رواية احببت متزوج(حقيقية)

#احبـبت_مـتـزوج❤”حقـيقيـة”
بقـلمـي✍أيــات صالـح”
الـبـارت…(7)
____________
ع طول نضت وني خايفة من صراخ عصام بـ اسمي!
انا:خيرك شن في
شدني من شعري واول مـرة في حياته يمد ايده عليا!
ماما:لاه عليك شاد البنت هكي شن دارت
كيف دخل محمد مروح بـ احمد انصدمو لما لقو عصام شادني من شعري
محمد:تي خيرك انت هبلت بـ تضرب اختك يلي مش راجل?
عصام:المسخة هذي مدايرة مواعيد وجايبلها صاحبها هدية
ووراهم البوكس مغلف
كانو عيوني مضببات من الدموع وكيف هو هكي ع طول شك من غير ما يبرر وكنت عارفة ان هذا كله من كثر علاقاته لـ درجة ان معاش في ثقة حتى فيا!
فكيت ايده من شعري وني نبكي
انا:مش ني اللي ندير مواعيد وناخد الهداياااا فاهم وهذي الهدية عشان عيد ميلادك اليوم يا باشا جابتهالك البنت اللي كنت بـ تضحك عليهااا وبـ تتزوج
مشيت دخلت لـ داري وسكرتها بالمفتاح طحت ع سريري وني نبكي
عارفة ان ني مدايرة علاقة اساسا بس ني ماحبيتش عيل ني حبيت راجل وعند كلمته لـ درجة انه كلم خوي يعني ناويني حلاله ما درتش الغلط معاه
قعدت نبكي وني ضامة الحـاف ليا”
::::::::::::::::
ماما:مش بنتي اللي دير علاقات يا سي عصام ومش كان انت مش تمام تحساب الكل زيك
مشت ماما وهيا طايرتلهاا ني بنتها الوحيدة ومدلعتني وما تتحمل فيا شي
محمد:خزي عليك في راجل يمد يده ع مرا
مشي محمد وهو متعصب ع الاخر
احمد:غلط اللي درته راه
عصام:ترا درق عليا وجهك ماناقص غير مفرخ تالتة تانوي يجو يوروني الصح من الغلط
ركب عصام وهو كاره نفسه كيف شك فيا وني بريئة!
دخل لـ غرفته وقعد يشوف لـ البوكس ومشقادر يفتحه
_________
رن فوني وكانت غفران رديت عليها وحاولت ان نبكيش
انا:اهلا
غفران:اهلين غرومة طمنيني خداه البوكس?
انا:امم اي خداه
غفران:شن قال
انا:مانعرفش خداه ودخل بيه لـ الدار
غفران:خيره صوتك حبي حاسة فيك شي?
انا:لالا غير شكلي بـ نمرض
غفران:لاباس حبي لما تجي اليوم تو نعطيك اعشاب وهكي عشان تصحي
انا:سلمك غفرونتي
غفران:هي نستأذن توا
انا:اذنك معاك غلاي
سكرت من عليها وانفجرت بـ البكي لقيت فوزي يتصل ترددت ان نرد في البداية بس بعدين رديت
انا:اهلا
فوزي:خيرك حبيبي هكي صوتك شن فيك
ع طول قعدت نبكي ونشهق
فوزي:خيرك غرامي خوفتيني عليك احكي شن في
انا:………….
وقعدت نحكيله اللي صار كله
فوزي:وهو خيره هكي من دون خوتك الباقيين
انا:عصام من يومه هكي طبعه واعر ويحب نفسه اكثر من الكل عكس محمد واحمد وخاصة محمد طيب هلباااا
فوزي:لا اله الا الله رقالي الضغط غير ناخدك بس تي خلي يتجرأ يمس شعرة منك بس
انا:بيبي بنسكر توا نشوف ماما نساعدها
فوزي:تمام حبيبي وديري بالك ع روحك نحبك
انا:نموت فيك
سكرت من عليه ونزلت لـ ماما
ماما:ها غرومة كويسة انتي?
انا:اي تشغليش بالك واللي صار ياريت يوصلش لـ بابا
ماما:بس….
انا:خلاص وراسك
ماما:تمام براحتك
مشيت للصالة لقيت بابا دخل جي جنبي قعد يهدرز وبعدين حطينا الغدي
قعمزنا كلنا ناكلو
محمد:تعرف يا بوي….
قرصته وفنصت فيه عشان يسكت
بابا:شنو?
محمد:نسيت شن بـ نقول?
طبعا كنت نحكيش مع عصام بكل
بابا:المهم كلمت بات خطيبتك يا عصام وقتله فيش نصيب وتفهم هو”
عصام كشر وجهه بـ معنى مش عاجبه الكلام
بابا:ونمشو ني وياك يا ساميةو انتي وغرام وعصام نطلبو البنت اللي قلتو عليها ودير مقابلة شرعية معاها تتفاهمو والخميس الفاتحة
عصام:به به
ناض وهو متكنطي ع الاخر
بابا:خيرك غرام تاكليش
انا:ماخاطريش
كملنا وقمنا السفرة وقعدت نوتي في روحي عشان نمشو
لبست جامبسوت بيج دانتيل كلها ودرت شعري ديل حصان وميكاب خفيف لبست عبايتي وطلعنا
وصلنا لـ حوش غفران كان عندها اخت اصغر منها تقرا تالتة تانوي
دخلو الشباب المربوعة وحني في الصالة مع اخت غفران وامها ودخلت غفران جايبة العصير كانت لابسة فستان طوييل موف من تحت شيفون ومن فوق دانتيل طبعا هيا بيضة زي الجبنة طالع عليها تحفة وشعرها اسود داكن حاطاته ع جنب وميكاب خفيف هدرزت معانا شوي وبعدين بو غفران كلم امها ع اساس بـ يديرو مقابلة شرعية طلعت وهيا متوترة وني خايفة من عصام شـن بيقولهاا?
فات شوي وقت وطلعت غفران تعابير وجهها ما تتفسرش بكل وحاستها ع شوي رح تبكي جيت جنبها
انا:غفرونتي انتي تمام?
ابتسمتتلي ابتسامة مزيفة
غفران:اي تمام
حسيتها تكذب بس ما حبيتش نزيد نحرجها قعدنا شوي وروحنا ع طول عصام ركب وسكر ع روحه كيف بـ ندخل للدار شدني كلام محمد
محمد:ايوااا فوزي كيف الحال
……
محمد:اي فاضيين
….
محمد:تنورناا والله
……..
محمد:اكيد مرحبتين مرحبتين
…..
محمد:في امان الله حبيبي
مشيت دخلت داري وني فرحانة هلباااا لان حسيت الموضوع فيه خطوبة بس خايفة ومتوترة من رفض اهلي لـ الموضوع?
بدلت ومسحت المكياج وطلعت وتينا العشي وقعدنا نتعشو ما عدا عصام يبيش قال واحمد متعشي مع صحابه
محمد:غدوا جاي فوزي هو واخته وامه
ماما:اللطف ياربي نسي يجيب مرته
محمد:ههههههههه
بابا:بالك جايين يخطبو?
ماما:يخطبو طيح سعدهم نعطيش بنتي لـ متزوج وفي التلاتين!
بابا:في النهاية الرأي رأي البنت
محمد:عااد هيا رفضت صاحبي عشان القراية اش معنى تقبل بـ فوزي متزوج وبصغاره!!
كانو يحكو ويقررو عليا وني ساكتة نسمعلهم كلمة تفرحني وكلمة تضايقني لـ عند ما كملنا عشي ودخل كل واحد يرقد
رن فوزي عليا رديت
فوزي:غرااامي جايك غدوا بـ نخطبك
انا:اممم حلو
فوزي:خيرك ماتبيش?
انا:لو عليا اليوم قبل غدوا
فوزي:ملا خيرك
انا:اهلي توا كانو يحكو ع الموضوع ماما قالت نعطيش لـ بنتي واحد متزوج وبابا قال الراي رايها وخوي قال رفضت صاحبي عشان قرايتها اش معنى تقبل بـ فوزي?
فوزي:وخيرك حبيبي مضايقة كبير العيلة قال الراي رايك خلاص يعني”
انا:انشالله خير
هدرزنا شوي وسكر هو اتدكرت غفران ونضت لـ دار عصام طقطقت
عصام:شوية هي
…
عصام:ادخل
دخلت عليه شفت البوكس مغطي بـ الحاف ضحكت ع جنب
انا:عادي نسالك سؤال
عصام:قبل اي شي اسف ع امبكري والله تصرفت بـ عصبية?
انا:عادي مش مشكلة بس بنسالك
عصام:اسالي
انا:شن حكيت امبكري لـ غفران عشان طلعت قريب تبكي?
عصام:شي يخصنا ني وياها
انا:عصام مهددها بـ شي?
عصام:تي خيرك انتي ما هددتها بـ شي ترا فوتيني واطلعي بـ نرقد
طلعت وخشيت داري اتصلت بـ غفران ما ردتش سكرت ورقدت
_________
جي الصبح?
درت الفطور وفطرت ومشيت للجامعة لقيت غفران سلمت عليها
انا:غفران من الاخر احكي شن قالك عصام في المقابلة?
غفران:…..
انا:?
#يتبع