رواية اليتيمتان بقلم ولاء يحيى

???اليتيمتان ??? #بقلم_ولاءيحيي
البارت الخامس
محمود بغضب رفع ايده ويضرب كمال قلم قوي… جت معه صوت صرخه
ناديه بصريخ :كمااال
ونزلت تجري على كمال اللي اتفاجاء بيها… فبص لابوه نظرة عتاب وراح اخد اخته في حضنه
كمال بابتسامة يرسمها :حبيبتي حمدالله على السلامه… انتي رجعتي امتى وليه مقولتيش انك راجعه
نادية بدموع حطت ايدها على خده اللي صوابع محمود علمت فيه… وبصت لابوها بكره وضيق
ناديه بدموع :ايه اللي حصل… ممكن اعرف ايه سبب اصوتكم العاليه…وايه اللي يخليك تمد ايدك على اخويه
محمود بضيق من نظرات بنته فهو حاسس انها بتكرهو… ودا مضايقة..
محمود :اسألي اخوكي… خليه يحكي ليكي… وياريت تعقليه
ومشى وسابهم ورح مكتبه وقفل عليه وهو مضايق ومخنوق
نادية بحزن :مالك يا كمال
كمال بابتسامة ياخذها ويقعد ويقعدها في حضنه :سيبك مني وقولي لي جيتي امتى وليه مقولتيش اجي اخذك انا من عند خالتي
ناديه بابتسامة :قولت أعملها ليك مفاجأة… كنت عاوزه اعرف صوتك ليه متغير الفترة اللي فاتت… فقولت هاجي لوحدي عشان متلحقش تداري اللي فيك عني
كمال يعقد ويبعد عينه عنها:َجيتي لوحدك ازي
ناديه تلف وشه بايدها عشان يبصلها:جيت مع مدحت…. كان جاي هو كمان عشان يشوف عمتو وماهي…. هاااا قولي مالك ومتهربش بعينك مني
كمال ابتسم بحزن وبدأ يحكلها كل حاجه… وهي فضلت تسمعو… وبقيت شايفه معالم وشه اللي بتتغير على حسب اللي بيحكيه… لما كان بيحكي عن حبه وازي اتعرف بحكمت… كان بيبتسم وعينه تتملي بدموع شوق ليها
ولما بيحكي عن محمود وعمتو… الغضب بيملي عنيه…كمال بتنهيده:هو دا كل اللي حصل
ناديه بغضب :انا بجد مش عارفه ابوك دا ايه مابيحسش
مش كفايه كل اللي عملو السنين اللي فاتت… مش كفايه موت آمنا بسببه
كمال : شششششي… وطى صوتك… وبعدين يا نادية مش قولنا بلاش نتكلم في الموضع دا تاني
ناديه بضيق :مش قادره يا كمال مش قادره انسى صوتها قبل ما تموت… وهي بتصرخ واللي الصور اللي كانت مرميه جمبها لما دخلنا عليها… انا بكرهو بكرهو يا كمال
كمال ياخذها في حضنه :الله يرحمها… بس يا ناديه متنساش كمان ان احنا وعدنا ماما أن احنا مش هنعرفو أن احنا عرفنا حاجه… ونسامحو….
ناديه بحزن : نسامحو على ايه ولا ايه
… المهم سيبك منه… قولي ناوي تعمل ايه
كمال يتنهد :مش عارف يا ناديه… عم علي رافض… مع اني بروح ليه شغلوا الجديد كل يوم تقريبا… وبفضل اترجا فيه انه يوافق… بس بيرجع يرفض ويقولي مقدرش اكون سبب في أنك تبعد عن ابوك أو يغضب عليك
ناديه :طيب ليه مقولتش لهو…. أن ابوك اصلا مش موجود في حياتنا.. ولا بيفكر فينا
كمال بابتسامة حزينه : اقوله ايه يا ناديه بس… اقوله ان ابويا سيبنا طول عمره ومشغول في نزواته… مقدرش مهما كان دا ابويا مقدرش اقلل منه قدام اي حد
ناديه :طب وحكمت… محاولتش تقنعو هي
كمال بحزن :من يوم ما رحت بيتهم اخطبها … مشفتهاش بروح أقف تحت بيتهم عشان اشوفها… بس مبتظهرش… واكتر من مره اطلع على السلالم وابقى هخبط بس برجع انزل… خايف اشوف خيبة الأمل في عينها وهي بتبصلي… انا اللي فهمتها أن بابا مش ممكن يرفض… كنت فاكرو هيحاوله يعوضنا عن اللي عمله… وهيقف جمبي لما يعرف اني بحبها
ناديه بستهزاء :دا لما يبقى اب وبيحس باولاده… قولي هي حكمت عنوانها ايه
كمال بستغراب :ليه
ناديه بابتسامة :هروح اشوفها واتعرف على البنت اللي خطفت قلب اخويه… واطمنك عليها هي مش وحشتك برده
كمال بابتسامة :وحشتني اوي اوي… (ويبص لناديه) بجد هتروحلها
ناديه بحب :اول ما النهار يطلع هروح ليها… وارجع اطمنك
كمال يبوس اخته :متشكر يا ناديه… متعرفيش قد ايه وجودك جمبي ريحني… قوليلي بقى انتي… ايه اخبارك مع مدحت… لسه رفضه
ناديه تتنهد :ما انت عارف انا كنت رفضه مدحت ليه…
كمال : وانا قولتلك كتير أن مدحت غير عمتي وماهي… دا راح يعيش مع ابوه ومراته لما مقدرش يمنع تصرفاتهم فساب ليهم البيت واسكندريه كلها… (ويسكت ثواني ويبصلها) استنى هو انتي قولتي كنت رافضه… معنى كده انك وافقتي
ناديه بابتسامة : ايوه… مدحت فضل ورايا لحد ما اقنعني … وقدر يثبتلي انه غير عمتي… قالي كلمتين هم اللي اقنعوني… قالي زي ما انتي وكمال ملكمش ذنب في عمايل خالي محمود… انا كمان مليش ذنب في عمايل امي… وقالي الناس مش بتختار أهلها… فاقتنعت… وهو جاي المره دي ومصمم يخطبني
كمال بفرحه يحضن اخته :مبروك يا حبيبتي… الف مبروك…
ناديه بابتسامة :عقبالك انت وحكمت يا ربوتاني يوم الصبح محمود قعد في مكتبة في المستشفى بيشتغل … اتفتح المكتب ودخلت سلوي… فرفع عينه وبصلها اوي
محمود :شايف رجلك اخدت على المستشفى اليومين دول
سلوي وهي بتعقد :ولسه هتشوفني اكتر… اصل قولتلهم يجهزو ليا مكتب هنا… اصلي قررت أدير انا الأسهم بتوعي واخد بالي منهم
محمود بستهزاء يقوم من على المكتب ويجي جمبها… وينزل جمب ودنها ويقولها
محمود :تاخذي بالك منهم هم… ولا من لعريس الجديد… ايه خايفه عينه تزوغ على ممرضه كده او كده
سلوي بصتله اوي :لحقت تعرف… لا برافو مستواك اتحسن كتير عن الاول يا محمود
محمود يعقد قدمها :وانتي مستواكي كل مره في النازل… بقي ملقتيش غير فني الأشعة وتجوزيه… دا عيل أصغر من عيالك
سلوي بابتسامة :مضايق عشان عيل أصغر من عيالي حبني… وانت بقى كل لعبك مع اللي 40 وفيما فوق
محمود بضيق :انتي مش مكسوفه من نفسك… افرضي حد في المستشفى عرف يقوله ايه… انتي مبتفكريش ابدا….طب خافي على اسمك حتى يا بنت صادق باشا
سلوي بلا مباله:بقولك ايه وفر دروسك دي لنفسك… انا جايه النهارده عشان اقولك ان مدحت عاوز يخطب ناديه بنتك
محمود يقف بزهق :يووووه… هو انتي معرفتيش تجوزي بنتك لابني دلوقتي هتلفي عشان تجوزي ابنك لبنتي
سلوي :لااااا…. انا مليش دعوى بالموضوع دا خالص…. انا مبشغلش تفكيري ب مدحت ومسقطاه من حساباتي … دا هو اللي قالي… دا حتى قال هو اللي هيكلمك… انا بديك فكره بس… لكن جواز ماهي وكمال دا شي مفروغ منه هيحصل هيحصل … انا بس سيباك انت وابنك تدلعو برحتكم… بس مش هصبر كتير… المهم هتقول لمدحت ايه
محمود بستغراب : و مدحت اشمعني اختار ناديه لو ملكيش دخل بالموضوع
سلوي بستهزاء وهي بتعقد على المكتب قصاده :قال ايه بيحبوا بعض… شوفت الزمن ابني انا يحب بنت امل… بس عادي مدحت اصلا طالع متخلف ورجعي لابوه… المهم خلصنا من الموضوع دا بسرعه عشان يمشي ويروح مطرح ماجه… مش عاوزه يفضل لازق في اسكندرية بحجة بنتك… هتوافق تخليهم يلبس دبل عشان يمشي … هترفض تقول لا ومع السلامه ارجع لابوك… ماشي
وتقوم تقف وتمشي ناحية الباب
محمود بستهزاء :طبعا عاوزه يمشي عشان ميفضلش يقولك رايحه فين وجايه منين… وايه اللي لابساه دا مش للي في سنك … وتبقى مصيبه لو وصله خبر الجوازه الجديدة
سلوي تبصله وبابتسامه مستفزه :برافو عليك هو كده بظبط… (وتفتح الباب) بجد بقيت مبهوره بذكائك
وتخرج وتقفل الباب ومحمود يبص للباب بضيق وغضب
محمود :انا هعرف ازي اردلك اللي بتعمليه واللي عملتيه زمان… (ويفتكر نظره ناديه… اللي فيها شبه كبير من امها… ونظرت عينها فكرته بنظره عين امل بعد ما اكتشفت خيانته)وعند حكمت كانت قاعده فلباب خبط راحت تفتح… لقيت وحده وقفه قدمها… بنت جميلة… وشها هادي مريح
حكمت بابتسامة :افندم
ناديه بابتسامة :انتي حكمت
حكمت بستغراب :ايوه انا
ناديه بابتسامة :لاااا دا كمال طلع خايب اوي مبيعرفش يوصف… قالي انك حلوه.. مقالش انك حلوه وزي القمر
حكمت بابتسامة :ناديه
ناديه تحضنها وتبوسها :ايوه يا حبيبتي… ازيك عمله ايه
وتحضنها زي ما يكونه أصحاب من سنين… وحكمت لما شافتها حست انها شافت كمال… فحضنتها على قد ما هو وحشها…
ناديه حست بيها فابتسمت وفي ودنها :انتي كمان وحشتيه اوي
حكمت بعدت وابتسمت بكسوف… وهم واقفين خرج على من الاوضه
على :مين اللي كان بيخبط يا حكمت
حكمت وقفت مش عارفه تقوله ايه… وفاطمة خرجت من المطبخ تشوف مين… ناديه حست بارتباك حكمت فدخلت وقربت من على بابتسامة
ناديه :انا ناديه يا عم علي… اخت كمال
على بستغراب :اهلا وسهلا يا بنتي… اتفضلي
تدخل ناديه وتسلم على فاطمة وتقعد معاهم
ناديه بابتسامة :انا جايه يا عمي على… اقولك على حاجه كمال مقدرش يقولك عليها
وبدأت ناديه تحكي ل على علاقتهم بابوهم… وازي انه مبيفكرش غير في نفسه وبس… وظلمهم طول عمرهم… وازي عاوز يستغل كمال عشان ياحط ايده على أسهم اخته… وان اخته كمان عاوزه تحط ايدها على الأسهم… وعلى وفاطمة وحكمت فضلوا يسمعو…
ناديه بدموع :هي دي علاقتنا بدكتور محمود صادق… ممكن تسميها اي حاجه غير أنه علاقة اب وأولاده… انا مقدرتش استحمل وهربت ورحت اعيش مع خالتي في القاهره… لكن كمال من كتر حبه لماما… بينفذ وصيتها وجاي على نفسه ومستحمل يعيش في ظلمه وتحكمه… ياعم على انت خايف انه يعوق ابوه… طيب هو مش فيه عقوق آباء زي ما فيه عقوق أبناء… مش هو المفروض انه يعلمنا ويربينا… ويحفظنا القرآن… ويكون بار لينا واحنا صغيرين عشان نكون بارين بيه لما يكبر… هو معملش اي واجب من واجباته في حقنا… ورغم كده عمرنا ما عصينه ليه أمر… بس لما يبقى عاوز يجوز اخويه واحده (وتسكت كسوف) عشان بس الفلوس… ومش مهم عنده سمعة ابنه ولاشرفه… يبقى دا ينفع يكون اب… عم علي انا هسيبك تحكم ربك وقلبك… واللي يرضيك اعملوا… بس احب اقولك كمال بيحب حكمت… وهيفضل كل يوم يجي قدام بابك يتقدملها… لا هيزهق ولا هيمل…
(وتقوم تقف) انا همشي ومتشكره جدا انك سمعتني يا عمي
وتخرج ناديه وتخرج معاها حكمت وعلى الباب تسلم عليها
حكمت بصوة واطي :ناديه ممكن اطلب منك طلب
ناديه :طبعا يا حبيبتي
حكمت بابتسامة :عاوزه اشوف كمال بكرا… (وتحط وشها في الأرض) بكرا عيد ميلادي… ونفس اليوم اللي قبلت كمال فيه… وعاوزه اعملوا مفاجأة… ممكن تساعديني
ناديه تضحك وتحضنها اوي :طبعا يا حبيبتي… دا هيفرح اوي… كل سنه وانتم مع بعض… بصي انا هكلمك بكرا اقولك هتتقابلو فين وامتي… وهكون جهزت ليكي كل حاجه… هاتي تليفونك
حكمت :بصي خدي رقم التليفون الأرضي… كلميني عليه
وتأخذ الرقم… وتمشي ناديه بعد ما اتفقوا سوا… وتدخل حكمت البيت
فاطمة :ايه رأيك يا على
….. نعرف الحلقه الجايه… ايه اللي حصل
#بقلم_ولاءيحيي