ويفتحها عليك
انا:انشاءلله
بابا:صباح الخير
نحنا:صباح النور
بابا:واتيه
انا:ان شاءلله
بابا:هي نفطر ونطلعو
انا:ع مهلك
فطرنا وطبعنا وصلنا للجامعة
بابا:امسكي هذين
انا:شكرا بابا
بابا:خلاص خشي وردبالك من روحك
انا:حاضر
نزلت خشيت مانبش لغة العربية بس الله غالب بعد تقاعد كاره حاجه من صعب تقبلها قعدت بروحي بعدها مشيت شفت نظام ومواد وهكي وجاني بابا وروحت

في حوش
ماما:شن شجو الجامعه
انا:اكويسه
ماما:كنك
انا:لا شي مش عجبتني بس
ماما:توا مع وقت تعودي عليها
انا:انشاءلله

ومرات ايام بعدها جت ثورة فبراير ومنها تمت خربت علاقتنا مع خوالي لانهم مع معمر ونحنا ضده يعني خوتي شاركو في ثورة

في يوم كنه قعدين نهدرزو وعندنا عيت احمد خويا خش احمد علينا
احمد:باتي وين
ماما:كنك شن فيه
احمد:نبي باتي
انا:برا بابا مش هنا
احمد:طلع
ماما:ماطمنتش طلعت
احمد طلع برا لقاه بابا برا
احمد:يا باتي نبيك في موضوع
بابا:شنو انشاءلله خير
احمد:توا كلمني واحد وقالي…..
.
.
.
.
.
#يتبع
في الحلقة الجاية
ماما:حي عليا اعويلتي

انا:يهبل يا رحاب