رواية احببت متزوج(حقيقية)

#احـبـبت_مـتـزوج❤”حـقـيقيـة”
بقـلمـي✍أيــات صـالـح”
الـبـارت…(6)
___________
دخلت لـ داري ورنيت ع فوزي انفتح الخط
انا:الو بيبي
……
كنت نسمع في هدرزته هو وياسمين زدت صوت المكالمة وقعدت نسمع
فوزي:تي ما مليتيش من نفس السيرة
ياسمين:افهم يا فوزي ني نحبك ونبي حقوقي كـ زوجة!!معقولة عايشين تقول خوت في الحوش
فوزي:انتي فاهمة كويس ان تزوجتك بـالسيف ولو بيدي نطلقك اليوم قبل غدوا بس مش بـ يدي هنتك وقسيت عليك ما خليتكش مرتي بـ جد اي صح مسيتك مرة وحدة وندمت ولحد توا قاعدة لاصقة فيا وتبيش تطلبي الطلاق وفاهم هذا كله عشان لاقية حد يصرف عليك مش حب فيا زيد غادي
ياسمين:تمام يا فوزي دير اللي يريحك
فوزي:اخاا بابا شدير
شد فوزي ولده لقاه يلعب بـ فونه وهو اللي فتح المكالمة اول ما سمعت صوت فوزي ع طول سكرت وني نبكي من حرتي
يعني كيف به لمسها مرة وحدة وهيا عندها زوز صغار مش نفس العمر!!!!وهيا لاصقة فيه
عارفة ان كلامه عادي جدا هو ومرته وبالعكس لو وحدة تانية تفرح بس حسيت ان حبي لـ فوزي غلط لان في اكثر من عائق في حبنا وخايفة النهاية تكون قاسية عليا!!!!
غمضت عيوني وني نحاول نهدي في روحي وان كل شي رح يمشي بـ خير
مع ان متأكدة زواجه عائق كبير خصوصا من ناحية عيلتي البنت الوحيدة والمدلعة تاخد واحد متزوج!!!
حاسة لو ان جيت ني ضرة رح تصيرلي هلبا مشاكل وتكون سببهااا مرته!
حطيت راسي ع السرير وني فكره ترفع فيا وفكرة تجيب فيا لـعند معاش حسيت بـ نفسي الا وني غافية”
__________
ماما:شفت ولا ماناقص غير يلعب بـ بناات الناس
بابا:ني ماربيت عيل عشان هكي،يدير بعدين بـ نكلم بو البنت ونقولوله مافيش نصيب ووتمشي العشية تخطبي صاحبة غرام
ماما:اي وهذا اللي بـ يصير
محمد:وشن ذنب خطيبته
ماما:خطيبته ما يطرالها شي الف واحد ياخدها لكن البنية المسكينة هذي شن ذنبها قلبها ينكسر وفوق هذا كان حاكية لـ امها ياحشمتي بعدين
محمد:يلا اهو اللي تبوه انشالله يصير ويتعلم من غلطته
ماما:ما يندري اللي،يكسر قلب بنية يجي يوم وينكسر قلب بنته
احمد:ملا ني بنتي قلبها بـ ينكسر الف مرة?
محمد:من الف واحد ملا?
بابا:اللي ما تتحشم وتقول فيها قدامي
احمد:تي نبصر مش ليا اصلا الجو هذا ني
محمد:اللي،يسمعه يقول حق?
احمد(بوشوشة):تي اسكت يا راجل
محمد:به?
_________
عصام(مع نفسه):عارف اللي درته غلط والدنيا دوارة بس خلاص ني معاش نبيها وتوا معقولة بياخدوهالي اووفف
قاطع حبل افكاره اتصال من غفران
عصام:واااكك
رد عليها من فوق نفسه
عصام:نعم شن تبي
غفران:نبي نحكي معاك استاحشتك?
عصام:مانبي نحكي شي ني
غفران:عادي الصبح تجي للجامعة غدواا وراسك تعال
عصام:باه تو نجي وتوا عندي شغل باي
سكر من عليها بـ دون ما يسمع رد منها
اصعـب شي فـي العلاقـة البـرود والاهمـال??
_________
نضت وني نتكسل شفت الساعة لقيت روحي رقدت ساعة بس”لقيت مسج من فوزي وستـة مكالمـات!
نضت ومسحت عيوني رنيت عليـه سكر من عليا ورن لان ما عمره خلاني نتصل برصيدي الا لما وقت الضرورة بس
رديت عليـه
فوزي:ممكن نفهم خيرك ما ترديش
انا:كنت راقدة
فوزي:شفت مكالمة امبكري ولقيتها مردود عليها يعني اكيد سمعتي صح
انا:اها صح سمعت مجرد فضول واسفة ع تدخلي في شي ما يخصنيش
فوزي(بـ عصبية):اسمعي شوفيلي الحوش كان خوتك موجودين لانني في الطريق راااه
انا:مهبول انت ما تجيش
فوزي:بـ نجي باي
سكر من عليا وني ع طول طلعت من داري فتحت دار عصام بـ الشوي لقيته غـافي! ومحمد واحمد مهناش وبابا في المربوعة وماما راقدة!!
كـان الوقت عشية
ركبت لـ داري لبست توتة حلوة ومشطت شعري وطلعت خصلات من الوشاح وعدلت وجهي بـ الباودر لانني كيف نايضة?
شوية ورن عليا قالي هو ورا الحوش
طلعت بـ الشوية لقيته عاطيني بـ الظهر كحيت
تلفت وشبحلي
فوزي:علاش اسلوب البرود
انا:مادخلكش فيا
لصقني ع الحيط وحاوطني بـ ايديه طبعا كااان عريييض وطويييل?
انا:بب ب باعد
كنت نحاول ناخد نفس من ريحة عطره اللي خدرتني ولحيته اللي محليها الـشـعر الابيـض❤
فوزي:معاش تقولي شي يخصكش كل حياتي تخصك انتي وبس فهمتي انتي لما دخلتي حياتي ملكتيها وملكتي نفسي قصـتي كلها رح تعرفيها اول ما نقرو الـفاتحة ولو تفكري ان سماهر رح تكون مصدر ازعاج في حبنااا ني بـ نفسي رح نخليها تطلب الطلاق
كنت قايمة عيوني فوق ونشوفله حاسة بـ نفسي عنجد اخترت الانسان الصح❤
قعدت نحاول نوصل لطوله وقفت ع اطراف صوابعي وقربت من وذنه وهمستله
انا:نحببببك
فوزي:نموت فيك❤غرامـي
وخرت من عليه
انا:برا خوتي قريب يجو
فوزي:ديري بالك ع روحك
انا:وحتى انت بيبي
دخلت الداخل وني ع فرحانة ع الاخر الحب حلوو❤
“””””””””
ركب فوزي سيارته وكيف يوخر لقي محمد جاي وقف عليه
محمد:اوووو فوزي كييف الحال
فوزي:الحمدلله وانت برو
محمد:ماشية والله شدير هني
محمد:والله ندور في مكان وتلخبطت لكن توا حصلته خلاص بـ نمشيله
محمد:تفضل عندنا
فوزي:مرة تانية انشالله واصلا هكي ولاهكي جايك في موضوع ني
محمد:مية مية هات رقم تلفونك وبيناتنا مكالمة
فوزي:هاك هي
طلع محمد فونه وقعد،يسجل
فوزي:سجلته?
محمد:اي وتبي شي تفضل خونا
فوزي:منور ماقصرتش❤
سلمو ع بعض وطلع فوزي لحوشه
_________
دخل محمد وني خفت يكون شاف فوزي او شـك!!!
_________
بعدين…..
وتيت العشي وقعمزنا نتعشو كلنا ما عدا عصام ماباش
محمد:قول يا بوي من لقيت امبكري قدام شارعنا!
بابا:منو
محمد:فوزي بتاع البحر
اول ماقال اسمه حسيت الزيتون علقت في رقبتي وانخنقت قعدت نكح وماما تخبط ع ظهري لعند ما رديت تمام وني حاطة عيوني تحت”
بابا:شن جي،يبي
محمد:قال كان يدور في مكان وتلخبط وبعدين لقاه ولما قتله تفضل قال عندي معاك موضوع اصلا وخدي رقمي مزال حكاش شن يبي
بابا:انشالله خير
ع طول عرفت انه موضوع خطوبتي منه?
انا:به الراجل قالك عندي معاك موضوع مش عندي مع بوك يعني مش لازم تشهدر بيه خونا??
محمد:صكري فمك لـ نقتلك بـ باقي الزيتون توا?
انا:باه?
“”””
كملنا العشي رفعته وضميت المطبخ ودخلت داري تعباااانة رنيت ع فوزي بس ما ردش عرفته راقدة رسلتله: (يـا ليتنـي جنبـك اداعـب لحيـتك وانـت بـ نومـك لـ عنـد مـا اصحـيك وانـام انـا❤?)
وطفيت موبايلـي ورقـدت?
_________
جـي الـصبـاح?
فطرنا وطلعت ني للجامعة لقيت غفران وواضح عليها مضايقة
انا:اوباااا خيرها غفرونتي
غفران:خيرهاش
انا:احكي يا دراه
غفران:تي خوك عصام متغير بكل معقولة في وحدة اخرى في حياته?
انا:امممم به لو نقولك ان اليوم العشية جايين نخطبوك شن ديري?
غفران:تبصري صح?
انا:واضح عليا نبصر توا?
من فرحتها ناضت حضنتني
غفران:لالا مش مصدقة?
انا:ههههههه
غفران:به خيره متغير
انا:يمكن عشان يديرلك سبرايز?
غفران:اها ممكن
دخلنا للمحاضرة وطبعا في محاضرة فوزي طول الوقت وحني نشوفو لـ بعض حتى الطلبة لاحظو هـالشي!!
لـ عند ما طلعنااا
غفران:عصام بعتلي مسج انه مش فاضي يجي واليوم عيد ميلاده?اعطيه البوكس هذا
انا:تزعليش حبي بس،يخدم ع روحه عشان تكوني حلاله
غفران:اميين يارب❤
سلمت عليها وخديت البوكس وروحت حطيت الـبوكس ع سريري عشان نعطيه لـ عصام لما يجي خليت باب داري مفتوح و قعدت ع الصالون نتفرج لـ عند ما لقيت عصام جي قال السلام وركب فوق
قعدت نتفرج ع المسلسل لـ عند ما سمعت عصام يعيط!
#يتبع

error: