رواية اليتيمتان بقلم ولاء يحيى
?? (اليتمتان)?? #بقلم_ولاءيحييالبارت الثالث
حكمت وكمال رحوا قعدواعلى الكورنيش
حكمت بابتسامة : ادينا قعدنا يلا احكي بقى
كمال : حاضر يا حبيبتي … انا حياتي يا ستي كلها تتلخص في امي الله يرحمها و اختي ناديه…
حكمت بستغراب :وبابك
كمال :بابا كان زمان على طول مسافر…. كان بيجي كل فتره يعقد اسبوع او 10ايام بكتير ويرجع يسافر …
حكمت بستغراب :يسافر ليه… انا اعرف ان جدك كان باشا واغنيه… يعني ابوك مكنش محتاج يسافر ويشتغل بره
كمال يتنهد بحزن :مش عارف … انا فاكر زمان وانا صغير ماما وبابا كانوا بيحبوا بعض اوي ومبيقدروش يبعدو عن بعض… دا لما كان بيسافر يوم القاهرة… ماما كانت بتروح معاه عشان متبعدش عنه… وكانت تسبنا قاعدين مع خالتي … و كانت يومها خالتي تفضل تحكلنا قصة حبهم وازي اتجوزوا..وواحنا صغيرين كان بيتنا مليان حب وضحك … بس في ليلة صحيت انا وناديه على صوت عياط ماما…. وشفنا بابا وخد شنطة سافر ونازل.. وبيطلب منها انها تسامحوا … وتتصل بيه عشان يرجع…. بس تقريبا ماما مقدرتش تسامحوا ابدا … وعمرها ما طلبت منه انه يرجع…. حتى الأسبوع اللي كان بيجي فيه ويعقدو معنا … كانت ماما بتبقى حزينه ومضايقه.. ومترجعش تضحك غير لما يرجع يسافر
و لما كبرت شويه فهمت ان رجوعه كل فتره كان مجرد شكل وصوره قدمنا وقدام النآس… بيمثلو فيها انهم زوجين عشانا لما كنا احنا بنسأل عليه… وعشان كلام الناس اللي كانت مستغربه انه سيبنا ومسافر
حكمت بحزن :طيب معرفتش ايه اللي حصل للحب اللي كان بينهم
كمال بابتسامة حزينه :لا معرفتش..ومحاولتش اني اعرف
حكمت :ليه
كمال بعيون ملينا دموع :عشان مكروهش… لان انا متأكد أن بابا جرحها اوي… وكسرلها قلبها…عشان كده مقدرتش تسامحه….. فلو انا عرفت هو عمل فيها ايه… وتأكدت انه كان سبب دموعها… هكرهوا وعمري ما هسامحوا…. اصل انا كنت دايما بسمعها بليل وهي بتعيط…. كانت تفضل طول اليوم بتلعب وتضحك معانا… بس اول ما ننام… أو امثل أن انا نايم كنت بسمعها وهي بتعيط… كانت بتخبي حزنها عننا وبتحاول تظهر لينا انها سعيدة (وييص لحكمت ويبتسم بحزن)اصل ماما يا حكمت كانت ست جميله اوي… مش بس في الشكل لا في طبعها وحياتها… كانت بتنشر السعادة علي كل اللي حواليها… ومبتحبش تشوف حد زعلان أو تعبان… كانت في العيد تدي اجازه لكل واحد ووحدة بيساعدها في البيت… وتقوم هي بشغل البيت كله…. كانت بترفض نقول عليهم خدم… كانت بتقول… دول مساعدين… بيقومه بشغلهم وياخده مرتبهم… زي الدكتور لما بيساعد المريض… دي بتبقى شغلته وبياخد عليها مرتب
وكانت في العيد تأخذني انا وناديه الصبح وتلف بينا عليهم… أو على ناس اللي كانت بتساعدهم… ونعيد عليهم وعلى أولادهم…وكانت تسيبنا نلعب ونجري مع الولاد وهدومنا كانت بتتبهدل…كانت تضحك وتقولنا مش انتم انبسطو مش مهم الهدوم ..
حكمت تمسح دموعها :الله يرحمها…
كمال يبعد وشه ويمسح دموعه ويرجع يبوصلها: لما ماما ماتت… بابا رجع تاني… وبطل يسافر…… بس رغم أنه رجع مبيعقدش في البيت ولا بنشوفه….علي طول مشغول…وانا بقيت عايش لوحدي
حكمت :ليه هي اختك فين
كمال ناديه بعد موت ماما تعبت اوي … ومقدرتش تعيش في البيت… ف خالتي طلبت من بابا انها تاخدها تعيش معاها في القاهرة… وتدخل الكليه هناك … وبابا وافق.. وبقيت تيجي بس في الاجازة… بتيجي عشان خاطر تشوفني .. مع اني عارف انها بتكره البيت..
حكمت :هي في سنه كام وكليه ايه
كمال : في تلاته آداب انجليزي.. (وييصلها ويبتسم) عارفه انا متأكد ان انتي وهي هتكونه أصحاب جدا… فيكم حاجات كتير مشتركة
حكمت بابتسامة :أن شاء الله… لما تيجي تعرفنا على بعض (وتبص في ساعتها) يا خبر دا انا اتأخرت اوي
كمال يقوم يقف قدمها : مع اني مش عاوز اسيبك… بس هستحمل الفتره دي… وسيبك تروحي… بس اعملي حسابك بعد لما نتجوز مش هتخرجي من حضني ابدا
حكمت تشهق وتحط ايدها على وشها بكسوف وتمشي وتسيبه وهو يضحك اوي.. ويجري وراها
#بقلم_ولاءيحيي
وفي فيلا سلوي…الباب خبط..
محمود :مدام سلوي فين
الخادمة :جوي يا باشا
ويدخل محمود يلقي سلوي قعده ومسكه مجلة في ايدها.. فيقعد على كرسي قدمها
محمود :خير يا سلوي… قولتي لي تعالي ضروري ليه
سلوي تسيب المجلة :طيب قول ازيك الأول.. دا انا بقالي تلات شهور مشفتكش
محمود بستهزاء : فارق معاكي اوي تشوفيني أو لا… ما انا فضلت سنين بعيد عنك وعن ولادي ومراتي وكنتي انتي السبب
سلوي بنرفزه :يووووه مش هنخلص بقى… كل ما تشوف وشي تسمعني الكلمتين دول… وبعدين متعملش نفسك مظلوم وبرئ.. وان انا اللي ظلمتك … انت اللي كنت بخونها.. كل يوم مع واحده.. وهي كانت نايمه على ودانها ومتعرفش خيانتك ليها
محمود بغضب :قومتي انتي روحتي قولتي ليها… وادتيها مفتاح المزرعة وخلتيها تيجي تشوفني مع غيرها… مكفكيش انك تعرفيها… لااااا لازم تخليها تشوفني بعينها مع واحده غيرها… خليتها مقدرتش تنسى شكلي معها ومقدرتش تسامحني .. وبعدت سنين عنها وعن ولادي… لحد لما ماتت وانا بعيد ماتت من غير ما تسامحني… ليه عملتي فيها كده…
سلوي بضيق وصوت عالي :عشان كانت شايفه نفسها ولازم تتكسر … كانت دايما عايشه في دور المرأة المثالية …سيدة الخير الأولى..اللي بتساعد كل الناس.. الأم الحنينه الطيبه والزوجة اللي محافظة على جوزها و مش مقصره في بيتها واللي مع جوزها… كان لازم تعرف انها عايشه في وهم وكدبه بتضحك بيها على نفسها وعلى الناس اللي حواليها … كنت لازم اعرفها ان مش انا بس اللي جوزي خاني ورح اتجوز عليها … واللي ان انا اللي كنت مهمله جوزي بسافري وخروجي… كنت السبب انه يروح لغيري… كنت دايما تحسسني أن انا اللي مقصره في حق جوزي… فكنت لازم اعرفها ان انتي كمان جوزك بيخونك وبيسيبك وبيروح لغيرك كل يوم…. عشان تشوف هي كمان مقصره معك في ايه وبتروح تدور عليه مع غيرها
محمود يقف بغضب :هي ملهاش ذنب هي فعلا مكنتش مقصره معايا… انا اللي كنت خاين.. وشايف نفسي.. وأي بنت او ست تيجي قدمي.. عينيه تزوغ عليها… انا اللي كنت مقصر معها مش هي
سلوي بضيق :وخلاص خلصنا… وهي ماتت… مش هنفضل طول عمرنا نعيد في اللي فات… وأقعد بقى وخليني اتكلم في اللي بعتلك عشانه
يعقد محمود بضيق :قولي عاوزه ايه
سلوي :كمال ابنك.. لازم يتجوز ماهي في أقرب وقت
محمود ينفخ بضيق :هو مش احنا اتفقنا… ان هنستنا لما يخلصو كليتهم… وانك تخلي بنتك تقرب منه عشان يحبها
سلوي :ابنك بيحب واحده تانيه
محمود بستغراب :كمال بيحب!! … مين دي اللي بيحبها
سلوي :بت جربوعه معرفش اتلم عليها منين… ماهي هي الي شافتها معاه النهارده…
محمود :هتلاقيها واحده بيتسلي معها يومين… ولاحب ولا حاجه
سلوي بستهزاء :ابنك ملوش في التسليه… للأسف مش طالع ليك… طلع لأمه.. ابنك بيحب البت دي وعاوز يتجوزها
محمود :وانتي عاوزني اعمل ايه… ما بنتك اللي معرفتش تخليه يحبها
سلوي بغضب :محمود… ابنك مش هيتجوز غير ماهي بنتي… والبت اللي يعرفها دي لازم يبعد عنها… لا كدا يا هعرفو مين اللي كان السبب في ان امه يجيلها سكته قلبيه و تموت
محمود بغضب :انتي ايه يا شيخه… معندكيش رحمه… عاوزه تخسرني ولادي كمان… هو انتي مش اخدتي ربع المستشفى اللي بانتها بفلوسي عشان تسكتي ومتكلميش في الموضوع ده تاني …ما تسبينا في حالنا بقى وابعدي عن ولادي
(وسابها وهيمشي بس صوتها وقفه)
سلوي :لو ابنك مبعدش عن البت دي واتجوز ماهي… الصور اللي امهم شافتها… والمكالمه اللي كانت بتكلمها قبل ما تقع ميته… هيتبعتو لكمال وناديه…. سامعني
محمود يرجع ويقف قدامها بضيق :عاوزني اعمل ايه
سلوي بابتسامة خبث : اخويه حبيبي…. اقعد نتغدا سوا وانا هاقولك نعمل ايه
#بقلم_ولاءيحيي
حكمت روحت وكانت مبسوطه اوي… و هي في اوضتها دخلت فاطمة
فاطمة :بتعملي ايه يا حكمت
حكمت بابتسامة :مافيش يا تيته… كنت بغير هدومي
فاطمة تعقد على السرير وتبتسم :هاااا مش ناويه تحكي لتيته… ايه اللي مفرحك الايام دي كده
حكمت بابتسامة وارتباك :عادي يعني يا تيته…. انا عاديه اهو
فاطمة مسكت ايدها وقعدتها قدمها :لا مش عادي يا تيتيه… انتي متغيره وفيه حاجة بتحصل معاكي…. بس مدام هتخبي عليا يبقى الحاجه دي غلط
حكمت بسرعه :لا والله يا تيتيه انا معملتش حاجة غلط… (وتتنهد وتبصلها) انا هحكي ليكي يا نيته
وبدأت حكمت تحكي لفاطمة…من اول مقابلتها لكمال… لحد اللي حصل النهاردة
حكمت :هو دا كل اللي حصل بظبط…. واتفقنا انه يكلم ابوه بس بعد لما يخلص لامتحانات
فاطمة بقلق :قوليلي يا حكمت… انت فعلا بتحبي كمال
حكمت تكسف اوي وتهز رأسها بايوه
فاطمة :بتحبيه عشان هو كمال الغني ابن صاحب المستشفى
حكمت تقطع كلامها :لا والله يا تيته…. انا في لاول لما كمال جابلي الموبايل… وحسيت انه بيعوضني عن الخبطه بفلوسه…. رحت رجعت الموبايل ورفضت اي علاقه بنا…. بس لما جي الكليه لعندي… وعرفت منه انه كان بيقف بساعات على أول شارع بيتنا عشان يشوفني… حسيت انه بيحبني… ولما بقى يجيلي الكليه كل يوم… وبدأت اتعامل معاه…. نسيت انه غني نسيت هو ابن مين اصلا … كمال بيتعامل زينا بظبط…. محستش معاه انه من طبقه غير طبقتنا… واللي بيحاول يتباها بفلوسه… أو حتى يظهرها… لبسه عادي عربيه عاديه…. أكله وشربه طريقة كلامه معاملته مع أمن الجامعة أو الشباب في كافتريا الجامعة…. كمال يا تيتيه شاب عادي زي شباب حارتنا… الفرق الوحيد اللي بينه وبينهم… انه متعلم ومثقف… ودا مش محتاج فلوس عشان نوصل
فاطمة بابتسامة :هو باين عليه انه ابن حلال… بس افرضي يا حكمت ان ابوه رافض
حكمت تسكت شويه وتبصلها بحزن :مافيهاش فرض يا تيتيه…. لو ابوه رافض…. فأنا كمان هرفض وهبعد
فاطمة تحت ايدها على خدها بحنان :ربنا يكتبلك الخير يا حكمت…. ويرزقك بيه لو هو خير ليكي
حكمت بابتسامة :يارب يا تيتيه
#بقلم_ولاءيحيي
وفي فيلا صادق رجع كمال وكان طالع على اوضتهمحمود :كمال
كمال يبص وره بستغراب :بابا… خير حضرتك راجع بدري يعني النهارده
محمود :قولت اجي اتعشا معاك… بقالنا كتير ما قعدناش واتكلمنا سوا
كمال بابتسامة تريقة :لا هو مش بقالنا كتير واللي حاجه… احنا اصلا عمرنا ما قعدنا واللي اتكلمنا سوا… بس عادي اتفضل نتكلم انا تحت امرك
محمود :طيب تعال نتعشي
كمال :انا اتعشيت بره… بس ممكن اقعد مع حضرتك وانت بتاكل
ويعقد علي السفرة ومحمود بياكل وكمال قعد جمبه
محمود :اتعشيت بره مع مين …
كمال :مش مع حد
محمود :و لما كنت لوحدك… بتاكل بره ليه.. ماترجع تأكل في البيت….
كمال :هتفرق ما في ايه لما اكل في البيت ما برده هاكل لوحدي…. على الأقل وانا بره بلقى ناس حاوليه بيتحركو بيشغلوني فمباحسيش بالوحده .. لكن في البيت مش هلاقي حد…وهفضل افتكر ماما وناديه لما كنا بناكل على طول سوا
محمود يتنحن بضيق : الله يرحمها….بس انا مش حابب انك تفضل كده لوحدك…. عشان كده انا رحت لعمتك سلوي النهارده .. وخطبتلك ماهي.. واول ما تخلصو امتحانات هتتجوزها على طول …
كمال بغضب :مين اللي قال لحضرتك اني عاوز اخطب ماهي…. ازي حضرتك تتصرف في حاجه تخصني من غير ما تقولي #بقلم_ولاءيحيي
محمود بغضب :انا ابوك واعرف مصلحتك
كمال :أبويه من امتى
محمود :هو ايه يا ولد…. اللي من امتى
كمال :من امتى احساس أنك أبويه وصلك…. ما انت طول عمرك سايبني انا وماما واختي لوحدنا ومسافر… حتى لما رجعت… فضلنا لوحدنا… احساس الابوه دا جالك امتى….ومصلحتي آيه اللي تعرفها…… هو انت تعرف ايه عني اصلا….. تعرف ايه هي أحلامي… تعرف مثلا أن انا بحب وان فيه انسانه في حياتي…..طيب تعرف مواصفات البنت اللي عاوزه تكمل معايا حياتي… اللي هي بعيده كل البعد عن مواصفات ماهي
محمود بغضب :حب ايه وكلام فارغ ايه….. واحلامك هي المستشفى اللي انا بانتها… وكل يوم بتكبر… واللي هتكون ملكك ليك من بعدي…. ولازم يكون كل سهم فيها ملكك…. عشان كده لازم تجوز ماهي…. وأسهم سلوي اللي في المستشفى تكون تحت ايدك…. هي دي لازم تكون أحلامك… ومواصفات شريكة حياتك
كمال يقف قدمها بغضب :لا دي أحلامك آنت مش انا…
انا لا تهمني المستشفى واللي الأسهم واللي كل اللي بتملكه…. انا كل اللي يهمني اني اعيش مع الانسانه اللي اختارها قلبي…. الانسانه اللي لما اختارتها….كنت متأكد انها تنفع تكون ام أولادي…. (وينظر لهو لأول مرة نظره كره وغضب)زوجه لو خنتها وطلبت مني اني ابعد …ابعد وانا مطمن انها عمرها ما هتفكر ترد ليا الخيانه…. ابعد واعيش حياتي ونزواتي وانا عارف انها هتربي ولادي صح… وهتفضل محافظه على اسمي لآخر يوم في عمرها… زوجه رغم غلطاتي كل يوم في حقها…. عمرها ما هتقول كلمه غلط في حقي لولادي … وهتفضل محافظة على اسمي وشكلي كأب قدمه حتى لو كان الدور الأب دا شكلي ومبقومش بأي واجب من واجباته ….زوجه تمثل قدام الناس انها سعيده عشان تحافظ على شكلي وشكل ولادي …..هختار أم تضحك في وش ولادها…. وتخبي دموعها وجرحها لحد لما ينامو…. علشان ميسالوش بتعيطي ليه…. زوجة تفضل شيله اسمي لآخر يوم في عمرها…. حتى لو جوزها مني كان جواز سوري…. انا يوم ما هختار زوجه…. هختارها زي امي يا دكتور محمود …. (ويديه ظهره) مع ان انا عمري ما هكون زيك
ويطلع كمال لاوضة…. ويعقد محمود على الكرسي مصدوم… ويرفع سماعة التلفون ويكلم سلوي… يبلغها رفض كمال. يحكي ليها كل اللي قالو
سلوي بغضب : لااا ابنك الظاهر افتكر انه بكلمتين دول هددك هو لازم يتأكد انه لو منفذ كلامك هتحرمه من كل حاجه
محمود بضيق :مش هيهمو… كمال مش بيفكر في الفلوس زينا… واللي ورثو من أمه… كفايه بنسبه ليه… غير أنه هيبقى دكتور شاطر… واسمه هيكبر في فتره قصيره
سلوي :اعمل بس اللي اتفقنا عليه ولو صمم على كلامه وقتها… يبقى الحل مش هيبقى من عند كمال…. الحل هيبقى أن البت هي اللي تختفي من طريقه… بس لازم قبل ما تختفي تديله قلم ودرس يخليه ينسى احلامه الورديه… ويعرف أن مافيش حاجه اسمها حب… وان الحياه فلوس وبزنس ومكانة اجتماعيه وبس
محمود : يعني هتعملي ايه
سلوي : نفذ انت بس…. وبعدين نعرف مين البت دي… وهقولك هنعمل ايه
#بقلم_ولاءيحيي
مرت الايام عادي ووصلوا أبطالنا لآخر يوم في الامتحانات… كمال بيكلم حكمت في التليفون الصبح قبل الامتحان
كمال :معلش يا حبيبتي… لازم اروح المستشفى بعد الامتحان على طول… في اجتماع ضروري… لازم احضرو… ومش عاوز ازعل بابا لاني هفاتحه النهارده في موضوعنا
حكمت بزعل يداريه :ماشي يا حبيبي المهم تخلي بالك من نفسك وطمني لما تخلص امتحان
كمال :طيب ممكن اعرف حبيبي زعلان ليه… ومتقوليش مش زعلانه… عشان قلبي بيقول انك زعلانه… وقلبي مبيكدبش عليا
حكمت بابتسامة :مش متخيله اني هخرج من الامتحان ومش هشوفك… اخدت اني اشوفك قدامي بعد ما اخلص… (وتبتسم) حسه أن زي الطفلة اللي في ابتدائي بتخرج تجري تدور على ابوها… عشان تطمن انها جاوبت صح…
كمال يبتسم :معلش سماح المره دي… المهم يلا سلام عشان ادخل الامتحان… وانتي ركزي يا حبيبتي
حكمت :حاضر… ربنا معك يا حبيبي
وتقفل حكمت وتدخل الامتحان… وكمال كمان دخل… وبعد ساعتين خرج كمال من الامتحان بيجري
ماهي :كمال.. كمال.. انت رايح فين… انكل مستنينا في المستشفى
كمال وهو بيجري :اسبقيني انتي انا عندي مشوار مهم هخلصه وهاجي
وجرى كمال وساب ماهى وقفة هتجنن… فيقرب منها واحد
سيف يخبث :قولتلك كمال مش هيقدر جمالك… ولا هيقدر يسعدك… بس انتي مصممة تجري وره هو… وسيبه اللي بيحبك
ماهي بدلع :طيب ما انا كمان بحبه… بس هو مش عارف يفرق بين الحب والوقت الحلو اللي بنقضيه سوا… وبين البزنس… وان المستشفى كلها لازم تكون في ايدنا انا وهو… فهمت يا بيبي
وتمشي وتسيبه وقف وهو يبتسم بخيث
سيف :فهمت يا قلب البيبي
#بقلم_ولاءيحيي
وعند حكمت كانت خلصت امتحان وعماله تتصل بكمال بس هو ما بيردش… وكانت مضايقة ومخنوقه
حكمت :يووووه مش معقول كل دا في الامتحان…اكيد رح المستشفى الاجتماع الساعه 2…كده يا كمال مش قولتلك طمني…
وتخرج حكمت من الكليه وهي مضايقة وبصه لتليفون وبتكلم نفسها… بس تسمع البنات والناس حواليها
بنت 1:ياااا شكله حلو اوي
بنت اتنين :رومانسي بالونات وغزل البنات… يا بختها
شاب 1: شوفت اهو اللي زي دا اللي بيخلي البنات تتنطت علينا… وتقولك انت مش بتعملي حاجه تفرحني
بنت 3:بدل ما بتعيب عليه اتعلم منه… أن ما فيه مره فاجاتني ب باكو لبنان حتى
شاب 1:قابل يا عم ابتدينا اهو
حكمت كانت بتسمعهم… فبتبص حواليها عشان تشوف بيتكلموا عن مين… لقيت كمال وقف مبتسم ليها ومسك في ايده بالونات كتير وعمود غزل البنات…. ضحكت اوي وفرحت وجريت لعنده
حكمت بضحك :ايه اللي انت عمله دا يا مجنون
كمال بضحك :مستني بنتي
حكمت تقرب منه بفرحه :ربنا يخليك ليا يا حبيبي… انا بحبك اوي يا كمال
كمال يتنهد بحب ويبصلها : لا والله العظيم ما ينفع كده… خدي امسكي…
يديها البالونات وغزل البنات ويسبها ويرجع يجري
حكمت بستغراب: كمال مالك…. انت رايح فين
كمال يبص عليها وهو بيجري :رايح لابويه… اقوله اني عاوز اتجوز بكرا…. لا بكرا ايه النهارده…. هجيبه واجيلكم…(وبصوة عالي) عشان اتجوزك يا حبيبتي…. بحبك يا حكمت
الكل بقى بيبص عليهم ويضحك والبنات اللي حواليها بقى يحسدوها… وهي فضلت وقفه تبص على كمال وهي مصدومه… لحد لما اختفى من قدمها… وشافت نظرات اللي حاوليها… فتكسفت وأخذت تاكسي بسرعه وروحت وهي في منتهى السعادة… ومستني تليفون من حبيبها يبلغها امتى هيجو… وبقيت عماله ترتب وتنظف البيت… وفاطمة بصلها وخايفه سعادتها تنطفي… وبتدعي ربنا يحميها ويحقق ليها احلامهاكمال وصل الاجتماع ودخل اوضة الاجتماعات بسرعه…. كان الكل موجود وهو متأخر نص ساعة… واستغراب وجود المحامي ومدير المستشفى وبعض الموظفين
#بقلم_ولاءيحيي
كمال :اسفه على التأخير
محمود بضيق :ايه اللي اخرك انت مش عارف ميعاد الاجتماع
كمال :حضرتك عارف اني كان عندي امتحان يا بابا
سلوي :ما ماهي كانت بتمتحن معاك… وجت في ميعادها…
انت خلاص يا كمال كلها كام شهر وهتتخرج. لازم تتعلم أن أي تأخير من الدكتور بيموت المريض
كمال يبصلها ويبتسم : هو دا اجتماع واللي غرفة عمليات يا عمتي… وبعدين انا جيت اهو بس شايف ان مفيش حاجه مهمه… الوقت عمال يضيع في الكلام بره الاجتماع
سلوي بغضب تضرب على التربيزه : انت ازي يا ولد تكلمني كده…. وايه عمتي اللي بتناديني بيها دي….
كمال بتريقه :هو حضرتك مش عمتي برده واللي دي اشاعه
لسه سلوي هترد بس محمود زعق
محمود :خلاص… اسكت خالص يا كمال (يرفع كمال ايده يستسلم ويرجع ظهره لورا وهو بيبص ل سلوي بابتسامة مستفزه) اقعدي يا سلوي خلينا نتكلم في المهم
(تعقد سلوي بغيظ وهي بتتوعد لكمال)
محمود :طبعا كلكم عاوزين تعرفوا سبب الاجتماع….. وسبب المكافأة اللي اتصرفت النهارده للمواظفين … انا اقررت انقل بعض الأسهم اللي باسمي باسم كمال ابني…وهقدمهم ليه هديه الخميس الجاي يوم فرحه هو وماهي وطبعا كلكم معزومين
الكل بدأ يبارك وكمال قعد مصدوم ومش فاهم حاجة وبيبص لابوها بستغراب… وسلوي بتبصله بابتسامة خبيثة… وماهي قربت منه ومسكت دراعه
ماهي بدلع:حبيبي يا كمال…دي احلى مفاجأة في حياتي
كمال يزق ايدها ويقف بغضب
كمال بزعيق : ايه اللي بتقوله دا يا بابا… فرح مين اللي الخميس الجاي… ومين دا اللي هيتجوز ماهي
سلوي تقف قدمه :فرحك انت وماهي… ايه مسمعتش
كمال بغضب بس يبتسم :لا سمعت… وموافق اني اتجوز الخميس الجاي… بس مش هتجوز بنتك… هتجوز البنت اللي بحبها #بقلم_ولاءيحيي
سلوي تبص على الموظفين اللي يييصو عليهم فقربت منه بغضب وتخبط المكتب
سلوي بغضب :انت الظاهر اتجننت… انت بترفض تجوز بنتي انا
كمال بتحدي :لا طبعا يا عمتي…..انا برفض اني اتجوز غير البنت اللي انا بحبها…
محمود يقف ويبص للموظفين :اتفضلو دلوقتي كل واحد على مكتبة
يخرج الموظفين من المكتب وتقف ماهي بغضب
ماهي بغضب :انت ازي ترفض انك تجوزني… وقدام كل الموظفين…
كمال بعصييه وغضب :انا مطلبتش اني اتجوزك عشان تيجي تحسبيني… روحي حاسبي اللي بياخده قرارت من دماغهم ومفكرين أن احنا آلات هنفذ أمرهم
محمود بغضب :انت ازي تجرأ انك تعصيني وتكسر كلمتي قدم الناس اللي بيشتغلو عندي … الظاهر اني معرفتش اربيك
كمال يبصلها بغضب : تربيني… هو فعلا انت مربتنيش لأنك مكنتش فاضي لينا… كان عندك نزوات أهم
محمود يقرب منه بغضب ويرفع ايده كان هيضربه بس يقف وهو ضامم كفه
كمال وقف قدمه :اضرب وقفت ليه…. (ويتنهد بضيق) انا اسف اني غلطت في كلامي… بس حضرتك اللي مصمم انك تخسرني… وانا بحاول ان افضل محافظ على اللي جزء اللي باقي جويا… فارجوك متحاولش انك تجبرني على شيء انا مش عاوزه… لان انا عمري ما هنفذ اللي بتطلبه مني… انا مش هتجوز غير البنت اللي بحبها… وعاوز حضرتك تيجي معايا نخطبها #بقلم_ولاءيحيي
تعقد سلوي وتبصله بضيق :وتبقى مين دي بقي اللي بتفضلها على ماهي… وعاوز ابوك يخطبهالك… اقعد كده وعرفنا ب البنت اللي عاوزها تشيل اسم صادق باشا…
(وتبص لمحمود) اقعد يا محمود واسمعه احنا المهم عندنا سعادة كمال..ولو سعادتة مع البنت دي يبقى مافيش مشكله روح اخطبهالو… وانا هروح معاكم… اقعدي يا ماهي يا حبيبتي.. عشان نعرف مين هي عروسه كمال
يعقد محمود وماهي جمب سلوي… وكلهم بيبصو على كمال… فقعد قدامهم وعرفهم… مين هي البنت اللي بيحبها… وابوها بيشتغل ايه
محمود يقف بغضب :لا دا انت اكيد اتجنن…. انت عاوزني انا محمود صادق… احط ايدي في ايد ممرض بيشتغل عندي… وانا اللي مفكر انك بتحب بني ادمه عليها القيمه… وعشان كده متمسك بيها ورافض بنت عمتك
كمال بضيق :حكمت احسن بني ادمة… وانا عمري ما هلاقي احسن منها… وليا الشرف اني احط ايدي في ايد موظف بيشتغل ويتعب ويكسب بشرف …عشان يربي بنته ويعلمها ويعالج مراته #بقلم_ولاءيحيي
سلوي يتريقه : شرف!!! شرف ايه دا اللي بتكلم عنه وهو معلم بنته ورسملها خطه عشان توقعك بيها … اوعي تقولي انك صدقت الفيلم اللي انت حكيته بتاع خبطت العربية والصدفه اللي جمعت… ابن صاحب المستشفى وبنت الممرض… لااااا متقولش انك عبيط و علي نيتك لدرجة دي…(وتحط ايدها على ايدها وتمثل الطيبة) دول لعبه عليك يا كمال . طمعانين في فلوسك يا حبيبي…
كمال يبصلها ويسحب ايده :مش كل الناس زيك يا عمتي… عاوزين يكوشوا على كل حاجه… ويأخذ اللي ليهم واللي مش من حقهم
سلوي تقف بغضب :لاااا دا انت زودتها اوي…. انت عجبك اللي بيقوله ابنك يا محمود
محمود بغضب :لا طبعا…اعقل يا كمال وشيل الهبل اللي في رأسك دا… لو مش عاوز تجوز ماهي متجوزهاش…. بس ابعد عن البت بنت الممرض دي
كمال يقف قدامه: يا بابا لو سمحت… انا بحب البنت دي… وهي اللي هكمل حياتي معاها… فلو بتحبني بجد وعاوز تعوضني…. وافق وتعال معايا وانا بخطبها
محمود بغضب :تخطب مين… دا لا يمكن يحصل ابدا…. انا مش موافق يا كمال
كمال بحزن :وانا اسف يا بابا انا مش هسيب حكمت… وهروح اخطبها من عم علي
ويمشي خطوتين يوقفه صوت محمود الغاضب
محمود بغضب : لو عملت اللي في رأسك … هحرمك من كل املاكي…
كمال يبصلها :انت ليه مفكر أن كل اللي بيربطني بيك هي الفلوس والأملاك… انا مش عاوز فلوسك ولا املاكك احرمني منهم…. بس انا عاوز أبويه ومحتاجه جمبي…. ارجوك يا بابا… احرمني من كل حاجه… بس تعال معايا
محمود بغضب :مش هيحصل يا كمال…. مش هواقف انك تجوز البت… ومش هقبل ادخلها بيتي
كمال يتنهد بحزن :وانا هتجوز حكمت يا بابا… ومش هبعد عنها #بقلم_ولاءيحيي
ويمشي كمال ويفتح الباب ويخرج… ويقف شويه وبعدها يمشي… وطول ما هو ماشي الكل بيبارك ليه… وهو مش بيرد على حد… وراح للعمليات وفضل يدور على… على ووقف واحد من اللي بيشتغلو معاه
كمال :بقولك… هو عم علي فين
الممرض بابتسامة :لسه ماشي يا دكتور اخد المكافأة… وفضل يدعيلك ربنا يتم عليك بخير انت والدكتوره ماهي …. وروح يفرح أهل بيته ويخليهم يدعولك…. ربنا يسعدكم يا باشا زي ما فرحتنا…. ويرزقكم بالزوريه الصالحه
ويمشي الممرض وكمال وقف… وتخيل على وهو بيقول لحكمت… انه هيتجوز ماهي… فجري بسرعه خد عربيه ومشى
وفي مكتب محمودماهي بغضب :انتم هتسكتو…. وتسيبوه يروح يتجوز الجربوعه دي ويفضلها عليا
سلوي بهدوء :اهدي يا ماهي واقعدي… كمال مش هيتجوز غيرك… متقلقيش انا عارفه هرجعو يعتذر منا ازي
محمود بغضب :هتعملي ايه يا سلوي
سلوي :هقولك بس عاوزه اعرف… انت معنا واللي مع ابنك
محمود بغضب :معاكم طبعا… انتي فاكره اني ممكن أوافق على الجوازه دي….
سلوي بابتسامة: يبقى متفقين… أول حاجة تعملها الصبح تبعت تجيب ابو البت دي هنا
#بقلم_ولاءيحيي
وفي بيت حكمت…. على رجع وهو شايل أكياس وحاجات كتير وتروح حكمت وفاطمة ياخذه من ايده
فاطمة :ماشاءالله… ايه دا كله يا على… جيبت الفلوس منين دا احنا آخر الشهر
على بابتسامة :ربك فرجها يام… (ورح قعد وحكمت بتشيل الأكياس ودخله المطبخ) الدكتور محمود صرف شهر مكافأة لكل الموظفين… بمناسبة خطوبه ابنه الدكتور كمال على بنت اخته الدكتورة ماهي
حكمت سمعت كلامه وقعت الأكياس من ايدها… وكل اللي فيها اتبعتر على الأرض…
على يقوم بسرعه :ايه دا يا حكمت مش تاخذي بالك يا بنتي…
حكمت وقفه عنيها كلها دموع.. وفاطمة قعده بتبص عليها بحزن
وهو بيكلم الباب خبط.. ف راح فتح الباب
كمال :السلام عليكم
على بستغراب :دكتور كمال… اهلا وسهلا اتفضل
كمال يدخل ويبص لحكمت اللي عينها كلها دموع وحزن… وهو واقف قدمها وبيشاور ليها برأسه… بيقولها متصدقيش.. وعلى وقف يبص عليهم ومستغرب…
كمال يبص ل على :عم علي انا جي وطلب منك ايد حكمت…
يقف على مصدوم… وحكمت وفاطمة واقفين… ومحدش فاهم حاجة
تفتكروا ايه اللي هيحصل.. وياتري على هيوافق… وسلوي الخبيثة ناويه تعمل ايه… نعرف في حلقه بكرا ان شاء الله
#بقلم_ولاءيحيي