رواية اليتيمتان بقلم ولاء يحيى

?? (اليتمتان)?? #بقلم_ولاءيحيي
البارت الخامس عشرأليف قعد يعدل في المكتب… وبعد ما خلص قعد على الكنبة بتعب
أليف : يخربيت اللي بهزر معاكي يا شيخه… هديتي حيلي… البت قلبت المكتب في ثواني وانا بقالي ساعتين بعدله تاني… (وقعد يتنهد بتعب… بس قام اتعدل باستغراب)… هي راحت فين بقالها ساعتين مظهرتش
#بقلم_ولاءيحيي
وقام وخرج من المكتب يدور عليها… وفضل يلف عليها في القسم كله… وبعدين رح للسنتر كول عشان ينادوا عليها… وكانت نانسي وقفه
أليف : اعمل نداء للدكتورة أميرة
دكتورة نانسي بابتسامة :بس أميرة مش هنا… روحت يا دكتور
أليف باستغراب :روحت ازي يعني
نانسي بدلع :استأذنت ورحت… شوفتها خرجه مع الدكتورة نهى من المستشفى … بعد ما كانت خرجه من مكتبك بتعيط… لو حضرتك عاوز مساعد انا ممكن اساعدك
أليف بغيظ وغضب: تساعدين انا ليه… فين الدكتور اللي المفروض بتدربي معه
نانسي : انا بدرب مع الدكتور عماد…وهو مش موجود مشي
أليف بغضب : هو عماد كمان مشي… ايه يا ربي المستشفى… اللي ما لهاش صاحب وكل واحد يمشي بمزاجه… هو مش فيه ساعات عمل… ووقت انصراف… ازي يمشوا دلوقتي
نانسي بخوف : مش عارفه يا دكتور (أليف ينفخ بضيق… ويمشي خطوتين) على فين يا دكتور
أليف بص ليها بغضب: مروح…(ولف ومشى) مستشفى سايبه ما فيش نظام كل اللي عاوز يمشي يمشيوعند ندا في الكلية… كانت قعده في ركن بعيد في حديقة الكلية عشان تهرب مع عمران… اللي بيلف عليها الكلية وهيتجنن… عاوز يشوفها.. لحد ما لقها
ندا بارتباك :دكتور عمران
عمران بنظرة عتاب : بتهربي مني ليه يا ندا
ندا تقوم تقف بارتباك وتديه ظهرها :ههرب من حضرتك ليه يا دكتور… انا مابهربش واللي حاجهعمران مسكها ولفها ليه وبص لعينها: بتهربي يا ندا… بتهربي مني بعنيكي… بتهربي كل ما حاول أقرب منك… بتهربي وتعذبيني وتعذيبي نفسك …. ليه عاوزه تعذبينا يا حبيبتي
ندا بدموع :حبيبتك!!
عمران بابتسامة : حبيبتي وعمري ودنيتي كلها…..متقوليش انك مش حسه بيا… انت حسه بيا من اول يوم شفتك فيه
ندا تبعد عنه :ما فيش حد بيحب واحده من اول يوم… ما فيش واحد بيحب واحده وهو ميعرفش حاجة عنها
عمران بابتسامة يقف قدمها :لا فيه وكتير… وحتى لو ما فيش… فانا قدمك اهو … بحبك من اول يوم شفتك…
ندا تبعد بدموع :عن ازنك انا عندي محاضرة
عمران بضيق يقف قدمها : استنى هنا… فاهمين بتهربي ليه.. ندا انتي. في حد تاني في حياتك…
ندا سكتت مرديتش وهو فضل واقف مستني ردها..
عمران بضيق : الظاهر اني بفرض نفسي عليكي… انا اسف
ويمشي بسرعه وهو مضايق وهي تعقد مكانها تعيط… فضلت نص ساعة قعده.. وفي الاخر قامت وقفت ومسحت دموعها ومشيت بسرعه
عمران لما مش رح مكتبه… قعد وهو مضيق ومخنوق… مره واحده لقى الباب يتفتح وندا دخله…فبص ليها باستغراب
#بقلم_ولاءيحيي
ندا بضيق :انا ما فيش حد في حياتي… واللي عمره كان فيه لحد لما انت جيت… وزي ما انا حسيت بمشاعرك انت كمان حسيت بمشاعري…
عمران يقف بغضب : امال بتبعيد ليه… بترفضي اني أقرب منك ليه يا ندا ليه
ندا بضيق وعصبيه فكت الطرح و وظهرت رقبتها
ندا بدموع وغضب :عشان دا (عمران وقف مصدوم.. وهي بقيت تكلم بدموع) عشان جسمي مشوه… عرفت ليه… هو دا السبب… أظن كده الموضوع انتهى…
ولفت وخرجه بسرعه وبتفتح الباب بس ايد عمران كانت أسرع وقفل الباب.. وشدها لحضنه… وهي انصدمت لما لقيته يحضنها… لكن حست احساس غريب حسة بأمان… وأنها عاوزه تعيط وترمي كل حزنها عليه… فضلت تعيط وهو حضنها… لحد ما هاديت … فمسك وشها بأيدها ورفعوه عشان تبص ليه
عمران بابتسامة : هديتي حبيبي(ندا كانت بتبص جوه عنيه.. مستنيه تشوف النظرة اللي متعودة عليها من الناس.. لكن ملقتهاش في عين عمران … لقيت نفس نظرت حكمت وأميرة وفاطمة… بس لقيت معها حاجه اكبر لقيت نظرت عشق.. نظرت حماية..)
عمران بابتسامه ويمسح دموعها : هو دا السبب اللي بتبعيد عني عشانه… حد قالك قبل كده انك غبيه يا حبيبتي
ندا بضحك : ايوه أميرة
عمران بضحك : يعني أميرة قالت انك غبيه
ندا بضحك :لا.. قالت يا حبيبتي
عمران يضحك اوي ويضمها تاني… وهي تنهدت براحه… بس فاقت وأخذت بالها انها في حضنه.. فكسفت وبعدت بسرعه
عمران باستغراب : بتبعيد ليه
ندا بكسوف : هو ايه اللي ليه دا… انت اصلا ازي تحضني.. عيب
عمران ضحك اوي : بقالك ربع ساعة بتعيطي في حضني وجي دلوقتي تفتكري انه عيب… دا انتي ما صدقتي اصلا
ندا تجز على سنانها.. وتخبطه في كتفه بهزر …
عمران يمثل :ااااه…قلبي
ندا بقلق : مالك..
عمران :بيوجعني الحقيني بسرعه عاوزه … حضن بسرعه حضن بسرعه… ولو بوسه هخف على طول
ندا تشهق بكسوف… وهو يضحك فتفضل تضرب فيه بغيظ.. لحد ما قعد على كرسي
ندا بابتسامة وغيظ : انا هروح محاضرتي… اللي حضن وبوسه اللي
وتمشي
عمران بضحك يبص عليها: قريب يا حبيبتي… اعمل كل اللي انا عاوزه.. خلصي انتي امتحانات الترم وأتجوزك.. وبوس واحض براحتي
ندا تشهق و تبرق وتمسك قلم تحدف عليه وهو صوة ضحكتها يعلى اكتر… ولسه ندا هتفتح الباب وخرجه
عمران بغضب :استنى هنا
ندا بصت ليه لقيته مقرب عليها بغيظ استغربت تغيره
عمران بغيظ : هنبدا استعباط بقى…بصي يا ندا انا بقولك اهو من اولها … انا بغير جدا
ندا باستغراب :تغير من ايه
عمران بغيظ وهو بيرفع الطرحة على رأسها ويغطي شعرها
عمران بغيظ :من أي حد يشوف شعرك يا هانم… انتي هتستعبطي
ندا بضحك :ياخبر دا انا نسيت خالص (ومسكت الطرح لفتها)
عمران بغيظ : نسيتي :عالله تتنسي تاني
ندا بابتسامة وفرحه :حاضر
عمران بحب وابتسامة : بحبك يا ندا
ندا وشها احمر وفتحت الباب وخرجت بسرعه وهو فضل يبتسم بفرحه
ندا روحت البيت وهي فرحانه جدا… لقيت الكل موجود.. ولقيت الدكتورة نهى كمان موجودة ومستنيه
وعرفت بفرح نهى… بركت ليها… وأخذت مقاساتها.. واول مره ندا تقلع الطرحة قدم حد… كان حب عمران ونظرت عينها ادوها ثقه كبيره جدا.. الكل بقى مستغرب… بس لقها هي فرحانه . وسعيدة. والكل فرح لفرحها وسعادتها… وحكمت حست أن ندا بتحب… فرحت ليها
#بقلم_ولاءيحيي
تاني يوم في المستشفى.. أليف في مكتبه رايح جي… هايتجنن أن أميرة مشيت إمبارح…وحاسس انها واحشه… ومش قادر يصبر على غيابها … وهو وقف الباب خبط.. فجري قعد على مكتبه.. وعمل نفسه مشغول
أليف يرسم الجدية :ادخل
الباب اتفتح… واليف مستنيه تقرب وتكلم.. عشان يبصلها
إياد :صباح الخير يا دكتور
أليف أستغرب الصوة … رفع رأسه وبص لقى إياد اللي قدامه
أليف بضيق: صباح النور…
إياد :تحت امرك يا دكتور… تعليمات حضرتك ايه
أليف باستغراب :تعليمات ايه… انتي مين يأبني
إياد :انا إياد يا دكتور مساعد حضرتك
أليف يبرق عنيه ويقوم يقف :إياد مين… ومساعد مين… فين اميرة
إياد :أميرة اتنقل تدريبها.. مع الدكتور عوني.. وووو
ولسه هيكمل لقى إليف مشي بسرعه وخرج من المكتب وسابه
أليف بغضب يوصل لعيادة عوني… ملقاش حد.. فوقف واحده من التمريض
أليف بغضب؛ :دكتور عوني فين
النيرس :في قسم الحروق
أليف مشي بغضب شديد… لدرجة انه خبط في عماد من غير ما يأخذ باله
عماد باستغراب :أليف… مالك متعصب وواخد في وشك كده في ايه
أليف بغضب وزعيق :في استعباط… يعني ايه يأخذ المساعدة بتاعتي من غير اذن… ومين سمح ليه اصلا… أميرة بتعتي انا
عماد باستغراب :بتعتك!!!
أليف بارتباك : قصدي المساعدة بتاعتي… (ويرجع يكلم بغضب) ازي يسمح لنفسه انه يغير فريق التدريب من غير ما يقول
عماد :طب اهدي اهدي… انا اللي غيرته مش عوني
أليف بزعيق :غيرته ليه (وخد باله انه بيزعق لعماد اتنهد ) انا اسف يا دكتور عماد… بس ممكن اعرف حضرتك ليه غيرتها
عماد : هي اللي طلبت نقلها… البنت جت معيطه من اللي عملته فيها
أليف بغضب: يا سلام… واللي هي عملته فيا.. دي ضحكة عليا المستشفى كله… انا كنت برد ليها عملته بس
عماد بضحك :احنا في حضانة واللي مستشفى.. (ويتكلم بجديه يحاول يرسمها) أليف على شغلك… والمدربين مسؤوليتي انا… وانا اللي بقول كل واحد منهم يدرب فين
أليف بضيق أطفال : بس يا دكتور… انا مرتاح مع أميرة… ومش عاوز مساعد غيرها… رجعها وانا أوعدك هنلعب من غير صوة… قصدي نشتغل
عماد يضحك اوي :مجانين والله مجانين
(ويمشي خطوتين وبعدين يبصلها )… هرجعها بس بعد فرحي… الفترة دي ملكش دعوى بيها… هي اللي بتنظيم الفرح…اوعي تضايفها احسن دي مجنونه وممكن تبوظ الفرح..
أليف بابتسامة :يعني هترجعها (و يأخذ باله من الكلام)
بتقول فرح مين #بقلم_ولاءيحيي
كمال بابتسامة :فرحي انا والدكتورة نهى كمان اسبوعين واميره اللي بتنظيم القاعة
أليف بابتسامه يقرب ويبوسه :الف مبروك يا دك.. ايه المفاجأة دي… هتجوز كمان اسبوعين وانا اخر من يعلم… ينفع أميرة تعرف قبلي
كمال بضحك : أميرة هي السبب في الفرح .. قعدت معنا خمس دقايق امبارح.. حددت الميعاد والمكان.. والفستان كمان… (ورح غمز ليه) يابخت اللي يتجوزها

ويمشي ويسبب أليف.. واقف بيبتسم ويتنهد بحب ورح على مكتبه… ورفض أن إياد يساعده وبعته لدكتور تاني .. وحاول أليف يشغل نفسه. وفي الاخر مقدرش.. ورح خارج من مكتبه وطالع على قسم الحروق… أول ما وصل لقى اميره واقف بتكلم واحده من التمريض وشكلها متعصب فمسك ملف من مكتب جمبه وقرب منهم وهو عمل نفسه بقرا
أميرة بغضب: لو مش قادره تشتغل هنا… يبقى تطلبي ناقلك لأي قسم تاني…
النيرس : انا عملت ايه بس يا دكتورة
أميرة بغضب : نظرت عينيكي اللي بتبص بيها لأطفال واهليهم…. كلها قرف واشمئزاز…متخيله احساس الطفل أو الأم وانتي بتص عليهم كده
النيرس : غصب عني يا دكتورة… شكلهم صعب
أميرة بغضب :يبقى دا مش مكانك… اتفضلي بره القسم.. ما شفكيش هنا تاني
النيرس تخرج وأميرة تدخل اوضة… أليف ابتسم.. ورح ورها يشوف راحت فين… لقها قعده في اوضة الألعاب.. وأطفال كتير من المحجوزين في قسم الحروق … قاعدين يلعبوا معها وهي عمله تضحك وتحض وتبوس فيهم بكل حب. .. أليف ابتسم ومقدرش يمنع نفسه… ودخل الاوضه… وقعد معهم… هي شافته… قلبها دق.. وانبسطت بس دارت فرحتها..

أليف بابتسامه : ازيك يا دكتوره ( أميرة مرديتش عليه..) أن اسف على اللي حصل مني امبارح
أميرة بصت ليه اوي باستغراب… ورحت لفه وشها من غير ما ترد عليه.. وتفضل تلعب مع ولد صغير عمره 3 سنين ..كان عمل يجري بعيد ويرجع جرى ويروح لحضنها ويبوسها ويرجع يجري تاني… ويرجع لحضنها ويبوسه… الطفل كان عمل يلعب ويضحك وهي كمان بتضحك
أليف يغير اوي ان الولد يحضنها ويبوسها… الولد جي بيجري على أميرة رحى أليف مسكه وقاعده على رجله.. فأميرة بصتله
أليف بغيظ : ايه يا عم انت… ما فيش أدب كده خالص… نزل بوس فيها وانا قاعد.. مش تحترم وجودي(أليف بيتكلم وهو عمل يزغزغ الولاد و الولاد عمل يضحك… وأميرة كتمه ابتسامتها وعمله نفسها مشغولة مع طفل تاني ) … تعال اقعد كده يااخي اقعد.. قولي انت اسمك ايه
الولد : ثمير
أليف باستغراب :ثمير… ااااه سمير… ماش يا سمير… ممكن يا سمير تقول ليها تصالحني (سمير حرك راسه بلا) ليه كده يا سمير… مش احنا أصحاب…
سمير يضحك اوي.. و يروح ضرب أليف بالقلم… ف أميرة ضحكت جامد اوي
أليف بغيظ :يااااا أبن …، ليه كده يا ثمير.. (ويبص لأميرة بغيظ) عجبك اوي وبتضحك
أميرة بصتله مرديتش عليه.. وقامت تمشي.. رح حط سمير على الأرض.. وقام يجري وراها.. ورح وقف قدمها قبل ما تخرج
أليف بابتسامه : انا اسف.. والله ما كان قصدي ازعلك.. دا انا بنغشك يا ميرا
أميرة بصدمه واستغراب :ميرا
أليف يتنهد :يااااا اخير… سمعت صوتك… صوتك كان وحشني اوي… كلك وحشني
أميرة بصدمة:هااااااا
أليف يبتسم :ويقرب من ودانها… بقولك وحشتيني (ورح بيسها في خدها) وهي مصدومة وفتحه بؤها.. ومش مستوعبه اللي حصل… ومره واحده فاقت ورحت شهقة و رحت رفعت أيدها و ضربه بالقلم…
أليف :ااااه (أميرة ضربته وخرجت تجرى) أليف يابنت المجنونة… والله ما سيبك… خرج يجري وراها.. كنت اميره رحت الاسانسير.. ودخلت… وقبل ما الباب يقفل أليف حط ايده.. ورح داخل.. حاولت تخرج بس بقى يقف قدمها وهو مبتسم ويمنعها تخرج… لحد ما الباب قفل .. ورح أليف موقفه الاسانسير
أليف يقرب بابتسامة :والله ووقعتي تحت ايدي…
ندا بخوف : انت عاوز ايه ابعد عني…
أليف قرب.. وندا رفعت أيدها تضربه… رح مسكها رفعت.. أيدها التانيه.. رح مسكهم الاتنين.. ومرجعها لورا سندها على الحيطة … ورفع أيدها لفوق رأسها ومقرب منها وعينه في عينها… وهي سرحت وتاهت.. وهو ابتسم
اليف وهو سرحان في عينها : ايدك دي ما تترفعش قدمي تاني.. فهمه
أميرة بسرحان: فهمه
أليف : إياك لسانك يطول عليا تاني.. مفهوم
أميرة :مفهوم
أليف بابتسامة : ترجعي تدريب معايا.. ممنوع.. تكوني مع حد غيري… سامعه
أميرة بصوت تايه :سامعه
أليف ابتسم بخبث : قولي بحبك
أميرة بابتسامه :بحبك
أليف بفرحه وحب : وانا كمان بموت فيكي حبيبتي
وساب أيدها.. بس لسه ايده على الحيطة وهي في النص وسرح وقرب منها ولسه هيبوسها.. رحت موطيه.. هو خبط في الحيطة .. وهي ضغط على الاسانسير اتفتح.. وخرجت تجري
#بقلم_ولاءيحيي
أليف :ااااه.. يا مجنونة … (ويخرج يجري ورها بس هي كانت اختفت.. وهو فضل يتلفت حاوليه ورح مبتسم) مجنونه…(حط ايده على راسه اللي تخبطت) ااااه يا راسي.. البت دي على ما اتجوز ها… هكون محتاج قطع غيار

ومشى أليف.. وفضل طول اليوم يدور عليها في المستشفى بس هي روحت… كانت مبسوطة جدا… وتاني يوم مرحتش المستشفى… وفضلت تفكر تعمل ايه.. .. واليف لما ماجتش تاني يوم كان مخنوق .. وبقي متعصب على الكل..
.
وتلات يوم أميرة رحت المستشفى .. واليف كان قاعد في مكتبه… لقى الباب بيخبط…
أليف :ادخل
أميرة دخلت بابتسامه ومعها القهوة.. أليف اول ما شافها قام وقف قدمها بفرحه
أليف بلهفه : أميرة
أميرة بابتسامة : صباح الخير يا دكتور
أليف بابتسامه وحب :صباح النور يا قلب الدكتور
أميرة بكسوف : اتفضل القهوة
أليف مد ايده بابتسامة.. ولسه هياخد القهوة بس افتكر المقلب.. فبصلها اوي… رحت مبتسمه.. ورفعه القهوة وشربت منها… فابتسم بحب… واخد منها القهوة. وهو بصص لعيونها ولف الكوبايه في ايده… عشان يشرب من نفس المكان اللي شربت منه ?? أميرة انكسفت اوي.. وخرجت بسرعه.. بس هو خرج وراها.. ومشى جمبها وهو يبصلها.. وهي بتبص ليها… وابتسامتهم على وشهم… ومش حاسين بلا حاوليهم… وفضله يتكلموا ويضحكوا.. ونسيت الدنيا… وهم ماشين عدي من جمب عماد .. من غير ما يأخذوا بالهم.. فضل بصص عليهم… وابتسم وخرج تلفونه.. واتصل بحبيبته

الأربع شباب فضله في سعادة وفرحه… والدنيا مش سيعاهم … وحكمت وفاطمة كانوا حسين بيهم… وحكمت فرحانه لفرحتهم وبتدعي رينا يسعدهم وما يفرقهم..
قرب الفرح والكل بقى بيجهز.
أميرة واليف هم الاتنين كانوا بيجهز قاعه الاجتماعات.. وخلها احسن من أي قاعه أفراح ..ندا وعمران.. كانوا كل يوم يتقابلوا.. وتحكي ليه على المشغل.. ومشرعها… ويشوف تصممها.. و كان يشجعها…
وجي اليوم الموعود
يوم الفرح… الكل كان مبسوط وفرحان… نهى كانت مع البنات وحكمت في اوضه.من الاوضه بتجهز … وعماد كان وقف في القاعة مع أليف وعمران….. وشويه ودخلت اميره بفستان موف رائع.. أليف اول ما شافها.. عينه طلعت قلوب.. وعماد فضل يضحك.. وعمران بقى مستغرب..
ندا بابتسامة : الكل في مكانه..(وتبص لأليف بحب) شغل الموسيقى يا دكتور أليف
أليف غمزلها.. والكل خد باله وهي انكسفت وخرجت بسرعه… #بقلم_ولاءيحيي
عمران قرب من عماد: هو اليف ماله

عماد مكنش سامع.. عينه متعلقة بالباب.. مستني يفتح… قلبه عمل يدق جامد… عمران ابتسم.. واتمنى لو ندا معه ويشوفها… وهنا اتفتح الباب.. ودخلت نهى… وعينها متعلقة بعين عماد… عينهم اتملت دموع.. دموع فرح وحب… عمران بيرفع عينه… اتفاجأ ب ندا.. جمب العروسة… هي قالت ليه راحه فرح بس مقالتش فين.. وندا اول ما شافته قلبها دق.. هي كمان كانت بتتمني تشوفه… عماد قرب اخد نهى… ومسك وشها بأيده الاتنين.. وباسها من جبينه بحب… عمران قرب من ندا اللي كانت جمب حكمت .. ورح مسك أيدها من غير ما حد يأخذ باله…فارتعشت .. حكمت بصت ليها باستغراب.. وبصت لأيدها لقيتها في ايد عمران… وشافت عمران بيتكلم بصوة واطي.. بس حكمت قدرت تقرى شفافية
عمران بفرحه : وحشتيني.. احلى مفاجأة اني اشوفك… عقبلنا حبيبتي
ندا انكسفت ووشها احمر وسحبت أيدها.. حكمت ابتسمت.. وبصت لعمران اوي.. شافت الحب في عينه.. تنهدت براحه وابتسمت.. بتبص على ندا.. لقيتها.. وقفه قدم أليف.. ويتكلموا ويبتسموا…وسرحانين في عيون بعض. واليف.. رفع ايده بيبعد شعرها عن عينها.. وعينه كلها حب وفرحه.. حكمت عينها.. دمعت.. فرح للبنتين .. وشوق لحبيب غائب

أميرة اخدت بالها أن حكمت شافتها… فقربت منها ووقفت قدمها هي وندا…. عمران اول ما شاف أليف بيقرب من ندا رح وقف جمبه
ندا بابتسامه :أليف دي تبقي
أليف بابتسامه يسلم عليها :ماما حكمت… مع ان ماما دي تكبر حضرتك اوي.. انا مبسوط اني شوفتك. واحب استأذنك اني اجي ازوركم قريب .. اتعرف على حضرتك وعلى تيته فاطمه.. (ويبص لندا وبيمد ايده عشان يسلم ) واكيد انتي

عمران بسرعه مسك ايد أليف :ندا… اخت أميرة… (ويبص لحكمت) انا عمران و جاي مع أليف… في نفس الزيارة..
حكمت ضحكت اوي بصت للولادين : اهلا بيكم
أميرة وندا يبصوا لبعض باستغراب… هم الاتنين ماعرفوش أن أليف وعمران يعرفوا بعض .. الأسبوعين اللي فاتو عاشوا السعادة والحب وبس .. خافوا يسأل أن أي تفصيل ممكن تقف في طريق حبهم.. كل واحده فيهم.. عاشت الحب مع حبيبها.. ونسيو يسأل بعض عن أي تفصيل لحياتهم .. واليف وعمران.. شافوا أن ما فيش حاجه مهمه غير انهم سوأ… ما فيش حاجه مسموح ليها تكون سبب انها تفرقهم.. أو تزعلهم… ما كنش حد فيهم شايف ان فيه شي مهم لازم يعرفوه عن بعض غير حبهم .. الحب اللي بينهم. كان اهم من اي شيء.. تأتي

عماد ونهى يقربوا منهم
عماد بابتسامه : مدام حكمت انا مش عارف اشكرك ازي انتي واللي بنات على تعبكم معنا
حكمت تقرب من نهى وتحضنها : تشكرني على ايه بس.. نهى اختي.. وفرحه فرحان
نهى بابتسامة : انا لو ليا اخت مكنتش هتعمل اكتر من اللي عملتيه معايا
حكمت بابتسامه :ربنا يسعدكم يارب
أميرة تبص لأليف باستغراب : انتم تعرفوا بعض
عماد بابتسامه :يعرفوا بعض بس … دول اخوات (ولسه هيكمل كلامه)
أليف بصدمه :اللي بوووب
وجرى أليف وعمران لحضن الضيف اللي وصل.. وعماد رح معهم.. وقفه يسلموا عليه.. ومحدش شايف هو مين
#بقلم_ولاءيحيي
أميرة وندا يبص لبعض باستغراب
الاتنين : بابا
أميرة باستغراب :ايوه.. بس أليف مقالش أن باباه جي..
نهى بابتسامه :اكيد جي يشوف العروسة… والله وكبرتي نفسك يا حكمت.. كان لازم تحلفي البنات انهم يعرفوا الناس بيك على انك ماما
حكمت بابتسامة : من خوفي عليهم… خفت الناس تفتكر أن ملهمش حد.. وفريسه سهله… ويجو عليهم ويضيقهم.. كان لازم الكل يعرف ان وراهم ام..مش هتسمح لحد يجي عليهم.. واللي يجرحهم..
أميرة وندا يقربه من حكمت يحضنها
البنتين :ربنا يخليكي لينا يا ماما

حكمت والبنات كان ظهورهم لشباب .. ولحد لما سامعو صوت عماد ورهم
عماد : حبيبتي تعالى اعرفك… (يلف الكل.. وتلف حكمت وتلقى.. كمال.. تقف مصدومة.. وهو صدمته مش اقل من صدمتها) كمال صديقي…و ويبقى
وفي نفس الوقت.. تكلموا الاتنين
كمال بصدمه :حكمت… حكمت بصدمه :كمال
الكل وقف مستغرب… نظرتهم.. أميرة وندا بصو لبعض بصدمه
البنتين : دكتور كمال
عمران وقف جمب كمال واليف وقف على الجمب التاني..
عمران باستغراب : انتم تعرفوا الدك الكبير بتعانا

حكمت عينها اتملت دموع… الشريط كله مر قدم عينها.. وآخر حاجه كانت صورة كمال وهو مبتسم… وماسك ايد عروسه.. بالفستان الأبيض.. وطرحه على وشها.. وافتكرته.. لما قرب. من العروسة .. ويرفع الطرحة عشان يبوسها.. غمضت عينها.. وبعد عن الفيلا قبل ما تشوفه مع غيرها .. وفاطمة خدتها ومشيت….

حكمت افتكرت وعينه اتملت دموع مقدرتش تمنعها.. كمال اول ما شاف دموعها يقرب منها بحزن
كمال بحزن .:حكمت

حكمت بصت ليه.. وهو بيقرب.. ورحت رجعه لورا.. وجريت.. بدموعها… والبنين ونهى جرى وراها
البنات بخوف :ماما
كمال لسه هيجري.. عماد مسكه
عماد :مش دلوقتي يا كمال… سيبها تستوعب الصدمة.. وانك رجعت.. ووقف قدمها
كمال بصله : دي حكمت يا عماد… هي اللي كانت قدمي.. انا ما بحلمش صح
عماد بابتسامه حزن : هي يا كمال
كمال بصدمه :كنت عارف مكانها
عماد بسرعة : لا يا صاحبي.. معرفتهاش… انا شبهت عليها من الصورة اللي في جيبك دايما… بس معرفتهاش.. الصورة قديمة ومش واضحة.. لو عرفتها. كنت بعتلك..
عمران واليف يبص لبعض بصدمه :حكمت
#بقلم_ولاءيحيي