رواية احببت متزوج(حقيقية)

#احبـبـت_متـزوج(حـقـيـقيـة)”❤
الـبـارت(2)

——————————————————–
لايـك قـبل مـا تقـرو✨

——————————————————
نضت ومشيت ناحية شاليه خالتي كيف بندخل حسيت بيد شدتني
انا:انت?
فوزي:اي ني
كـان قريب مني هلبا وريحة عطره عبت المكان واللي يفصل بيننا شعرة?
حسيت بجسمي سخن والحرارة ركبتلي
انا:بعد من عليا
فوزي:فهمتيني امس غلط وني لازم نصححلك موقفي
انا:مانبيش منك تصحح شي اصلا شن علاقتي بيك نفهمك صح او غلط
قرب من وذني وهمسلي بكلمات خلتني نذوب
فوزي:ماليناش علاقة ببعض بس من اول يوم شفتك فـيه ملكتي هذا❤
وأشر ع قلبه?
قمت عيوني فيه وشفتله وكان الخوف متملكني وني نشم في ريحة بارفانه اللي خلتني نذوب?ولحيته السودا والشيب غازر فيهااا?كان كله رجولة
دفيته بقوة ومشيت بعيد من عليه لعند ما وصلت لشاليه خالتي
كنت دهشانة ومش قادرة نحكي شيء
كان قلبي يدق بسرعة كبيرة حطيت يدي عليه وني خايفة نوعا ما”
خديت نفس وعدلت وشاحي ودخلت
انا:سااارةة
سارة:حي كيف بنطلع وانتي جيتي?
انا:تقول حق هيا البسي وخلينا نطلعو نتمشو ع الشط
سارة:تبي الشط التاني?
انا:بري البسي هياا
سارة:به به?
قعمزت ع كرسي البار بتاع المطبخ وجت صورة فوزي بين عيوني?
اتذكرت ريحة بارفانه?
شميت بلوزتي لقيت ريحته علقت فيااا
طلعت من شاليه خالتي بسرعة ومشيت للشاليه بتاعناا نحيت البلوز وطبقتها وحطيتهااا في صندوق ولبست بلوزة تانية وبخيت بارفاني وطلعت

——————————————————–
لما كانت قريبة مني ما كنتش متحمل ع شوي وحضنتهاا ريحة بارفانهاااا علقت فيااا بس ما حبيتش نحيها
جيت للشاليه لقيت سماهر والصغار،يفطرو قعدت جنبهن
سماهر:وين كنت
انا:قابلت صاحبي
سماهر:اهااا
وني ناكل كسرت عيني عليها لقيت عيونهااا مضببات من الدموع وهني عرفت انهااا شمت البارفان?!!بس ما حبيتش نكلمها او نبررلها هيا كانت عارفة ان مانبيهاش وداراته بيدهااا
كملت فطوري وبعدت من عليهم شوي فتحت فوني ولقـيت الرقم اللي اتصلت بيـه البنت اللي ما نعرفش اسمها اصلا!!!وملكت قلـبي فـي يـوم بس”
قطع عليا صوت سماهر!
سماهر:فوزي
انا:ها
سماهر:وينه صاحبك خلي نتعرفو عليه
انا:ماصح وجهك شن تتعرفي عليه?
سماهر:بتنوض تشوي?
انا:ماعنديش نية
سماهر:شن بناكلو?
انا:كولـي خفيف
سماهر:تمام
انا:اسمعي الشاليه هذاا مكانه بارد بنمشو للشط اللي جنبنا
سماهر:اي احسن بالك نلقى البنت اللي امس نغير معاها جو مليت بروحي
انا:خـلي نكلم الراجل
نضت وني فرحان ع الاخر بنكونو ع نفس الشط
انا:عليوة
علي:اوو فوزي شج
انا:باهي والله بنقولك نبو نمشو للشط اللي جنبنا
علي:صاحبي ماسكه مش ني تو نقوله يدورلكن شاليه
انا:مية مية
مـر شوي وقت وجاني علي
علي:تعال هي
انا:هي نوضي
ناضت سماهر والصغار وجبنا بضاعتنا ومشينا للشاليه والصدفة كان جنب الشاليه بتاعها?
دخلت ني وسماهر بعدين حطينا الطاولة وقعدنا ناكلو في مقرمشات وني بالي مش معاي بكل!

——————————————————–
كنت قاعدة مع خالتي وخوتي وسارة وماما وبابا نهدرزو ونضحكو لعند ما شفته هو!!!جمدت في مكاني شفته يدخل هو ومرته وصغاره للشاليه اللي جنبنا?عرفته داره قصدا
لا تلقائيا ابتسمت وحسيت بنفسي فرحانة نعرفش ليش”
انا:سارة
سارة:هاا
انا:شفتي اللي حكيتلك عليه يومها المتزوج المههم الصبح جي و…………
سارة:تبصري?
انا:والله وتوا جي للشاليه اللي جنبنا
سارة:ملا نفضيلك الجو???
انا:عينك الراجل متزوج مانيش خطافة رجالة ني
سارة:مرات واخدها غصب وبعدين الشرع حلل اربعة يا عمري بتجي انتي وكلام الناس خير من الشرع?
انا:لا بس..
سارة:لا بس لا شي هذا حقك انك تحبي وتنحبي انتي ولا مرة حبيتي ولامرة درتي علاقة ولما بتجي تحبي توقفلك فيها مرته?
انا;والصغار شن ذنبهم?
سارة:عادي بتعامليهن زي صغارك انتي
انا:والله تبيني نربي صغار مش صغاري وفوق هذا بنجيب ونربي تاني مالي ومال الشقى ني?
سارة:عادي مرات تاخدهن هيااا ويفضالك الجو?
انا:ومن قال ني نحبه اصلا في يوم واحد بنحب?
سارة:مش سامعة،بحب،من اول نظرة?
انا:بس ني نحباش
سارة:عيونك فاضحينك
انا:?
محمد:شن توشوشي انتي وياها من بكري?
سارة:شندخلك انت خلي خشمك في وجهك?
محمد:تو نوضلك نوريهالك شندخلك هذي
سارة:ننننننننن
محمد:مريضة
سارة:حيوان
محمد:شينة
سارة:هههاااااي ع اساس انت الجمال
محمد:كلهم يجرو وراي
سارة:?
انا:ديما وانتم تتناقرو ياسركن?
ماما:ونهايتهم لبعض
محمد&سارة:بعيييد السووو
سارة:مش مهبولة ناخد واحد زيه
محمد: لا ع اساس ني اللي خطبتك وانتي رفضتي?
انا:بووووم شييت??
سارة:?درق وجهك عليا
محمد:?
احمد:تعالو نعومو
انا:لالا فوتني ني
محمد:نوض هي
سارة:حمودتي ارفعني معاك
احمد:تعالي هي?
محمد:كان تقعدي احسن?
سارة:مانيش?

——————————————————–
خليني نعرفكن بالاشخاص ونكملكن?
انا اسمي غـرام طبعا نقرا في اخر سنة من الصيدلة مواصفاتي متوسطة الطول وشعري طوييل وقهوي❤مواصفاتي عادية نقولش حلوة يعني عادية عيوني حلوات لونهن عسليات وعندي غمازة وحدة ع اليسار
عندي بابا سمير وماما سامية
وبنت وحيدة وعندي تلاتة خوت
الكبير عصام خاطب يشتغل دكتور اسنان
بعدين خوي محمد يقرا سادسة جامعة متخصص طب بشري وخوي احمد تالتة ثانوي،يقرا
خوتي جوهن حلو بس عصام واعر واناني شوي
طبعا ماما عندها اخت وحدة اسمها سمر وبنتها سارة قريبة مني هلبا تقرا تانية جامعة❤
هذوم الاشخاص اللي بيظهرو هلبا في الرواية❤