رواية اليتيمتان بقلم ولاء يحيى

?? (اليتمتان)?? #بقلم_ولاءيحيي

البارت التاسع
وبعد اربع شهور… الكليات كانت بدأت والبنات كل واحده دخلت الكليه اللي بتحبها…
دكتورة نهى :اميره (اميره تلف على الصوت تلاقى دكتورة نهى قدام مكتبها فتروح ليها )
اميرة بابتسامة : ازي حضرتك يا دكتورة
نهى بابتسامة :الحمد الله.. ازيك انتي… وابله حكمت عامله ايه
أميرة :بخير الحمد الله
نهى : دايما يا رب… انا كلمت دكتور عماد عشانك وهو وافق على شغلك في المستشفى.. ومستنكي تروحي تقابليه
أميرة بفرحه : بجد يا دكتوره…
نهى بابتسامة : اه يا ستي بجد… مع اني خايفه حكمت تزعل لما تعرف..
أميرة بابتسامة : أن شاء الله مش هتزعل… هو هيكون تدريب ليا اكتر ما يكون شغل…. واكيد هتعلم منه حاجات كتير
نهى : ودا اللي خلاني اساعدك…. وجودك وسط التمريض وانك تشتغلي تتعاملي مع المريض هيفيدك جدا في المستقبل وهتتعلمي منها… المهم أن شغلك ميأثرش على المذاكرة… عاوزين تقديراتك دايما تكون امتياز …. ودكتور عماد لما عرف انك لسه بتدرسي…. قال هيمسكك شغل بسيط عشان دراستك
أميرة بفرحه : انا متشكره اوي يا دكتوره
نهى بابتسامة : العفو حبيبتي…ابقي سلمي على حكمت
اميره : حاضر… الله يسلمك عن اذنك
#بقلم_ولاءيحيي
( تعالوا نعرف مين دكتورة نهى… دكتورة نهى كانت راحت تفتيش من وزارة الصحة على الملاجئ …راحت ملاجئ كتير وكانت بتتخانق دايما مع المديرات وتكتب شكوى فيهم … بس لما راحت الملجأ اللي حكمت مديره فيه ..اتبسطت جدا … عجبها نظافة المكان… والإهتمام بلاطفال وصحتهم كان الملجأ مميز جدا ومليان برعاية والحب لكل لأطفال … ويومها إعجابها بحكمت زاد اللي فضلت تسألها عن أعراض مرض… مصاب بيه طفل من أطفال اللي في الملجأ وكانت مهتمه جدا .. ونهى يومها تطوعت انها تكشف على الطفل وتتابعه كل يوم لحد ما يتحسن… وبقت تروح الملجأ كل يوم عشان الطفل … وهي وحكمت بقوا اصحاب… ولما أميرة دخلت طب حكمت كانت مبسوطه… وقالت لنهي أن بنتها هتدرس في كلية طب… ونهى باركت ليها سألتها عن اسم اميره عشان تتعرف عليه… ولما الدراسة بدأت نهى بعتت ل أميرة في مكتبها … و هما بيتكلموا اميره قالت ابله حكمت… ف نهي استغربت لأنها كانت فكرها بنتها بجد من كلام حكمت عليها … بس أميرة فهمتها الحقيقة… نهى حبيت اميره وحكمت واحترمتها وبقت هي وحكمت علاقتهم قويه ..وفي مره أميرة قالت ليها انها عاوزه تشتغل فنهي ساعدتها ) أميرة خرجت وهي مبسوطه… وراحت علي كلية فنون جميله لندا عشان يروحوا سوا…

ندا كانت قاعده على تربيزاه لوحدها في كافتريا الكليه مستنياه اميره ترن عليها ويروحوا سوا… ندا كان قدمها كتب كتير… وعماله تكتب…. وعلى تربيزاه بعيده عنها شوية… كان قاعد مجموعة من الشباب والبنات
#بقلم_ولاءيحيي
إسراء بضيق : احنا بشكل دا هنسقط تاني السنادي.احنا لازم نذاكر
هاني بتصنع الخضة :نذاكر… وقدرتي تقولها يا جاحده… ازي طوعك قلبك…انتي انتي… انتي قلبك قاسي
(الشباب اللي قاعدين بصوت واحد) أوووي أوووي.. انت مش بتحس.. كده وكده… (ويضحكوا كلهم)
هاني بضحك :نذاكر ايه يا بنتي… احنا حتى لو حاولنا نذاكر ضمرنا مش هيسمح لينا
إسراء بضحك : اه وانت ضميرك في المذاكرة صاحي اوي… طب هنعمل ايه يا فالح .. انا أبويا حالف لو سقطت السنادي كمان… هيقعدني في البيت لحد ما اتجوز ..
مازن : ماشاء الله هو ابوكي عنده امل انك ممكن تنجحي..وكمان تجوزي… متفائل اوي (الكل يضحك)
نغم وهي بتبص على ندا : انا عارفه حد ممكن يساعدنا اننا ننجح..
إسراء :مين يا نغم (الكل انتبه لنغم)
نغم وهي بتشاور بعنيها على ندا :شايفين البنت اللي قاعده وسط الكتب…
إسراء :قصدك… اااه مين دي
نغم :دي اسمها ندا امين… موس الدفعه السنادي… والكل بيقول هتبقي الأولى… على طول بشوفها واخده مراجع وأبحاث من مكتبه الكليه وقعده تلخص فيها وتعمل أبحاث …وعمله ملخصات لكل المواد .. وفي المحاضرات مش بتبطل اسأله ومناقشات و المحاضرت بسببها بتقعد ساعتين… وكل الدكاترة معجبين بيها…
هاني يبص لنغم بنص عين:وانتي عرفتي الكلام دا منين يا بت (ويمسكها من قفها زي الحرميه.) انتي بتحضري المحاضرات من ورنا
نغم تضحك بدلع:سيب يا زفت …بحضر ايه انت كمان… ما انا مرزوعه معاكم كل يوم…دا انا كنت بدور على حد اخد منه ملخصات…يبقى كام صفحه كده…اقرهم قبل الامتحان او ابرشم منهم … فسألت ناس من اللي بيحضروا… مين بيعمل ملخصات… الكل قال ندا امين هي اللي معها الخلاصه كلها..دا حتى بيقولوا انها من كتر مناقشتها مع الدكاترة بقيت عارفه ايه هي الأجزاء اللي الدكاترة هيحطوا منها الامتحان … وعمله ليها ملخصات لوحدها
إسراء بفرحه : طيب وجبتيهم منها
نغم :لا ياختي… دي بت كئيبه. مش بتدي حاجه لحد… هما كما بنت كده اللي بتقف تكلم معهم… اللي خدهم مأكده عليهم ميدهاش لأي حد… وهم طبعا ميقدروش يدوها لحد احسن تعرف وتبطل تساعدهم
هاني : وانتي ياختي جايه تقولنا ليه طالما مش هنعرف نجيبهم.. بتحرقي دمنا بس
نغم تضربه على كتفه: بقولكم عشان نفكر ناخدهم منها ازي يا جزمه
مازن يقوم يقف وهو بيبص عليها وبيعدل هدومه :
مازن :انا هاجيهم ليكم
نغم :اقعد اقعد… متتعبش نفسك هي مالهاش في النظام بتاعك خالص
مازن بغرور : كلهم في الأول بيبقى ملموش… ومع مازن بيبقى ليهم
ويغمز ليها ويمشي ريح لندا…
كان في واحد واقف وراهم…عند البوفيه بيشرب قهوه وسمع الحوار بينهم (الواحد دا يبقى عمران هنتعرف عليه كمان شويه) عمران حس بفضول وبقي عاوز يعرف مازن هيعمل ايه. مع البنت .فبقي بيبص عليهم باهتمام
مازن قرب من ندا اللي كانت قاعده وسط الكتب مندمج في الكتابه
مازن بابتسامة :لو سمحتي(ندا رفعت عنيها وبصت ليه) ممكن اقعد معاكي على التربيزه…. اصل مافيش ترابيزه فاضيه…
ندا رفعت رأسها وبصت حواليها شافت ان في أماكن تانيه فاضيه… وشافت الشله وهم بيبصوا على مازن… وبيتهامسوا سوا
ندا بابتسامة:اه طبعا اتفضل
مازن فرح وبص لأصحابه وغمزلهم… وهم مصدقوش عنيهم…بس مازن يادوب بيقعد… كانت ندا لمت كل الكتب … وشاورت لحد … وعمران شافها… فضل يبص هي بتشاور لمين…
ندا مشيت من قدم مازن… ومدتهوش اي اهتمام وهو لسه هينطق بس ملحقش … فاصحابوا كلهم ضحكوا بصوت عالي.. وهو واقف يبص بغيظ على ندا … لقى حد وره بيخبط على كتفه..فبص عليه
االنادل : الحساب 50ج
مازن بستغراب : 50ج بتوع ايه … انا مطلبتش حاجه
االنادل : دا حساب التربيزه دي… اللي انسه اللي كانت قاعده معك هي اللي طلبت فطار وعصير ونسكافيه … وشاورت ليا قبل ما تمشي انك انت اللي هتدفع
أصحاب مازن ضحكوا بصوت عالي جدا… وعمران كمان ابتسم بإعجاب بذكاء البنت اللي ميعرفهاش…

ندا لما مشيت كانت أميرة وصلت وروحوا الاتنين سوا… وهم قاعدين بيتغدوا مع فاطمة وحكمت .. ندا كانت بتحكي ليهم.. مواقف مازن… والكل عمل يضحك
#بقلم_ولاءيحيي
ندا بضحك : يعني اكلتي وشربتي… ودبستيه هو
أميرة بضحك : عشان يتربى… فاكر نفسه حدق اوي وجاي يستظراف وأصحابه قاعدين وفاكرين انه الواد اللي بيوقع اي بنت
حكمت بابتسامة : اتغيرتي اوي يا ندا… مبقاش يتخاف عليكي…من يوم موضوع ام عادل… وانا ملاحظه تغيرك انتي مكنتيش كده… انا مبسوطه اوي انك خرجتي من عزلتك وبتتعاملي.. وبتواجهي وبتدافعي عن نفسك… زمان كنتي على طول بتستسلمي
ندا بابتسامة حزينه : انا فعلا اتغيرت…وانا في الملجأ.. كان الكل عارفني وعارفين الحرق اللي في جسمي… فكنت بهرب من البنات والمشرفات ومش بواجه حد فيهم كنت بستسلم …كنت بهرب عشان مشفش نظرت الاشمئزاز وهم بيبصوا عليا… أو أن حد فيهم يتخانق معايا ويقول يا مشوهه.. (الكل ساب الاكل وبص ليها بحزن) لكن لما خرجت من الملجأ… وعشت معاكم وبقيت قاعده براحتي من غير طرحه و لا قميص برقبه.. ورغم انكم شايفين الحرق… مش شايفه في عنيكم غير نظرة الحب… بقيت حاسه اني عاديه نسيت الحرق… رجعتلي ثقتي في نفسي… والناس بره.. محدش يعرفني… فنظرت عنيهم عاديه… (وتبتسم) وفي أوقات اشوف نظرات إعجاب… فبطلت اخاف… واللي بيحاول يعمل نفسه ذكي ويشوف نفسه عليا… بعرف ازي اعرفو حدوده.. ويبقى قدم نفسه اهبل وعبيط
اميرة بضحك : ايوه بقى يا نيدو… والله وبقيتي قطه بتخربش (ندا بصت ليها وعملت صوت القطه بتخربش بايدها)
فاطمة بابتسامة :ربنا يحميكم.. ويبعد عنكم كل الشر
أميرة :ايوه ادعيلي اوي يا تيته…(وتبص لحكمت) ادعيلي ابله حكمت توافق
حكمت بصت ليه:أوافق على ايه
اميره بابتسامة :على شغلي
حكمت بصت ليها بستغراب :شغل ايه
أميرة حكت ليهم على الشغل في المستشفى… وان نهى كلمت المدير… اميره كانت بتكلم بحماس.. وحكمت باصه ليها اوي… وبعد اما اميره خلصت كلام بصت لحكمت بقلق
اميره بارتباك :ايه رأيك يا ابله
حكمت بصت ليها شويه… وبعدين رجعت تاكل
حكمت :موافقة
ندا بستغراب :بجد يا ابله و لا بتهزي
حكمت بابتسامة :لا بجد يا اميره .. اشتغلي… انا كان ممكن أرفض لو حسيت انك بتشتغلي عشان المصاريف أو تساعديني… بس لقيت مش الفلوس اللي عاوزه تشتغلي عشانها… انتي عاوزه تتدربي.. وطالما الدكتورة نهى هي اللي جبتلك المستشفى يبقى المكان كويس وهبقي مطمنه عليكي (وتضحك)مستعجله انتي اوي عشان تبقى دكتوره .. مش صابره لحد ما تخلصي.
اميره بفرحه تقوم تبوسها :متشكره اوي يا ابله.. ربنا يخليكي ليا
حكمت : بس لو لقيت الشغل مقصر على صحتك أو دراستك هتسيبيه.. اتفقنا
اميره ببتسامه :اتفقنا
#بقلم_ولاءيحيي
وخلص الغدا والمغرب حكمت راحت مع أميرة المستشفى عشان تقابل المدير زي ما نهى قالت ليها …وحكمت راحت معاها عشان تكون مطمنه على اميره…
وفي بيت حكمت
و ندا وفاطمة قاعدين الباب خبط… ف ندا لبستوطرحتها وراحت تفتح … لقيت ام فارق ومعاها ساميه بنتها
ام فارق : السلام عليكم… ازيك يا حبيبتي
ندا : وعليكم السلام… الحمد الله بخير …. اتفضلوا (ام فارق تدخل هي وساميه)
فاطمة بستغراب :اهلا يا ام فارق اتفضلي …ازيك يا ساميه
ساميه بحزن : الحمد الله يا خالتي
ام فاروق تبص لفاطمه ندا.:انا عارفه انكم زعلانين مني…حقكم عليا… انا عارفه اني غلطانه
فاطمة :حصل خير يام فاروق.. احنا جيران. وعشرة عمر مش هنزعل من بعض
ام فارق :دا العشم ياختي…. وعشان كده انا جايه النهارده وقصداكي في خدمه يا ست فاطمه..
فاطمه :عنيه خير
(فاطمه…. تفتح كيس كبير مسكاه بايدها)
ام فاروق بترسم ابتسامه :ساميه فرحها بعد بكرا ان شاء الله… وانتي والبنات والابله حكمت اول المعزمين… احنا عاملين قعده كده على القد تحت البيت… (وتكمل بزعل بداريه وهي بتبص لايدها) خطبها من شويه جيه وجاب الفستان دا… (وطلع فستان ابيض.. شكله قديم .. وتكمل بدموع بتحبسها جوه عنيها… وساميه قاعده جمبها حزينه ودموعها نازله ) جابوا عشان تلبسوا… هو بتاع واحده قريبته قالت ليه ياخذه هي مش عاوزه… (وتبص لفاطمه وندا) اصل الفساتين الإيجار غاليه قوي… وهو صرف كل اللي معاه على الشقه.. وممعهوش يجيب فستان…. ف الفستان دا طلع كبير على ساميه وشكله مش حلو يعني اصل صاحبته تخينه عن ساميه …. َفابوها لما شافوا عليها… زعل وحلف ما هي خارجه من البيت بشكل دا… وان لو مجبش ليها فستان عدل… هيطلقها منه.. (وتبص لساميه وتحاول تبتسم) فأنا قولتلها ان الفستان لو اتظبط هيبقى حلو عليه… وجيتلك عشان تظبطيه على المكينه…لو معندكيش مانع
فاطمة تبص لساميه وللفستان :حاضر من عيني.
ام فاروق : تسلم عنيكي ياختي… قومي قومي يا ساميه روحي الاوضه دي قيسي الفستان.. عشان الست فاطمة تظبطه
#بقلم_ولاءيحيي
ساميه تقوم وهي حزينه وتأخذ الفستان وتدخل الاوضه وتقفل عليها.. واول ما قفلت ام فاروق مقدرتش تمنع دموعها
ام فاروق : كسروا فرحته ياختي… ابوها وجوزها واقفين لبعض ومحدش عاوز يتنازل لتأني… كل شويه خناقة شكل مره عشان الشقه. ومره القيمه.. والمؤاخر … والبت اللي هضيع في النص… 10سنين مستنياه ومكتوب كتابها… وصابره.. وفي الاخر مستخسر يفرحها في الليله اللي بتستناها كل بت… رايح جايب ليها فستان اخته اللي متجوزه من 15سنه.. كانت رمياه تحت السرير… جاي يقولها البسيه هم ساعتين… البت نفسها مكسورة اوي ياختي… هو دا أخرت صبرها.. وابوها جاب آخره وحالف يطلقها… بس تطلق ازي بعد 10سنين الناس تقول ايه ومين هيخبط على بابها تاني… دي بقيت 31سنه.. ونبي ياختي.. وانتي يا ندا.. قوليها أن الفستان حلو.. أي كلمتين.. كده يمكن تصدق…
اتفتح الباب وخرجت منه ساميه ودموعها مغرقه وشها.. والفستان.. لا ليه شكل واللي منظر.. ندا وفاطمة انصدمو.. الفستان كل اللي بيدل انه فستان فرح هو لونه الأبيض.. أم فاروق شافت بنتها وكسرت قلبها… رسمت ابتسامة على وشها… وفضلت تزغرد تزغرد… ودموعها نزله.. فاطمة وندا حاولو يبتسمه وفاطمة خدت مقاس ساميه.. وقالت هضيقه ليها… أم فاروق شكرتهم… وساب الفستان على التربيزه ومشيو..

ندا فضلت قعده تفتكر شكل ساميه.. ودموع أم فاروق.. قامت وقفت جمب الفستان.. وفضلت مسكاه وعماله تقلب فيه
فاطمة بستغراب :بتعملي ايه يا ندا
ندا تبص ليه وتبتسم
#بقلم_ولاءيحيي

تفتكروا ندا هتعمل ايه… نعرف الحلقه الجايه