رواية حظي اهلكني
#قصة_حقيقية
#الحلقة_السابعة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
في طريق
خالد مولع اغاني وجو سمح فرحان يبي يطير وانا اكثر منه
خالد:مراتي
انا:بصوت واطي نعم
خالد:كنك تحكي بصوت واطي ومتحشمه
انا:اول مره نقاعد معاك هكي
خالد:و ديمه ح تقاعدي معايا انشاءلله
انا:انشاءللهوصلنا للحوش
خالد:حل باب حوش تفضلي قولي بسم الله
قبل لا نخش نفكر كيف تكون حياتي فيه نتريح ولالا شن داسلي زمان
انا:بسم الله وخشيت
خالد:نورتي حوشنا
انا:منور بوجودك
خالد:شكلك مزلتي
انا:مزلت شنو
خالد:متحشمه
انا:باهي نبو نقعدو عند باب
خالد:هههه هي خشي
خشينا وكان مزين الحوش اجواء رومانسيه وستاير ع سرير وهكي وصار بينتنا لي صار وبعدها كملنا وخشيت دوشت وطلعت لبست بجامة وخالد نفس شي
انا:رقدت ع سرير وغمضت عيوني
خالد:جا جني ويلعب ع شعري ويحكي يحسبني رقدت والله انك ملاك وانشاءلله ما نضلمك ولا نزعلك وحضني ورقدنا
ثاني يوم
نضت لقيتها ساعه 12
انا:حي عليا يا خالد
خالد:نعم
انا:نوض هي وقت
خالد:وقت ع شنو
انا:ساعه 12راه واليوم جمعة
خالد:باهي فجعتيني
انا:يا بارده اصلا انا غلطانه وطلعت من دار خشيت حمام
الكاتب:Arhima Alagory
وانا في حمام نسمع في باب يدق
طلعت من حمام
انا:من
نجوي اخت خالد:انا يا عروستنا
انا:فتحتلها هلا تفضلي
نجوي:لالا وين نتفضل صباحيه مباركة
انا:الله يبارك فيك
نجوي:جبتلكم فطور
انا:تعبتي روحك
نجوي:تعبك راحه
وطلعت نجوي
وانا حطيت فطور ع طاوله وكان فطور يهبل بعد حطيت فطور خشيت ع خالد
خالد:من لي جا
انا:نجوي
خالد:جابت فطور
انا:اها
خالد:تمام وصبي قرب مني وعطاني بوسه? وخذاني من يدي مشينا للطوله
خالد:توا نجي نخش حمام بس
انا:باه
وطلع من حمام وقعدنا نفطرو
خالد:توا تلقي لبسه العربيه واتيه ومعلقه في دولاب طلعيها ليا وانا نخش ندوش ونمشي جامع
انا:به
كملنا فطور وخش خالد يدوش وانا وتيه جلبيه طلع لبسها
انا:وريني هي
خالد:دقيقه
انا:نبي نفتح اعيوني
خالد:تفتحي نوريك
انا هي باهي
خالد:افتحي
انا:شن هذا كان منضرك هكي
خالد:كنك
انا:تهبل يا خلودي عليك
خالد:حتي انتي تهبلي
شوي سمعنا ظهر اذن
انا:هي امشي
خالد:تلزي
انا:والله لا
خالد:باهي اوكي نتلاقو بعدين
انا:ربي يحفظك ليا
خالد:وليا
الكاتب:Arhima Alagory
طلع خالد وانا خذيت فوني ورنيت ع رحاب لقيتها مشغول حطيت فون ومشيت نوتي في دبشي رن فون لقيته فاطمة
انا:الو حبيبتي
فاطمة:نعليا ريفت عليكن شنجوك
انا:بخير انتو شنجوكم
فاطمة:تمام توا كنت نكلم في رحاب
انا:اها رنيت عليها مشغول
فاطمة:ماما تبيك
انا:الو خير يا ماما
ماما: خير يا بنيتي ربي يهنيك ويكتبلك راحه انشاءلله
انا:انشاءلله يارب
ماما:كيف حال خالد
انا:تمام طلع للجامع
ماما:باهي ما نعطلكش
انا:شن اخبار العريس
ماما:الحمدلله اكويس
انا:سلميلي عليهم كلهم
وسكرت رنيت ع رحاب
رحاب:ايوه
انا:ايوه وخلاص كنك
رحاب:يا خيتي مش فاضيه
انا:حي عليا شنجوكم
رحاب:الحمدلله وانتو
انا:تمام التمام
رحاب:ربي يكمل علينا
انا:انشاءلله
رحاب:وين راجلك
انا:جامع
رحاب:حتي انا طلع للجامع توا نبي نبرم ع دار وحوش ع ما جا هو
انا:تمام حبيبتي بعد نتلاقو نحكو كل شي
رحاب:انشاءلله اوكي
سكرت منها وخشيت ندوش سمعت باب انطبق عرفت خالد روح لفيت منشف ع روحي وطلعت لدار سكرتها ولبست توتة حلويه وطلعت
خالد:عليش تسكيرت الباب
انا:هكي عندك مانع
خالد:لا وقرب مني
انا:حسيت روحي سخنت
خالد:خطرها ع توتة الحلويه
انا:كنها
خالد:خطرت عليا لما شفتك قدام حوشكم
انا:توا قاعد في حوشك
خالد:اكيد وزاد قرب مني
انا:خالد باب يدق
خالد:مافيش هروب
انا:واللهي يدق
خالد:سمع باب جديات يدق
طلع يفتح في لقاها نجوي جايبه الغداء
نجوي:تفضل يا عريس
خالد:توا كيف فطرنا راه
نجوي:مش شوري انا دزتني امي
خالد:باه خذا سفرة
انا:الغداء قصدك
خالد:لالا فطور دور ثاني
انا:حانط
خالد:شن نقولك تعالي تغدي هي
انا:باه كليت شويه وشبعت
خالد:اكيد توا تجيك نجوي تلبسك عربي
انا:باه
وجتني نجوي ولبست عربي ومشيت حوش عيت عمي طبعا خالد يسكن جنب حوش اهله قعدت عند ليل وكان جو حلو بكل وروحت لحوشي ومرت الايام مع خالد وكل يوم احلي من يوم لي قبله وحبنا يزيد بعد اسبوع من فرح كنت في حمام سمعت تلفوني يرن لقيتها رحاب استغربت رحاب شن تبي في ليل
انا:الو رحاب
رحاب:شنجوك وشنجو خالد
انا:الحمدلله شنجوكم انتو
رحاب:بخير قتلك
انا:نعم
رحاب:شن رايك نمشو لهلي بكرا
انا:والله توا نشوف خالد
رحاب:ومنها يتعرف ع سراج
طبعا سراج راجل رحاب
انا:توا نشوف توا ونرد عليك
رحاب:اسمعي قوليلي نبي نبات غادي
انا:شكلك مرايفه
رحاب:بكل
انا:توا نشوف كان خالني
رحاب:عارفين يحبك
انا:اوكي يا بارده
رحاب:نرجا في ردك
انا:تم باي
خالد في دار راقد ع سرير يتفرج جيت جنبه
انا:حبيبي
خالد:يبحت في تلفزيون اعيون حبيبك
انا:نحكي معاك
خالد:وانا نسمع قاعد وكان يبحت في تلفزيون
انا:خذيت جهاز وطفيته بحت فيا انا
خالد:ههههه نعم يا هبله
انا:نبي نمشي لهلي بكرا
خالد:بكرا شنو
انا:جمعة
خالد:ضروري يعني
انا:والله ياريت لان حتي رحاب جايه غادي وقالت بمره تعرف ع راجلها
خالد:تعرفت عليه سراج
انا:باهي يعني لا
خالد:يعني مش ضروري بكرا فوتي موضوع
انا:باه وجعتني منه وخذيت تلفوني وطلعت
رنيت ع رحاب
رحاب:شن صار
انا:والله شن نقولك قالي لا
رحاب:عليش
انا:والله مانعرف خلاص انتي امشي
رحاب:باهي توا نمشي بكرا لما تجي قوليلي توا نجي
انا:تمام
وسكرت وخشيت دار بدون ما نحكي ولا كلمه لقيت خالد مولع تلفزيون ويتفرج انا تغطيت معقوله خالد يدير هكي وشن سبب ماقال ما نحرمكش من هلك فتت موضوع ورقدت
الكاتب:Arhima Alagory
ثاني يوم
نضت لقيت خالد مش قاعد وما دورتش خشيت حمام وطلعت من حمام صليت صبح وخشيت مطبخ درت فطوري سمعت باب انفتح ما عدلتش عليه
خالد:صباح الخير
انا:خيرات
خالد:شن مافش فطور ليا
انا:والله لقيتك طالع قلت اكيد فاطر
خالد:باهي فوتي فطور شن الغداء
انا:انت شن تبي
خالد:ما نبي شي خشي ديري دوش والبسي
انا:عليش
خالد:نطلعو نتغدو برا
انا:ما عندش نيه بكل
خالد:حتي معايا انا ما عندكش نيه
انا:اها فوت طلعه اليوم
خالد:قرب مني امشي يا هبله ديري دوش ماشين متغدين عند هلك
انا:تحكي جد
خالد:ونقدر نرفضلك طلب انا
انا:عطيت بوسه ع سريع نجكليا ومشيت درت دوش وطلع رنيت ع رحاب
انا:الو قتلك ماشيه توا عند هلي
رحاب:كيف صار
انا:المهم اني جايه وانتي
رحاب:انا توا نبي نمشي لعيت عمي وبعدها جايه في عشيه
انا:تمام نتلاقو غادي
لبست وطلعت
خالد:خلاص واتيه
انا:انشاءلله
طلعنا في سيارة
خالد:درس عند جزار وجاب منه سقيطه
انا:عليش هذي كلها
خالد:مش شورك
ومشينا حوش هلي دقيت باب فتحلي عبدو
انا:خيرات عبودي
عبدو:انستينا واللهي تفضلي
خالد:تعال يا عبدو
انا خشيت لحوش وعبدو ينزل في دبش مع خالد جايب خضره ومشروب وحلو وهكي
انا:ماما
فاطمة:جت تجري حضنتني رايفت عليك
انا:حتي انا والله
ماما:انستينا
انا:سلمت ع ماما
بابا:اميرتي جت
انا:خير يا بابا سلمت عليه خش خالد وعبدو
ماما:عليش متعب روحك يا خالد
خالد:مافيش تعب
بابا:شن حالك يا خالد وشن حال هلك
خالد:الله يسلمك يا عمي
وانا قاعد جنب بابا لان اكثر واحد مرايفه عليه وقعدنا نهدرزو عند اذن ظهر طلعو رجاله للجامع
انا:نسعدكم في حاجه
فاطمة:لالا ريحي روحك يا عروس
انا:سبحان الله كنتي تزري فينا ع خدمة
فاطمة:الله غالب الرياف ياما يدير
ماما:هههههه شنجوك انتي وراجلك
انا:الحمدلله امس زعلني قبل قالي مش جايه
فاطمة:ههههههه عارف رن ع بابا وقاله ان بكرا جايين للغداء
انا:يعني بلعاني ديرها
ماما:المهم جيتي وحتي رحاب جايه بعدين
انا:اها قلتها ليا
وقعدنا نوتو في الغداء وجو الرجاله وتغديه ولمينا المواعين
الكاتب:Arhima Alagory
في العشيه باب يدق
ماما:هذي اكيد رحاب
رحاب:سلام عليكم
ماما:عليك سلام
رحاب:كيف حالك يا ماما
ماما:بخير انتو كيف حالكم
رحاب:الحمدلله
فاطمة:نورتي الحوش
رحاب:منور بيك يا طشة
ماما:خشو هي
انا:اهلن
رحاب:خزي عليك خونه درتيها
انا:والله مش مني يا بارده
رحاب:شنجوك توا
انا: تمام وانتي
رحاب:تمام التمام
قعدنا نهدرزو عند جا ليل وتعشينا جاني معتز
معتز:اميرة قالك خالد هي
رحاب:مش قتلك نباتو
انا:مزال ما دويتله توا نمشيله توا امشي قوله تبيك اميرة
معتز:طلع يا خالد يبوك
جا خالد:نعم
انا:نعليا من سمح انا
خالد:هذا عليش كلمتيني
انا:اها
خالد:هي باهي
انا:خلودي والله رحاب جايه وتبي تبات وتبيني نبات معاها وحتي فاطمة تبيني نبات
خالد:بس ما قلتيهش ليا من بدايه
انا:امس نحكيلك سكرت ع موضوع انت هي ليله بس
خالد:بس ما نبش نبعد عليك ليله
انا:عشان خاطري عاد
خالد:باهي خلاص باتي
انا:نجكليا
خالد:تبي حاجه
انا:سلامتك
خالد:باي
انا:ردبالك من روحك
خالد:انشاءلله
وخشيت للبنات
وقعدنا نهدرزو عند فجر وبعدها رقدنا ليله ردينا فيها ذكريتنا وكل شي حلو وغيرنا جو فاطمة كنت مكسده بروحها ثاني يوم بعد المغرب روحنا حوشنا انا ورحاب ومرت الايام وانا وخالد ماشاءالله علينا ومتريحه وخالد ما يتحمل فيا شي ورمانسي معايا ومفاجات وهدايه وحياة حلوه معاه وعيت عمي جنبي نمشيلهم ونهدرز عندهم وجونا تمام
بعد مرور ع عرس بشهر
كنت اندير في الغداء في مطبخ حسيت بدوخه ونبي نرجع طلعت نجري حمام وانا في حمام خش خالد للحوش
خالد:عيوني وينك
انا:كنت في حمام
خالد:حبيبتي
انا:بصوت دوبه طالع نعم
خالد:فتح حمام كنك
انا:مش عارف حاسه بروحي دايخه
خالد:كنك
انا:مش عارف
خالد:هي نشيلك مستشفى
انا:لالا مش لزام مستشفى توا نقاعد اكويسه
خالد:عينك هي البسي عبيتك
انا:خالد والله توا نقعد تمام
خالد:انا نبي نطمن عليك هي
طلعنا للمستشفي خشينا ع دكتورة وحكينلها قصة طلبت منه تحليل
انا:قتلك يا خالد فكنا توا تحليل وقصه
خالد:صحتك يا همي كنك انتي
درت تحليل وروحت حوش ومزالت معايا دوخه وجو هذا
الكاتب:Arhima Alagory
ثاني يوم
قاعده راقده في دار
خالد:خش دار حبيبتي
انا:نعم خلودي
خالد:امسكي
انا:شنو هذا
خالد:باكو صغيره افتحي
انا:فتحته لقيت في سلسلة ذهب و ورقة مطبقه
انا:نجكليا يارب
خالد:افتحي الورقة
انا:فتحت ورقة لقيت مكتوب فيها “سوف تكوني افضل ام يا حياتي”
انا بحتت في خالد شنو هذا
خالد:تحليل طلعن وطلعتي حامل يا قلبي
انا:تحكي جد
خالد:عليش نبصر
انا:قبل طرت من فرحه وخالد اكثر مني
خالد:توا اسمعي نبيك اديري بالك من روحك وتريحي روحك فاهمه ولالا
انا:انشاءلله
خالد:توا نجي نجيب غداء ولي تبيها قوليلي عليها
انا:انشاءلله ربي مايحرمني منك
ومرت الايام وانا فرحانه وخالد اكثر وهلي سمعوها فرحو واهله خالد كذلك وخالد ما سيبنش دقيقه بذات لما نمرض يكون معايا وما يخلينش بروحي وخطرها ع قرايه كملت قريتي وتخرجة من كليه ادب ابله لغة عربية ومرت الايام
في يوم 17/2/2015 كان يوم مطر طلعت انا وخالد مراجعه عند دكتورة وفي يوم هذا بديت في تعب
خالد:حبيبتي هيا
انا:حاضر يا قلبي
طلعنا في طريق
خالد:امتي تجيبي وتفرحيني
انا:اصبر مزال 3شهور بس
خالد:يارب يمشن بسرعه
انا:تمشي بسرعه اصلا الايام شوف اول امس قتلي حامل توا ليا 6شهور
خالد:عليك جو
انا:ماشاءالله مطر سمحه اليوم
خالد:هي انزلي
انا:هي
ونزلنا للمستشفي
وخشينا ع دكتورة وشافت ملفي وجو هذا بعدين درت صوره متاع تشوف جنين ع شاشة
دكتورة:يا اميرة انتي…..
.
.
.
.
.
#يتبع