رواية احببت متزوج(حقيقية)

#أحـبـبت_مـتـزوج❤”حـقـيقيـة”
بـقلمـي✍أيــات صـالـح”
الـبـارت…(14)
______________
فتحت عيوني وشفت فوزي قدامي وصوابعه يتحركو ع وجهي?
من الخلعة كنت بنعيط بس سكرلي فمي ع طول
فوزي:اوووش يا حمارة بتنوضيهم
هزيت بـ راسي بـ معنى به
نحى يده
فوزي:مارضيتش نخليك زعلانة وجيتك اول ما روحت بـ امي
انا:نحبك وربي?
فوزي:شوفي جيتك بالعربي نوضي معاي بالشوي نصورو
انا:شوف ايديا كيف بـ نوض
فوزي:قيمي راسك بس
قمت راسي بصعوبة” جاب فونه وخدينا لقطات عاااار طلعت فيهن ني كيف نايضة من النوم عاد?
وباسني وروح ع طول طبعا نقز من السور?
رقدت وني فرحانة ع الاخر خلاص اقل من يوم يفصلني ع حبيبي وروحي
:::::::::
8:00ص….
نضت الصبح نحتلي ماما الحنة وطلعت تهبل?
فطرنا والكل قعد يلم في الحوسة بتاع الحوشة اما ني لبست ومشيت للمزين مع سارة
سارة:اووف نوو
انا:خايفة ياسارة متوترة
سارة:طبيعي حبي
انا:زعما نطلع حلوة
سارة:شي اكييد هذا?
وصلت للمزينة وكانت حبوبة الحق طبعا وصلنا خوي محمد
المزينة:اهلا عروستنا
انا:اهلين بيك?
المزينة:تبي ع ذوقي او عندك مكياج معين تبي ديريه?
الحق خفت ديرلي ميكاب اوفر زي اعراس توا
انا:لالا ع ذوقي
المزينة:اوك شن تبي?
انا:………
:::::::::::::
خديت بدلتي وحاجتي ومشيت للاستراحة مع صحابي طبعا دارو عليا شوط?
بعدين دخلت للدار ولحقني صاحبي اللي زي خوي طبعا “عبدو”
عبدو:حسيتك مضايق
انا:اي شوية
عبدو:علاش
انا:سماهر بـ تجي للعرس وامي طلبت هالشي وامس مريضة حبيتش نرفض لكن خايف من غرام تزعل واليوم هذا بالذات المفروض تزعلش فيه بكل
عبدو:سماهر هذي من الاول قتلك رح تكون عائق في حياتك انت نضت ديرلي في فيلم هندي?
فوزي:نبي حل توا
عبدو:قولها لو درتي شي غلط قدام مرتي اليوم وربي تطلقي بالتلاتة وهكي تخاف
فوزي:نرسلها مسج توا?
عبدو:اي
فوزي:اوك هي
فتح فونه وبعت المسج
فوزي:قدر وربي
::::::::::
كانت تمكيج فيا المزينة وني فرحانة وسارة شادة فونها تكلم في محمد مسجات
سمعت تنبيه لـ فوني
انا:شوية بس
المزينة:اوك
فتحته لقيته مسج من فوزي مكتوب فيه (لو درتي شي غلط قدام مرتي اليوم وربي تطلقي بالتلاتة)
كنت نقرا في المسج ومصدومة?حسيت بـ دموعي ع خدي بدو ينزلو بـ حرارة ومشقادرة نوقفهم يعني فوزي كذب عليا ومرته يحبها به ليش تزوجني
شوية شوية يعني سماهر جاية اليوم
خلاص افكاري تشوشت وحسيت بـ نفسي ضاق
المزينة:حبيبتي خيرك تبكي شنصار
سارة:غرومة،شن فيك?
انا:شي خلاص
مسحت دموعي ومابيتش نكبر الموضوع اكثر”وقفلت فوني”
انا:اسفة ممكن تعاوديه
المزينة:اكيد حبيبتي اهم شي تضايقيش روحك اليوم يومك
لما قالت اليوم يومك انقهرت والباين يوم سماهر مش يومي!”
::::::::::::::
عبدو:اسمع اتصل بيها ترا حبيبة القلب
انا:اي فكرتني
طلعت فوني،وبـ نتصل بيها لقيته مقفل!
حبيت نبعتلها مسج حب فتحت المسجات لقيت روحي باعت المسج ليها هيا بدل سماهر?اكيد عشان هكي قفلت الفون وراه زعلت وتضايقت
بعتت المسج لـ سماهر وقعدت ندور في رقم سارة اللي رنت بيه من فوني اول ماشفتها لـ عند مالقيته واتصلت بيه ردت عليا
سارة:اهلا فوزي
انا:اهلين سارة وخيتي نبي نقولك بسرعة قولي لـ غرام لو هيا جنبك المسج وصلك بالغلط وقبل بنبعته لـ سماهر مش ليها راه ورب العزة ماليها
:::::::;::::
كانت سارة فاتحة المايك لما حلف ارتحت نوعا ما”بس مازلت مضايقة من جية ساهر وحاستها بتضايقني زي يومها?بس ماحبيتش نخرب يومي بسببها
كملت المزينة الميكاب
::::::::::::::
عصام:اي دخليش فيك نبي نشوفك اليوم راه
غفران:اممبه اسمع بندخل توا امك تنادي
دخلت غفران للحوش وعصام قعد يبتسم لعند ماقطع عليه صوت
مرام:تحبها
شافلها بإستغراب?:إي?
مرام:واني?
عصام:انتي،شنو
مرام:نحبك من زمان
عصام:بس قلبي يحبها هيا وياريت تبعدي علينا
مرام:مستحيل
عصام:شوفي مرام بالك تحسابيني احمد ولا محمد وربي لو تقربي عليا لما ندمك ع اليوم اللي عرفتيني فيه ونخليك تكرهي اسمي فـ لذلك اخطيني?
مشي وفاتها وهيا قعدت تبكي
لما تحبي شخص مش ليك صعبة بس مع هذا تأذيش حد بـ تصرفاتك”?
::::::::::::
لبست الفيللو كان بسييط هلبا والميكاب بسييييط وكأنني مادايرة شي وشعري خليته مفتوح ولبست الطرحة من فوق واكسسواراتي وخديت سيلفي مع سارة وجانا محمد طلعنا للصالة?❤
خلي نحكيلكم ع اللبس
غفران:لبست قفطان قصير كلوش ذهبي ومحدد بالاسود وفيه رش فضي وشعرها مفتوح
سارة:لبست قفطان طويل اسود وروج اسود وصبغت شعرها اسود كانت جريئة هلبااا لبستها ومكياجها ولفتت الانظار الحق??
:::::::::::
دخلت للصالة ع اسماء الله الحسنى?
وكانت كل الانظار عليا طبعا دخلوني احمد وعصام ومحمد وعيونهم تحت ماعدا احمد حشمني??
قعدت ع الكوشة وجتني المصوراتية خذت لقطات هلباااا وطلعو خوتي بعدين لـ عند ماجت اللحظة الحاسمة
المنشطة:لو سمحتم المحتجبة تلبس العريس بـ يدخل
مرام لبست لكن تسنيم لا دروحه جكرة فيا?
جتني سارة قعدت تزيدلي في البارفان ونزلتلي الطرحة وني كنت متوترة ع الاخر ايديا متشبكات في بعض وواضح عليا التوتر?
دخـل فوزي كان لابسة البدلة وفاتح البطمتين الاولات من السورية?اححييه ولحية السوداء ومحليها الشيب وكله ع بعضه كان جنتل مان بجد?وجذاب?
دخل ع اغنية….
جاي اقول واعلن لـ كل الناس بحبك❤
حب يمكن مرة وحدة في العمر تلاقيه
اوعدك هـ افضل لاخر عمري جنبك?
وابقى اجمل حلم عشتي بتحلميه?
حبييييت وقلبي ارتاح عشان قلبك❤
ونفسو بـ جد يتعانقك وما يسبكيش
مرتاااح اااه وشايفك دنيتي وناسي?
وانا اخترتك واحساسي?مايوخنيش
:
كان يدخل وع كل سطر من هالاغنية نحس بروحي بنبكي من كلمات الاغنية ونظراته ليا ما شبحش ايمين او ايسار كان يشوفلي في نظرات كلها حب ومشاعر ودفئ كنت هايمة فيه ونسيت كل الزعل هايمة في ابتسامته ووقفته وهيبته وحبه ليا❤لـ عند ماوصل يا قاملي الطرحة وباسني ع راسي وهمسلي بكلمة نحبـ❤ـك يا غرامـي❤?
انا:نموت فيك?
وقفو الاغنية وفتحو اغنية Slow وحطو الاضاءة ع جيهة وحدة اللي هيا مكان الرقص شافلي ومد يده شديت فيها والكل مصدوم اننا بنرقصو لان في ليبيا نادرا الشيء هذا في الاعراس!!!
حاوط خصري بـ ايديه وحطيت ايديا الاثنين ع كتافه وقعدنا نرقصو بهدوء والاثنين نشوفو لبعض وبس وناسين كل الناس وطبعا المصوراتية تاخد في لقطات حلوة ومانعين اي شخص تاني يصور حتى سارة وغفران ممنوع?
سماهر كانت بـ تموت وندمت انها جت لانها انقهرت وطبعا ميسم ماتت فيه? وانقهرت حتى هيا وفي اللي يمدحو وفي الي يذمو…..
فوزي:طالعة تجنني كلمة ملاك شوي فيك❤
انا:خجلتني?
فوزي:يسلملي الخجول?
كملنا رقص وتمت الحفلة وجي وقت المرواح
مابكيتش ابدا لانني عارفة ماشية لـ حوش راجل ومستحيل يكسرني في يوم!”
حضنت ماما وببابا وخوتي وسارة وغفران مابيتش نرمي الباقة خليتها عندي?
طبعا مش لازم نذكر توصيات خوتي عليا لـ فوزي وبابا كذلك وماما❤
طلعت من الصالة والناس يحكو في اللي تقول صحة وجه خدت راجل بـ صغاره وفي اللي تقول صحة ليها طيحاته وكل واحد يحكي ع حسب دماغه وتفكيره وني اخر همي كلام الناس?
كيف بنركب في السيارة سمعت اسمي
سماهر:غرام
#يتبع