رواية جرائم ظالمة
#جرائم_ظالمة 13 (حقيقيه)
اسكندر:نحا جاكيته….وينه
اصيل:طلعته من المخزن حطيته في دارك قريب مات مفيش تهويه
اسكندر:قرن حواجبه وجاي بيمشي…..شده اصيل
اصيل:ونننننبي رد بالك تقتله ولا ادير فيه شي شن رايك نحرموه من الغدي كل يوم وراااااسك
اسكندر:نفض يده بقوه وفتح باب الدار….
حكيم:قام عيونه شاف اسكندر وكانت بديه مربطه
اصيل:جي بسرعه بيخش الدار بس اسكندر سكر الباب بي المفتاح
اصيل:من ورا الباب…..اسكنددددر باهي نحرموه حتى من العشي متقتلااااش
حكيم:يبلع في ريقه بخوف وساكتة
اسكندر:نحى الربطه يلي في فم حكيم وقعمز علي الكرسي….نقدر نفهم منك علاش؟!
حكيم:شششش شنو
اسكندر:سبب الضرب ؟!سبب الاعتداء عليها؟!شن دارت
حكيم:وانت اصلااااا شن دخلك البنت مرتي ورح نحاسبكم ع المده يلي قعدت فيها عندكم يا كلاب
اسكندر:شبحله بي نفاذ صبر و……..
اصيل:مقعمز علي الصالون خايف وياكل في فوشار شويه ويسمع في صوت حكيم يعيط وصوت ضرب وتكسير ….ناض يجري وقف قدام باب الدار ويقنع فياسكندر يفتح الباب بس اسكندر نهاااائي ولا معدل ومكانش سامع شي اصلا
نسرين:خيرك امي؟!
هنيه:اختك اليوم مكلمتنيش من الصبح مفهمتش خيرها
نسرين:بالك نشغلت في حاجه انا كيف سكرت من فؤاد زاد طمني علي بوي وقالي احمد مسافر بكرا لي ندى
هنيه:يااااارب❤️
طقطق طق
هنيه:نوضي افتحي الباب مرت عمك هاذي قتلي بنجي نهدرز
نسرين:ان شاء الله ….حطت نسرين بدلة الصلاة ع الجلسه وطلعت فتحت الباب
سراج:قام عيونه فيها واول مره يشوف شعرها ?
نسرين:ارتبكت ورجعت ورا الباب بسرررعه
سراج:ابتسم….البسي وتعالي دخلي البظاعه
نسرين:بصوت متحشم ….تمام
خشت نسرين بسرررعه لبست بدلة الصلاة ورجعت لي سراج
سراج:يمدلها في الشكاير وعيونه معلقات فيها
نسرين:تعبت روحك بجد صحيت ❤️
سراج:ولووو علي شنو ❤️
نسرين:اءء مم محتاج شي؟!
سراج:محتاجك?
نسرين:نعم؟!
سراج:نقصد لو لو يعني قهوا من يديك يعدل المزاج
نسرين:حاضر من عيوني
سراج:تسلملي عيونك الجميله ❤️
نسرين:ابتسمت ورجعت خشت بسرعه وسراج ذااااايب ?
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
اسكندر:طلع من الدار وكان لابس كناتيرا وسروال جينز عروقه بارزااات من الاعصاب ووجها احمرررر ?والعرق يتصبب منه
اصيل:جي يجري لما سمع باب الدار انفتح….قتلته؟!?
اسكندر؛قام يده وهوا يتحلف….انا ماشي لندى في المصحه والكلب هاذا بيقعد هنايا في الدار وربي يا اصيل يطلع ولا يهرب بنعجنك معاه
اصيل:بي خميرة بيرا ولا باكين بودر?
اسكندر:اصيييييل
اصيل:نبصر سوكا كون هاني مدور شي
اسكندر:لو فكرت تكذب عليا يا ويلك ررااااه باب الشقه والرواشن عازل الصوت يعني مفيش حد سمعه
اصيل:افففف به خلاص فهمت
اسكندر:خش للحمام يدوش
اصيل:خش لدار ويشوف حكيم ممروج طريحة الحبايب?والكدمات مغيرين شكله …..غباااااره منضرك تقول طاجين جبن محروق ?
اسكندر:طلع من الدوش للمصحه طووول خذي لي ندى معاه شوي حوايج
قلب اسكندر ارتاح لما عرف ان ندى طلعوها من للعنايه ويقدر يشوفها وقدام الشرطه والدكاتره ع اساس يطمن عليها من باب انها بنت بلاده في الغربه وبس ❤️
اسكندر:خش للغرفه بهدوء يشوف ندى راقده ع السرير عيونها ع سقف الغرفه والدموع ينزلو
قعمز جنبها ومسك في يدها وندى خافت ونفضت يدها بسرعه
اسكندر:بصدمه….اهدي اهدي انا اسكندر
ندى:نهارت بي البكي بعد شافت اسكندر ومسكت يده بقووووه ومكانتش قادره تتكلم غير انها تبكي وبس
اسكندر:قلبه يتقطع عليها بلعرق بس كان جنبها ويطمن فيها ان كل شي رح يكون بخير
اصيل:مقعمز قدام حكيم وجايب معاه صونيه ليم وياكل ويهدرز
اصيل:احححح علاش كنت تضرب فيها عطيك ضربه في مكاسيرك هاااا؟!علاش ؟وانت ضخم تقول عصبانه يابسه
حكيم:ساكت والدم نازل من راسه
اصيل:عموما ياوووويلك مني بنحرمك من احسن حاجه في الدنيا يلي هيا المااااكله وجبه وحده بس في اليوم
حكيم:?
اصيل:بما انك ساكت وبس تقول عندك التوحد وانا قاعد معاك بسيف باش متهربش ومعبي دوه نبي نهدرز ف خليني نهدرز عليك هاذا ياحنى نحب الماكله الصينيه والخليجيه بذااات الكبسه متاعهك مش الكبسه يلي دارهالك خوي اسكندر??لا عباره علي رز ولحم اخخخخخ جعت المهم والماكله التركيه …….وطبعا هدرزت اصيل متكملش ع الماكله
اسكندر:يمسح ع راس ندى ….اششش خليك متريحه كل شي رح يكون تمام اطمني
ندى:حاسه نفسي بنموت معش قادره نتحمل كأن في شي ضاع مني ومعش يرجع
اسكندر:متقوليش هكي بكرا ان شاء الله رح يكتبولك خروج ونطلعك نرفعك لي احسن مكان في تركيا عشان نفسيتك ترتاح
ندى:معش قادره حتى نتنفس معش نبي شي ?
اسكندر:مكنتش نعرفك ضعيفه هكي بعدين انا نبيي نغير جوك عشان خوك جاي الايام هاذي بيروح بيك مبكري كلمني
ندى:اسكندر جديااااات تحكي ولا عشان اطمني وبس
اسكندر:من امتى نكذب عليك انا
ندى:تنهدت بوجع وسكتت
اسكندر:توا نعطيك تكلمي امك لانها تتصل من الصبح مشغوله عليك
ندى:اي عطيني
اسكندر:طلع تالفونه اتصل بهنيه عطاه لندى وطلع من الدار خلاها تتكلم براحتها ومشي يدور في هاتف المصحه العام واتصل منه….
حوريه:الو
اسكندر:ايوا امي هاذا انا اسكندر
حوريه:تنهد …ااااه طيب فيا ياكبدي متقوليش وينك؟!!!!!من امس نتصل ماحصلتكش لا انت ولا هذاك المنجوه
اسكندر:انشغلنا شوي وبي اذن الله الخميس مروحين
حوريه:به الحمد الله سلم ولدي يا ربي
اسكندر:شن حال خواتي ومحمد؟!
حوريه:الحمد الله كلهم بخير يسلمو عليك
اسكندر:به سلميلي عليهم
حوريه:يوصل شنو مرتك بتروح معاك ولا شنو؟!
اسكندر:اءءءء تو نروحو ونهدرزو في الموضوع
حوريه:شن صاير
اسكندر:خلي نروح ونهدرزو خير
حوريه:تمام ديرو بالكم ع روحكم
اسكندر:ان شاء الله بي اذن الله
حوريه:في حفض الله
اسكندر:سكر الخط وتنفس بعمق ورجع لندى اول مخش الدار ابتسملها….كملتي؟!
ندى:اي طمنتهم عليا وكلهم بخير الحمد الله
اسكندر:الحمد الله
ندى:ححح ح حكيم وين؟!
اسكندر:لا خلاص معش تسألي عليه موضعه تم
ندى:كيف؟!
اسكندر:مكيفش…المهم خلاص معادش يطلع في حياتك
ندى:ااااااااه
اسكندر:بسرعه قرب عليها ووبي لهفه….شن يوجع فيك خيرك
ندى:قامت عيونها فيه وهيا مصدومه من ردة فعله….شش شي يدي توجع شوي
اسكندر:استني اناديلك الدكتور
ندى:مش ضروري وجع عادي
اسكندر:لازم نطمنو خليك….طلع اسكندر جاب الدكتور كشف ندى وعطاها منوم عشان ترقد ❤️وفعلا من اول دقايق طووول رقدت واسكندر مفارقهاش طووول الليل جنبها وعقله يفكر في الف حاجه
اصيل:رقدت؟؟!هي انت رقدت ولا متت ؟
حكيم:??
اصيل:قرب علي حكيم ولقاه يتنفس…ووه عليا خلعتني مرقد جدي وجه الغريبه خزي …وطلع وسكر الباب
ترررن ترررن
اسكندر:الو
اصيل:شنو بايت معاها ؟
اسكندر؛اي منقدرش نخليها
اصيل:مممم …مش ملاحض انك مهتم بزياده
اسكندر:معندهاش غيرنا
اصيل:قصدي انت مت…..
اسكندر:سكر عليا السيره اصيل البنت منقدرش نهليها بروحها ع الاقل لين يجي خوها وخلاص معش يعطل بكرا او بعده ويكون عندها
اصيل:افففف به تمام قولي
اسكندر:شنو
اصيل:شنو ماكلة المصحه حلوه،؟!كنهادا بنجي نتغدا غادي بكرا
اسكندر:??♂️…وسكر الخط
اصيل:سكر في وجهي المعفن خزززي
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
ثاني يوم✨?
اسكندر:نزل للدور الارضي متع المصحه وخش الحمام غسل وجها وطلع لي اقرب جامع صبى الصبح وجاب فطور لي ندى ❤️خش لي للدار ولقاها نايضه
اسكندر:صباحووو
ندى:ابتسمت…صباح النور
اسكندر:بما انك نايضه كويسه افطري هي جبتلك احسن فطور وعصير في تركيا كلها
ندى؛صحيت بجد لاكن والله منقدر ناكل حاسه روحي شابعه
اسكندر:مستحيل لازم تفطري لان كتبولك خروج ولازم نطلعو
ندى:معنديش نيه وحق ربي
اسكندر:مش ضروري النيه هي كولي كولي ….وقعد يوكل فيها بيديه ❤️
اصيل:صباح العذاب يا مصاب???
حكيم:?
اصيل:افتح فمك عشان تشرب هي بسرررعه
حكيم:شرب وكان بيهبل ع الميه
اصيل:ومفيش ماكله لين تجي الساعه 5بنديرلك رجيم قاسي وين ماشي بيه وزنك هاذا يا بابا وين ااه بي المناسبه يلي في وجهك مسامات مفتوحه امس نقلب في الفيس لقيت خلطات كان تبي تو كان اسكندر بيرخيك تمشي ناخذ ايميلك ونبعتهولك
حكيم:?
اصيل:ااااه نسيت انت تضرب في ندى منبيش نعطيك شي اقعد مشقق زي الغريبه حقير الادب ?
فؤاد:كملو عليه الفلوس واضطر خلاص يروح من تونس واصلا بوه حالته كويسه ويقدر يروح لمصحه او مشفى في ليبيا عادي محتاج شوية تمارين بي العلاج الطبيعي ….روح فؤاد وبوه في اول طياره اما احمد قعد في تونس لان بيمشي تركيا من غادي ❤️
اسكندر :طلع بي ندى من المصحه للمكان يلي حاجز فيه بدون ميحكيلها عليه
نسرين:الف الحمد الله ع السلامه
فؤاد:الله يسلمكم
هنيه:وين بوك؟!
فؤاد:في المصحه تو نرفعكم بعد شويه غير نتريح بس
نسرين:حالته كويس؟!
فؤاد: الحمد الله احسن من قبل بي هلبا بذات بعد مسمع بي ندى
هنيه:الحمد الله الحمد الله
فؤاد:ديريلي حاجه ناكلها وتعالي يما نبيك في موضوع
نسرين:حاضر ….وخشت المطبخ
هنيه:شن في ؟!
فؤاد:تعرفت علي بنت في تونس ليبيه وخذيت رقمها نبي نخطب من الاخير
هنيه:بغضببب ….تو وقته هاذااااا؟!بوك مريض واختك قاعده مع ناس متعرفهمش وانت تبي تخطب
فؤاد:افففف به بعد تروح ندى
هنيه:يصير خير لهذاك الوقت
فؤاد:بنتك المطلقه شنو مدايره من عمايل وانا مسافر؟!
هنيه:معندها مدير بنتي حامله الحوش كله ع راسها ومن اليوم اقسم بالله يا فؤاد انت ولا بوك مزال توصلو في بناتي ورحمة من عندي غالي نطلع انا وياهم ونسيبلكم الحوش ومعاد تلقونا
فؤاد:?
ندى:نزلت من السياره وتتفرج ع المكان يلي جابها ليه اسكندر ❤️
كان عباره علي كوخ خشب والدنيا خضراااا وزرع جنبه المنطقه كأنها جبليه واطل علي منضر يجنن✨
ندى:جديات بنقعد هنايا؟!
اسكندر:لو مش عاجبك نغيروه
ندى:لا بلعكس محلاه المكان بعيد علي الزحمه وضجيج الناس
اسكندر:ابتسم….هي نخشو
ندى:تمشي بصعوبه واسكندر يساعد فيها لين خشت الكوخ وكان يهبل ديكوره من دااااخل خشت لغرفة النوم وبمجرد محطت راسها ع المخده طول رقدت
فؤاد:اقسم بالله تعبت وفديت تو بنمشي بكرا لي مصراته بنقعد اقل شي يومين عشان نحصل دواء لي بوي موجود غادي بس
سراج:به ياراجل معليشي هونها تهون فداء بوك عادي
فؤاد:امي واختي معش نقدر نخليهم واحمد قعد في تونس ومهما كان متجيش تزيد تقعد شن بيقولو الناس خوتها مش رجاله مخلينها مع راجل براني خصوصا ان اختي مطلقه
سراج:بتردد….اءءء بخصوص الموضوع هاذا بنقولك
فؤاد:شنو
سراج:انت صاحبي ومنلقاش زيك اناسبه لو توافق نخطب اختك ع سنة الله ورسوله ونقرو الفاتحه قبل متمشي
فؤاد:بصدمممه…اختي مطلقه
سراج:ووين العيب في الموضوع؟!
فؤاد:قصدي مهما كان صح هيا اختي من لحمي ودمي لاكن حتى انت صاحبي وزي خوي انت عزري قاعد علاش تاخذ في مطلقه
سراج:ياراجل خيرك انت شادها مطلقه مطلقه كان انت عندك المطلقه عار راهو انا عندي عادي مش حاجه كبيره
فؤاد:سكت شويه
سراج:عطيني رايك كنهاذا غضوا نجيب العيله يتمو فيها ونقرو فاتحه وسافر ع راحتك
فؤاد:ابتسم وحط يدها ع يد سراج….وانا منلقاش خير منك
سراج:قلبه ارتاااااح وفرح❤️
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
الساعه 10في الليل:—
نسرين:فرحاااانه بس نصدمت متوقعتش كله يصير بسرررعه هكي
هنيه:سألت اختك ع الاقل لو موافقه ولا لا
فؤاد:شن بنسأل فيها تحمد ربها لقت من ياخذها وبتتشرط زياده
هنيه:تنهدة بقلة صبر وشبحت لي نسرين….بنتي موافقه علي؟!
نسرين:ساكته
فؤاد:طلع وسيبهم
هنيه:شنو موافقه؟!
نسرين:منلقاش خير منه يما قعد معانا والحمد الله مريناش منه الا كل خير
هنيه:من قلبك؟
نسرين:ابتسمت….اي من قلبي
هنيه:حضنتها….،الف مبروك يابناي ان شاء الله ربي يعوضك علي كلللل الايام يلي عشتيها
نسرين:ياااارب ❤️
ندى:مقعمزه قدام الكوخ ومتغطيه بشال صوف وسااارحه
اسكندر:مدلها كوب
ندى:ابتسمت وخذاته…شنو هاذا
اسكندر:كاكاو سخون كويس ليك
ندى:ضحكت….حسب علمي اصيل يلي يطيب بس منسحابكش تعرف
اسكندر:قعمز جنبها…عندي هلبا مواهب مدفونه
ندى:ههههه
اسكندر:محلاك وانتي تضحكي ❤️
ندى:خدودها حمررر من الصقع وزادها كلام اسكندر
اسكندر:حس بيها متحشمه ……قصدي خليك ديما تضحكي معش اضايقي روحك
ندى:نزلت راسها ….ان شاء الله
اسكندر:هي تخشي نتعشو
ندى:ليش في عشي؟!
اسكندر:هوا انا نخليك بلا ماكله ?صح انا مش اصيل بس مهما كان راهو توأم
ندى:ههههههه
اسكندر:هي نوضي
ندى:ناضت مع اسكندر وخشو يتعشو ويهدرزو
مرت الليله صااااعبه علي حكيم ومش عارف شنو المصير يلي يستنى فيه
ونسرين وسراج اسعد مخلوقات الارض رغم ان الفاتحه مش وقتها في الضروف هاذي بس فرحانين هلباااا
وليله لطيفه وكلها حنان علي ندى واسكندر ❤️بس بدون مصير مع بعض او مصير مجهول ✨
الساعه10الصبح ?
ناضت ندى ع صوت تخبيط الباب حطت وشاحها ع راسها ومستغربه وين اسكندر والباب يطق
ندى:منو؟!
اسكندر:افتحي
ندى:فتحت الباب ونصدمت في احمد يلي واقف قدامها صارت حالة هستيريا وبدت تحضن فيه وتعيط مش مصدقه واحمد دموعه موقفووووش بكل يبكي وحاضنها بكككككل قوته
يلي صار ان اسكندر طلع من الساعه 8 جاب احمد من المطار ورفعه لي حكيم ضربوه طريحه مره تانيه واسكندر واصيل خذو حوايجهم واوراقهم وطلعو
عند فؤاد:-
سراج:جاب امه وخواته ونسرين بتموت من الخوف استقبلتهم وكانو ام سراج وخواته ناس طيبه ووضحولها ان مرغوب فيها ويبوها و الشي هاذا خلا نسرين ترتاح نفسيتها ❤️
اما الرجالا بعد خذو موافقت صبري من المشفى قرو الفاتحه وكان حاضر فيها فؤاد وعمامه وخواله كلهم وقفو معاهم
نسرين:منغير اهل سراج جو خلاتها وعماتها واحبابهم كلللللهم عشان يباركولها كانت كأنها فضانيه وخطبه في نفس الوقت ❤️
احمد:يمسح في دموعه….هيا البسي بسرعه الطياره موعدها ساعه 1الضهر
ندى:ككيف؟!
اسكندر:حجزنا في نفس الطياره انا واصيل بما انك وصلتي خوك خلاص حتى حني بنروحو
ندى؛ابتسمت وشافت لي احمد…..يعني بنرجع حوش بوي خلاص؟!
احمد:اي هيا جهزي روحك
اصيل:سوووكا خيرا الثلاجه فاضيه
ندى واسكندر شافو لي بعض وبدو يضحكو
بعد ساعه ونص تقريبا كملت ندى كل شي وطلعت مع خوها واسكندر واصيل وطبعا من البدايه خوها مكانش يبي يقعد في تركيا بكل يبي ياخد اخته ويروح واسكندر كان عارف الشي هاذا وحجزلهم تذكره بي اسم احمد وندى وبعد مطلعت الطياره جت مكالمة لي شرطة تركيا يبلغوهم ان تم العثور علي حكيم مضروب طريحه قدام المشفى ومغمى عليه
ركبو الطياره الساعه 1ونص وكان كرسي اسكندر ورا ندى وطووول الرحله عيونه عليها كأنه بيفقد شي غالي عليه ?
اما اصيل ماشي جاي ع مطبخ الطايره ومداير العاااار??♀️
الساعه9في الليل:—-
في جنان حوش صبري✨
سراج:مبروك علينا❤️
نسرين:نزلت عيونها ….يبارك فيك
سراج:خلي اختك تروح واوضاعكم تستقر وبعدها بي اذن الله نديرلك عرس يحكو فيه كلهم
نسرين:??لالا عرس شنو خيرك انا مش عروسه راهو مش اول مره نتزوج
سراج:ابتسم ومسك يدها….انتي عروستي واول مره تاخذيني انا واصلا انتي في عيوني عروسه انتي مدخلكش وبنديرلك عرس مطنطن وبتلبسي احلا ڤيلو
نسرين:قلبها بيوووقف
سراج:لمس خدها….ربي يقدرني نسعدك انتي عارفك بنت اصل من يوم شفتك قايمه الحوش ع راسك وتخدمي في امك وخوتك
نسرين:نزلو دموعها
سراج:خيرك تبكي?
نسرين:تبكي وكلامها متقطع من البكي….مش مصدقه خايفه نكون نحلم
سراج:حضنها ❤️
نسرين:في اللحضه هاذي بذات حست ان وراها راجل ساندها وحنين عليها اكتر من خوتها
سراج:اششش معقوله نخلي مرتي تبكي من اول ليله
نسرين:بعدت من عليه وتضحك
سراج:مسحلها دموعها ….هي ياشاطره خشي سايري الناس يلي عندكم وتو نهدرزو بعدين
نسرين:تت تمام
سراج:باس يده وحطها ع خد نسرين….بوستنا هكي لين ندخل عليك ?
نسرين:ضحكت وخشت للحوش وعيونها حب حب حب❤️❤️❤️
في مطار ليبيا واقف احمد وندى وقدامهم اصيل واسكندر
احمد:من لما وصلت وانا نشكر فيك عارف مهما شكرتك حتا توا مش رح نقدر نوفي حتا 1%من حقك رااااجاله انتم وربي شاهد
اسكندر:متقولش هكي اي حد في مكاني رح يدير هكي مهما كان بنت بلاده
اصيل:وين الكفيتيريا متعهم
اسكندر:اسكت ….هي نشوفوكم ع خير
احمد:سلم علي اسكندر وحظنه هلباااا وشكره
وبعدين سلم ع اصيل
اسكندر:مد يده لي ندى وسلمو ع بعض وعيونهم في عيون بعض
اسكندر:ان شاء الله مريتي مني الا كل خير
ندى:ضغطت ع يده …..شكرا ع كل شي اسكندر من قلبي طالعه
اسكندر:قعد شاد يدها ونسي كل شي جنبه وركز علي عيونها
اصيل:هيا بنسلمو
اسكندر:فاق ع روحه ونزل يده حست ندى كأنها فقدت قطعه منها ?
اصيل:هي بسلامه وشكرا ع كل قهوا وحاجة ماكله درتيهولي
ندى:ضحكت….سلمك وياسرك ماكله
اصيل:اعوذ بالله?
ودعو بعض لاخر مره وطلع احمد ساند اخته يلي تمشي بصعوبه وطلع
اسكندر:يشوف لي ندى كيف تبعد بكسرك خاطر …هيا
اصيل:بناخد سندويتش
اسكندر؛دف اصيل….تي هياااا ياخرا
اصيل:اففففف به
ندى:مقعمزه في التاكسي وجنبي احمد
احمد خوي كان غيييييير متغير هلبااااا القساوه يلي عنده راحت كأن بذلها حنيه حتا ملامح وجها تغيرت بدت كلها حزن وكآبه مقعمزه في التاكسي ومش طايقني صبرررر ع امي واختي قريب نهبلللل
حوريه:منو يا محمد؟!
محمد:يحضن في خوته وفرحان…خوتي يما اسكندر واصيل
حوريه:بدت تزغرط وتحضن فيهم وجو خواتهم
ملاك:اصيللللب وووووه عليا استاحشتك?
اصيل:يا برغووته مشاء الله سمنتي شن تاكلي
ملاك:اسكندر ياوخيتي مولي طرررف محلاك
اسكندر:حضنها ويضحك…تحشمي يابنت
ساره:اصوووولي حبيب قلبي
اصيل:حضنها…24ساعه وانتي عندنا علاش متزوجه بس
ساره:ههههه سيد اكول
اسكندر:وانا ميسلموش عليا ولا كيف؟
ساره؛الحب كلللله سوكا الغالي….وحضناته❤️
قعمزو مع بعض والجو يهبببل وطلعو الهدايا
حوريه:وين مرتك يا اسكندر؟!
اسكندر:…..يتبع