رواية جرائم ظالمة
جرائم_ظالمة 8 (حقيقيه)
ندى:ناضت من نومها راسها يوجع فيها نزلت من السرير قربت ع الباب تسمع في حكيم يهدرز مع اصيل ?? حاولت تتسمع عليهم
حكيم:والله خايف عليها الحق هيا مريضه يعني عندها مشكله في عقلها فهمت علياا
اصيل:فهمت اي يعني كبيره لاكن علقها مش كامل زي البوريكه لما تبدا طايبه من برا ومن داخل نيه
حكيم:اهاا??….اي يمكن المهم بالله كان شفتوها ولا قابلتكم كلموني انا بلغت الشرطي
اسكندر:طلع من الحمام ينشف في شعره بي البوطه …..منو؟!
اصيل:جارنا الليبي
اسكندر:اهلين تفضل؟!
حكيم:زايد فضلك عندي مرتي انخطفت والله اوضاعي مفركسه شوي
اسكندر:له له له كيف صار
حكيم:معرفتش منو وشن مصلحته في مرتي الحق ضربوني على راسي ومعش لقيتها
اسكندر:ااااها ربي يجمعكم ان شاء الله
حكيم:تسلم يبارك فيك ياريت كان شفتوها تقولولي
اصيل:به علاش متشوفوش الكاميرا في ممر العماره
اسكندر:?????♂️??♂️??♂️??♂️….فضحنا
حكيم:اي صح الشرطه جايه بتشوف الشقه اكيد رح تشيك ع الكاميرا صحيتو مقصرتوش
اصيل:سلمك سلمك وكان محصلتش غدي تفضل
حكيم:يبارك فيك ….وطلع
اصيل:سكر الباب وتلفت لقي اسكندر قارن حواجبه وهذيك الشبحه يلي تخوف
اصيل:خيرك تقول واكل بطاطا نيه☹️
اسكندر:ع طول حسه …حماااااار انت؟!ولا تستحمر علي فيتي الزززززح خيرك عبيط مرات تو عارف انا يلي طلعتها من الشقه يعني بتكون الكميرا صورتني
اصيل:وتسحابني غبي وراسي فارغ زي المبطنه يلي بدون مفروم؟!الكميرا كميرتنا ومسحت السجلات من بكري
ندى:طلعت مشبكه يديها في بعض ومرتبكه…..شن صار؟!
اصيل:انا بنمشى ندير حاجه ناكلها وترتلي اعصابي
اسكندر:افففف….ويلي اعصابه يتوترو ياكل يعني
اصيل:البطن بطني مدخلكش في امعائي…وخش المطبخ
اسكندر:قعمز ع الصالون….تعالي يابنت الناس عطيني رقم حد من عيلتك خلي نكلمهم
ندى:قعمزت جنبه وكتبت رقم بوها
جنات:فيصل خيرك مضايق
فيصل:يدخن….خيرني
جنات:قصدي معقوله عريس يوم صباحيته هكي جوه ؟!خيرك ضايقتك في شي انا ؟!
فيصل:ايااااااه علينا عاد قتلك مخيرني شي خيرك مصره تنكدي عليا
جنات:سكتت ووجعها خاطرها بعد شوي طق الباب
جنات:لبست طرف الروب الفوقي وفتحت الباب
نادره(اخت فيصل):روروروروروي مبرووك عليكم ان شاء الله ربي يهنيكم
جنات:تسلميلي ويهنيك يارب تفضلي تفضلي
نادره:خشت سلمت ع فيصل وقعمزت
فيصل:طالعع انا مدورينيش
جنات:هزت براسها وقعمزت جنب حماتها
فيصل:خذي بعضه وطلع
نادره:خيره جوكم مش تمام؟!
جنات:شن بنحكي وشن بنقول بالله
نادره:شن فيه متهنيتيش?؟!
جنات:لا تهنيت
نادره:به الحمد الله الف مبروك خيرك امالا؟!
جنات:مفهمتش خيره مش طايقني ولا متحمل مني حتا كلمه معرفتش خيره رغم اني مزعلته في شي نحس فيه قاعد يفكر في نسرين طليقته
نادره:لا شنو يفكر فيها خلاص طلقها بي ال3كان يبيها راهو قعد معاها
جنات:به علاش يتعامل معاي هكي؟!
نادره:ولا يهمك تو نكلم امي تعطيه علي راسه وتربيه
جنات:خلي انوض نديرلك قهوا
نادره:اتكت ع الصالون وهيا تفكر في فيصل خوها
جنات:ناضت للمطبخ دارت قهوا
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
اسكندر:خذي الفون من ندى بعد كتبت رقم بوها ودار مكالمه دوليه واتصل لاكن!!!مقفل حاول مره واثنين وثلاته مسكر
اسكندر:يمكن انتي غالطه؟!
ندى:لا متأكده هاذا رقمه
اسكندر:به هاتي رقم حد من خوتك
ندى:مش حافضتهم ?
اسكندر:شبحلها ع جنب….في حد مش حافض رقم عيلته?؟
ندى:علاش بنحفضهم كانو مسجلين في تالفوني مش حافضه غير رقم بابا ??
اسكندر:اميلاتهم ع الفيس؟!
ندى:معنديش فيس مانعينه عليا خوتي
اسكندر:سكت وهوا يشوفلها وخش الشك لي قلبه
ندى:خافت من نضرة اسكندر …..لل ل لو عندك نت ابحت علي اسم خوتي بالك يطلعلك
اصيل:الماكله جتتتتتتتتت يلا سيبو كل شي وارخو روحكم وجهزو حواسكم وتمتعو بي الطعم
اسكندر:شن اسم خوك؟!
اصيل:خذي التالفون…..نتكلم اناااا كملو ماكله بعدين ديرو يلي تبوه
اسكندر??♂️??♂️??♂️
ندى:ضحكت علي تصرف اصيل
اصيل:مدي يدك متتحشميش خلي وجهك صحيح في الماكله بذات ره مفي شي ينفعك غيرها
وقعدو الثلاثه ياكلو واسكندر يخطف في نضراته ع ندى مش لسبب تاني غير الشك فيها ?♀️
اما ندى كانت تاكل شوي شوي وعقلها سااااارح وتسأل في روحها شنو ممكن يصير فيها؟!
نسرين:هي امي الغدي واتي
هنيه:تنهدت…..ااااااه والله معندي نيه ولا خاطري في حويجه
صبرى:تي تعالي يامراء خير متدهور صحتك اكتر من هكي
هنيه:شافتله بنضرت حقددد….فؤاد ولدي شن صار في وخيتك مكلمكمش يلي مايتسمى
فؤاد:طايح فيها ماكله….لالا متخافيش يما خيرك متزوجين وسافرو عادي
هنيه:قلبي مش مطمن بنهبل عليها
فؤاد:لازم تخترعو حاجه هكي باش تنكدو وتقلبو الحوش
نسرين:اطمني امي تو تكلمنا ان شاء الله هيا كولي حتى فمين وراسك
هنيه:قعمزت معاهم وتاكل بسيف اما نسرين تالفونها مسكت كل شويه مسجات من طليقها ?
فيصل:مش قاااادر نتخيل غيرك معاي ولا تقبلت عروستي ردي راني نادم بنمووووت
فيصل:قاعد نذكر في اخر ليله مع بعض نذكر لي كل نفس بينا لي كل لمسه بينا كل مكان في جسمك قاعد بين عيوني رددددددي علياااا حتا بي الحرام نبييييييك
نسرين:ارتبكت من المساج وقفلت تالفونها ?
ع السرير:-
احمد راقد ع منتهى
احمد:خيرك متشنجه ؟!ارخي روحك
منتهى:حاسه روحي مضايقه وخايفه
احمد:بعد شوي من عليها …..خيرك علاش
منتهى:منعرفش
احمد:ابتسم….عادي ديمه ايام الزواج الاولى تكون البنت مضايقه
منتهى:في قلبها الف كلام بس متقدرش تقوله
احمد:خلاص نخليك ترتاحي اليوم وبكرا ساهل
منتهى:حضنت احمد وغمضت عيونها
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
جو الشرطه خذو اقوال اسكندر واصيل لو سمعو شي غريب او شافو حد باش يحققو في خطف ندى ع اساس وخذو اقوال الناس يلي في العماره ومشو
ندى:مقعمزه جنب اسكندر واصيل في المطبخ زي العاده??♂️
اسكندر:فؤاد صبرى ال….ترا شوفي هاذي صورته؟!
ندى:لا استنى نعدل اللقب كاتبه غلط….وزادت قربت منه
اسكندر:جت عينه علي رقبتها وجزي من صدرها بدون متنتبه لان كانت البيجامه مفتوحه شوي شاف اسكندر علامات وكانت واضحه انها علامات ضرب نزل عيونه وتلخبط شعوره بين ان يصدقها او يشك فيها ?♀️
ندى:اهووااااااا اهوا خوي هواااا
اسكندر:انتبه لي روحه بعد عيون وفتح ع صفحته وبعتله مسج طويل حكي فيه وشرح وضع ندى
ندى:به توا امتى بيرد ؟!
اسكندر:لين يفتحه ويشوف الرساله
ندى:تنهدت…..ياربي ليش مش قادره نوصل فيهم تعبت
اسكندر:مد يده وراها بياخد الشحن وفجآه ندى رعشت مع بعضها وتخايلت ان اسكندر بيضربها
اسكندر:خيرك؟!?
ندى:يدها ع قلبها……اه اه كك كنت كنت نسحابك بتضربني او شي
اسكندر:علاش بنضربك
ندى:لا ولا شي انسى ..وناضت وقفت
اصيل:طالع من المطبخ فمه معبي …..شنو سوكا وين بترقد اليوم
ندى:تحشمت حست روحها حمل عليهم
اسكندر:عادي حتى في الصاله وخلي البنت في داري
اصيل:قعمز ع الصالون ورجليه ع الطاوله…..وووه مبعدك بترقدي في داره الحوايج في كل مكان وصنتها تقول مقعمزه تحت باط الكوره الارضيه?
اسكندر:???
ندى:????
اصيل:شن صار وصلتو في اهلها
اسكندر:عيونه في اللاب توب….قريب
ندى:اسفه لو ثقلت عليكم او حطيتكم في موقف صعب يعني انا في نص بلاد منعرفهاش وملياش غيركم بعد ربي
اصيل:عادي مدوري شي استني متمشيش قعمزي…وناض يجري
ندى:استغربت
اما اسكندر كان يتكلم مع شخص في اللاب توب ومش مدور
اصيل:جاب معاه شكارة سامينسا وقعمز…احكيلي منو الراجل هاذا وعلاش يضرب فيك
ندى:اب…..
اسكندر:اصيل بلا تفاها خلي المدام في حالها تبي ترتاح
اصيل:جديات راجلك هوا؟!حسيته كبير
اسكندر:بي نضره ع الجنب…اصيييييل
اصيل:ينقب في السمينسا ….ديما وانت منكد عدو الابتسامه تو بالله هاذا توأم هاذا
ندى:معرفتش شنو ترد بس ضحكت …نستأذنكم انا تصبحو ع خير وصحيتو ع كل شي
اصيل؛سلمك يا حنا تو ترديلنا الجميل تخافيش
ندى:ابتسمت وخشت الدار
اصيل:ينقب في السامينسا جت عينه في عين اسكندر يشبحله ع الجنب
اصيل:وك عليا شبحتك احرف من استاذ حديفه متع التربيه الاسلاميه زمان
اسكندر:مفيش داعي تعطيها وجه هلبا مهما كان منعرفوهاش
اصيل:به?
ندى:مقعمزه ع السرير مش جايها نوم مش مطمنه في حوش زوز شباب عايشين بروحهم خايفه يصيرلها شي احرف من حكيم من كثر الاغتصاب اليومي يلي عشاته مع حكيم بدت خايفه من اي واحد من جنس ادم الحاجه الوحيده يلي كانت مصبرتها هوا الامل يعني امل انها ترجع لحوش اهلها عشان تكشف حكيم انه مريض نفسي وتتخلص منه
((حكيم مريض نفسي والمرض عباره علي ادمان الجنس من النوع السادي شنو يعني السادي؟!يعني العنيف في بعض الرجالا عندهم المرض هاذا في السرير بس يعني في الاوقات العاديه يعامل مرته بحب وعادي جدا بس في السرير واثناء العلاقه بينهم يحب يضربها لين يخلي اثار ع جسمها اما النوع التاني وهوا نوع حكيم كان يحببببب يضربها حتى في الوقت العادي ويحب يشوفها كيف مذلوله وتترجى فيه حتى في بعض الاحيان يستمتع لما يشوف الدم عليها ويبيها عبده ليه وبس رغم ان يحس بي شوية مشاعر حب اتجاها ))
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
نسرين:ساهره ليلها حتى هيا بين انها تتحسر علي حضها وبين قلبها المحروق كيف فيصل يتزوج عليها ويطلقها بي ال3المشكله معادش ترجع خلاص?وكل متذكر اخر ليله معاه وكيف كانت بلحرام تموت الف مووووته وحطت في بالها ان هاذي نهاية قصتها ….بس هاذا كله متعرفش ان حكايتها توا بس بدت ❤️
حكيم:يخبط ويكسر في الدنيا قررررريب يهبل ع خاطر ندى مش لاقيها مخلاش اعلان ولا شرطى ولا اي شي ممكن يوصله بيها ومش قادر يرقد بدونها جرب يوصل في منتهى الف مره وكانت قافله فونها
الساعه3في الليل:-
اسكندر:ساهر ع الااب توب وعقله يفكر في ندى هل يلي داره صح؟!ولا غلط؟!وكيف بيحافض عليها لين توصل حوش بوها
اما اصيل متلوح ع الصالون راقد وفي يديه بطاطا وعصير??♀️
اسكندر:سمع ندى تعيط لوح اللاب توب وناض يجري
اصيل:نخلع وناض من نومه….الجبنه تمت???ها خيركم من يعيط
اسكندر:فتح الباب ويشوف ندى حاطه راسها بين رجليها ولافه روحها وتبكى
اصيل:وقف وهوا مش فاهم شي
اسكندر:انتي بخير؟فيك شي؟!
ندى:تبببببكى ومردتش
اسكندر:واقف في مكانه مقدرش يقدم ويشوفها خيرها مهما كان البنت غريبه عليه ومقدرش يطلع ويخليها لازم يعرف شنو فيها ….يابنت فيك شي؟!تحسي بحاجه
اصيل:بالك جعانه
اسكندر:مش كل الناس زيك لما تجوع تعيط وتقلب الدنيا
ندى:مسحت دموعها ونتبهت لي روحها شعرها عريان خذت الوشاح وحطاته ع راسها
اسكندر:نقدر نفهم شن فيك؟!
ندى:كابوس اسفه خلعتكم
اسكندر:معش تكلم ومقامش عينه علي ندى يتفرج عليها كيف تمسح في دموعها وتحاول تلملم نفسها ❤️
اصيل:هي خلي البنت ترقد
اسكندر:يشوف لندى زي المسبوه
اصيل:سووووكا البنت بترقد اطلع
اسكندر:اه?اي اكيد اءءء لو لو احتجتي شي ناديني
ندى:هزت راسها وتمسح في دموعها
اسكندر:طلع وسكر الباب بشويه
ندى:نهارررررت بي البكى لانها كانت تحلم بي حكيم يغتصب ويضرب فيها حكيم خلا اثر كبير في حياتها وصعب تنساه خلاها تخاف من ضلها وكوابيسه ملاحقتها في كل مكان
ناضت جنات في الليل بتخش الحمام واستغربت فيصل مش جنبها طلعت لصاله وكان مقعمز ع الصالون والتالفون في يده وهيا كانت وراه قربت منه وتكتشف ان فيصل يتفرج ع صور نسرين?
جنات:عرفت سبب جو فيصل المعكر هوا نسرين ومش قادر ينساها بس برغم من هاذا متكلمتش خذت بعضها ورجعت لدار بدون مينتبه
ندى:طلعت من الدار وفي طريقها للحمام شافت اسكندر يصلي ….قلبها ارتاح شوي وقالت يصلي معناها بيخاف ربي فيا …..رغم ان اسكندر لبسه اوڤر هوا وخوه جو سراويل مشركه وطرحات والوان صارخه بس متوقعتش انه يصلي ❤️وكان منضره يجنن ع الصلايه ياحليلي??
ثاني يوم?✨
ع سفرة الفطور
هنيه:نسرين وتي روحك نمشو لحوش خالتك غيري جوك مع البنات
نسرين:من المطبخ ….ان شاء الله حاضر
فؤاد:مفيش مشي برى بروحك يما
هنيه:وعلاش؟!
فؤاد:شن تبي الناس تقول ؟!مطلقه وطالعه تدهور
هنيه:وشن دخلهم فيها الناس هاااا؟!كان مطلقه تموت يعني خلاص؟!
صبرى:صح كلام ولدك خليها مفيش طلوع تكمل عدتها بعدين ساهل
هنيه:يااااااربي بس صبرني ولا خوذ امانتي وريحنى
فيصل:طلع من الحمام الصبح ويلقى جنات مجهزتله فطور يجنن واول مخش المطبخ حضناته وبساته ع خده
جنات:صباح الخير لاحلى راجل في الدنيا كلها❤️
فيصل:بدون نيه …صباح النور
جنات:قعمزت جنبه اديرله في توست وتدلع عليه بس هوا جمااااد ولا يحس بحاجه
ندى:واقفه ساعه ع المرايا متحشمه تطلع قدام اسكندر وخوه بعد مخلعتهم امس وبدت معش فاهمه كيف تتصرف
اسكندر:خذي رشفه من القهوا…..كلمني امس خلاص كلها اسبوعين ونروحو
اصيل:والبنت؟!
اسكندر:مش عارف علمي علمك بالك من هني لا بعد اسبوعين يجوها اهلها
اصيل:ولو موصلتش فيهم نروحو بيها
اسكندر:كيف بتروح بيها حتا كان خشيت الشقه وجبت زواجها بيشدوها في المطار الراجل مبلغ عليها
اصيل:اي صح??♂️
اسكندر:ديما كلامي صح اصلا تسحابني زيك راسك فاضي مفيشي غير الماكله
اصيل:نياهاهاها?
ندى:طلعت بخطوات بطيئه وخجوله….صباح الخير
اصيل:صباح الزنجبيل ياقميل
ندى:ضحكت …?
اصيل:تعالي افطري
ندى:صحتين معنديش نيه …اءءء انا نبي اااه اني
اسكندر:قام حاجبه….شن تبي؟!
ندى:نبي ننزل لصيدليه بناخذ حاجه
اصيل:شنو تنزلي يشدك المتخلف هاداكا وجها مشقق زي الغريبه ?
ندى:مقدرتش تشد روحها من الضحك
اسكندر:انتي قولي شن تبي وتو ينزل اصيل يجيبلك
ندى:ارتبكت ووجها احمررر…عع عادي تو نغطي وجهي ضروري ننزل انا ناخذها
اسكندر:كأنه فهم عليها…خلاص تمام بس مش توا
ندى:بلعت ريقها…تمام اءءءء رد عليك خوي؟!
اسكندر:لا شكله قداش ليه مش فاتح النت واليوم الصبح عاودت ع رقم بوك مسكر
ندى:???
اصيل:لاحض علامات الحزن والاحباط عليها….عادي تو اكيد يشوفها ولا يهمك
ندى:ابتسمت…. ان شاء الله يارب
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
حكيم:والعه فيه نااااااار بدات لما عرف من منتهى ان اهل ندى مليهمش اي دخل بي اختفائها واصلا اهلها نشغلو عليها كيف لتوا متتصلش ؟!
في الصيدليه؛-
اصيل:امممم لو كنت انا بنت وخشيت لصيدليه شنو رح ناخد؟!!!
بناخذ فيت ???وووه مش متخيل روحي بنت
افففف غير هيا فكر جديات يا اصيل شن ناخذ شن ناخذ
اسكندر:كمل تخليص….هيااا
اصيل:شن خذيت
اسكندر:يلي تبيه اي بنت من الصيدليه وتتحشم تقوله
اصيل:وريني
اسكندر:فتح الكيسه وشاف اصيل قطن نسائي?
اصيل:لااااااا ياربي تفوقت علي مهاراتي في حفض البنات وووووه عليا خيرني مفكرتش فيه لازم ندير حل لروحي قبل منضيع مستحيييييل
اسكندر:ضحك ….ربي يهدي
خطم اسكندر ع المحلات خذي كم بجامه جديده وملابس داخليه وشوية حوايج وطبعا اصيل يختار تقول هوا بيلبسهم???وروحو
فتحتلهم ندى
اصيل:مدلها الشكاره….ان شاء الله يعجبك ذوقي لان كان معجبكش اسف معندكش ذوق
ندى:ع شن تحكي
اصيل:تو تعرفي خشي الدار شوفيهم
ندى:شافت لي اسكندر…ينحي في جاكيته ومش مهتم بيها
ندى:خشت الدار ونصدمت لما شافت القطن والحوايج ومااااااتت من الحشممم ساااعه مقعمزه ع السرير مش مستوعبه يلي تشوف فيه
هنيه :لبست حوايجها وطلعت مع صبرى وفؤاد وقعدت نسرين طبعا وجعتها اللقطه وكيف خوها يعامل فيها كأنها عاااار علي العيله لانها اطلقت بس مفيش شي فيدها ?كملت ضمان الحوش وبخراته وطلعت لي الجنان تكنس فيه وعقلها سااااارح جسم بس يخدم ودماغها مش معاها بككككل سمعت الباب انفتح تلفتت بس ملقتش حد
كملت كنيسها ولمت التراب يلي ع الزليز دراته في كيسه وحطاته جنب السور وجت بتسكر باب الحوش حست بيد لفت عليها من تالي قبل ما ادير اي ردت فعل سكرلها فمها وجبدها ليه
نسرين:نصدمممت لما شفاته فيصل وبدت تبكي وتحاول تفك روحها لاكن بدون اي نتيجه
فيصل:حضنها كان مستاحشها مووووت ونسرين تبكي وتبي تباعد عليه لانها في العده وحجات زي هكي غلللللط معش حلالها هوا خلاص
سراج :جاي من بعدي وجايب معاه كيسه لي فؤاد وقبل مينادي اسم فؤاد كان الباب مفتوح ويشوف نسرين كيف حاضنها فيصل??♀️?…..يتبع
الحلقه الجايه هلباااااا احداث بتنكشف