رواية اليتيمتان بقلم ولاء يحيى
?? (اليتيمتان)?? #بقلم_ولاءيحييالبارت (٢)
حكمت تبتسم وتتنهد : الحكاية بدأت من وانا عندي ١٨ سنه كنا عايشين في اسكندريه… كان يوم عيد ميلادي…كانت الساعه 4. كنت رايحة لبابا المستشفي اللي بيشغل فيها… بابا كان ممرض في مستشفى خاصة كبيره … كان يومها متفق معايا افوت عليه في المستشفى… عشان ياخدني ويشتري ليا لبس جديد…. منها يبقي هدية لعيد ميلادي…. وكمان يبقى عندي لبس ادخل بيه الجامعة… انا كنت لسه واخده الثانويه العامه…. كنت راحة لبابا وانا فرحانة اوي…. اصلي قليل لما كنت بشتري حاجه جديده… لان ظروفنا كانت مش قد كده احنا كنا ناس علي قد حالنا…. اهلي مكنش عندهم غيري بس امي كانت تعبانه وكان كل الفلوس بتتصرف علي علاجها فكنت لما بشتري اي لبس جديد ببقي فرحانه زي العيال الصغيرة لما بيفرحو بلبس العيد….يومها ركبت عربيه سرفيس ونزلت في محطة قريبا من مكان المستشفي واخدتها مشي للمستشفى.. بس وانا ماشيه في عربيه فيها ولدين فضلوا يغلسو عليا
#فلاش بك
الشاب ١: ايه يا قمر ماشيه لوحدك ليه
الشاب٢ يقرب بالعربيه : ماتيجي نوصلك ياقمر
حكمت ماشيه وعمله تبعد عنهم بس…. هم فضلوا ماشين وراها يغلسو عليها….. فضلت تبص حاوليها على أي حد يساعدها بس هي كانت ماشيه في شارع جانبي ومافيش حد ماشي فيه
قربو منها اوي بالعربيه والشاب ١ رح مطلع ايده من شباك العربية ورح لمسها بس هي رحت مصرخه وبعدت
حكمت بعصبية: ياحيوان ياقليل الادب انزلي من العربية يا جزمه وانا اربيك
العربيه وقفت ونزل منها الشباب وقرب منها
الشاب ١ بستهزاء وهو بيقرب منها : نزلت لك ياقمر هتعملي ايه
حكمت بتحاول ترسم القوةعلي ووشها بس من جوها كانت خايفه حطت ايدها في شنطتها بشويش واول ما قرب منها طلعت ازازة صغيره فيها فلفل اسود مركز حطها دائما في شنطتها للحماية الشخصية ورحت رشه في عينه رح مصرخ وهى طلعت تجرى لشارع الرئيسي
الشاب ٢: يابت ال …. طب والله منا سيبك
جريت حكمت والشباب بيجريو ورها…. وهي بتجري بسرعه و خايفه وعمله تبص وراها… واول ما وصلت لشارع الرئيسي بتعدي الطريق من غير ما تاخد بالها…. فخبطتها عربيه…. فوقعت قدمها مغمي عليها…. والناس اتجمعو حاوليها
كمال ينزل من عربيته بسرعه وقلق ويقرب منها: يا آنسة ياأنسة
واحد من الناس الواقفين: مش تخلي بالك يا استاذ
كمال يبصله بضيق: هى الطلعت قدمي مره واحده…. انا كنت سايق براحه
واحدة من الناس: الخبطه بسيطه انا شوفتها… الاستاذ فرامل اول ما شافها…. هى بس تلاقيها مخضوضه خد يا استاذ الريحه دا فوقها
كمال ياخد منها البرفان ويفوقها… حكمت بدأت تفوق
كمال بقلق: انتي كويسه
حكمت بتعب: ايه الحصل انا فين
واحدة من الناس: مش تاخدي بالك يا بنتي كنتي هضيعي نفسك وتضيعي الشاب معاكي… الحمد الله انها جت سليمه
حكمت حاولت تقوم رحت مصرخة من رجلها
كمال بقلق : مالك فيكي ايه
حكمت بدموع: رجلي مش قادره اقف عليها
كمال يمسك رجليها عشان يشوفها بس هي تزق ايده
كمال ببتسامة: متقلقيش انا دكتور هطمن بس احسن تكون مكسوره
حكمت بصتله بكسوف……وبعدت ايدها وهو بص علي رجلها
كمال ببتسامة: الحمدلله… جزع بسيط بس عاوز يتربط ممكن تسندي عليه وتركبي العربية هاخدك المستشفي ال علي اول الشارع اربطهالك
حكمت بدموع تسند عليه وتقوم وتركب العربية وهو يشكر الناس الواقفين ويركب ويمشي
كمال يبصلها وهي قاعده مكسوفه: انا آسف بس انتي ال كنتي بتجري وطلعتي قدمي مرة واحدة
حكمت بكسوف ودموع: انا ال اسفه انا فعلا كنت بجري كان فيه ولاد مش محترمين بيعكسوني فكنت بجري منهم
كمال بضيق: و انتي ليه كنتي ماشيه لوحدك… وريحه فين #بقلم_ولاءيحيي
حكمت: راحة لبابا شغله …. هو شغال في المستشفي ال هنروح لها (وتبص لأرض بحزن زي الاطفال) كان المفروض ياخدني ونخرج عشان اتفسح معه واشتري هدوم لكليه اديني اهو لا هتفسح وال هشتري هدمو
كمال ببتسامة : معلش متزعليش هم يومين راحة وتقديري تمشي… وابقي اخرجي واتفسحي زي ما انتي عاوزه
حكمت بحزن: لا ما خلاص بقي…. عيد ميلادى هيكون خلاص
كمال بستغراب: عيد ميلادك
حكمت ببتسامة: اه ما النهارده عيد ميلادي وابويه كان هيفسحني عشان كده
كمال ببتسامة: كل سنه وانتي طيب
حكمت بكسوف: وانت طيب ( وتبصله ببتسامة تطير عقلو) انا اسفه اني عطلتك وخليتك تاخدني المستشفي
كمال بنظره كلها اعجاب: متاسفيش انا مبسوط اوي بلحصل عشان اتعرفت عليكي
حكمت تبص للأرض بكسوف وكمال ياخد باله فيبتسم ويتنحنح
كمال : هو انتي اسمك ايه
حكمت ببتسامة: حكمت
كمال : وانا كمال… انتي في كليه أية
حكمت ببتسامة وبرائه: انا لسة واخدة الثانويه العامه ومستنيه النتيجة… بس أن شاء الله ناوية ادخل تربية علم نفس… انا بحب اوي علم النفس( وتبصله باهتمام)هو انت صحيح دكتور
كمال ببتسامة: ايوه…… انا في سنة خامسة كلية طب
حكمت : اااه انا برده بقول شكلك صغير علي انك تكون دكتور ( وتبصله تاني اوي) بس انت ازي اشتغل في المستشفى وانت ماتخرجتش لسه
كمال ببتسامة : بدرب هناك
حكمت : ااااه… يعني ممكن تكون تعرف أبويه هو شغال ممرض هناك في المستشفي
كمال ببتسامة: ممكن اكون اعرفه وممكن معرفوش اصل المستشفي كبيره
حكمت ببتسامة: صح ( وتبصله باهتمام)بس انت ازي بتدرب في المستشفى كبيرة كده… دي مستشفى استثمارى كبيرة وصاحبه دكتور غني اوي…. مش بيشتغل فيها اي
كمال ببتسامة: ما صاحب المستشفي الغني اوي دا يبقي أبوية
حكمت بصدمة :يالهوي بجد انت ابن صاحب المستشفي
كمال يبصلها ويبتسم : أيوة انا ابن صاحب المستشفي مالك استغربتي ليه كده
حكمت : لا عادي ( وتبصلة بستغراب) بس انت يعني راكب عربيه عادية …. وشكلك عادي زينا مع أن ابوك غني اوي
كمال يضحك اوي: وهو ال اغنياء بيبقي شكلهم ازي
حكمت ببتسامة : يعني عربيات اخر موديل بيكلمو الناس من طرف مناخيرهم….. ومش هيساعدة واحدة زي…. ويركبها عربيتهم
كمال يبصلها بستغراب: مين القالك كدة…. وبعدين يعني ايه واحده زيك…. ما انتي عادية زي باقي الناس
حكمت بضحك : أيوة انا زي باقي الناس لكن انت ال مش زيهم انت واحد غني ( وتبصلة وتبتسم) انا مش بحسد علي فكرة #بقلم_ولاءيحيي
كمال بضحك : اااه مهو واضح انك مش بتحسدي…. انتي بتقري بس
حكمت تضحك اوي وهو يبصلها باعجاب شديدحكمت بستغراب:انت رايح علي فين المستشفي اهي
كمال بارتباك: اه معلش ماخدتش بالي
ويوقف العربية وينزل بسرعه ويفتح الباب ليها ويسندها وهي تبتسم وتمسك في كتفه عشان تنزل من العربية … وهو بيمشي بيها عشان يدخل المستشفى بس هي تقف
حكمت : انت رايح فين
كمال يبصلها: هندخل عشان يشوفوا رجلك
حكمت بضحك: يشوفه رجلي انا في المستشفي دي…. انت عاوزهم يشغلو أبويه باقي عمره عندهم ببلاش… عشان يسدد فاتوره علاجي …ياعم المستشفى دي لناس الأغنياء بس… لكن الزي انا… بيروحه المستشفى الحكومي
كمال ببتسامة: تعالي بس معايا ومالكيش دعوي
حكمت: لا يا عم متشكرين انا هدخل ل أبويه وهو ياخدني يوديني اي مستوصف
كمال ينفخ بضيق: بصي بقي انا مبحبش اتحايل علي حد ( ورح بصص ليها اوي) هتخشي معايا بزوق وال اشيلك
حكمت برقت وبعدت عنه : تشيلني لاااا هدخل لوحدي
وتسند علي كتف كمال وهو عمل يبصلها ويبتسم علي شكلها وهي عمله تتلفت حوليها ورحو لعند الاستقبال
موظف الاستقبال بستغراب : دكتور كمال خير
كمال ببتسامة: خير… بص انا بس خبطت الآنسة بعربيتي ورجالها فيها جزع هات كرسي متحرك ودخلها اوضه ونادى دكتور عظام وأهتمو بيها جدا
موظف الاستقبال: تحت امرك يادكتور ( ونادي علي نيرس ال جابت كرسي متحرك وقربت من حكمت )
النيرس: اتفضلي اقعدي هنا يا آنسة
حكمت بقلق تبص لكمال فيشاور ليها برأسه فتعقد علي الكرسي ولسه النيرس بتزق الكرسي حكمت مسكت ايد كمال ال حس أن قلبه اتخطف اول ما كف ايديها لمس كف ايده وبصلها اوي
حكمت بقلق : لا احنا متفقناش انك هتسيبني… انت تفضل معايا لحد ما يخرجوني …. احسن ياخدني انا وابويه رهن عندهم #بقلم_ولاءيحيي
كمال يضحك اوي علي كلامها : متخافيش انا جاي معاكي… مش هسيبك
حكمت تشاورله أنه يوطي فيبصلها اوي ويوطي ويقرب منها وهي توطي صوتها
حكمت: هو ممكن تخلي حد ينادي علي أبوية احسن زمانه قلقان عليه
كمال ببتسامة ويوطي صوته زيها : حاضر بس هو ابوكي اسمه ايه
حكمت بصوة واطي: اسمه علي صالح شغال في العمليات
كمال ببتسامة وصوة واطي:حاضر هبعت حد ينادي عليه بس هوانتي بتوطي صوتك ليه
حكمت بستغراب : مش عارفه ( وتبصلة اوي) طيب انت موطئ صوتك ليه
كمال ببتسامة: مش عارف ( وبصو هم الاتنين لبعض وبصه لنريس وموظف الاستقبال اللى بيبصلهم بستغراب ويروح ضحكين اوي)
كمال يقف وهو بيضحك : يلا خديها علي اوضه وانا هجيب الدكتور واجي
وتمشي حكمت مع النيرس وهي عينيها علي كمال وهو بصص عليها ببتسامة
وبعد فترة حكمت كان الدكتور كشف عليها وربط ليها رجليها وكتب ليها علي مرهم وخرج وسابه
كمال ببتسامه : الف سلامه عليكي شوفتي طلعت حاجه بسيطه ازي
حكمت بزعل اطفال : مهي الحاجه البسيطه دي ضيعت عليا الخروجه
كمال : ياستي تتعوض معلش متزعليش
حكمت : يلا الحمد الله
كمال يبصلها ببتسامة : بس تعرفي انا مبسوط اوي بلحادثه دي
حكمت بضيق : بقي مبسوط انك خبطني
كمال ببتسامه : بصرحة اه (ويبصلها بأعجاب ) مهو لو مخبطكيش مكنتش هشوف اجمل عيون واحلي ابتسامة
حكمت تبصله وتبتسم بكسوف … وهو يبصلها اوي ويبتسم و يتفتح الباب مره واحده
علي بخوف : حكمت مالك يا بنتي فيكي ايه حصلك ايه
حكمت : اهدي يابابا انا كويسه دا جزع بسيط في رجلي
علي : دول قالو ان في عربيه خبطتك…. هو فين الخبطك دا وانا هخرب بيته
كمال بكسوف يحرك ايده علي شعره : هو انا ال خبطها يا عم على بس والله هي ال طلعت قدامي مره واحده
علي يبص وراه ويشوف كمال
علي بصدمه : دكتور كمال معلش يابني انا ماخدتش بالي منك
كمال ببتسامه : وال يهمك يا عم علي وحمدالله علي سلامة الانسة حكمت وانا اسف جدا اني خبطها
حكمت : هو ملوش ذنب يابابا انا ال طلعت قدم العربيه
علي بلوم: وليه كده يابنتي انا مش قولتلك اكتر من مره تاخدي بالك من الطريق
حكمت بزعل اطفال: والله يا بابا كان في عيال بيعاكسوني وكنت بجري منهم فطلعت قدم العربيه وماخدتش بالي من الطريق
كمال ببتسامه: الحمد الله جت سليمة…. والدكتور شافها وطمنا عليها هي عندها جزع بسيط ويومين بس.. وهتبقي كويسه
علي : كتر خيرك يادكتور انا مش عارف اشكرك ازي
كمال : تشكرني علي ايه يا عم علي(ويبص لحكمت بإعجاب ) المهم ان احنا اطمنا علي الانسة حكمت
ووهم وقفين سمعو صوت من ورهم
دكتور محمود بستغراب : كمال انتي بتعمل ايه هنا (ويبص علي حكمت وعلي ) فيه حاجه
كمال ببتسامه: ابدا يا بابا دا انا خبطت الانسة بعربيتي وانا جي…. فجيبتها عشان نطمن عليها
محمود بضيق: مش تاخد بالك يا كمال وتسوق برحه
علي : حصل خير يا دكتور..دكتور كمال كتر خيره جيبها لهنا وخلي الدكتور يكشف عليها
محمود يبصله اوي : مش انتي شغال هنا في المستشفى
علي ببتسامه : ايوه يا دكتور انا على… اللي شغال في العمليات… ودي حكمت بنتي
محمود : اااه طيب الف سلامة ( ويحط ايده في جيبه ويطلع مبلغ من المال ويقرب من علي ويحطه في ايده وحكمت كانت بصه عليه وعنيها كلها اتملت حزن ودموع وبصت للارض وكمال بص ليها وحس بزعلها )
محمود:خدي يا علي هات لبنتك حاجه حلوة وهي مروحه
علي وهو بيبعد عن ايده اللي فيها الفلوس : متشكره يا دكتور كتر خيرك….. دا احنا عايشين من خيرك
محمود يقرب ويحط الفلوس في ايده : دي حاجه بسيطه عشان سلامته بنتك
علي بكسوف ياخد الفلوس: متشكرين يادكتور
محمود يخرج من الأوضاع بس يقف ويبص لكمال : انت مش هتروح يا كمال
كمال كان بيبص لحكمة اللي دموعها نزلت وحس بضيق لما شاف دموعها
كمال يبص لمحمود : لا يا بابا… هروح
محمود يهز راسه ويمشي… فكمال رجع يبص لحكم لقها بتحاول تقوم من علي السرير
كمال بخوف : انتي رحه فين… ارتاحي شويه
حكمت بضيق : متشكره انا عاوزه هروح بيتنا( وتبص لعلي بحزن )انا عاوزه امشي يابابا
علي يقرب منها ويساعدها تقوم :تعالى يا بنتي… وال استنى خليكي قعده… لما اروح اوقف تاكس… انتي مش هتقدري تقفي علي رجلك
كمال بسرعه: مافيش داعي لتاكسي يا عم علي انا هوصلكم
علي : كتر خيرك يادكتور… انت عملت اللي عليك وزياده احنا هناخد تاكسي ونروح
كمال وهو عينه علي حكمت ال بصه للارض بحزن : اسمحلي اوصلك يا عم علي… واللي انت مش عاوز تعزمني اشرب شاي عندكم
علي ببتسامة:ياخبر دا انت تنورنا يا دكتور كمال
كمال ببتسامه : دا نورك ياراجل ياطيب… اتفضلو العربيه وقفه قدم المستشفي
ومشيت حكمت مع ابوها ورحو ركبه عربية كمال حكمت طول الطريق بصه من الشباك ودموعها نزله… وعلي عمل يتكلم مع كمال….. وكمال بيرد عليه….بس كل عينه في المرايا بيبص علي حكمت ال دموعهانزله ….ومره واحده كمال وقف العربيه
كمال : معلش يا عم صالح هعطلكم شويه بس هنزل اشتري حاجه من هنا وهاجي بسرعه
علي ببتسامه : اتفضل يادكتور
وينزل كمال من العربيه ويغيب ربع ساعة ويجي يحط حاجه في شنطة عربيته ويركب ويمشو لبيت على….
#بقلم_ولاءيحيي
علي بيفتح باب الشقه: ادخلي… برحه يا بنتي (ويبص على كمال) اتفضل يادكتور كمال اهلا وسهلا
كمال ببتسامة : اهلا بيك يا عم علي ( ويقف مره واحده) معلش انا نسيت حاجه في العربية هنزل اجيبها واجيوينزل كمال بسرعه… وعلي يقف مستغرب و يبص لحكمت
على :الله هو رايح فين
حكمت تدخل تعقد :تلقيه مشي يا بابا… انت صدقت انه هيشرب شاي عندنا
خرجت الجده فاطمة
فاطمه: انتم رجعتم (وتبص لرجل حكمت المربوطه) يالهوي ايه الحصل… مالك ياحكمت
حكمت : رجلي اتجزعت ياتيته
يخبط الباب ويبصو عليه يلقي كمال وقف وشايل علبه كبيره في ايده وكيس هدايا
كمال ببتسامة: سلام عليكم
علي بستغراب: وعليكم السلام اتفضل يادكتور (ويبص لفاطمة اللي وقفه مستغربة )دكتور كمال يا امي
فاطمه ببتسامة: اهلا وسهلا اتفضل يابني
كمال يدخل وهو عنيه علي حكمت ال بتبصله بستغراب
كمال يبص لعلي : انا عرفت أن النهارده عيد ميلاد الآنسة حكمت… وبسببي معرفتش تخرج وال تحتفل بيه… فحبيت اعوضها بحاجه بسيطه لو تسمحو لي
علي :تعبت نفسك ليه يابني…. كفايه اللي عملته في المستشفى وانك وصلتنا لحد هنا
كمال ببتسامة: دي حاجه بسيطه يا عمي واتمنى حضرتك متكسفونيش… وتسمحلي اكل حته من التورته مع كوباية الشاي
فاطمه تقرب وتأخذ العلبه من ايده : اتفضل يابني اقعد… تسلم ايدك
ويعقد كلهم مع كمال… وحكمت كانت الابتسامة رجعت لوشها و حست سعادة بوجود كمال… والاحتفال البسيط العمله عشانها…. وبعد ما اقطعو التورته وشربو الشاي
كمال يقف قدم حكمت بابتسامة وهو ماسك بايده كيس الهدية
كمال: كل سنه وانتي طيبه دي هدايا بسيطه… اتمني تعجبك
فاطمه: ليه كدا يابني… دا كتير اوي كفاية الجاتوه اللي جبته
كمال ببتسامه: دي حاجه بسيطه يا تيته
علي:يا دكتور كمال…. كتر الف خيرك… بس كده كتير اوي
كمال :لو سمحت يا عم على…. متكسفش ايدي ارجوك
على يبص لحكمت ويشاور ليها برأسه…
كمال بابتسامة :كل سنة وانتي طيبة
حكمت بابتسامة : متشكره… وانت طيب
كمال يرجع يعقد ويبص لعلي وفاطمة : انا بصراحه مبسوط جدا اني اتعرفت عليكم واني موجود وسطيكم (ويكمل بحزن) بصراحة أنا لقيت وسطيكم جو العيلة اللي مفتقدك من بعد موت امي الله يرحمها….فياريت يا عمي تعتبرني زي ابنك…. ووتسمح لي ابقي اجي ازوركم
فاطمه: البيت بيتك يا بني تنورنا في اي وقت
كمال: متشكر اوي يا تيته
ويقوم يقف وهو عنيه علي حكمت
كمال: استأدن انا…. ومتشكر جدا علي السهرة الحلوة دي (ويبص لحكمت بابتسامة ) واسف علي الخبطه …. كل سنه وانتى طيبه
حكمت بكسوف: وانت طيب متشكره اوي
كمال ببتسامة: سلام عليكم
الكل: وعليكم السلام ورحمه الله وبركاته
وخرج علي مع كمال عشان يوصله… وقربت فاطمة من حكمت
فاطمه ببتسامة:شكله طيب وابن حلال
حكمت بسرحان:اااه… اوي ياتيته
فاطمه تبصلها: ونبي أية ..مالك يابت بتكلمي بسهوكة كده
حكمت بارتباك: ابدا والله انا بتكلم عادي خالص اهو
فاطمة بابتسامة : طب ياختي افتحي الهدايا لما نشوف جوها ايها
حكمت تمسك الكيس وتفتحة وتبص لجددتها اوي: دا موبايل ياتيتة #بقلم_ولاءيحيي
فاطمه بستغراب: ايه الموبايل دا يابت حاجه عيب
حكمت بضحك: حاجه عيب ايه بس…. دا تلفون محمول
فاطمة بستغراب: اااه دا اللي مع البت صاحبتك…اللي بتجيلك هنا
حكمت ببتسامة : ايوه هو ياتيته
ويدخل علي ويبص علي حكمت ال مسكة الموبايل وفرحانه
حكمت ببتسامة: بص يابابا دكتور كمال جابلي موبايل
علي يبصلها بضيق… ويعقد وهو ساكت ومضايق فاحكمت وفاطمة يبصه ليه
فاطمة: مالك يا علي
علي بستغراب: مش مرتاح يا أمي… (ويبصلهم) ليه دكتور كمال يعمل كله دا معنا…..عشان خبطها مهو اخدها المستشفى وشافو رجلها وربطها … وابوه ادنا فلوس عشان ابنه اللي خبط بنتي … بس يسيب شغله ويصمم يوصلنا بنفسه للبيت ويجيب تورته… ويعقد يحتفل بعيد ميلادها و موبايل هدايا… ليه كل دا غرضه ايه
فاطمة : هيكون عرضه ايه يعني يا على … الواد شكله طيب… وباين عليه بيتصرف بسلامه نيه… وميقصودش حاجه من اللي في رأسك دي
علي بقلق : يارب تكون سلامة نيه ياامي ( ويبص لحكمت ال قعده حزينه) حكمت يابنتي الحصل النهارده ظروف وتحطينا فيها بس الدكتور كمال لا هو من توبنا وال احنا من توبه…
حكمت ببتسامة حزينة: عارفه يابابا متقلقيش عليا ( وتقوم تقف بشويش) انا هروح اطمن علي ماما وهدخل ارتاح
وتقوم حكمت وتدخل اوضة مامتها ويبص علي لفاطمة
فاطمة: مالك ياعلي ايه القلق كده يابني
علي يتنهد : خايف عليها ياأمي حكمت صغيرة ومشاعرها لسه بتتكون خايف قلبها يتعلق بلمش ليها واللي إلا من توبه… حكمت قلبها مش حمل جراح اللي ووجع قلب
فاطمة ببتسامة: متخافيش يا على… حكمت عقله ومتربيه.. وكرامتها في السماء..
على يتنهد : ربنا يسترها
#بقلم_ولاءيحيي
حكمت اطمنت على امها… ودخلت اوضتها ونامت علي السرير ومسكت الموبايل في ايدها… وبقت تفكر ياتري كمال جاب الموبايل ليه …… بيعوضها عن الخبطه… زي الفلوس ال ابوه اديها لابوها… لا انا مش هقبل انا لازم ارجعهولو… بس هرجعوله ازي… انا هشوفه فين تاني اصلا… وعند الفكره دي وعينها اتملت دموع مش عارفه سببها ايه… حطت التلفون جمبها بضيق ودموعها نزله…..بس بعد شويه لقيت التلفون بيرن جمبها استغربت… هي ماخدتش بالها ان التلفون فيه خط فمسكته وبتبص عليه لقيت مكتوب كمال… فتصدمت وفضلت بصه لتلفون لحد ما سكت بس بعد شويه رجع يرن تاني
حكمت : الو
كمال ببتسامه : حكمت
حكمت : ايوة
كمال : ازيك
حكمت بستغراب : الحمد الله هو انت جيبت الرقم منين
كمال بضحك : انتي ناسيه اني انا ال اشتريت الموبايل وركبت فيه الخط و سجلت رقمك عندي ورقمي عندك
حكمت : ليه
كمال بستغراب : ليه ايه
حكمت : ليه اشترت الموبايل.. وليه سجلت الرقم… وليه عملت كل العملته معايا النهارده…. وليه بتكلمني دلوقتي
كمال بضحك :ايه ماسورة ليه اللي اتفتحت دي (ويسكت ويتنهد) بصراحة يا حكمت مش عارف… لما كنا في المستشفي ولقيتك هتمشي مع عم على…. وحسيت اني مش هشوفك تاني وال هكلمك خوفت… وضيقت معرفش ليه فقولت لازم اوصلكم… وطول الطريق بفكر ازي اكلمك تاني واشوفك… بعد ما روحكم بيتكم…. فشوفت معرض الموبايل وجتلي الفكره…. لقيت ان دي الطريقه الوحيدة… اللي هعرف اكلمك بيها ( ويسكت شويه )… حكمت هو انتي زعلتي… انتي ليه مش بتردي
حكمت بدموع مكتومه : انا عاوزه اشوفك بكرا
كمال بستغراب : بكرا بس انتي لسه تعبانه.. والمفروض متتحركيش
حكمت : انا كويسه هستناك بكرا الساعه 3 علي البحر في ميامي
كمال : طيب ما اعدي اخذك عشان متتعبيش
حكمت :”لا انا هاجي لوحدي… مع السلامة
كمال بخوف :حاضر يا حكمت مع السلامه
وتاني يوم في الميعاد حكمت رحت مع ان رجلها بتوجعها بس استحملت الألم…. واول ما وصلت للمكان لقيت كمال وقف مستنيها اول ما شافته…. قلبها دق اوي و ابتسم وفضل عينه عليها لحد ما وصلت لعنده
كمال ببتسامه : ازيك ياحكمت رجلك عمله ايه دلوقتي
حكمت بكسوف وضيق : الحمد الله ( ونزلت عينها للارض بداري دموعها ورحت فتحه شنطتها وطلعت منها علبة الموبايل ) اتفضل #بقلم_ولاءيحيي
كمال بصلها بستغراب : ايه دا
حكمت : الموبايل اللي انت جيبته امبارح
كمال بضيق : ليه يا حكمت… لو زعلتي عشان اتصلت بيكي بأنا اسف… انا بس كنت عاوز اسمع صوتك
حكمت بدموع : مش عشان كده بس (حكمت بصت ليه وعيونها كلها دموع) عشان انت مش ملزوم تدفع العوض عن الخبط ال خبطها ليه…. لان انا الكنت غلطانه مش انت ( وبصت للارض وابتسمت بحزن ) غير ان ولدك دافع تعويض وادي لابويا فلوس…. وانا في المستشفي
كمال بحزن : انتي ليه حسبتيها كده…. انا مجبتوش تعويض انا جيبه هدايا
حكمت تبصله : انت متعرفنيش عشان تجيبلي هدايا غاليه كده…. وحتي لو تعرفني انا مش هاقدر اتقبلها…. لاني مش هأقدر اهديك هدايا زيها
كمال : بس انا يا حكمت مش عاوز هدايا… انا عاوز
حكمت تبصله : عاوز ايه
كمال يسكت شويه ويبصلها : انا مش عارف انتي هتصدقيني وال لا… انا كل اللي كنت عاوزه اني اطمن عليكي اسمع صوتك… اكلمك… حكمت انا الشويه اللي اتكلمتي معايا فيهم واحنا في العربية… وساعة اللي قعدتها معكم في بيتك… كانوا أجمل وقت بقضيه في حياتي من وقت طويل اوي…. حكمت انا هقولك اللي حسه انا معجب بيكي وصدقيني انا مش عاوز غير اني اشوفك واكلمك واطمن عليكي… اديني فرصه يا حكمت
حكمت بدموع : مينفعش…. انا وانت مافيش اي فرصه ممكن تجمعنا
كمال بحزن : ليه انا والله ما بتسلي وال بضحك عليكي انا فعلا معجب بيكي… ومش عاوز اقول حبيتك عشان متقولش بضحك عليكي
حكمت بدموع :بتحبني!…. يادكتور كمال انا فين وانت فين انت الدكتور كمال ابن الدكتور محمود صادق صاحب مستشفي صادق الاستثماري…. وانا حكمت…. حكمت بنت علي الممرض اللي بيشتغل في مستشفي اللي ابوك صاحبه…. على اللي لما ابوك عرف انك خبطت بنته طلع من جيبه شوية فلوس وادهملو ( وتبصله بدموع ) احنا ما فيش اي حاجه تنفع تربطنا ببعض… لا إعجاب.. واللي اي حاجه… احنا الاتنين دنيتنا مختلفة… وبعيده عن بعض
كمال بحزن : انا ميهمنيش كل البتقوليه دا يا حكمت ميهمنيش انتي بنت مين وانا ابن مين… ميهمنيش اني غني… لان الفلوس مش مهمه في حياتي… انا بشتغل ويصرف من مرتبي…. انا اليهمني انك انتي اللي بنت اللي قلبي حبها #بقلم_ولاءيحيي
حكمت :لو انت ميهمكش…. اهلك هيهمهم ومش هيقبالو دا
كمال : وانتي مين قالك انه مش هيقبلو انا أبويه مبيفكروش كدا… مش عشان اتصرف بطريقه دي في المستشفى يبقى بيفكر كده… اعتبريه سؤء تصرف غير مقصود… أبويه طول عمره عايش بره وحياته كلها شغل … مبيعرفش يتعامل مع الناس…
حكمت : انا مش هقدر اعيش علي امل ان اهلك مختلفين وهيوفقه ببنت الممرض عروسه لأبنهم مش هقدر اعيش في حلم ممكن يقلب كابوس
كمال بضيق : قولي انك مش متقبلاني واللي معجبه بيه بلاش تقولي حجج فيا وفي أهلي… حكمت انتي ليه عاوزه تجرحيني
حكمت بدموع :ربنا واحده العارف احساسي ايه… وعارف انا زي ما كلامي بيجرحك فهو قبل ما يجرحك بيدبحني… انا عمري ما قللت من نفسى قدم اي حد… طول عمري فخوره بابويه وشغله وبحياتي وظروفي…. ( وتتنهد بحزن ودموع وتقرب منه وتحط التلفون جمبه ) صدقني كده احسن لينا احنا الاتنين… (وترجع خطوتين وتبصله) انا متشكرة علي كل حاجه عملتها عشاني امبارح يا دكتور كمال عن اذنك
واديته ظهرها وهتمشي
كمال بحزن : حكمت ماتمشيش …(تقف حكمت دقيقة من غير ما تبصله وتكمل مشي) طب خليني اوصلك…
حكمت ببتسامه وسط دموعها : طرقنا مختلف يادكتور
#بقلم_ولاءيحيي
ومشيت حكمت وهي عمله تعيط وكمال بصص عليها بحزن وحاسس ان قلبه بيوجعه…. ورجعت حكمت البيت و ودخلت اوضة مامتها النايمه علي السرير مبتتحركش وراحت طلعه جمبها علي السرير وحطت راسها علي صدرها ودموعها نزله علي خدها
حكمت بدموع : انا تعبانه ياماما…. حسه اني مجروحه…. بس اللي تعبني اني انا اللي جرحتو وجرحت نفسي…. انا شفت الصدق في عينه وهو بيتكلم…. بس خوفت يا ماما وجرحته وهربت…. فكرت اني لما ابعد دلوقتي قبل ما اتعلق بيه اكتر قلبي مش هيوجعني…. بس مكنتش اعرف اني اتعلقت بيه وحبيتو وان قلبي هيوجعني اوي كده(وتضم نفسها لحضن امها بحزن) انا محتاجكي اوي ياماما…. ياريتك تقدري ترفعي ايدك وتضميني محتاجه لحضنك اوي
حكمت فضلت تكلم وهي عمله تعيط
كمال كان حالتو زيها… فضل وقف علي البحر مكان ما كانو واقفين… مروحش عشان عارف انه مش هيلقي حد في بيته يرمي نفسه في حضنه…. فضل باصص للبحر بحزن وتعب
#بقلم_ولاءيحيي
مر شهر عن آخر مقابلة بينهم… حكمت كانت متغيره ودايما حزينه…. وفاطمة ملاحظة دا وشيفها مكسوره… حاولت تخفف عنها… وكمال كان كل يوم يروح العمليات عشان يقابل علي… ويحاول يعرف منه اخبار حكمت…. وعلي كان حاسس بمشاعره لحكمت…. بس كان عارف ان مينفعش حاجه تربط بين بنته وبين كمال… فكان بيهرب من مقابلته أو من الاجابه عن اسالتو
بس كمال كان هيتجنن وويشوف حكمت…. كان بيروح يقف بعربيتها قدام شارعهم… وبيتمني يشوفها
فضل شهور الاجازة بيروح يقف بساعات على أمل يلمحها
#بقلم_ولاءيحيي
وبدأت الدراسة…كمال كان عرف ان حكمت دخلت كلية تربيه زي ما كانت بتمنى…. فارح الكلية وفضل يدور عليها بين الطالبة… لحد لما شافها وقفه بتحاول تنقل الجدوال وعمله تشب عشان تشوف… فرح وقلبه دق ورح وقف وراها
كمال ببتسامه ويقرب ويتكلم بصوة واطي : مش هتعرفي تنقله…. عاوز حد طويل يا قصيره
حكمت بصت وراها بصدمة :كمال!!!
كمال يبص لعيونها وملامحها بشوق: الله هو انا اسمي حلو اوي كده ( فضلو واقفين وبيبصو لبعض وقلوبهم وعينهم هم البيتكلمو… بس لاحظ نظرات الحاوليهم )
كمال بتنهيدت حب :هاتي انقلك الجدول
واخد الكشكول والقلم منها ووقف ينقل الجدوال وهي بص ليها وجوها فرحه كبيره انه واقف قدمها وبعد ما نقل الجوال خرجوا يمشو جوه الجامعة
كمال بابتسامة : عمله ايه
حكمت بكسوف : الحمد الله ( وتبصله ) انت بتعمل ايه هنا
كمال بارتباك : عندي محاضرات
حكمت بابتسامة : محاضرات في كلية تربيه
كمال بضحك : مراكزه اوي انتي… ما تمشيها محاضرات
حكمت بضحك :تؤ ماينفعش… هاااا بتعمل ايه في كلية تربية #بقلم_ولاءيحيي
كمال يتنهد ويبصلها :كان في ناس غالين عليا عرفت انهم دخلو كلية تربية فجيت اشوفهم ( ويبصلها بحب ) اصلهم كانو وحشوني اوي
حكمت اتكسفت وابتسمت وحطت وشها في الأرض… ومشيت وهو مشي جمبها…. وفضل يتكلمو ويضحكو… كلام كله عادي بس كانوا مبسوطين ومش عاوزين اليوم يخلص… بس كمال فضل يروح لحكمت كل يوم الكليه… وهي كانت بتستناه…. ورجعت تاني ضحكتها وفاطمة حست بسعادته.. وكمال كمان السعادة رجعت لحياته… كان بيخلص محاضراته ويجري علي كليته…. كان بيتجنن لو عدي يوم من غير ما يشوفها…. بس محدش فيهم اعترف بمشاعر… مكنوش محتاجين يقوله الكلمه… كل واحد فيهم كان حاسس بمشاعر التاني… و فضلو طول السنه الدراسيه وهم بيتقابلو كل يوم
بس في يوم كان الامتحانات ابتدأت وحكمت وكمال عندهم إمتحان في نفس اليوم والوقت فكمال قالها انه مش هيعرف يروح ليها … بس حكمت كان امتحانها سهل فخلصت بدري وخرجت… ومقدرتش تروح البيت من غير ما تشوف كمال فقررت تروح… ليه هي الكليه وتفأجاة… وفضلت تدور عليه لحد ما لقيتو واقف مع مجموعه من الولاد والبنات وبيتكلمو ويضحكو… فبتقرب منهم بس لقيت بنت من اللي واقفين مسكت دراعه وبتقرب منه تكلمه في ودانه وبتدلع عليه… فوقفت مكانها وعينها بقيت كلها دموع .. وكمال بيبص جمبه فشافها… وهي أول لما لقيته شافها رحت لفه وماشيه بسرعه بس كمال شد ايده من البنت وجرى ورا حكمت
كمال بيجري وراها : حكمت حكمت استني انتي راحه فين
حكمت بضيق: همشي
كمال يقف قدمها : هتمشي ليه انتي مش جايه عشان تشوفيني
حكمت بضيق وعصبيه : لقيتك مشغول ووقف مع البنات تضحك وتهزر وسيبهم يدلعو عليك و يتعلق في كتفك.. قولت معطلكش
كمال بصلها اوي وابتسم بخبث: طيب وايه المشكله دول اصحابي…. ووخدين علي بعض يعني عادي انها تقرب مني وتمسك ايدي وممكن تبوسني كمان… وبعدين انتي مسالتش هي مين… مش ممكن تكون حبيبتي
حكمت بصيتله بغضب شديد بس مقدرتش تكلم ولسه هتمشي من قدمه وهي متعصبه
كمال يقف قدمها وهو بيضحك : استني بس متتعصبيش كده انا بهزر معاكي والله (حكمت تقف وتربع ايدها وتودي وشها الناحية التانيه… بتداري دموعها… فكمال قرب منها بحب وطلع منديل ادهلها ) انا اسف والله … متزعليش هم بنسبه ليا مش اكتر من زميل… لما لقينا انا واصحابي الشباب واقفين جم وقفه معنا… وانا معرفتش اكسفهم عشان اللي مسكت كتفي دي تبقي بنت عمتي وزي اختي بظبط مش اكتر من كده والله (ويبصلها اوي ويبتسم ) وبعدين انا ليه حبيبه واحده بس خطفت قلبي من اول مره شوفتها فيها لما خبطها بعربيتي… بس هي قاسيه بعيدت عني وجننتني شهرين… كنت بلف فيهم حاولين نفسي عشان نفسي اشوفها او اكلمها…. لحد ما بدأت الدراسه… وبقيت اخلص محاضراتي وأخرج أجرى ارح كليته…. عشان اشوفها وكلمها… والنهارده اكتشفت انها بتغير عليا يعني تبقى بتحبني زي ما انا بحبها وبموت فيها (ويبصلها بحب وهي مكسوفه )هاااا عرفتي مين هي حبيبتي
حكمت بكسوف : تؤؤؤ
كمال ببتسامة: تؤؤؤ (فيبتسم ويوطي صوته)طب لو قولتلك اول حرف من اسمها تعرفي
حكمت ببتسامه: ممكن
كمال ببتسامه بصوت واطي: بس اوعي تروحي تقوليلها…. اول حرف من اسمها…. حكمت علي صالح
(حكمت تتضحك اوي بكسوف وهو يضحك علي ضحكها وبعدين يبص لعينها بكل حب) انا بحبك اوووي ياحكمت
حكمت وشها يحمر وتبتسم… وهم واقفين تقرب منهم بنت وتقف جمب كمال وهي عنيها علي حكمت وبتبصلها بستغراب وضيق
ماهي : كمال انت رحت فين… الشباب بيسالو عليك
كمال يبصلها : ويبعد عنها ويقرب يقف جمب حكمت معلش يا ماهي اعتذري ليهم لاني همشي
ماهي تبص لحكمت بضيق وغيره : طيب مش تعرفني بلانسه
كمال ببتسام يبص لحكمت : دي ماهي بنت عمي وزي اختي… (ويبص لماهي) ودي حكمت(ويرجع يبص لحكمت بحب) مراتي
حكمت وماهي برق عنيهم بصدمه
ماهي بصوة عالي وصدمه : مراتك
كمال: يخرب بيت صوتك… مراتي بعتبار ما سيكون يعني هي حبيبتي… والبنت اللي هكمل حياتي معها
ماهي تبصلها بغيظ بتحاول تداريه : اااه اهلا ايه المفأجاة دي ( وتبص لكمال بضيق وغيره ) مكنتش اعرف انك بتحب
كمال يقرب من حكمت ال وقفه مكسوفه ويمسك ايدها لاول مره وهي… تتصدم وتبص علي كف ايدها ال حاضن كف ايده بتملك و يبصلها بحب
كمال: قريب الدنيا كلها هتعرف انها مراتي وحبيبتي ( ويبص لماهي.. ويشد حكمت ويمشي ) عن ازنك ياماهي واعتذري للشباب
ياخد حكمت ويمشي بسرعه وفرحه وماهي تفضل وقفه تبص عليهم بغضب وضيق شديد
ماهي بغضب : بقي بتحب ياسي كمال وبتعرفني بيها بكل بجاحه… وبتقولي مراتك… بس انا هعرف ازي ابعدك عن الجربوعه دي….انت بتاعي ملكي… ليا انا وبس
حكمت مشية معه فرحانه : انت بتجري ليه كده… احنا ريحين فين
كمال بفرحه : رايح بيتكم….عند عم علي
حكمت بصدمه واستغراب تقف : رايح لبابا ليهكمال يقف قدمها ويبتسم بحب: هقوله احجزلي بنتك يا عم علي عشان بحبها وهتجوزها اول ما اخلص امتحانات اصل انا مقدرش اعيش من غيرها
حكمت تكسف اوي وتبص للأرض :كمال بلاش تقول الكلام دا بكسف ومبعرفش اتكلم #بقلم_ولاءيحيي
كمال يبصلها بحب : كده يبقي مش هتكلمي خالص ياحياتي لاني مش هبطل قولك علي مشاعري واحساسي بيكي… ويلا بقى عشان نلحق عم علي
حكمت :استنى بس يا كمال… مينفعش تروح تقول لبابا قبل تقول لاهلك وتعرف رائيهم ايه
كمال يقف قدمها بابتسامة : نفسي تغيري الفكرة اللي في رأسك عن اهلي دي… أبويه راجل متفتح مش عقد ومبيدخلش في قرارتي وعمره ما هيعترض على جوازي من البنت اللي اخترتها
حكمت بابتسامة :مدام مطمن كده يبقي تكلموا الأول… وبعدها تكلم أبويه
كمال يتنهد :حاضر يا حكمت… تعالي نروح نقوله دلوقتي
(ويشد ايدها تاني)
حكمت بضحك : يالهوي نروح فين… يا كمال أعقل الأمور مش تتاخد كده
كمال يتنهد : يالهووووي انا… يا بنتي رايحين وامشي معايا..
حكمت :مينفعش اولا احنا في فترة امتحانات… نصبر على الأقل لما نخلص… ساعتها انت هتكون خلصت الكليه وفاضل الامتياز… وتكلم ابوك ساعتها بقلب جامد.
كمال بابتسامة :هو انتي يا حبيبتي على طول بتحسبيه صح كده… فعلا عندك حق الأفضل نستني لما اسبوعين الامتحانات يخلصو وتكون كمان ناديه اختي رجعت من السافر
حكمت : هي اختك مسافره فين… تعرف انا معرفش حاجة عن حياتك
كمال يمسك ايدها :تعالى نعقد في مكان واحكيلك كل حاجه
حكمت بابتسامة تبص لايدهم:طب سيب ايدي يا دكتور.. انت استحلتها واللي ايه كل شويه تمسكها …. (وتسحب ايدها وتقف قدمه بابتسامة) ممنوع اللي لمس أو الإقتراب اللي بعد إغلاق المأذون الدفتر اللي هيكتب فيه اسامينا
كمال يتنهد بحب ويبتسم :برده عندك حق… بس اعمل ايه قلبي اللي بيحركني… بس هانت يا حبيبتي كلها اسبوعين واخلص امتحان.. واجي اخطبك… لااااا اخطبك ايه انا مش هخطبك… انا هيتجوز على طول مينفعش اضيع لحظه وانتي مش جمبي وفي حضني
حكمت بكسوف وتغطي وشها بايدها :يووووه يا كمال.. بجد مش تقول كده تاني
كمال بضحك : في دي بقي مقدرش أوعدك… اصلك حلوه اوي وانتي مكسوفه كدا
حكمت بابتسامة :طب يلا يا دكتور عشان قدمك ساعه واحده ولازم اروح
كمال :يلا يا قلب الدكتور
حكمت تضحك بكسوف وتمشي وهو يمشي جمبها
#بقلم_ولاءيحيي
وفي فيلا
دخلت ماهي وهي متعصبه.. ورحت قعدت بغضب جمب مامتها (سلوي سيده مغروره… عايش في زمان جدها الباشا.. وان المجتمع فيه اسياد وفيه عبيد)
سلوي :مالك يا ماهي.. رجعه بدري ليه مش قولتي هتغدي مع اصحابك
ماهي بغضب : سي كمال ابن اخوكي سد نفسي
سلوي وهي بتقلب في مجلة :ليه عمل ايه.. اعتراض على اللي لبسك برده
ماهي بغضب :لا البيه مبقاش شايفني اصلا… وطلع اللي شغله الفتره الفاتت.. حتت بت جربوعه مشغلهش خدمة عندي… لا وايه الأستاذ بيقدمها ليا وبيقولي مراتي
سلوي تبصلها بصدمه :مراته!
ماهي بتريقه :اه بيقولي باعتبار ما سيكون…(وتكمل بغضب) لا وايه بيقدمني ليها ويقولها زي اختي
سلوي تضحك اوي : ودا اللي مزعلك… دا بيشتغلك عاوزك تغيري.. عشان تسمعي كلامه ويتحكم فيكي… سيبك منه هيتسلي يومين ويرجعلك
ماهي بنرفزه :لا يا ماما كمال مكنش بيقول كده عشان اغير… هو اصلا مبيفكر