رواية جرائم ظالمة

#جرائم_ظالمة 6 (حقيقيه)

ندى:تبكي وخايفه وهوا مسكرلها فمها
اسكندر:اشششش
ندى:تبكي وترعش مع بعضها
اسكندر:shut up one word will kill you
(اصمتي كلمه واحده سوف اقتلك)
ندى:هزت براسها ودموعها ينزلو
اسكندر:بعد بيده من علي فمها شوي شوي
ندى:تبكى….هاذا شن يبي كيف بنتافهم معاه?
اسكندر:قام حاجبه…ليبيبن انتم
ندى:نصدمت …مسكت فيه بيديها الزوز …بالله عليك ورااااااسك تهربني انا شبه مخطوفه بالله عليك انت ولد بلادي اخيرا لقيت حد نتفاهم معاه منعرفش من وين جبت مفتحت الشقه ولا انت منو لاكن بالله عليك طلعني ???
اسكندر:نفض يده بقوه منها…..شن دخلي فيك انا اسمعى هما كلمتين فوق باب المطبخ فيه مخزن والمخزن فيه شنطه تحركي جيبيهولي
ندى:كيف جايه بتتكلم سمعت صوت الميه وقف…..حكيم بيطلع?????
اسكندر:ايااااه علينااا …تو نرجع وقت تاني لاكن يمين بالله نلقى الشنطه مفتوحه ولا ناقصه حاجه نقتلك انتي وياه
ندى:مسكت في يده….ارفعني معاك سألتك بالله ونبي ?
اسكندر:شبحلها ع الجنب شبحه تخوف ونفظ يدها بقوه وطلع سكر الباب بشويه وطربقه بي المفتاح

هنيه:شنو كيف تحسي في روحك توا
نسرين:راقده ….احسن من قبل
هنيه:معش تحرقي روحك يا بنتي الله غالب سيوره ويندم
نسرين:هاذا راجل يما معنده علاش نادم كتر ربي غير النساوين
هنيه:مسحت علي راس بنتها….كله في خيرتنا ان شاء الله وحسبي الله ونعم الوكيل في كللل حد حرق قلبكم وقلبي
صبرى:السلام عليكم
هنيه:مردتش
نسرين:وعليكم السلام
صبرى:كيف حالك توا
نسرين:الحمد الله
صبرى:شن يلي صار يا بنت ؟!مش ع اساس امس جي روح بيك وردك ؟!
نسرين:اسأله هوا يا بوي هوا يلي طلق مش انا طلبت الطلاق
صبرى:لا حول ولا قوه الا بالله
هنيه:مفيش من قاعر بناتي الثلاثه غيرك انت وولادك حسبي الله فيكم
صبرى:اخر العمر تتحسبي فيا ياهنيه؟!
هنيه:من النار يلي في قلبى علي بناتي مفيش وحده منهم عاشت زي الناس بسببكم
صبرى:كلللللله بسبب نوره يلي قاعد يصير ونوره تربيتك
هنيه:سكتت لانها صدقت ان نوره طلعت مع ولد وزنت ?
نسرين:وحدو الله الله غالب قضاء ربي وقدره
هنيه:دبر كيف توصل في حكيم نبي نكلم ندى منعلمش بيها وصلت ولا لا وكيف حالها
صبرى:تو يكلمونا متاكليش هم

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

رجل اسكندر لشقته نحى جاكيته ورمي جسمه علي الكنبه
اصيل:جايب طواسي قهوه….شن صار؟!
اسكندر:طلعو ليبين
اصيل:تسهوك?
اسكندر:شافله ع جنب …هاذا منضر واحد يتسهوك
اصيل:الزززززح لا صار من كبه لا صفيحه
اسكندر:لوح عليه خيط الشحن….هاذا يلي هامك بطنك بس
اصيل:به شن صار في الشطه
اسكندر:ينحى في سبيدروه…خوفت البنت بي كلمتين باش متمسهاش اول ميطلع الراجل بناخذها
اصيل:علاش تستنى فيه لين يطلع نوض نهدو عليه الزح منعرفش علاش كبدي عليه دم خاطري نمرجه
اسكندر:???
اصيل:ولا نقولك خلي نزمزكولهم بالك نحصلو مبطن وكسكي بي البصله ??
اسكندر:صبرني يارب??‍♂️
اصيل:تالفونه شرين…??خلي انوض انا انست روحك سوكا
اسكندر:وين ماشي?
اصيل:البنت يلي لخبطها امس متع ركوب الخيل تتصل خلي نقنعها اني فارس بلا جواد بالك نحصلو طالعه معاها??
اسكندر:اخخخخخ
اصيل:رد ع تالفونه وخش الدار
اما اسكندر قعد يذكر كيف ندى تبكي وتترجى فيه يطلعهااا معاه حاول يباعد الفكره من راسه لانه مش ناقص مشاكل

حكيم:طلع من الحمام شاف ندى واقفه وكأن في شي صاير …..خيرك؟?
ندى:هاا لا شي
حكيم:بري البسي قفطان قصير روب لقطه اي شي الزح تقول مش عرسان
ندى:تشوفله بقرف ….متزهقش من الشى هاذا انت
حكيم:ضحك ع جنب….ولا نمل منه
ندى:برا عالج راااك مريض نفسي ومدمن وفوق هاذا كله حقيرررررر وواطي ونذل
حكيم:جاي بيضربها هربت منه تجرى لدار حاولت تسكر الباب بس كان اقوى منها وفتحه
ندى:وقفت في اخر الدار تبكي وخايفه منه
حكيم:طلع من شنطه كيسه كحله ومن الكيسه طلع روب لونه زهري ستان ناااعم ….هاك البسي
ندى:مش لابسه
حكيم:قاعد ندوى بهدووء البسي
ندى:خلااااااص قرفت منك معش تقرب علياااا ياسر??
حكيم:عض شاربه اللوطي بي غل وجبدها من شعره حط راسها ع السرير ويخنف فيها…..بتلبسي يعني بتلبسيييييييه يا كلبه …..طلقها وهيا خلاص نفسها قريب ماتت ع
حكيم:دقايق وبنرجعلك ….وطلع

احمد:كيف الحال
هنيه:به يلي اذكرتنا وسألت علينا وانت من يوم زواجك معاد ريتك
احمد:ايااااه عاد انشغلت يما عادي
هنيه:قلبت وجها لي الجيها الثانيه
احمد:شنو خلاص فيصل طلق نسرين رسمي؟!
هنيه:ع اساس اختك هماتك يعني تسأل عليها ماهو كل شي صار من تحت رووووسكم
احمد:افففف المهم جاي بنعطيكم علم غضوا متسقد لي تونس انا ومنتهى اسبوعين ومروحين
هنيه:برا زينه
احمد:طلع مضايق من تصرفات امه ركب لحوشه وخش دار النوم شوي شوي اتكا ع الحيط وهوا يشوف في منتهى لاهيا في التالفون

احمد:حبيبي
منتهى:نخلعت ونزلت تالفونها وعلامات الخوف ع وجها
احمد:خيرك
منتهى:ااااه حبيبي خلعتني محسيتش بيك لما خشيت
احمد:حضنها …سلامتك من الخلع ياروحى اسف
منتهى:اطمنت….كملت الشناطي وكنت نهدرز انا واختي ع الواتس ع سفرتنا بكرا
احمد:بي اذن الله لين تدهشي من الهياجه ياقلبي وعد❤️
منتىهى:ابتسمت وحست براحه

((نهاية منتهى مستحيل حد يتوقعها فيكم ))

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

خش حكيم لدار لقها لابسه الروب ومقعمزه ع السرير وراسها بين يديها قعمز جنبها ومسح على شعرها ….
حكيم:افهميني ندوش ديري يلي نبيه منك عشان يدي معش نمدها عليك
ندى:قامت راسها وبدون متشوفله….وانت شنو يلي تبيه مني ؟!
حكيم:باس كتفها ….معقوله مش عارفه شن نبي منك
ندى:بعداته …..مش طايقاتك بعددد
حكيم:شفتي كيف اسلوبك زفت معاي
ندى:تبكي …مش بيدي مش بيدددددددي حرام عليك ارحمني
حكيم:محلاك وانتي تترجي فيااا
ندى:مرررريض وربي مررررريض????
حكيم:ضربها كف ورقدها ع السرير و…..

طق طق طق

اصيل:فتح الباب ….
يمان:مرحبا هل تكون اصيل ام اخوه؟!
اصيل:بي استغراب….اصيل تفضل
يمان:انا يمان تواصلتم معي بلامس
اصيل:خش خش وانت تقول طايح من فيلم الرساله
يمان:ماذا؟!
اصيل:ادخل اللعنه عليك
يمين:خش وهوا يضحك
اسكندر:طلع من المطبخ….من هاذا?
اصيل:يمان يلي كلمناهم امس شكلهم باعتينه يتكلم عربيه فصحى
اسكندر:اهلين اهلين
يمان:اهلا بك
اصيل:نلبس سروالي خت فت ونجيك
يمان:ماذا؟!
اصيل:استر عورتي واتي اليك ????
اسكندر:ضحك ع جنب وقعمز

ثاني يوم❤️❤️✨✨✨

حكيم:ندى ندوووش ياروحي
ندى:فتحت عيونها وناضت بعدت عليه
حكيم:نوضي البسي خلينا نفطرو هيا
ندى:معنديش نيه خليني راقده
حكيم:وقف يساوي في سوريته ….كلمتي وحده مش عشره هيا نراجي فيك
ندى:ناضت بسيف عليها دوشت ولبست وكان واضح علي وجها كيف مطفففففي وحزينه بكل?

نسرين:حالتها النفسيه سيئه بكل بس تحاول تتغلب علي روحها وطول الوقت تشغل في روحها بي قضية الحوش
كانت نسرين واقفه تمسح في الروشن ولؤاد وسراج قدام الحوش
فؤاد:دقايق ونجيك سراج
سراج:يولع في دخانه ….خوذ راحتك
فؤاد:خش للحوش متكنطي ومشي لي نسرين قربع الروشن بقوووووه

نسرين:بسم الله خيرك خلعتني
فؤاد :روشن فيتك هواااا معش ينفتح ساااااامعه
نسرين:مش فاهمه شي….خيرك شن في
فؤاد:هاذا يلي ناااااقص غير تفتحى الرواشن شن بيقولو عليك الناس مطلقه وتبصبص لذكوره
نسرين:مصدوووومه في الكلام
فؤاد:لين العده تكمل رجلك برا الحوش لاااا حتى وجهك ع الروشن لالااااا
نسرين:تجمعو الدموع في عيونها وسكتت رغم ان الكلام حااااارقها فوسط قلبها
فؤاد:طلع وهوا يخبط

حكيم:طلع هوا وندى من الشقه ووقف يسكر في الباب بي المفتاح علي طلعت اسكندر وخوه وتلاقت عيونهم في عيون بعض✨

حكيم:فوتي قدامي
ندى:نازله من الدروج وعيونها في اسكندر كأنها تترجى فيه يساعدها لين نزلت واسكندر ساكت ومكتفي بنضر بس ?

اصيل:يشوف لي اسكندر ….خيرها تشوف هكي
اسكندر:تنهد ويساوي في جاكيته ….وين نعلم
اصيل:زعمى مبهوره بيااا ???
اسكندر:??‍♂️..طلع المفتاح من جيبه وفتح باب الشقه متع حكيم وخش هوا وخوه كأنه حوشهم عادي جدا?

خش اسكندر للمطبخ يدور في الشنطه اما اصيل قعد يدور في الشقه
اسكندر:الزززززززززح وين حطت امها الشنطه ….وطلع من الطبخ
اسكندر:اصيل هياااا
اصيل:تعالااا اسكندر
اسكندر:خش دار النوم ….تي هيا
اصيل:شاد حوايج ندى مشركات والسرير عليه شوية دم ((من كتر مضربها لين فم ندى دم نزل ع السرير))….هاذا شنو
اسكندر:انصدم بلمنضر يل شافه وقعد ساكت ويذكر في كلام ندى ?
اصيل:شنو هاذا الزح مرته ولا اخته ولا شني بزبط
اسكندر:اءءء اصيل تطلع مدخلناش فيهم هيا وقت ع الراجل
اصيل:حط الحوايج وهوا مستغرب وطلعو

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

ندى:تتمشى مع حكيم وعلي ضهرها شال صوف مغطيها وعيونها ذبلااااااانه الله قداش تغيرت في وقت قصير كان وجها ديمه منور وتضحك ولسانها طويل وتوا انسانه تانيه كرهت جسمها من قرف حكيم ويلي يدير فيه فيها ….قعمزو في قهوا جاهم الفطور لعندهم
حكيم:شفتي كيف مدلعك انا مش مخليك اطيبي شي
ندى:قلبت عيونها وشافت لجها الثانيه
حكيم:قتلك حبي شن رايك نجيبلك بنت تحنيك
ندى:شافتله بقرف
حكيم:اخخخخ لو تحنيك ع ركابك وانتي بيضه بتطلعي دمااااار نهبل عليك وقتها
ندى:شافتله فتره وبعدين تكلمت….انت عادي معندكش مشكله لو انا منحبكش ومش طايقاتك؟!يعني مهم جسمي وخلاص متشبعش ؟!
حكيم:تنهد….مش هكي لاكن انا نحبك ونحب كل شي فيك وانتي ميهمش تحبيني او لا مهم معاي وخذيتك وخلاص بعدين عادي من حقي ندير فيك كل شي مش انتي مرتي
ندى:سكتت وهيا تردد داخلها ….حقييييير الله ياخذك
حكيم:قولي الشاهي بيبرد
ندى:معنديش نيه …حكيم
حكيم:ياعيونه
ندى:بلعت ريقها…نبي نكلم امي ونسمع صوتها حتا دقايق
حكيم:هه باش تحكيلها كل شي؟!
ندى:لا مش رح نحكي نبي نسمع صوتها بس
حكيم:انسي
ندى:بالله عليك
حكيم:كلمه هياااااااا
ندى:سكتت وداخلها الف كلمه وكلمه???

نسرين:مقعمزه في دارها وعيونها ع الحيط وبس تفكر في الف حاجه فجأه وصلها مسج من فيصل
فيصل:شويه وبنمشي نروح بيها ?مش عارف كيف بنتقبل يكون عندي مرا غيرك نحبك يانسرين بنموت
نسرين:تكتب ودموعها يطيحو ع الهاتف …..الله لاتهنيك وحسبي الله ونعم الوكيل….سكرت تالفونها قبل ميرد عليها

قدام العماره :-
اسكندر وخوه مقعمزين ع المدخل وندى نزلت من التاكسي وحكيم يخلص في صاحب التاكسي
ندى:تشبح لي اسكندر
اسكندر:اشر بيده ع الساعه وبعدين دار بيده رقم 3بمعنى ان رح يجيها الساعه 3فهمت ندى وهزت براسها ❤️وركبت

حكيم:جي بيركب بس رجع لتوأم وهما الزوز يشبحوله في نضرات تخووووف

حكيم:Hi guys how are you
اصيل:شبح لي اسكندر…..سقيله هوا خلي يقلب وجها
اسكندر:يشوفله بنضرات تخوف?
حكيم:بصدمه ….ااااه ليبين خوتنا
اصيل:وقف ….اي نشاء الله
حكيم:به الحمد الله جيتم ولاد بلاد ربي يحفضكم شنو اموركم
اسكندر:ساكت ومستمر في شبحه
اصيل:الحمد الله تمام
حكيم:بما انكم طلعتو ولاد بلادي وانا جاركم بنبهكم علي حاجه خوتي باش متستغربوش
اصيل:تفضل؟?
حكيم:عندي المرا حشاكم مريضه عندها حاله نفسيه تعيط وكل مره نلقاها مدايره حاجه في روحها جايب نعالج فيها هنايا
اصيل:ربي يشفي ان شاء الله
حكيم:تسلمو والله غير كان سمعتو منها حاجه ولا شفتو حاجه متستغربوش وامسحوها في وجهي
اصيل :ولا يهمك
اسكندر:يشبحله وقارن حواجبه وولا كلمه
حكيم:سلم عليهم وركب

العيله ملتمه ع سفرة العشى:-
منتهى:كولي ياعمتي خيرك
هنيه:تنهدت بوجع…..لا انا واكله لاشاربه لين نسمع خبر علي ندى ونطمن عليها
احمد:حاولت نوصل في حكيم حتا في النت ميردش عليا
نسرين:اااااه ربي يطمنا عليهم بالك نشغلو شوي
صبري:تو يكلمونا ان شاء الله
منتهى:الحمد الله
احمد:خيرك كولي
منتهى:صحتين الحمد الله شبعت….وخشت الحمام
فؤاد:امتا مسافرين
احمد:الصبح
فؤاد:به توصلو بسلامه
احمد:الله يسلمك

وصل مسج لي حكيم ((البنت اماليها بدو يشكو راهو ويسألو عليها))

الساعه12في الليل:—-
ندى:حسيت بوجع في بطني وفرحت نضت للحمام وانا ندعي ياااااربي يلي في بالي صح يااااااارب وفعلا طلع صح ((جتني الدوره يعني خلاص حكيم معش يقدر يمسني))غسلت روحي ونضمت اموري وطلعت …خشت السرير طول

حكيم:تي وين راقده مزال السهريه
ندى:اءءءءء ممم منقدرش
حكيم:شنو ؟!
ندى:جتني الدوره و زي متعرف منقدرش
حكيم:تنرفز وناض قربع الباب
ندى:تنهدت براااااااحه وسكرت عيوني بس مش راقده نستنى في الساعه 3تجي يمكن نحصل نهرب او ندير حل

نسرين:طووول الليل نتخايل في فيصل مع غيري ?فتحت الفيس وخشيت علي ايميله كله مقلوب بي عرسه كأنه اول مره يتزوج قلبي نااااااااار وقريب نموت لما نذكر ان مسني بلحرام وانا معنديش علم

الساعه3في الليل:-
ندى:كل شويه تفتح عيونها وتشوف لساعه لين اخيرا جت الساعه 3تسحبت شوي شوي من السرير وطلعت من دار النوم قعدت واقفه في الممرعيًنها ع الدار خايفه حكيم ينوض وقلبها بيطيححح لين اخيرا شافت القفل يتحرك والباب نفتح سكرت باب الدار ومشت بسرررررعه اما اسكندر رجع سكر الباب

اسكندر:يتكلم وقايم حاجبه وتعابير وجها جديه هلبااااا ….وين الشنطه
ندى:موجوده….بس بالله عليك تساعدني ورااااااس امك
اسكندر:اففففف اسمعيني خشيت بسر لاني منبيش مشاكل سامعتيني ومنبيش حد يعلم بموضوع الشنطه جيبها وانتي ساكته
ندى:خشت دار الضيوف جابتله الشنطه وتبكي…..بالله عليك الله يسترك ويعطيك يلي في بالك تساعدني
اسكندر:في باله ان ندى مريضه نفسيا …كيف جاي بيطلع يسمع باب دار النوم انفتح
ندى:قريب اغمى عليها من الخوف ….حح حكيم
اسكندر:عشان متصيرش قصه وشوشره خش لي دار الضيوف يلي كانت قرررريبه ووقف ورا الباب مكانش يعرف بحركته هاذي رح يكشف ويسمع كل شي …..يتبع

error: