رواية احببت متزوج(حقيقية)

#احبـبت_مـتـزوج❤”حـقـيقيـة”
بـقلمـي✍أيــات صـالح”
الـبـارت..(8)
___________
غفران:ماقال شي عطي شروطه وني عطيت شروطي وهدرزنا شوي بس
انا:اهاا
غفران:تعالي نخشو المحاضرة
خشيت المحاضرة وني عقلي مع غفران وحتى في محاضرة فوزي لاحظ عليا انني سرحانة
غفران مش مجرد صديقة هيا اختي اللي ما نرضى فيها شي ومن يومي خايفة عليها لانني عارفتها نية ع الاخر
كملنا المحاضرة وغفران روحت ع طول بـ دون حتى ماتقولي!!اول مرة ديرها واستغربت منها”
لميت شيتاتي وكنت بنطلع شدني فوزي من يدي
فوزي:خيرها غرامي اليوم سرحانة❤
ابتسمت:مافي شي ممكن متوترة من جية اهلك اليوم يعني مخلطة توتر وخوف
فوزي:عادي حبيبي طبيعي الشي هذا
لقي خصلة من شعري طالعة برا الوشاح دخلهاالي
فوزي:معاش نبي نشوف شعر طالع
انا:بالغلط والله
فوزي:نعرف عيوني هيا بري انتي كلمي خوك وروحي تعطليش
انا:حاضر
اتصلت بـ محمد جي رفعني ووصلنا للحوش
.
“هلبا يقولو ليـش محمد?لان هو محاضراته اغلب الاوقات يتمو بكري فـ يروح ويروح بيا معاه”
.
وصلت للحوش خديت شاور سخون?طلعت وني لابسة الديشمبر فتحت فوني رنيت ع فوزي سكر ورن عليا هو
فوزي:حبيبي
انا:بيبي وصلت
فوزي:اي يا روحي
انا:اممبه
فوزي:اي اي يا جمعة بـ نجي بعدين ناخد البضاعة
عرفت ان زوجته جت جنبه فـ حبيت نلعب بـ اعصابه شوي?
انا:تعرف يا روحي كيف طلعت من الدوش وقاعدة توا ندهن في جسمي باللوشن
فوزي:بجد يا جمعة اي خلاص
انا:تؤتؤ شن خلاص هذي اصبر بـ نكمل
فوزي:هههه يا حيوان تعرف كان ما تسكت توا نطلعلك من الفون
انا:اطلع يا روحي نستنى فيك موااحح
ماكانش يقدر يسكر عليا لان خايف نزعل?
انا:خلاص باي توا?
سكرت عليه وحسيت بيه بـ ينفجر?”
دهنت جسمي باللوشن وطلعت لقيت ماما تجهز في الاكل وقاتلي بري البسي
دخلت وقعدت واقفة ع الدولاب ساعة عرفتش نختار!!!
كلمت غفران
انا:غفرونتي
غفران:نعم
انا:وراسك تعالي اليوم بـ يجو ناس يخطبوني نبيك تقعدي معاي
غفران:امممبه شوية ونجيك
سكرت من عليها وقعدت حايرة شن نلبس?بعدين اخترت قفطان طوييل وكم زهري كله دانتيل يهبل وشعري درته كعكة محوسة فوق وميكاب خفيف ونزلت لقيت ماما جهزت الماكلة سمعت الباب طق لقيتها غفران وجهها كان شاحب هلبااااا دخلنا ني وياها للصالة طبعا الشباب كانو في المربوعة نحت عبايتها وكانت لابسة فستان احمر دمي يهبل عليهاا وشعرهاا مدايراته ظفيرة♥
انا:غفرونتي شنرايك فيا
غفران:تهبلي بس احكيلي اول مرة تناديني ع شخص يخطبك وحسيتك فرحانة
انا:بـصراحة الراجل عاجبني
غفران:انشالله ربي يتمم ع خير♥
انا:امييين يارب
شوي ووصلو دخلو الرجالة المربوعة وامه واخته دخلو مع غفران وماما للصالة وني دخلت المطبخ نجهز في العصير ومرتبكة
كنت شابكة ايديا في بعض استنيت شوي وخديت العصير قبل ما ندخل الصالة خذيت نفس بعمـق ودخلت
مديت العصير وقعدت جنب امه
كانت واضحة انها جاية بلا نية من شبحاتها وهدرزتها كلمة وقص بس اخته كانت حبابة هلباااا وتضحك وجوها حلو
“امه اسمها نجاة واخته وداد”
نجاة:وفيش تقري يا غرام
انا:صيدلة اخر سنة?
نجاة:امممم
وداد:تهبلي غرومة والله وخيي عنده ذوق وباذن الله كان صار نصيب لما تطلعي احلا عروس في ليبيا باهييوو?
انا:هههههههه نجك ليا حبيبتي
كنت مرتبكة شوي من امه
نجاة:واي تعرفي انه متزوج ولا
وداد:خيرك يا ماما اكيدة تعرف
حسيت بـ وداد ترطب في الجو
اللي كانو يحكو ني ووداد بس غفران ساكتة وماما ونجاة لاهيين يشوفو لـ بعض وبس!
اتصل محمد بـ ماما قالها يبي يدير مقابلة شرعية
نضت لبست وشاح ازرق ليكرا ودخلت قلت السلام وقعدت جنبهم طلعو خوتي وبابا من المربوعة خلوني ني وفوزي بس”
فوزي:محلاااك غرامي?
انا:ههه عيونك الحلوات
قعدنا نتغازلو في بعض شوي ودخلو خوتي وبابا وني طلعت قعدت مع امه في الصالة سمعنا الباب طق!
نجاة:ملا عندكم ضيوف?
ماما:لالا ترا افتحي غفرونة
ناضت غفران فتحت الباب دخلت علينا سماهر زوجة فوزي بـ بنتها وولدها?
ووراها غفران
سماهر:ههههههههه برافوو برافوو عمتي في البحر ووريتيه مفاتنك وخطفتيه مني بالساهل
كلامها يومها نزل زي السم وربي لـحد اليوم مشقادرة ننساه?
امه كانت ساكتة وكـانها هيا باعتتها وحسيتها متشمتة والـواضح هذا كله فيلم قدام اهلي عشان يوافقوش!
وداد:صكري فمك يا قليلة الادب وقبل ما تحكي ع غرام شوفي روحك وشن دايرة ولا تبي نفضح بيك قدامهم?وتوا والله كان ما تطلعي نادي فوزي وهو يتصرف
سماهر خافت خدت صغارها وطلعت وقتي وماما كانت ساكتة ولا حرف
وداد:وراسكم سامحونا والله هيا مريضة اصلا تدوروهاش
كانو عيوني مضببات بـالدموع ومعاش عرفت نتصرف جتني غفران تواسي فيااا اما ماما ولا شي وكنت خايفة من سكوتها هذا
قعدو شوي وبعدين استأذنو وروحو جي العشي وقعدنا نتعشو
وكملنا العشي نضت لـ داري قعدت ع سريري ونتفكر في اليوم!
دخلت عليا ماما وقعدت ع السرير
ماما:لاحظتي ان ماقلت شي لـ خوتك وان ما علقتش لما دخلت سماهر صح!
انا:اي?
ماما:وتوا احكيلي بعد موقف اليوم ومسحت بـ كرامتك مرته قدام امه اللي ساكتة ومتشمتة بـ توافقي?
انا:…..
ماما:انا مش رح نجبرك بـ شي هذا قرارك وهذي حياتك
طلعت ماما من الدار وقعدت حايرة هذا ماصار شي رسمي وهكي دارت ملا يوم العرس شن ذيرلي?
قعدت نبكي طول الليل ع حظي لما حبيت في ستين الف شي واقف ضـد حبنااا! علاش به
كان فوزي يرن بـ استمرار بس مارديتش ع اي مكالمة قضيتها بكي وخلاص
_________
فوزي:اوووف ياربي خيرها زعما اهلها رفضو?ولا هيا ماحبتش اهلي?لالا مستحيل اصلا وداد حبابة!به وامي?اووفف زعما امي قاتلها حاجة??اصلا مستحيل في شي يوقف ضد حبنا لا اهل ولا شي ياااارب احفظهالي وطولي في عمرها هيااا قعدت كل دنيتي وكل مرادي في هالحياة!
:::::::::::::::::::
نضت الصبح وني مرهقة حتى الجامعة فتتها قعدت في سريري وما نضتش بكل
::::::::::::::::::
دخل فوزي عطي المحاضرة وزاد خوفه عليا لما لقاني مش موجودة!!! كمل المحاضرة ونادى ع غفران
فوزي:غفران خيرها غرام ما جتش?
غفران:يا دكتور والله علمي علمك اهو بـ نروح ليها اصلا
فوزي:من امس نتصل ما تردش هيا امي قاتلها حاجة?
غفران:قصدك حكتلكش?
فوزي:لالا شن صار?
غفران:اسفة مداما هكي نقدرش نقول مرات هيا تبيش
فوزي:احكي يا غفرانن نبيش نخسرها ني وراس غرام احكي وني ناخدلها حقها شنصار بس
غفران:……..
وقعدت تحكيله
فوزي تعصب ووجهه احمر مشي وسيب غفران وهو يسوق بسرعة وياسمين بين عيونه ويتمنى يقتلهااا
وصل للحوش…..
::::::::::::::::
فتحت عيوني ونشوف للسقف ونتذكر في كلام ياسمين وامه وماما وفوزي وكله مخلط علياااا
::::::::::::::::
دخل فوزي للحوش لقي ريحة الحوش حلوة دخل ع الدار لقي…..
#يتبع