رواية احببت متزوج(حقيقية)

#أحبـبت_مـتـزوج❤”حـقـيقيـة”
بـقلمـي✍أيــات صـالـح”
الـبـارت…(16)”
____________
انصدمت لما شفت سماهر حسيت بـ نفسي انخنقت ما كنتش نبيها اليوم بكل تصنعت بـ ابتسامة ودخلت قعدو الكل يسلمو عليا ويباركولي وشوية دخـل فوزي وقعد جنبي وطبعا تصور فينا وداد❤وسماهر بـ تموت?(ع قولة ادم احترقي بـ هدوء?)
فوزي:حبيبي عارفك تفكري فيها فوتيها وكانها مهناش وخليك معاي
ومسك يدي زدت ضغطت عليها وقتله..
انا:اصلا ما نفكرش في حد غيرك ني??
شافلي بـ نظرة حب وابتسملي سمعنا تصفير لقيناها وداد??
وداد:عصافير الحب?
ني تحشمت وقعد وجهي احمر?
فوزي:اسكتي?
طبعا اهلي كانو موجودين بس سلمنا عليهم وقدرتش نهدرز عليهم لـ عند ماروحو
تم المحضـر وروحنا للحوش نحيت اللبس ومسحت المكياج وفتحت شعري لبست روب زهري للفخد ودرت ميكاب خفيف وطلعت للصالة لقيت فوزي يتفرج ع الـTV جيت جنبه شافلي وعض شاربه التحتاني
فوزي:اوووف مانقدرش نتحمل راه?
انا:ههههه
فوزي:تضحكي تعاالي جاي
قامني للدار وسكر الباب?
خلاص سكر الباب وين ماشين?
:::::::::::::
سماهر:اوووف وربي خلاص راه لازم نطلقها منه
ساجدة:عندي ليك خطة سمحة لكن تبي شجاعة
سماهر:شنو
ساجدة:عندي خوي طبعا خوي يسمع في كلامي بالفلوس رح ناخد منك فلوس ونعطيه منهم والباقي ليا?عشان يجي للحوش لما انتي تكلمي فوزي انه يجيك يتغدى عندك لما غرام تمشي لاهلها وهكي خوي يدخل الحوش لانه يعرف يفتح الباب بالتوكة ويحط جاكيته وحاجات تخصه وروبها هيا المهم علامات تدل انها كانت معاه في السرير وهكي كله يتممم
سماهر:يعيني تمام الفلوس غدوا خوديهن خلاص
ساجدة:تم نكلمك غدوا
سماهر:مية مية
::::::::::::
نضت من السرير الصبح دخلت للحمام دوشت وطلعت جهزت الفطور ع ذوقي ني ونوضت فوزي ناض دوش وطلع
فوزي:الله فطور سمح الباين
انا:اي?
قعمزنا قعدنا ناكلو
فوزي:بنسافرو لـ تركيا بعد ماتمشي لاهلك
انا:بجد?
فوزي:اي ياروحي
قعدنا نفطرو ومرة مرة يناشبني وهكي مشي الوقت لـ عند ما جي وقت الغداء لبسنا وطلعنا لـ مطعم تقسيم?يهبل ماكلته
قعمزنا في الطاولة مقابلين بعض وطلبنا الاكل
فوزي:تعرفي شن خاطري
انا:شنو?
فوزي:نبوسك توا قدامهم
انا:هههههههه مختش والله
فوزي:ختشت لما عرفتك☹
انا:?نحبك
فوزي:نمووووت فيك
انا:بعد ما نرجعو من السفر نبي نكمل قراية
فوزي:يصير خير
سكتت ومابيتش نكثر كلام
:::::::::::::::::::::
سارة:اوووف يا محمد نبيش ني خطوبة ونقعد مدة طويلة
محمد:به خيرك انتي معقولة هكي بدل ماتفرحي
سارة:يا محمد نبي نكمل قرايتي ني والزواج تي وااك نقدرش حوش وقراية صعب
محمد:مية مية براحتك نستاذن ني سلام
سكر قبل ماتكمل كلامها هو كان يبيها تقبل بس مش تسكرها في وجهه طول
:::::::::::::::::::
عصام:يام نبي نطلع العرس توا ني
ماما:كويس تو نكلم امها اليوم ونشوفو
عصام:مية مية
بابا:ملا عجباتك توا?
عصام:?
ماما:ربي يباركلك وليدي ونشوف صغارك
احمد:وني يام
ماما:انت غير نحي شمالك وتكلم
احمد:?
ناض احمد من بينهم متكنطي هو صح تالتة ثانوي مش صغير بس حني كلنا اكبر منه هذا لاش??
ماما:قلبي مضايقني
بابا:انشالله خير
ماما:مشعارفة خيرني
بابا:نوضي صلي ركعتين وارتاحي
ماما:انشالله
قلبها قارصها ع بنتها مش يقولو قلب الام يحس!!فعلا
::::::::::::
سارة:به اللي ديت
محمد:شن تبي?
سارة:خيرك يا محمد هكي شن اللي قلته ني
محمد:ماقلتي شي لكن اللي ديري فيه غلط ني ماقلتش نبي نتزوجو قلت نخطبك بس عشان ماحد يطلع عليك كلام ونضمنك انك ليا وين تندري انتي
سارة:اووووف يا محمد بـ جد انت صداع راااه قصدي ني الزواج حتى بعد الجامعة مش مفكرة فيه
محمد:والله!!!!
سارة:اي عندي احلام نبي نحققهم اني
محمد:خيرك سارة هذا مش كلامك قبل هذي مش سارة اللي حبيتهااا خيرك هكي وليتي
سارة:من الاخر نجيبهالك ع طول ني معاش نبيك انت ما تناسبنيش ني كنت غبية لما قبلت انت قاعد ما تخرجتش حتى كيف بتقدر تحققلي حلم واحد يا سي
محمد:هذا اللي يهمك انتي الفلوس?
سارة:اي هذا اللي يهمني بجد بعد ما فكرت فيها عرفت ان ني ماشية في طريق غلط وبصراحة في عرس اختك في مراء تقدمتلي ولدها بـ يسافر البرا بعد العري ويستقر غادي يعني يناسبني عشان نقرا الخارج اسفة يا محمد بس احلامي فوق كل شي حتى اهلي
محمد:ههههههههه تبصري صح مدايرة معاي مقلب انتي?
سارة:لا مقلب لاشي مش مفرخ حني خلاص يا محمد اللي بيننا تم اصلا حني ما قعدناش مع بعض هلبا عشان تضايق او اي شي عادي وبنقعدو صغار خالة ومع بعضنا
محمد:مية مية مداما انتي هكي تبيها خلاص يابنت خالتي معرفة خير سلام
سكر عليها ومسح رقمها مع ان حافظه ومستحيل ينساه
محمد(مع نفسه):ااااااخ ياربي ااااخ قهرتني خلتها نار في قلبي باعتني عشان فلوس مع انني مستعد نعطيها كل شي عندي يارب صبرني يااارب
شبح للسماء فوق وغمض عيونه بـ وجع
:::::::::::
كملنا الغداء وروحناااا
ايامتنا مشت كـ أي عرسان جدد❤
اما محمد وسارة من يومها معاش حكو مع بعض وسارة انخطبت من الولد اللي قالت عليه وحظرت خطوبتهاا
اما محمد محروق ومعاش بدي يجي للحوش الا في الليل متأخر
جي الاسبوع اللي بنمشي فيه لاهلي وصلني فوزي ومشي هو لـ سماهر بعد اصرار منها ان يتغدى معاها!!!
فوزي:اووف خيرها المكرونة مالحة
سماهر:?
فوزي:معاش عندي نية
خذي مفاتيحه وناض وهيا تكلم فيه ماردش عليها وطلع
سماهر:حي علياااا
اتصلت بـ ساجدة
سماهر:اسمعي شن صار خوك دار زي ما قلناله وكلع من الحوش ولا قاعد فيه
ساجدة:نتصل بيه فيش تغطية عنده
سماهر:النهار الاحرف فوزي طلع راه
ساجدة:حييي تو نشوفه هي
سكرت من عليها ساجدة واتصلت بـ خوها مرة واثنين وثلاثة بس فيش فايدة مايردش!
:::::::::
وصل فوزي لـ حوشه عشان يدوش ويمشي لـ غرام كيف بـ يدخل لقي جاره
فوزي:اووو حميده كيف الحال
محمد:الحمدلله والله شن ملا المدام جت بروحها
فوزي:كيف?
محمد:سمعت قبل ربع ساعة تقريبا باب حوشك تسكر بالقوية ماشفتش من حسبتك انت لكن لما شفتك توا قلت اكيدة المدام
فوزي:اهاا تمام منور اكيدة المدام اي هي نستأذن ني
مشي للحوش وهو راقيله كيف جت من غير ماتقوله!!!فتح باب الحوش و…..
#يتبع