رواية حظي اهلكني
#حظياهلكني
#قصةحقيقية
#الحلقةالعاشرةوالاخيرة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
جت ساعه 4فجر
خالد مش معبرني وخلاني مربوطه قعدت نحول نفتح الحبل بعدها فتحته صبيت نجري فتحت باب حوش و طلعت نجري حتي حجاب مش لابسه وحفيانه طلعت نجري ونبحت ورايه وخايفه ونفكر وين نمشي قلت نمشي لاختي خير وانا ماشيه شفت واحد طالع من حوشهم وجاني
انا:ياربي من هضا ياربي احفظني
راجل:من انتي
عرفته راجل وكان ولد عم بابا اسمه علي كان طالع يصيلي في فجر
انا:الله يسترك يا عمي علي استر عليا
علي:من انتي
انا:انا اميرة بنت محمد
علي:كنك يا بنيتي شن صاير فيك
انا:قصتي طويله
علي:تعالي اركبي
ركبت معاه في سياره ومشينا لحوشه نزلت وخشيت
علي:خليك هنا نصلي فجر ونجيك
انا:حاضر
وقعدت نبكي ومرات علي تصبر فيا وجبتلي وكال بس كا عندش نيه
الكاتب:Arhima Alagory
المهم روح عمي علي
علي:يا اميرة هي معايا
انا:وين
علي:مستشفي
انا:لالا حطني في حوشنا بس
علي:والله ما تجي نطمنو عليك قبل وهيا انتي معانا قصده ع مراته
لبست وشاح وسترت روحي وطلعت مع عمي علي ومراته للمستشفي خشينا ع دكتور صورني وكشف عليا
دكتور:الحمدلله ع سلامتك
انا:الله يسلمك
علي:شن في يا دكتور بنت اكويسه
دكتور:الحمدلله مافيش كسر ولا حاجه وتوا نديزلك تقرير الضربات
علي:الله يرحم ولديك وطلع
انا:دكتور انا حامل
دكتور:ما تخافيش الجانين الحمدلله بخير
انا:فرحت شوي وخطرت عليا حالتي ولي صار فيا قعدت نبكي
بعدها روحنا من مستشفي
انا:عمي علي حطني في حوشنا
علي:توا تريحي معانا بس هكي هلك ينفجعو عليك
انا:لالا الله يرحم ولديك ويستر عليك كيف ما سترت عليا
علي:وجبي هذا يا بنتي توا نوصلك حوشكم
وصلنا حوش وماما مش قاعده ولا بابا وماما في تونس
نزل عمي علي يدق ع باب
محمود:من
علي:افتح
محمود:خير عمي علي هي تفضل
علي:الله يبارك فيك نبي نعطيك امانه
محمود:شنو
علي:انزلي
انا:نزلت وخشيت
محمود:اميرة شن جابها عندك
علي:توا تحكيلك هي وبشويش عليها ساد لي صار فيها
محمود عرف ان متعركه مع خالد
محمود:الله يسلمك يا عمي محمود وربي يفتحها عليك
خش محمود لقاني في مربوعه حضني وقعد يبكي وانا نبكي
محمود:مسحلي دموعي وحق ربي ناخذلك حقك منه و توا
جتني فاطمة وتبكي وصارت حاله فينا
محمود:رن ع خوتي الاخيرن وحكالهم
طبعا احمد خويا دكتور جا كشف عليا وريت تقرير وكل حاجه قال تمام ومافيك شي بس اثار ضربات واضحه
وطلعو خوتي يدورو ع خالد وحصلوه
احمد:عطينك امانه مفروض تحافظ عليها مش تضربها
خالد:مش شوركم هذي مراتي
محمود:مراتك تضربها يا …وصار يسب وبعدها مسكوه عطوه طريحه رباش القبور ?يستاهل
الكاتب:Arhima Alagory
روحو خوتي وجا بابا
انا قاعده في دار وبابا ما قالوله شي لان عند سكر جا احمد وعاطه ابراه سكر
احمد:يا باتي راه خالد ضرب اميرة
بابا:شنو وين اميرة
احمد:قاعده ما تخفش
بابا:كلموها ليا
جيت انا لقيت بابا يبكي
انا:نعم يا بابا
بابا:حضني ويبكي سامحيني يا بنيتي والله نردلك حقك
انا:معاش نبي شي غير بنتي
عند عيت خالد
بعد خالد خذا طريحه سمحه روح حوشهم
سعاد:كنك
خالد:درت عركه
سعاد:مع من وين اميرة
خالد:عند هلها امس ضربتها وتوا تعركت مع خوتها
سعاد:قعدت تعيط
المهم سعاد خذت دبشها وطلعت لهلها
عندنا
بابا:ح نردلك بنتك ولي تبيها
طلع بابا وكلم خالد
خالد:الو
بابا:درتك راجل وعطيتك بنتي ما حفظتش عليها توا جيب البنت وتعال نبي نشوفك
خالد:باه
بابا خش علينا
بابا:خالد جاي وفكوني من مشاكل
خوتي:كيف هذي يا حاج
بابا:اسمعو الكلمه
خوتي:تمام
جا خالد وجايب معاه فتحيه
بابا:تفضل
خالد:ساكت خش للمربوعه
بابا:يا اميرة
انا:خشيت نعم
خالد:اميرة سامحيني والله انا غلطت ونبيك تسمحيني
بابا:خذا منه بنت وجبها ليا قوليله شن تبي
انا:نبي بنتي ونبيك طلقني نحكي ونبكي لان خالد حياتي كلها نحبه بس لزام نبعد عليه
خالد:بس
بابا:مافيش بس سمعت الكلمه نبو طلاق
خالد:قعد ساكت نستاذن انا
بابا:تفضل ياريت موضوع طلاق تستعجل فيه
خالد:انشاءلله
مرت الايام روحت ماما من تونس وسمعت قصه ونهارت
الكاتب:Arhima Alagory
جا يوم طلقي مشيت انا وبابا للمحكمة وجا خالد
وانا نبحت في خالد ونذكر كل حاجه معاه اول ما شفت مع خوتي وبعد جاني في خطبه وحنه وزفه ولما وصلنا حوش وحياتي معاه ضحكته ريحته حضنه ليش درت فيا هكي ليش ظلمتني ليش مش واثق فيا ليش وصلتنا هكي ودمعتي نزلت وخالد يشوف فيا انا ياربي ليش ما كملت معايا فرحتي شن مزال مكتوبلي اخره وسمعت طلاق من خالد خلاص خالد معش ليا خالد صار واحد ثاني بعد ما كان حبيبي وبعدها زوجي توا واخد اخر طلعت من محكمه جثة بس وانا روحي مع خالد صاح معش نعيش معاه بس قلبي عنده ونحبه وصلت حوش ونبكي قعدت كم يوم ع الحاله هذي وانا نبكي وكل ليله نقضي فيها بكاء ع فراقي منه وع عذاب لي شفته مرت الايام وتعودت ع فرق بس ما صبرتش مزلت مجروحه
جونا ناس وخطبو فاطمة وقالو ان فرحه ح يكون في 2016 وانا نفكر فلي في بطني
الكاتب:Arhima Alagory
جا يوم كنت في مطبخ وقعدت نعيط وطحت
ماما:يا فاطمة نادي محمود
فاطمة: طلعت تجري يا محمود يامحمود
بابا:كنك شن فيه
فاطمة:اميرة مريضه
بابا:خش يجري كنها
ماما:يمكن ولدتها توا
بابا طلع ولع سياره جيبوها صبيت وسندتني ماما وانا نعيط ياربي
ماما:اصبري ياربي خليك معاها يارب
وصلنا مستشفي نزلنا
بابا:نبو دكتور بسرعه
جا دكتور وعرفني لاني نراجع عنده
دكتور:تعالو بسرعه غرفته ولاده
خشيت وبابا وماما برا وماما تبكي
بابا:وحدي الله وادعيلها
ماما:يارب استرها معاها وطلعها بسلامه هيا بين ايديك يارب
بعد شوي طلع دكتور
بابا:شن صار
دكتور:مبروك ولد
ماما:قعدت تزغرت وفرحت
بابا:طلع جاب حاجات
الكاتب:Arhima Alagory
بعدين طلعوني في غرفة
ماما:الحمدلله ع سلامتك
انا:ساكته ونبكي وفي عقلي لو خالد قاعد جنبي وشافني شن جبت جبت ولد مش بنت نفس ما قالت امه
ماما:اميرة خلاص بنيتي اهو جاك راجل يحفظ عليك وع اخته
انا:انشاءلله
جا بابا
بابا:وين العريس
ماما:مزال ماجبوه هنا
بابا:مبروك يا اميرتي
انا:الله يبارك فيك يا سندي
بابا:شن تبي تسميه
خشت ممرضه ومعها ولدي
ماما:اهو وصل العريس
انا:وريني
ماما:سمي بالله
انا:بسم الله
بابا:شن تبي تسمي عاد
انا:نبي نسمي علي ع عمي علي لان ستر عليا وعليك يا بابا
بابا:صدقتي والله لي داره علي مايدير واحد في وقتنا توا هيتي علي خليني ناذنله
انا:خوذه
خذا بابا واذن في وذنه
ثاني يوم طلعت من مستشفي للحوش هلي مشا بابا جاب حوليين وذبحهم ودرنا عشاء ع جيت علي وبدت دنيا تضحكلي شوي بشوي وجت ناس تبارك وبعد تمينا منهم بدينا نوتو للعرس فطومة
فاطمة ماسكه علي
انا:صبي سعدينا
رحاب:خليها راقده عروس
انا:واللهي وكان عروس عرسها ولا عرسنا
فاطمة:هكي يا اميرة وانا لي مريحتك من ضنوتك
انا:خليهم في خاليهم في حالهم
فاطمة:باه يا اميرة حطت علي شوي وبدا يبكي
انا:فطومة امشي لعلي
فاطمة:لالا خلي في حاله
انا:يابارده صبيت تميت نسكت فيه
الكاتب:Arhima Alagory
ومرت الايام وجا يوم العرس
فاطمة تبكي في دار
انا:كنك يا هبله
فاطمة:خلاص نبي نطلع منه حوش هذا حوش لي عشت فيه حياتي كلها نبي نسيبه
انا:الله غالب هذي الحياة توا تطلعي وديري حوش وتريحي فيه ويقاعد افضل حوش عندك وما تمنش تطلعي منه وبعد تطلعي ليله ترايفي عليه وعلي فيع انا نحكي ونبكي لاني اذكرت حياتي مع خالد
فاطمة:حضنتي اسفه يا روحي وربي توا يعوضك خير منه
انا:اسكتي خلاص ما نبش نكد
فاطمة:حاضر
انا:هي قدمي للكوافيره
فاطمة:تبي تفتكي مني
انا:اها اطلعي
الكاتب:Arhima Alagory
وطلعنا للكوافيره وصلنا محمود نزلنا ولبسنا وكل حاجه وجا محمود خذنا
محمود:مبروك يا فطومة
فاطمة:لعقبالك
انا:خلاص حتي هو شهر جاي
محمود:يستر الله
مشينا للقاعه وخشينا خشت فاطمة وكانت طالعه اية في جمال وبعدين جا عريسها وخذها وربي كتبلها الهناء معاه
بعد شهر جا عرس محمود وازوج ما نبش نحكي التفاصيل بعد فرح محمود بديت نشتغل ونمشي ونطلع ونبي نبدا حياة جديدة ونحول بعد ع حزن مع ان كل ليلة ضروري يخطر عليا خالد
بعد سنتين من طلاقي يعني 2018 كنت في دار رن فون ماما
ماما:شنو حي عليا وقعدت تعيط
طلعت نجري
انا:كنك يا ماما
ماما:باتك مريض ورقدو في مستشفي
انا:قعدت نبكي وضلمت دنيا في واجي وندعي ربي
ماما:رنت ع احمد
احمد:نعم يا امي
ماما:يا احمد باتك كانه
احمد:اكويس يا امي وسكر عليها
بعد شوي جونا صبايا خوتي وبعدها جت رحاب وفاطمة
انا كنت في صاله وندعي ربي يحفظلي بابا لان هو كل شي هو سبب ضحكتي هو قوتي بعد نكسرت هو راحتي ما يقدر حد يقربني كل شي الا اميرة يقوللهم وانا نفكر هكي رن فوني
انا:الو يا محمود
محمود:باتي توفي يا اميرة
انا:لا يا محمود قول غيرها الا هذي وقعدت نعيط بابا مامتش بابا قالي ما نسيبكش بابا حي
والحوش انقلب عياط وبكاء وانا انصدمت بسرعه هكي بابا خلاص سيبني ليش ياربي بعد بديت نتريح بعد بديت نضحك من جديد وقعدت لعند ثاني يوم وانا بالحاله هذي نين جابو بابا في صندوق هنا فطنت روحي وقعدت نبكي وخشيت عليه وتميت نحكيله هكي سيبتني يا سندي من يسندني بعدك من يحن عليا ومايتحمل زعلي من يضحكني من يغير جوي بابا سامحني كان زعلتك وقعدت نبكي عند ما جو وشالوه وطلعو بيه ومعش يرد وناس بدت تجي وتعزي وانا ماندير في شي غير البكاء ويوم بعد يوم بدبت نصبر
الكاتب:Arhima Alagory
بعد مرت سنه ع وفات باتي يعني في 2019 شهر 2 جاني احمد
احمد:كيف الحال
انا:الحمدلله وانت
احمد:بخير نبي نحكي معاك موضوع
انا:شنو
احمد:في واحد جاي وطالبك ويبي يزوجك
انا:لالا مانبش
احمد:عليش انتي فكري وهو راضي بعيالك وحتي هو مطلق وماعندش عيال
انا:والله مانبي
احمد:فكري وردي عليا
انا:انشالله
طلع احمد مني قالها للماما
ماما:توا نشوفها
احمد:شوفيها وانا ما نغصبها ع شي
ماما:حاضر
جتني ماما
انا:جايه ع موضوع احمد
ماما:اها اسمعيني توا عيالك صغار تحصلي من يربيهم وانتي تحتاجي راجل يحميك
انا:بس يا ماما
ماما:انتي جربي مرات تريحي معاه
انا:توا نفكر ونرد عليكم
انا فكرت وقلت نجرب حظي المره هذي و وافقت درنا فرح بسيط وسريع وراجل كان اكبر مني واجد بس قلت مهم يحميني ويقدرني ازوجت رقدت معاه كنت نقاعد في دار يخش هو يسمع عليوه يبكي يقاعد يعيط عليا وسكتي ولدك حتي في حوشي ما نتريح انا ناخذ ونطلع برا دار ونقاعد نبكي ومثلا يجي يلقاني نلعب مع عيالي يقاعد يهزب انا متزوجك ونبيك تخدمي مش تلعبي وطبعا كنت مهتمه بعيالي اكثر وهو كان عصبي وكل حاجه دير عليها مشكله وفي نهايه بكل قالي معش ينسبني الوضع هذا وعيالك عطيهم لباتهم يربيهم انا هكي قتله لالا خلاص ومشيت لهلي وطلبت طلاق وطلقني بعد عشت معاه شهر ما شميت حتي ريحت الراحه معاه
الكاتب:Arhima Alagory
هذي قصتي وتوا عايشه مع ماما في حوش وقررت معاش نسيب عيالي والحمدلله ما نقصني شي بس مجروحه من خالد ومكسوره من فراق باتي وخالد حول كم مره يردني بس انا مزال خايفه هو يقول ان نادم بس انا خايفه نغلط من جديد وخالد مريض هو وامه ويمشو يعالجو في الاردن لان ظلموني و ربي ع كرسي العدل وحرم الظلم ع روحه بس ربي يشفيهم العيال مره مره يجي ياخذهم خالد وخالد لعند لان رافض زواج وما يبيش يتزوج بعدي وانا لعند لان نحبه الله غالب هذا حظي وهذي قصتي ياريت تعجبكم وتستفيدو منها ونبيكم تدعولي ربي يريحني ومشكرين
رايكم في رواية وانشاءلله تعجبكم