رواية جرائم ظالمة

جرائم_ظالمة 15 والاخيره (حقيقيه)…

فؤاد:ان شاء الله خير ياعمي؟!
محمد(اب مرام):تعال نبيك شوي
فؤاد:استغرب !!بو عروسته شن يبي منه ؟!…طلع فؤاد وسكر باب شقته

محمد:اسمع يا ولدي هما كلمتين ويلي تبي اديره ديره
فؤاد:بلع ريقه من الخوف ..شش شنو؟!
محمد:بنتي مرام قبل 3سنين غلطت مع ولد عمها وتزوجها قعد 3سنين متزوجه وبعدين اطلقت
فؤاد:مستوعبش الصدمه …شنو؟!!!ع شن تحكي انت مرام مرام مرتي ؟!!!!مرتي يلي قاعد مدخلتش حتى عليها؟!
محمد:بدم باااارد…اي جيتك قبل متدخل عليها وتكتشف ان هيا مش بنت وادير العار ولو فكرت اطلقها معندناش اي مشكله لاكن مش رح نتنازلو ع المؤخر ولا ع اي حاجه
فؤاد:حس الدنيا تلود بيه واذكر!!!!
اذكر ان الشيخ يلي قري الفاتحه من طرف بو مرام اذكر ان مؤخر مرام 70ليره ذهب جبد نفسه وتكلم بغضببب…..مش انا يلي ينضحك علياااا انا….
محمد:قاطعه ….انضحك عليك وفات وصوتك ميعلاش عليا خير منطلق عليك خوتها اقسم بالله يفترشوك في مكانك
فؤاد:اذكر ان خوتها كل وحده بي كتيبته ?
محمد:عندك حلين…اطلق بنتي ومؤخرها يوصلها والا تقعد معاك معززه مكرمه ومتسمعهاش حتى كلمه خاطيه لان بعدين حسابك عسيرررر مع ولادي ولو فكرت تلعب بي ذيلك وتحاول تفضحها او ادير اي شي ياووووويلك راهو ميلتعبش معانا الامازيغ ?حرررق في مكانك
فؤاد:انتشر الرعب والخوف في جسمه وقلبه ومن الرعشه جي مقعمز ع الكرسي
محمد:هي تصبح ع خير يا ولدي نتلاقو غطوا
فؤاد:هز براسه
محمد:طلع

في اللحظات هاذي جت نوره بين عيون فؤاد اخته البريئه يلي اتهمها بي العهر وتوا طلعت مرام عاهره ومدايره العار مع ولد عمها جت بين عيونه نسرين يلي كل شويه يقول عليها مطلقه ويجرح فيها وتوا مرام مطلقه ….حساب الدنيا فيها ??

اسكندر:كككيف ؟!كيف حامل ندى؟
ندى:تمسح في دموعها…اي حامل امس درت تحليل
اسكندر:قعد ساكت فتره بعدين تكلم…به ولو يعني؟!لما بتجيبي بتطلقي صح؟!
ندى:ابتسمت ودموعها ينزلو ….تستاهل وحده احسن يا سوكا?انا حامل من غيرك ومنعرفش امتى نكمل اجرءات الطلاق من غير هاذا كله الكوابيس يلي تلاحق فيا لا توا مش قادره نرقد زي الناس ومش متخيله روحي نتزوج مره تانيه بعد الاغتصاب يلي تعرضتله ?
اسكندر:تنفس بعمق ومعش عرف شن يحكي ?
ندى:بس بجد انت احسن واحد شفته في حياتي طوول الوقت يلي قعدته معاكم مفيش مره استغليتني او حتى شفتلي بنضرة خبث ❤️اسكندر انااا….
اسكندر:انتي شنو؟!
ندى:بجد حبيتك من قلبي ❤️…من اول يوم روحت لحد اليوم صوتك حركاتك كل شي بين عيوني وربي
اسكندر:مفيش اي فرصه نكونو مع بعض
ندى:صعب وصعب هلبا ?

احمد:ينادي من الصاله…ندددددى
ندى:مسحت دموعها….انا لازم نسكر توا دير بالك ع روحك
اسكندر:طمنيني عليك مره مره
ندى:ابتسمت …ان شاء الله
اسكندر:جاي بيتكلم بس ندى سكرت الخط?

العذاب يلي عايش فيه اسكندر وندى ميوصفاش كلام الضروف كانت قوووويه عليهم لدرجه وندى يلي مرت بيه كلللله مش قادره تنساه?

نسرين:واقفه ع المرايه وخايفه وزااااد الخوف لما فتح سراج الباب وخش
سراج:الله الله الله ع الجمال
نسرين:نزلت عيونها
سراج:تنهد…..شن تبيني ندير فيك توا
نسرين:معش تزيدني توتر اساساً قريب نموت?
سراج:ههههههه ياحليلي انا ….لمس خدها بحنان ❤️….بنخليك ع راحتك طالع شوي وراجع مابين لبستي ونضمتي امورك
نسرين:تنفست بعمق….اااه اي اي
سراج:بخبث….بالك تبيني نساعدك
نسرين:لالا نعرف بروحي
سراج:هههههه به تمام هي …وطلع
نسرين:قعمزت ع السرير تنهدت براحه وقلبها بيطلععع

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

فؤاد:سلم حكامه لربي ورجع لي شقته يحساب بيلقى مرته تبكي او خايفه منه او نادمه او حتى متحشمه منه لاكن اول مشافها كانت الصدمممه ?

فؤاد:قعد واقف قدام باب النوم ومرام لابسه بيجامه وراقده ع سريرها تهدرز ع النت وتضحك وجوها احلى مايكون
فؤاد:جديات يلي قاله بوك؟
مرام:اه بابا يلي جي؟!نسحابه قالك من الصاله
فؤاد:مصدوووم يشوفلها ….وين وجه الملائكه يلي كان عندها؟! وين الحنيه والطيبه يلي فيها؟!قعد واقف لا عارف يبكي ع حاله ولا يضحك
مرام:بالله جيبلي العشي تقريبا في المطبخ
فؤاد:واقف مصدووم
مرام:هييييي انت اطرش ولا شنو
فؤاد:ياريت انطرشت ونعميت ويدي تكسرت يوم طلعت نوره من شعرها ياريتنى لساني تشل قبل منقول اي كلمه توجع نسرين
مرام:خيره هاذا ؟!تي هيا جيب العشي جعانه
فؤاد:هز براسه بكسرة خاطر وطلع من الدار

سراج:طق ع الباب وينادي بصوت حنوون ….نسرين نوسه
نسرين:يصوت يرعش تفضل
سراج:خش لي الدار…..وقعد يتأمل فيها بي مكياجها الخفيف وروبها الابيض ❤️
نسرين:حاولت تكسر حاجز الخوف وتكلمت….شنو حبيبي
سراج:حط يده ع قلبه ،..اححح ياعيون حبيبك ??تعالي تعالي نحكيلك
نسرين:قعمزت جنبه
سراج:مسك يدها.عارف انك عانيتي هلبا في حوش اهلك وعارف انك تحملتي خوك البارد وكلامه لاكن من اليوم وعهد الله معاد تتوجعي من حاجه ولا عاد يقدر اي مخلوق يطق فيك بكلمه
نسرين :بدت تبكي وترشف في خشمها??
سراج:هههههه مزال اجلي العياط لبعدين ??
نسرين:حضنت سراج….نحبك
سراج:احححح وانا ع سبله اصلا تعالي جاااي

بنووتة الشيخ:ودارو العيب????

فاتت الليله عسسسسل ع سراج ونسرين وليله صادمه وكلها خيبة امل ع فؤاد ومن صدمته لين اذن الفجر وهوا نايض ويبكي وماشي جاي مش فاهم راسه من رجليه

اما اسكندر كان متأمل يعيش مع ندى بس بعد الكلام يلي سمعه منها تحطمممم?

وندى :بكت هذيك الليله لين عيونها تورمو بس رغم كلللل شي تحمد في ربها حتى ع حملها يمكن يكون في صالحها بس الليله هاذي بذات قعدت تدعي وتصلي للفجر ربي يهونها عليها لان بجد تعبت في حياتها وكابوس حكيم ملاحقها في كل مكان ?

ثاني يوم???

نسرين:فتحت عيونها ولقت سراج قدامها راقد ❤️ابتسمت وقعدت تلمس في خذه ولحيته لين حس عليها وناض من النوم
نسرين:صباح الورد ?
سراج:محلاك ع الصبح
نسرين:طبعت ع خده بوسه وناضت لبست طرف روبها الفوقي ونزلت من ع السرير ….هي سلم راجلي وقت عليك الجمعه
سراج:غير تعالي نتفاهمو عندي معاك موضوع
نسرين:وقفت…خيرك؟!
سراج:سكر عيونه ومد فمه….بوسه
نسرين:حدفت عليه المخده ….بارد خلعتتني
سراج:هههههه تعالي خير منوض نعلق عليك
نسرين:من المطبخ…..نوض يا مهبول الجمعه بتأذن
سراج:احححيه منك ومن حبك وخلاص ??

فؤاد:نزل من شقته والهم واضح عليه
هنيه:كانت خاشه لي المطبخ تلاقت معاه ع الباب….صباح الخيرات ياعريس خيرك نازل
فؤاد:حضن امه وقعد يبكي بشهقه مش طبيعيه
هنيه:بخوف …بسم الله بسم الله خيرك ياولدي شن فيك
فؤاد:متكلمش واكتفى بي البكي وبس ?

اصيل:اممممي وين حطيتي الجبنه الجديده؟!
حوريه:عطيك دي بلا دوا مخليتلي شي في الحوش
اصيل:تي وين الجبنه لقيت البشكطي ضامتيه في سطل الدقيق
حوريه:ياوووه عليا منك
اصيل:متمشيش عليا يا حويره الغاليه الا الماكله نشمها من بعيد
ملاك:قعمزت بحداهم ….امي سوكا مش عارف خيره مباش يفطر واضح انه مضايق
اصيل:ياكل….اخخخ ندى هاذي يلي مش قادر ينساها
حوريه:منو ندى
اصيل:اذكر لي روحه….ااءء اءء من من ندى؟!
حوريه:اصيييييل تكلم من ندى هاذي من وين يعرفها اسكندر
اصيل:انا قلت ناديه باش ينساها قصدي مرته الاولى
حوريه:مسكت اصيل من وذنه….منو نددددى
اصيل:اااااه تي غير اسمعيني فوتي اسلوب العنف وتعالي بي التفاوض
حوريه:تفاوض شنو
اصيل:اطلعي الشكلاته متع ايطاليا والجبنه الصفرا متع توم وجيري نقولك قصة ندى غير هكي مش رح نتنازل ع حقوق بطني بتااااتاً
حوريه:به قول تو نعطيك
اصيل:اقسمي بالله
حوريه:افففف اقسم بالله نعطيك تكلم هيا
اصيل:تربع وبدي عاد فضيحه ورا التانيه ??‍♀️

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

ندى:طلعت من الدار مخلوعه وهيا تسمع في صوت رصاص وصوت خوتها عاااالي
هنيه:بسم الله هاذا شنو ياااااصبري شن فيه
صبري:طلع ومردش عليها
ندى:بدت ترعششش وقفت ع باب الكوجينه تشوف
لقت حكيم سكران جايهم ويعيط ع طول صوته يبي ندى ….وفي اللحضات هادي ندى صارتلها حالت هستيريا وبدت تعيط وتخبط خااايفه الماضي يتكرر وترجعله بدت ترررررعش بطريقه مش طبيعيه وامها تهدي فيها

بس المره هاذي خوتها كانو مع ندى ووقفو في وجه حكيم ضربوه .
احمد:حاول يقتله وكان نااااوي رسمي بس ادخلو الجيران حزوهم وطلعو حكيم واحمد يخبط في الرصاص ويعيط ع طووول رقبته

احمد:اختي قتلتهاااا هناااااياااااا قتلتها بيديك وووربي ما نرتاح لين نخلص عليك ورااااااااس امي لما نقتلك ونقتل روحي معااااك….ونهار احمد من العياط والتخبيط وطاح يبكي
فؤاد :خذي تركينه بروحها ويعيط زي البنت
اما حالة بوهم انا اروى عااااااجزه نوصفهاااا الصراحه من ندم لي كسرة خاطره لي لوم في روحه والفففف حاجه ?

هدت ندى ورجعت لي وعيها لما تأكدت ان حكيم اختفى خلاص ?

روح حكيم لحوش بوه ركب لي شقته وهوا يكح يكح يكح من اثر الدخان والحشيش قعد في شقته يشرب وهوا مش قادر يصبر علي ندى وزاااد لما عرف من قريبه في المشفى ان ندى دارت تحليل حمل وطلعت حامل
شرب حكيم اكترررر من الكميه المعتاده وسكر لدرجه رهييييبه حس بروحه بيستفرغ خش للحمام بخطوات بطيئه ويطيح مره مره قعمز ع الارض وراسه ع المحبس(المقعد)اكرمكم الله وقعد يستفرغ

حوريه:اسكنننننننننندر اسكندددددددر
اسكندر:نازل من الدروج يلبس في ساعته ….ايوا امي
حوريه:4شهور في تركيااااا بنت غريبه قاعده معاكم وانا امك معنديش علم هااااااااا؟!احكي
اسكندر:شبح لي اصيل شبحه تخووووف
اصيل:هيا اغرتني وانا امعائي ميتحملوووش ??افس افس كل الافس
اسكندر:انا طالع
حوريه:تعااالا جاي
اسكندر:بعصبيه….امي درت يلي عليا ورجعت البنت لي اهلها الموضوع مفيه شي ينحكى فيه خلاااص
حوريه:بصوت هاذي….به مدامها مطلقه وقنينه وانت مطلق وقنين ?خلي نخطبوها
اسكندر:ضروفها متسمحش…..وطلع
اصيل:وين الشكلاطه
حوريه:سارحه
اصيل:الشكلااااااااااااطه
حوريه:وووه خلعتني به فهمنا
ملاك:وجعني سوكا ?

نزلت مرام مرت فؤاد وهنيه وندى بعد مسمعو القصه من فؤاد توقعو انها تكون شريره معاهم بس الواضح كان العكسسس كانت عسسسل شهلوليه وجوها يهببببل بس حقيره هلبا مع فؤاد

ثاني يوم???

هنيه:ندوو افتحي الباب لبوك وتعالي نقي المعدنوس معاي
ندى:به ….فتحت الباب ونصدمت بي ام حكيم
صبريه تعيط وشدت ندى من حوايجها….حسسسسسبي الله فيك ياكلللللبه بسببك ولددددي ماااات يا حقيره
ندى:خافت وبدت تعيط وتنادي ع امها
صبريه:هجمت ع ندى وتحاول تخنقها لاكن حزت عليها امها ونزل خوها لز صبريه برا الحوش
ندى:كككيف مات؟! يعني مات رسمي اممممممي ماااااات ولا شنو ?
فؤاد:توفى امس حكيم
هنيه:بصدمه …كيف توفى
فؤاد:موته شنيعه سكر هلبا ولقهو ميت وراسه في المحبس(اكرمكم الله)جت موته في الحمام وراسه في اقذر شي ?
ندى:يعنى خلااااص افتكيت منه ؟مش مصدددددقه يماااا???????????يااااااربي منحلمش ياااااااربي ??????

هنيه:بدل متعزى بنتها باركتلها انها فتكت من كابوس حياتها ? ومن لما انتشر الخبر بدو الناس يعزو في وجت نسرين فرحانه خلاااص اختها بتتخلص من العذاب يلي عشاته طول عمرها
ندى وهيا داخلها فرحانه ومش مستوعبه انها خلاص تحررت وولت ارمله ?

مفيش مرا تفرح بموت راجلها إلا لما ميكونش راجل معاها ويكون سبب تعاستها وخوفها بدل ميكون الحض الامن ليها ❤️

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

بعد مرور 3ايام العزي ✨✨✨

حوريه طووول الوقت تجري ورا اسكندر بس مكانتش فاهمه وضع ندى بزبط وطلعا مستحيل تخطب لي اصيل وتضلم بنت الناس مع واحد يفكر في بطنه اكتر من مستقبله???

نسرين:سراج بيهبل عليهااا وهيا جديات اخيرا تريحت معاه وذاقت طعم شويه سعاده مع سيرجو ❤️❤️

صبري:طووول الوقت مع ندى وشاد بيدها ويحاول يخفف عليها ويغيرلها جوها وهيا كانت فرحانه بي الشعور هاذا ❤️

رابع يوم العزي بدت ندى تحس بي شي غريب في بطنها بس تقاوم او تسحابه يتهيئلها لاكن بدي الالم يزيد رفعها فؤاد وامها عشان يطمنو عليها وع يلي في بطنها

صبريه:تعيط وتندب….الله لا تسامحهم عيله عاااايله بنتهم العاااايبه الله لا ترحمها ?وبنتهم التانيه الخايبه مات ولدي بسببها ووووه علياااا??
مروى(اخت حكيم):ترشف في دموعها …ربي ينتقم منهم ها الكلاب حسبي الله ونعم الوكيل

بنووتة الشيخ(اروى): بدينا في زمان صاحب العمله ويلي غالط من راسه لا اساسه هوا يلي يتحسب ??‍♀️

ندى:راقده ع السرير والدكتوره تشوف بي جهاز اليكو
هنيه:شنو بنتي ان شاء الله خير
الدكتوره:اممم من بكري وانا نتأكد اسفه يا حاجه العيل خاسر راهو ليه4ايام الحمد الله مصارلهاش تسمم عادي وخيتي يتعوض ان شاء الله
هنيه:فرحت بي الخبر بس مبتش توضح لي ندى مراعاة شعورها گ ام
ندى:رغم ان البيبي كان ع هم ع قلبها ونزاح بس بدت تبكي وجعها ?قطعه منها خسرتها مهما كان بوه في النهايه هيا ام
قعدت ندى في المشفى دارولها تنضيف ودموعها مجفوش ?

وبي هكي تكون ندى رمت عدتها لان الارمله بعد تكون حامل وتجيب اطيح عدتها ولما ترمي نفس الشي اطيح عدتها ✨

########____________

وصل الخبر لي اسكندر وهكي كانت ردت فعله ?

اسكندر:نووووضي توااا بسرررعه نوضي قبل مضيع مني
حوريه:نهاري الاحرف البنت كيف راميه
اصيل:نووضي يما خاطري في كسكي عراااس
ملاك:هههههه ياسوكا متجيش البنيه قاعده مريضه راهو
اسكندر:ماشي جاي ….به كيف توا
اصيل:توا خوذ دير نفص بي العريسه العربيه وشوية….
اسكندر:لوح عليه الجهاز ….انت سكر فممممك مش ناقص براااادتك
اصيل:الحق فيا نفكر في امعائك خزي ??
اسكندر:قعمز جنب امه….به امتى نمشولها؟!
حوريه:اخخخ بتجلوطني فوت حتى اسبوع يانهاري الاحرف
ساره:السلام عليكم
اسكندر:سااااااره اخيرا جيتي اسمعي بنخطب بنت بري مع امي
ساره:اسم الله عليك سوكا خيرك والله شكلا امي دارتها فيك وسحراتك باش تتزوج
اصيل:مسحور بعيون ندوش يا كبدي
ساره:هههههه في حبيبه في الموضوع
اسكندر:غير قعمزي نتفاهمو توا

#تسريعفيالاحداث

ندى :فرحانه بس خايفه من تجربتها الجايه لزواج لاكن مخفف عليها ان اسكندر هوا يلي عريس ❤️
جي خطبها بعد اسبوعين من رميها جي خطبها وبرغم من العفن يلي عشاته حسدوها الناس وقالو سعدها قوي ???
اسكندر:كان بيهبببببل كأن لو مخذاش ندى توا رح اضيع منه وقال لي خوتها منبيش شي نبي ناخذها بس لا تجيب معاها بتات ولا حتى حاجه ?
اصيل:طالع فرحان ومستمتع لما يختار في ماكلة العرس كأن يشري في حوايج لي صغاره وبكل حب يختار في انواع الفواكه والكسكسي واللحم ?❤️

خلونا نجتاااااازو الايام يلي تفوت ونجو لي يوم الحفله طووول❤️

ندى:لبست ڤيلو بسيط ودارت حفله بسيطه في الحوش واخيرا جربت شعور العروسه الفرحانه

جنبها نسرين يلي بعتت مسج لي سراج قالتله انا حامل واتصل بيها يعيط ع طوووول رقبته نحببببك

هنيه:فرحااااانه اخيرا بناتها ارتاحو وتهنو لاكن غصة نوره موجوده في قلب كلللل واحد مقعمز في الحفله ?

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

حوريه:في البدايه من داخلها مش متقبله ندى بس لما شافتها ماااات فيها لانها قنينه وهاديه ❤️وملاك وساره فرحنات بي مرت سوكه❤️

اسكندر:احححح ياحليلي ع اسكندر يلي طالع في البذله يجنن ?ويرقص ع الزكره مع اصحابه لاول مره ❤️✨✨

اصيل:مرحبا ياحلوتي الجميله ❤️مقنينتك بريئه صافيه نقيه جميله ربي خلقك باش تسعديني وبس اخخخخ ع جمالك ياخذ فيا لي عالم اخر هيا تعالي الي بطني ياحلوتي

بنووتة الشيخ:طبعا يتغزل في صونية كسكسي ?‍♀️

########——-

ندى:روحت مع سوكا وسط درابيك وغني ورصاص والعاب ناريه وقلبها يددددق ❤️….اول مقعمزت مسك يدها وباسها
ندى:اءءء
اسكندر:حط يد ندى ع قلبه….نبيش نسمع منك كلمه لين نوصلو حوشنا يا حلالي
ندى:طول الطريق تبكي زي العاده ??‍♀️??‍♀️??‍♀️

اصيل:روح الحوش مع امه واخواته وعيلته وقعد مقعمز بروحه
ملاك:اصولي خيرك زعلان؟!
اصيل:سوكا تزوج مش مصدق ?بنحرق دم منو توا انا
ملاك:هههههه عمري الحساس
اصيل:سكفمك مهما كان توأمي ره صح اكبر مني بي 4دقايق لاكن طلعنا مع بعض ?
ملاك:????ههههههه
اصيل:جيبيلي شوية بكلاوه ننسى بيها حزني
ملاك:حااضر ?

نسرين:هههههه مجنون
سراج:بييييك بندير كل شي لازم لازم ندور ع خدمه تانيه خلاص بنبدو عيلة كبيره
نسرين:ههههههه عيلة شنو راهو 3بس
سراج:مزااال بنجيبو هلبا صغار
نسرين:احلم
سراج:اسكتي خليني خير منبوسك
نسرين?????

ندى:واقفه قدام اسكندر
اسكندر:مقرب عليها هلباااا ومسكر عيونه ❤️عطر ندى مع عطر اسكندر ❤️بس ها المره عطر عرايسي لي الزوز
ندى:اسكندر
اسكندر:راسه ع راسها ومغمض عيونه….ياقلبه
ندى:حطت يدها ع لحيته….تعذرني لو قتلك اليوم منقدر ندير شي?
اسكندر:فتح عيونه وبعد عليها
ندى:خافت
اسكندر:باسها ع راسها ….فاهم كل شي امتا متحسي نفسيتك مهيئه حبيبي نجبركش
ندى:حضناته
اسكندر:لا والله شكلي بنجبرك ?

اصيل:كمل البكلاوه وهوا مضايق من زواج اسكندر ناض من مكانه ويشوف بنت طالعه من الباب تسلم ع امه وطلعت روحت
اصيل:امممممممي اممممممممي
حوريه:ها صرعتني والله معاد جايبتلك حاجه ياسر مصارينك بيتفزرو
اصيل:منو هاذي البنت يلي سلمت عليك
حوريه:هاذي ضحى بنت مختار خالي
اصيل:محلاااها ?جمالها كأنها بيزا مطبقه
حوريه:اقلب وجهك
اصيل:تي غير تعااااالي

بسبب الاغتصاب يلي عناته ندى اكتر من مره من قبل حكيم بدت معش قادره تتجاوب في الحجات هيا وفي راسها حكيم وفعايله كانت تسحاب روحها متقدرش تتقبل اسكندر في الفراش لفتره طويله لاكن صار العكس
بدلت حوايجها ورقدت في حضنه ع اساس بيرتاحو وبس لاكن بوسات اسكندر الحنينات ولمساته خلت ندى تعيش في عالم تاني ?شوي شوي وبدت ندى تتجاوب ومعاه وهيا يلي لاصقه فيه وانفاسهم الساخنه ع بعض بينهم لهفه كبييييره وشوق يقتل ✨ونكتب حلالها وراجلها من اليوم ❤️

هاذي كانت نهاية قصتنا صارت في سنين وحكيتها في 15الحلقه علاش سميتها جرائم ضالمه؟!

الجريمه الاولى :منتهى ويلي دراته في حق نوره كان جريمه لان بسببها ماتت روح بريئه ?

الجريمه الثانيه:بوها وخوتها طلعوها وسلموها بيديهم لي حكيم بدون ميسمعو منها حتى تبرير

الجريمه الثالثه:كيف الردع قالو هاذي جريمة شرف بدون تحقيق واستباحو دم نوره وطلع حكيم من السجن بمبرر انه غسل العار بدم

الجريمه الرابعه :زواج ندى غصب عنها بي المجرم يلي قتل اختها

الجريمه الخامسه :اغتصاب وضرب ندى وكيف مراعاش حتى كون انها انثى

الجريمه:السادسه مفيش بنادم قال كلمة خير في نوره والكل اتهمها بي العهر لين طلعت برائتها

كل هاذي الجرايم ظااااااالمه ???

احمد:ولا زي الاهبل وتأزمت حالته ومعش قادر حتى يتكلم ويتواصل مع الناس

فؤاد:طلع ميجيبش في صغار ومرته دايره فيه الويل وميقدرش يتكلم ولا يطلق

هنيه:جرح نوره قاعد ينزف بس تستريح كل متذكر ان بناتها تهنو

نسرين:احلى عيشه مع سراج يموت فيها وميرضاش علي زعلها اليوم عندها زوز ولاد ع روس بعض

صبري:بيموت من عذااااب الضمير كل ليليه

ندى:واخخخخ ع ندى واسكندر يلي عايشين قصة حب تجنن اليوم عندها بنوتة اسمها نوره وحامل

حاتم:اختفى من حياة ندى تماما

فيصل:قاعد محبوس
اصيل:قلد خوه وداااار العار باش خطبتله امه ????

حسب كلام بعض الناس في بعض الليالي يسمعو في صريخ نوره وهيا تعيط انا مدرت شي ويختفي الصريخ مع الفجر ?

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

*المطلقه عمرها مكانت عاااار المطلقه بنت مرضتش تعيش وتكمل في زواج فااشل ?وليها الحق تطلع وتهيج وتاكل وتشرب زيها زي اي بنت لانها مدارتش جريمه

*اي شي بديره رح تلقااااه وربي وكان بعد الف سنه رح يرجعلك سواء تكلمت عليه ولا درته في غيرك

*نهاية اي ضالم رح تكون بشعه وعبره لكل الناس حاول تكون سمعتك كويسه وادير الخير عشان حسن الخاتمه

*انتم امهات وابهات المستقبل حاولو تربو صغاركم ع الصح وتسمعو منهم مش عليهم حاولو تعالجو الغلط بصح مش العكس حاااااولو عشان نطلعو جيل كويس❤️

*مهمها مرمداتك الدنيا خليك متأكد ان ربي رح يعوضك مهما طوالت المددددة ره

كل بنت عندها قصه وهيا البطله فيها النهايات السعيده عمرها مكانت خيال او في الروايات بس نهايتك رح تجي ع قيس نيتك وزي منقول ديمه انا اروى الطاهر المسلاتي (بنووتة الشيخ)….الحب في كل مكان بس دوري وفتحي عيونك كووويس

رايكم بدون ملصقات

error: