رواية احببت متزوج(حقيقية)

#أحـبـبت_مـتـزوج”حـقـيقيـة”
بـقلمـي✍أيـات صـالـح”
الـبـارت..(18)
_____________
انفتح الباب ودخل فوزي كان واضح عليه التعب ع طول ني شفت لـTV ومادورتاش دخل لـ داره بدب وجي جنبي وخداني لـ حضنه ماقدرتش نقاومه ني وزدت دخلت فيه باسني ع راسي
فوزي:اسف مش قصدي بس كنت متوتر
انا:معاش تعاودها ني ما عاندت اهلي عشان تجي انت تضربني!
فوزي:ريتها انكسرت يدي قبل ما نمدها عليك
.
ايات صالح: دفها شوية داروها ضربة ملا كان جربو شدان الشعر بتاع بابا كيف دير??المهم نرجعو للرواية?
.
انا:بعيد الشر معاش تحكي هكي نرضاش فيك ني خلاص حني في اول شهر لينا فوت الزعل هذا كله
فوزي:سفرتنا تأجلت شوي روحي بنديروها بعد اسبوع
انا:مش مشكلة حتى نقعدو هني عادي المهم معاك♥
فوزي:لالا عطيتك كلمة فيهاش♥
انا:نحبك
فوزي:نبيك دلعيني نوضي
قامني ورفعني للدار وني نخبط ع صدره
انا:نزلنيي فيش دلع قاعدة زعلانة
فوزي:نوريك ني الدلع
دخلني الدار وهو قايمني وسكر باب الدار بـ رجله
وخلاص وين ماشين سكرو باب الدار??!!!!
::::::::::::
ماما:روروروريييي
جي جنبها محمد وعصام واحمد مع صحابه البرا
محمدد:شنو يما ليش الزغاريط?
ماما:سارة انخطبت وزواجها الاسبوع
محمد حس وكأن سكين دخل قلبه?اللي حبهاا عرسهاا الاسبوع الجاي هذا وانزفت لـ غيره?
عصام:به مبروك
محمد:اا بنوض ني نستاذن
فتح باب الحوش وطلع ولحقه عصام
عصام:تعال جاي خيرك تكنطيت?
محمد:شي فوتني يا عصام بالله عليك
عصام:تبيها?
محمد:تي كنا نحبو بعض حني وامبكري كلمتني قاتلي فيش نصيب وانت مش رح تقدر تحققلي اللي تبيه تي علاش يراجل علاش علاش دارت هكي ني قعدت نقراا ونصفي في موادي عشان نكمل بكري ونخدم كنت مستعد كل فلس نحصله نعطيهولها هيا ونحرم روحي ني تي كنت مستعد نعطيها اللي تبيه معقولة دير فيا هكي!!! شن اللي غلطت فيه ني تي كسرتني هيا راه هذي بنت خالتي شن خلت للغريب?
عصام:زيد كمل احكي فضفض وطلع اللي في داخلك وارتاح
محمد:ااااخ يا خوي خلت فيها راحة هيا
عصام:زي ما كسرت قلبك اكسر قلبها والبادي اظلم
محمد:كيف
عصام:كلم راجلها وقوله انك تحبها وتحبك
محمد:تي بتفتح عليا ابواب مش فاضي بيهن ني
عصام:ملا خليها ع ربك لين يفرجها
محمد:انشالله
قعدو يهدرزو شوي بعدين دخلو للحوش
::::::::::::::::
نضت الصبح دوشت وخليت فوزي،يرقد يرتاح قعدت نتفرج ع الـTV رن فوني لقيته سارة رديت
سارة:باركييييلي عرسي الاسبوع الجاي
انا:واو نباركلك ع عرسك او ع كسرتك لـ خوي?
سارة:حكالك!!!يا غرام راه ني مجبورة مانقدرش عندي احلام هلبا ومستحيل يقدر يحققهملي
انا:وهذا اللي بتاخديه قالك بنحققهملك?
سارة:كلمتاش ع الموضوع بعد الزوااج نكلمه
انا:واحلامك هذوم مش من ضمنهم خوي?
سارة:غرام وراسك ما تقاطعيني انتي البنت الخالة الوحيدة اللي عندي
تنهدت وفي النهاية نقدرش نقاطعها اصلا!!!!
انا:ومن قال بـ نقاطعك اصلا
سارة:بتجي تباتي ولا عرسي ماهو
انا:نقدرش حبي نبات فوزي مش رح يرضى لكن نجي ونقعد لـ وقت كويس
سارة:اممبه مية مية
قعدنا نهدرزو شوي وسكرت من عليها نوضت فوزي جيت ع السرير قعدت نخربشله في لحيته لـعند ماجبدني وحطني فوقه?
انا:نحيي
فوزي:لا انتي تناشبي ولا
انا:نوض في حبيبي
قعدت نحرك في صبعي ع وجهه لـ عند ماوصلت في شفايفه
فوزي(عض شاربه التحتاني):انتي مش ناوية ع خير شكلك
انا:نلااا
قلبني ع السرير وهو جي فوقي
فوزي:قوليلي نحبك نمشي من عليك
قربت من وذنه:نحبببببك
ونزلت لـ شفايفه بستهم بوسة طويييلة
فوزي:نموت فيك
طيحته ونضت بسرعة
انا:نننننن?
طلعت من الدار وخليته هو بروحه
حط ايده ع راسه من الخلف ويحك فيه:هبلتني معاها?
دخل دوش وطلع لقاني مجهزة فطور حلو
فوزي:الله ع الدلع
انا:ملا شن♥
جي قعمز وني جيت قعمزت ع رجله ولفيت ايدي الايسار ع رقبته والايمين نوكل فيه بيها
انا:نديرلك هكي ديما روحي
فوزي:بعدين نتعود هكي
انا:بنقولك حبيبي
فوزي:قولي حياتي
انا:عرس سارة بنت خالتي الاسبوع الجاي قلتلها نقدرش نبات لكن بنمشي اكيد
فوزي:تمام روحي لكن نبيكش تعطلي عليا نقدرش من غيرك ني
انا:وني بروحي نقدرش اصلا
كملنا الفطور وقمت الحاجات لقيته لابس وطالع!!!!!!!
انا:ع وين
فوزي:ااا شغل صغير حبيبتي وتو نجي بكري ونطلعو ندهورو
انا:بس….
قبل ما نكمل كلامي طلع وسكر الباب!!!!كنت مصدومة وين يطلع وحني عرسان بـ صراحة جت في بالي انه يخون فياا!!!!قعدت نبكي وخايفة”
::::::::::::::
طلعت ركبت السياررة وعارف ان غرامي زاعلة مني بس لازم اليوم نحل كل شي مشيت بسرعة لـ حوش امي فتحتلي الباب
نجاة:فوزي!!
انا:هيا يما تعالي معاي فوق لسماهر
نجاة: تي ليش
انا:هيااااا
نجاة:به به
ركبت معاي فتحتلنا سماهر ومصدومة
سماهر:ااا اهلا
ماقدرتش نتحمل وضربتها كف ع طول يدي فشيت فيه غلي كله لـ عند ماطاحت جتها امي تشوف فيها وتعيط عليا
انا:يما من الاخر نقولهالك البنت هذي حقيرة ومش كويسة راهوو نحكيلك القصة……..
وقعد يحكيلها ان حملت بالحرام والبنت مش بنته
وقبل واخد منها شعرة وداير تحليل DNA ووراها التحاليل وامه مصدومة?
انا:وفوق هذا مكلمة صاحبتها و……
وحكالها القصة بتاع الشاب اللي دخل الحوش
سماهر:كذااااب يا خالتي تصدقيشي كذاااااب??
فوزي:ههههه كذاب صار ملا اتصلي بصاحبتك هي ونشوفو من الكذاب
سماهر:ااااا
نجاة:اتصلي هيا
اتصلت سماهر بـ ساجدة وخايفة
ساجدة:ايوااا
سماهر:اااا ساجدة بنقولك….
كملتش كلامها قاطعتها ساجدة
ساجدة:تي قاعد تتصلي انتي بعد اللي درتيه بسببك راجلك ضرب خوي
خديت منها الفون وني متعصب
انا:ياااا ساجدة وربي ماتحكيش شنصار من الاول خوك ادعيله بالرحمة
ساجدة خافت وقعدت تحكي من البداية وامي مصدومة!!
سكرت من ساجدة وشفت لـ سماهر
انا:انتي طالق طالق طالق
ونضت قمت ولدي معاي لـ اول مرة وطلعت
ركبت سيارتي ووصلت للحوش
:::::::
سمعت الباب انفتح شفته فوزي وشاد ولده معاه!!!!
انا:شنصار فوزي
فوزي:……
وقعد يحكي في كل شي من البداية وقصة الشباب اللي دخل الحوش والخ….
انا:….
#يتبع