رواية احببت متزوج(حقيقية)
#احببت_متزوج(حقيقية)”❤
الـبـارت(1)
غـيرت كـل الاسـامي مـا عـدا اسـم البـطـل والـبطـلة”
——————————————————–
نلـقى تفاعـل نكـمل+ديـرو متـابعـة عشـان كـل حلقـة تنزلـكـن+لايـك قـبل مـا تقـري/تقـرا❤
———————————————————
كنت نوتي في الشنطة وحاجات البحر اللي بنرفعوهن معاناا وني فرحانة ع الاخر بعد ضغط الجامعة بنترفه شوي ونطلع?❤
لبست سروال جينز وبلوزة سوداء ووشاح اسـود والـ قلاسس تبعي كنت حابة ندير شوي لمسات ع وجهي بس مانبيش تتنكد الطلعة بسبب خوتي فـ مـا درتش لبست كويشي وطلعت
ماما:ساعة توتي في روحك تقول عرس
انا:به اهو طلعت
ركبت السيارة كان فيها بابا وماماا وخوي الكبير عصام اما السيارة اللي ورانا فيها خوتي الاثنين وخالتي وبنتها
حطيت السماعات ع وذانـي وغمضت عيوني ورحت في عالم اخرر
لعنـد ما شفت خوي يأشرلي بمعنى انزلي عرفت اننا وصلنا نزلت وني فرحانة كنت نحب البحر هلباااا مع انني نعرفش نعوم?بس طلته تكفي?
مشينا للشاليه تبعنا ني وماما وبابا وخوتي قعدو ينزلو في الحاجات
دخلنا للشاليه حطينا حاجاتنا كـان عبارة على ثلاثة غرف نوم وصالة ومطبخ صغير وحمام طبعا ليا ني وبابا وماما الشاليه التاني فيه ثلاثة غرف نوم لخوتي الثالث لخالتي وبنتها
درت الواقي الشمسي وخديت فوني وسماعاتي وطلعت”
لقيت سارة “بنت خالتي” مع امها وماما مقعمزين يهدرزو جيت جنبهن
انا:وين خوتي وبابا?
ماما:مشو يعومو
انا:صحة ليهم ياريتني نعرف?
سارة:نوضي غرام نعلمك?
انا:هي?
خالتي:غرومة تمشوش بعيد
انا:حاضر
نضت ني وسارة ومشينا للشط دخلنا طبعا شادة في سارة وخايفة?
سارة:به حشمتينا قدام الناس اطلقي يدك?
انا:ياكلبة خايفة
سارة:هو في كلب وانتي موجودة?
انا:ننننن?
سارة:اسمعي مراد”حبيبي” بيجيني خليك هني نشوفه ونجيك ولو سالوك قوليلهن مشت للحمام
انا:اصبري وين مخليتني بروحي?
سارة:شوية بس
طلعت سارة من الشط وني قعدت نشبح ايمين وايسار وخايفة،نغرق? قعدت نتحرك شوي شوي لعند ما وصلت برا الشط بس الصدمة ما كانش الشط بتاعنا?
كنـت داهشة من المية جتني مـرا ساعدتني
المرا:خيرك حبيبتي شن فيك
انا:تعبانة من المية نعرفش نعوم وبنت خالتي مشت وقاتلي،شوية ونجي وعطلت نحساب روحي جيت للشط بتاعنا بس مش هو?
المرا:نوضي معاي تعالي لطاولتنا وتو نعطيك الفون تكلم حد من عيلتك
انا:تمام
نضت معاها ونمشي بالسيف كنت
——————————————————–
كنـت نشوي في اللحم وني نيتي هاربة بكل مش هذي الحياة اللي كنت نبيها?
لعند ما كلمتني زوجتي سماهر”
سماهر:فوزي خيرك?
انا:ماخيرنيش كملي مـاكلة الصغـار ني بنمشي للحمام”يكرم القارئ”
سماهر(بكسرة خاطر):تمام
——————————————————–
قعمـزت مع المرا لقيت طفلين بنت هكي تبان في ال8سنين وولد في ال3سنوات
انا:صغارك?
المرا:اي،صغاري وراجلي معاي بس مشي للحمام “يكرم القارئ” شوية ويجي
انا:اهااا
خديت ولدها في حضني كـان كيوت هلباااااا بسته وقعد يناغي?
البنت:وني خيرني تبوسينيش?
انا:هههههههه تعالي حبيبتي
خديتها في حضني وبستها وكانو الاثنين حولي لعند ما شفت ظل غطى علياا الشمس!! قمت راسي شفت راجل يبان عليه في نهاية الثلاثينات هكي وكان هيبة عريض والشيب مغطي نص شعره بس محليـه?
ولحيته الغزيرة اللي محليـها الشيب?
نزلت عيوني وشفت للمرا
سماهر:هذا زوجي فوزي
جت عيني في عينه
انا:تشرفنااا
فوزي:بيك اكثر
وكانت واضحة علامات الاستفهام في وجه فوزي”
انا:حبيبتي لو سمحتي اعطيني فونك نتصل بيه
سماهر:مافيشي رصيد هذا لاش قعدت نستنى في فوزي
سماهر:فوزي اعطيها تكلم اهلها
فوزي:تفضلي
عطاني فونه ورنيت ع سـارة
انا:الو سارة وينك انتي?
سارة:رقم من هذا?وانتي وين?
انا:تونحكيلك،بعدين المهم تعالي للشط اللي جنبنا هيا
سارة:به به
سكرت من عليها كنت نبي نمسح الرقم بس نحشمت مديتهوله ع طول ولاحظته ان سكره وما مسحش الرقم!!بس تجاهلت وقعدت نلعب مع البيبي وني متوترة من نظرات فوزي لياا وخصوصا قدام مرته!
جتني سارة سلمت عليهن ومشيت معاها بسرعة
—
سارة;من هذوم?
انا:…..
وقعدت نحكيلها في كل شي
سارة:عليك شيباني?
انا:مش شيباني تي واضح عليه صحته وشكله خير من خوي الصغير??مهتم بنفسه شكله
سارة:ايوا حني???
انا:بس مايتحشمش قدام مرته بكل لا وهيا ساكتة عادي
سارة:بالك يحبهاش
انا:مالنا ومالهم هياا تعالي نمشو لاهلنا لا توا يقلبوها علينا
سارة:امبه
——————————————————–
اول ما جيت لقيت بنت قاعدة مع سماهر كانت جمييلة والبراء اللي في عيونها العسليات مستحيل نلقاهن في اي بنت اخرى!!! قعدت نشوفلها ولاحظت توترها من نظراتي بس قعدت قصدا نشوفلهااا
عندي هواية ان نوتر الناس ونشوفهن متوترين?
—-
مشينا لطاولتنا لقيناهن يشوو قعدنا معاهن ونهدرزو لعند ماجـي الليل كل واحد دخل للشاليه بتاعه ورقد ماعدا ني!
قـعدت نتقلب ما قدرت نرقد!
لبست وشاحي وخديت فوني وطلعت نتمشى ع الشك وقعدت قدامه حطيت سماعاتي ع وذاني ونسمع في الاغاني وسارحة في البحر”
لعند ما حسيت بشخص قاعد جنبي!!!
تلفتت لقيته هو نفسه ابـو لحية بيضة?
جمدت في مكاني ماعرفتش نتصرف!
انا:اا ا انت شدير هني
فوزي:ماقدرتش نرقد فـ جيت نقعد ع البحر
كيف بنوض مسكني من يدي?
تلخبطت وحسيت بنفسي سخنت اول مرة يلمسني راجل!!
فوزي:اقعدي مانيش واكلك راه!
تحشمت وقعدت بس خليت مسافة باهية بيننا
ورديت السماعات ع وذاني وهو نحاهن
انا:كيف تتجرأ?
فوزي:ني جاي قاعد جنبك ليش السماعات
خديتهن منه وخليتهن جنبي وقعدت نشوف للبحر
فوزي:يقولو البحر غدار!بس البشر هما الغدارين مش البحر”
شفتله وقعدت سارحة فيه?يومها زي العبيطة قعدت مستحيل ننساه??
فوزي:كنك?
انا:شرقاوي انت?
فوزي:لا بس قعدت فترة في الشرق وبديت نتكلم شوي شرقاوي
انا:اهااا
فوزي:اي مش حابة تحكي شي الواضح!
انا:لا بس شن بنحكي
فوزي:اي شي
انا:مش المفروض توا تكون مع مراتك صح?
فوزي:راقدة هيا
انا:واخدين بعض ع حب
فوزي:لا
انا:ربي يحفظكن لبعض?
فوزي:مش امين
شفتله وعيوني مفنصات انصدمت من كلمته
انا:ليش هكي تحكي
فوزي:اللي في خاطري
انا:حب مرتك والمفروض تحكيش كلام زي هذينا تمام?
نضت من جنبه وني متعصبة كنت مفكرته ان،يعامل في مرته معاملة شينة ويخون فيها والخ….لان هو خلا الانطباع هذا لـ نفسه!
دخلت للشاليه نحيت الوشاح وحطيت راسي ع المخدة ورحت في سبااات عمييق?
——————————————————–
حسيتهااا فهمت كلامي غلط وفهمتني غلط بالاحرى! بس البنت خشت خاطري