رواية جرائم ظالمة
#جرائم_ظالمة 11 (حقيقيه)
قربت شوي شويه وتشوف من العين السحريه ونصدمت لما شافت حكيم وجي في بالها الف سؤال علاش جاي الساعه4في الليل خافت هلباااا ولما جت بتمشي تلفتت وكان اسكندر وقاف وراها ولاصق فيها …تلاقت عيونهم في عيون بعض لاول مره بينهم شووووية مسافه وندى نست حتا حكيم يلي ورا الباب.
سراج:فتح الباب وقعد يشوف لي نسرين معش عرف حتى شنو يقول
نسرين:نزلت عيونها….مساء الخير
سراج:ابتسم….مساء النور
نسرين:اسفه طقيت في الوقت المتأخر هاذا بس ماما قتلي اكيد مش متعشي طول اليوم مع فؤاد في المشفى
سراج:اي ولله صدقت امك ?
نسرين:تفضل
سراج:خذي منها السفره وبغير قصد لمس يدها ?
نسرين:ارتبكت ووجها احمممممر
سراج:قعد شاد السفره ويشوفلها
نسرين:كنت نبي نشكرك لان مقلتش بي فؤاد ع يلي صار هذيك المره يعني انت تعرف خوتي مستحيل يفهمو ديمه البنت غالطه
سراج:لا ولايهمك اصلا بعد يلي داروه في اختك نوره مستحيل يسمعو مني حاجه والحمد الله ربي طلع الحق ❤️
نسرين:ابتسمت…اي الحمد الله يالله تصبح ع خير
سراج:وانتي من اهل الخير
نسرين:قامت راسها وشافته كيف مبتسم والغمازه ياحليلي???….طلعت بسرعه
سراج:تنهد بحب وسكر الباب
ندى:لاصقه في اسكندر وانفاسهم متداخله في بعض ارتبكت ومعش عرفت شنو تقول
اسكندر:قرب هلبا وندى تبعد لين لصقت في الباب وزاد اسكندر قرب….متفقه معاه يجيك في الليل؟!
ندى:بصوت واطي ….شنو تقول
اسكندر:مني باعتك انتي وياه؟!معقوله صدفه تجو ليبين قدام شقتنا ؟!!!!تمثلي عليا عشان تخشي شقتي وتعيشي بينا؟؟؟
ندى:مصدومه من الكلام يلي تسمع فيه وكان اسكندر موترها هلباااا كيف قريب منها ونفسه عليها وريحة الدخان ممزوجه بعطره?
اسكندر:وتوا جايك حكيم الساعه4في الليل ع شنو مخططين احكي
ندى:تبلع في ريقها….اس اسس اسكندر انت فاهم غلط
حكيم:مستمر يطق ع الباب
اسكندر:لاصق في ندى وندى لاصقه في الباب….توا انتي يلي بتفتحيله
ندى:لالا اسكندر والله مكذبت عليك وراااااااسك مديرهاش فياااا
اسكندر:امس حكيم في شقتنا واليوم يطق بشويه الساعه4صدفه يعني؟!!!!بتحكي من باعتك ولا نخليك تحكي بطريقتي
ندى:بدت تبكي
اسكندر:مسح دمعتها وفمه قررررريب عليها …..بلاش منهم دموع التماسيح هاذم
ندى:تنفست بعمق وحاولت تباعد اسكندر بس كان لاصق فيها ومش راضي يتحرك
حكيم:يطق ع الباب
اسكندر:بصوت عااالي…..لحضات بس وتو نفتحلك
ندى:بخوف ودموع….لالالالالا بالله عليك لا وراااااس اغلى شي عندك?
اسكندر:حط يده ع مقبض الباب وفجآه يجي اصيل يدفه
اسكندر:يشوف لي خوه
اصيل:بصوت واطي …خيرك انت هبلللللت؟!!!!شنو الكلام يلي تخرف فيه البنت قعدت 4شهور عندنا راهو ومفيش شي صارلنا لو كان في حد باعتها راهو قداش لينا في خبر كان
اسكندر:شن تفسر جيته امس واليوم ?
اصيل:نعلم بي امه انا؟!!!بعدين امس لما شافاته قريب ماتت معقوله هاذا كله تمثيل؟!
ندى:سيبتهم وخشت تجررى لدار سكرت ع روحها
اصيل:بطل هبال سوكه شكلك جعان والجوع مأثر ع تفكيرك
طق طق طق
اصيل:فتح الباب
حكيم:اخيراااا ساعه باش تفتحو
اصيل:الساعه4في الليل ره ؟!جاي بتتسحر ولا شنو
حكيم:هههههه سامحونا والله غير نبي حبوب راس كان عندكم مقدرتش نرقد
اصيل:اممم به خليك لحضه هي
اسكندر:مقعمز من بعيد قايم حاجبه ويشوف لي حكيم
حكيم:واقف ع الباب ويتفحص في الشقه كلهااااا بعيونه كأن يدور ع البنت يلي شافها ويبي يتأكد بزبط
اصيل:تفضل
حكيم:عيونه في الشقه….صحيت يبارك فيك
اصيل:قربع في وجها الباب وخش
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
نسرين:نزلت لي دارها وهيا تفكر في شبحات سراج بيها ولمسة يدها ?بس نهت تفكيرها يي جملة…بابك يلعب و طامع فيا يقول مطلقه سهل ناخذ منها يلي نبيه ?
ندى:خشت لغرفة اسكندر وبكت لين عيت ?
اصيل:شنو الكلام يلي حكيته للبنت الزح
اسكندر:بتعصب…اصيل فووووتني مدخلكش فياااا
اصيل:اي انت وين تغلط وتحصل تقولي مدخلكش فيا انت يلي جبتها البنت وخبطت ع صدرك ووقفت معاها مش انا وتوا جاي ترجعها لي نفس الشخص يلي قريب يقتلها بطرايح دي جدي زمان ديما يعجن فينا في بعض
اسكندر:نياهاهاها???
اصيل:انا فديت من القعده هنايا بتريس ره نبي نروخ وراي الف اكله قصدي الف حاجه دبر كيف توصل لي عيلة البنت
اسكندر:تنهد ومسح بي بيديه علي وجها وشعره
اصيل:تصبح بنرقد انا
اسكندر:هز براسه
اصيل:خش لي داره وسكر الباب اما اسكندر وهوا ماشي للحمام يسمع في بكي ندى وشهقاتها?
طق طق طق
ندى:مسحت دموعها وبصوت مخنوق ….منو
اسكندر:طق طق طق
ندى:تمسح في دموعها ولبست وشاحها خش اصيل
اسكندر:فتح الباب وخش
ندى:ارتبكت….تبي شي؟!
اسكندر:قعمز ع السرير وعطاها بضهره…..اسف ع يلي صار راسي ملخبط و متوقع كل شي
ندى:عادي مش مهم
اسكندر:ليش تبكي ؟
ندى:مخنوقه حاسه روحي 4شهور مطلعتش برا للشقه
اسكندر:ناض فتح دولابه طلع سرواله وتب وطقيه ….البسي هادم
ندى:بي استغراب…..شنو بنلبس ؟حوايجك؟!
اسكندر:اي
ندى:توا ?ليش؟
اسكندر:لما تكملي تعالي للصاله
ندى:كيف جت بتتكلم اسكندر سكر الباب وطلع من الدار
فيصل:ساهر الليل كللله وهوا يفكر كيف يرجع نسرين ويخليها تقتنع بيه حتى لو دار معاها علاقه بي الحرام ؟؟كل همه ترجعله وبس ضميره مخلاشي حتى يسخف ع البنت يلي راقده جنبه وحامل بي ولده ?
ندى:طلعت لي الصاله بخطوات متحشمه
اسكندر:قام عيونه ومقدرش يشد ضحكته لما شاف حوايجه كيف طالعات كبار عليها
ندى:مبتسمه…توا شنو
اسكندر:وقف لبسها الطاقيه وفوق منها البرنوص متع التب
ندى:تشوفله بي استغراب
اسكندر:لبس سبيدروه واشرلها بيده بمعنى هيا
ندى:مكانتش عارفه وين بيرفعها وشنو بيدير فيها بس شعور الامان معاه خلاها تطلع بدون متحكى كلمه
واصيل راقد يحلم بروحه مقعمز في حوش ابو عصان وياكل في الكبه المشويه ?♀️
ندى:نزلت مع اسكندر تحت العماره وخشو للبركيدجو متع السيارات كانت اول مره لي ندى تطلع بعد 4شهور من الشقه
ركب اسكندر الموطو واشر لي ندى تركب
ندى:انا?….لالا مستحيل منعرفش
اسكندر:نزل طاقية الموطو وشبحلها بي حاجبه يلي فيه الخبشه ياحليلي??
ندى:خافت ركبت وراه بصعوبه
اسكندر:مدلها طاقيه لبستها …..شدي كويس
ندى:بلعت ريقها وشدت في روحها ?
اسكندر:تلفت وهوا قايم حاجبه
ندى:شنو?
اسكندر:مسك يديها وحطهم علي خصره وندى تحشمتتتت
ولع اسكندر الموطو وطلع بسررررررعه وندى زادت شدت في اسكندر اكتر واكتر وغمضت عيونها ❤️
فؤاد:وصل لي تونس واول شي داره نقل بوه لي اقرب مصحه وداروله اللازم
في المصحه:-
كان احمد في عااااالم تاني بككككل طول الوقت ساكت وزي الدايخ
فؤاد:شنو يا احمد؟!تخش تكشف توا
احمد:خليني نموت لانبي نكشف لا نعاين
فؤاد:بطل الكلام هاذا
احمد:لازم نلقو ندى يا فؤاد ذنبها في رقبتنا البنت لااااااازم
فؤاد:تنهد بوجع…..الشهور يلي فاتو كلها عمر صاحب بوي دور عليها وع حكيم مفيش لي اثر
احمد:نطمنو علي بوي وبنسافر لازم
فؤاد:بشنو بتسافر بالله الميزانيه مفيش بكل
احمد:ندبر وكان نبيع روحي ضروري
فؤاد:يصير خير
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
ع شط البحر الساعه 4ونص في الليل والجو كان برد شوي :-
اسكندر:سارح في البحر
ندى:خاطري نسألك شي بس خايفه تعصب
اسكندر:احكي
ندى:تذكر اول مره خشيتلي فيها الشقه؟
اسكندر:اي
ندى:كيف فتحتها والشنطه شن قصتها
اسكندر:عندي مفاتيح العماره كلهم مش حاجه صاعبه يعني
ندى:ل لليش؟!
اسكندر:قبل سننننننين فاتوو بوي نفصل علي امي وجي هنايا يعني سافر تركيا كانت حالته الماديه كويسه بكل وفتح سلسلة مطاعم وشري قطعة ارض كبيره هنايا
ندى:ساكته وتشوفله
اسكندر:بعد مده توفى بدون منشفوه ولا يشوفنا ولا كنا حاسبيله حساب اصلا لان مش معدل علينا نهائي لا انا ولا اصيل ولا خواتي
ندى:عندك خوات?
اسكندر:اكيد
ندى:به كمل
اسكندر:اي بعد متوفى بكم شهر وصلنا اتصال من محامي بوي وحكالنا ان كاتب في وصيته الارض بي اسمي انا والحكومه تبيها بدير فيها مشروع اضطرينا نجو هنايا انا واصيل عشان نبيعوها وناخذو الورث ونرجعو
ندى:والشنطه شن فيها ?.
اسكندر:شبحلها بنضره تخوف
ندى:ابتسمت …اسفه قصقاصه انا ?
اسكندر:الشنطه فيها فلوس وشوية وراقي ضميناها في شقتكم لانها كانت فاضيه وصاحب العماره حمار مخبرناش ان في ناس بتجي تسكن
ندى:اهااا بس ليش مش ظامينها في شقتكم؟!
اسكندر:في ناس تحارب فينا وقالو الارض مش من حقنا ورفعنا عليهم قضيه وربحناها توقعنا في اي لحضه يصير شي
ندى:شبحت للبحر…..اي صح كلامك
اسكندر:وانتي
ندى:انا شنو ?
اسكندر:لوح صخره صغيره في البحر…..يعني عايشه معانا ومنعرف شي غير ان راجلك مش كويس معاك ويضرب فيك وشبه مخطوفه
ندى:تنهدت….قصتي طوووويله
اسكندر:رقد ع الشط …واحكي شنو ورانا
ندى:بدت تحكيله علي نوره وكيف ماتت بتفصيل
فؤاد:خلا بوه في المصحه وطلع هوا واحمد اجرو حوش ونضمو امورهم ❤️
اسكندر:وكيف يقتلوها بدون ميسمعو منها شي؟!
ندى:تنهدت….السؤال هاذا سألته لي روحي الف مره وملقيتش اجابه
اسكندر:تنوضي ولا مزال؟!
ندى:لاخلاص اصلا نعست
اسكندر:وقف ينفض في حوايجه
ندى:ابتسمت وهيا تشبحله….صحيت ديما مبهدلاتك معاي?
اسكندر:ضحك ونزل الطقيه علي عيونها…هيا ياهبله قدامي
ندى:قعمزت ورا اسكندر والمره هاذي مكانش مجرد حضن عشان مطيحش لا!!!كان حضن عشان تحس بي الامان ❤️حضن ارتياح ❤️❤️❤️
ولع اسكندر وطلع اول مطلع بلموطو بدت المطر تصب عليهم ❤️
وصلو للعماره واول منزلو نحا اسكندر الجاكيت متعه وخش هوا وندى تحت الجاكيت لين ركبو لشقه ❤️وسكرو الباب
اسكندر:قعد يشوف لي ندى وخصلات شعرها المبلوله طالعه من البرنوص
ندى:معش عرفت شنو تحكي….اءءءء صحيت اسكندر غيرتلي جوي
اسكندر:يشوفلها بنضرات اذوووووووب ?….ولا يهمك خشي دوشي وصلي الفجر اذن
ندى:هزت براسها وهيا مبتسمه وخشت
اسكندر:تنهد بحب ?ونحى جاكيته
ندى:خشت للحمام دوشت ولبست حوايجها وطلعت لي الدار مسحت شعرها وسرحاته ولبست وشاح وعبايه طلعت لي الصاله لقت اسكندر يفرش في المصليه
ندى:نصلي وراك؟!
اسكندر:ابتسم….اي ليش لا
ندى:وقفت وراه وبدي اسكندر يصلي بيها يا حليلي ????
رغم بعد اهلها وكللللل مشاكلها فات الليله حلوه علي ندى❤️
وليله كلها حيره علي نسرين
وليله كلهاااا تفكير علي سراج
وليله كلها أللام وقلة نوم وندم علي فؤاد واحمد
وليله في غيبوبه وعدم الوعي بي اي شي علي صبري
وليله مخلطه علي هنيه بين فرح بي برائة بنتها وحرقة قلبها علي نوره وندى?
وليله يحاول فيها اسكندر يمنع قلبه انه يتعلق بي ندى ويحبها لاكن مقدرش?
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
ثاني يوم:-✨✨?
ناضت ندى متأخر الساعه1الضهر حطت الوشاح ع راسها وطلعت
ندى:صباح الخير
اصيل:متكلمينيش حسبي الله ونعم الوكيل فيكم
ندى:علاش ?
اصيل:امس خليتوني نرقد وطلعتو بدوني؟!!!!شنو كليتو عليااااا والله منسامحكم في حياتي
ندى:ههههههه والله مكلينا حاجه درنا لفه وروحنا
اصيل:احلفي?
ندى:ههههه والله قتلك
اصيل:امممبه احسبيني معاك في الفطور
ندى:مفطرتش لاتوا؟!
اصيل:فطرت مرتين لاكن قاعد جعان
ندى:??♀️??♀️اهبل
اسكندر؛خش الصاله وشاد التالفون
ندى:قلبها رعش لما شافاته
اسكندر:في حد يبي يكلمك
ندى:بيكلمني انا ؟!?
اسكندر:اي
ندى:خذت التالفون حطاته في وذنها وبتردد ….الو
هنيه:بصوت مخنووووق وكله بكي….ندى بنتتتي?
ندى:مستوعبتش يلي سمعاته …ااءء ال ال الوو
هنيه:بنتي ????وينك كبدي محروقه عليك
ندى:بصدمه والدمعه طاحت من عينها…امي صح ؟اممممي
اسكندر:هز براسه بمعنى اي
ندى:نفجرت بي البككككي وشاده الفون بيديها الزوز وتببببكي ….خشت لغرفة اسكندر بسرررعه وقعدت تحكي مع امها واختها
اصيل:ياحليلي علي فرحتها كأن جاها عشي في مطعم فاخر بي البلاش
اسكندر:مش حلم الناس كلها ماكله يا دراه
اصيل:ع سيرة الماكله يا معفن يا مصردن ياحقير الادب يافاسد…..وين رفعت البنت امس مقتليش
اسكندر:واااااك تو شن بيطلعها من دماغك القصه هاذي
اصيل:قووووولي توااا
اسكندر:مشينا شوية جيهت البحر البنت ليها شهور مطلعتش ومفكرناش فيها بكل
اصيل:احححح ياريتني جيت ندى عندي عيون حلوه باش نسحرك بنضرتى و اطلعني وتدهور بيا
اسكندر:البنت متزوجه?
اصيل:ع اساس بتقعد معاه يعني تي عاشت معانا اكتر منه
اسكندر:مدخلناش فيها
اصيل:اشعر بي شعور ان اخي يكذب
اسكندر:فنص….اصيييييل
اصيل:وووه عليا به خلاص والله معاد مكلمك ولا عاد خوي
اسكندر :احسن ياريت
اصيل:سكت شويه …..قولي شن رايك نجيبو الغدي من المطعم الصيني
اسكندر:صبررررر ايوب ياربي ??♂️??♂️??♂️
هنيه:شرحت لي ندى برائة نوره وشن صار في احمد وبوها بدموعها
ونفس الشي مع ندى حكتلهم المأساة يلي عانتها مع حكيم وتبكي
هنيه:متخافيش يا بنتي خلاص هانت مدامك مع ولد حلال داير باله عليك تو يجوك خوتك
ندى:تمسح في دموعها وشهقة البكي قاعده….ياريت يما استاحشتكم خلاااااص معش قادره
نسرين:حني اكتر ياوخيتي الحمد الله مهم طمنا عليك
ندى:نسرين خليك قويه لين نوصل فيك متخليش الطلاق ينهيك
نسرين:غير روحيلى بس خلي تتجمع عيلتنا زي قبل ومعش نبي شي
ندى:ياااااارب
هنيه:تنهدت براحه….سلم بنتي ياربي تو كل شويه نطمنو عليك بارك الله فيه الولد يلي جانا عطانا الرقم
ندى:ان شاء الله تو نكلمكم حتى انا
هنيه:في حفض الله ديري بالك ع روحك
ندى:ان شاء الله ديرو بالكم حتا انتم
نسرين:في حفض الله
وانتهت المكالمه :-
نسرين :خدت التالفون وحطت وشاح ع راسها وطلعت تنادي ….سرااااج سرااااج
سراج:جاها …..نعم
نسرين:تفضل التالفون عطيه لراجل
سراج:خلاص كلمتوها؟!
نسرين:اي تمام
سراج:خذي التالفون وهوا يتفحص فيها بي نضراته وطلع
فؤاد:فطر هوا وخوه وطلعو للمصحه وكان بوهم في غيبوبه مفيش تقدم ?خش احمد دار كشف وطلع عنده اعصاب معده حاااده من الرعاش وجروح في الرقبه وبمجرد مجاهم اتصال من سراج خبرهم علي ندى احمد معش قدر يصبر نهااااائى
فؤاد:خلي نطمنو علي بوي ونمشو مع بعض
احمد:تي والله منقعد دقيقه هنايااااااا بنكلم سراج يبيع الارض متاعي حتا بي 2000 بس مهم فلوس باش نسافر وبنمشي نروح بيها
فؤاد:سكت
احمد:من كل عقلك انت قلبك بارد وعندك عادي ؟ مسمعتش بنت الكلب الله لاتسامحها شن نبحت قبل متموت؟!
فؤاد:يمعت بس مش قادر نغير شي يا احمد
احمد:اخخخخخ بس لو وقتها خليتني نقتلهااا بين يديا الحقيره
فؤاد:ماتت من ربي به يلي مقتلتهاش ونحبست
احمد:ضرب الحيط بيده من الغل متاعه
اصيل:شن يا أُطه كلمتيهم؟!
ندى:عيونها منفوخات من البكي ….اي صحيتو والله متعرف كيف نشكركم وربي ?
اصيل:نبي كسكسي ومبطن
ندى:نديرلك من عيوني
اسكندر:المهم اطمنتي عليهم وقلبهم ارتاح
اصيل:احححح في ناس قلبهم مش مرتاح بالله
اسكندر:شبحله بنضره ترعش
اصيل:نحكي ع روحي جعان ??وك عليا انا اكبر منه بي دقيقه ويفنص فيا احترم روحك اكبر منك انا
اسكندر:???
ندى:ساوت الوشاح ودموعها ع خدها
اصيل:مش عارف كيف انا وهيا حزينه تبكي وهيا فرحانه تبكي حتى لما تشكر الناس تبكي
ندى:مسحت دموعها وضحكت ….بارد?
اصيل:هيا المبطنننن
ندى:حاضر
نسرين:وتت الفطور وكان الجو يهبللل بسماع صوت ندى جو خلاتها وعماتها من الصبح يهدرزو ع امها حطت سفرة الفطور وطلعت لي سراج عطاته فطوره
سراج:صحيتي ماننحرمو منك يارب
نسرين:مش حاجه كبيره صحتين ?…وجت بتمشي
سراج:نسرين استنى ….
نسرين:تلفتت
سراج:لو مفيش ازعاج نبيك ضروري بعدين نبي نحكي معاك في موضوع
نسرين:بتردد…اءءء تت تمام اوكي
سراج:نستنى فيك
نسرين:خشت للحوش وقلبها بيطططططلع خلاص
فؤاد:في المصحه تلاقى مع بنت ليبيه من اصل امازيغي هدرز معاها عجباته وخذو ارقام بعض ❤️
بنووتة الشيخ:عممممري اهل الامازيغ جمااالهم يقتل ياحليلي ??
بعد مرور يومين✨✨✨
الوضع عند ندى تأزم من ناحية اسكندر الزوز كانو طايحين في بعض واسكندر مش قادر ينحي عيونه من عليها ❤️بس في شي يمنعه يقرب سبب غامض رح ينكشف مع الحلقات الجايه
نسرين:تراجعت ع قرارها في الحكي مع سراج وبدت تتهرب منها وخايفه يصير اي شي غلط
هنيه:قلبها ارتاح من جيهة ندى لانها تطمن عليها كلللل يوم
صبرى:فاق من غيبوبته بس مانعين عليه الزياره والكلام
احمد:بدي في اجراءات السفر متعه
حكيم:الشك عند موقفش ولا يأس انه يلاقي ندى نهاااااائيا
اصيل:مستمر في الماكله???
اسكندر:يشوف لندى بنضرات اذوووب…متبي شي نجيبهولك معاي؟!
ندى:سلامتك?
اسكندر:بالك محتاجه شي فكري،؟!
ندى:سلامتك بس
اصيل:تبو ساعه تانيه تسألها وتقولك سلامتك؟خلي نخش نضربها نوم وميصيرش من للمشي
ندى:????
اسكندر:?اطللللع هي
طلعو اصيل واسكندر سكرو الباب بعدين طق
ندى:بصوت واتي ….منو؟!
اسكندر:انا افتحي
ندى:فتحت الباب …نعم
اسكندر:بالك محتاجه شي
ندى:هههههه خلاص عاد والله منبي حاجه
اسكندر:ضحك وطلع وسكر الباب
في اللحضات هاذي كان حكيم يشوفلهم من العين السحريه متع الباب وبمجرد ما نزل اسكندر
طق الباب من جديد ندى فتحت بدون متسأل لان تسحابه اصيل
ندى:اءءءء?????ءءءء
حكيم:جبدها من شعرها لي شقته واول نسكر الباب نحى حزامه من السروال وقعد يضرب فيها ….يتبع