رواية احببت متزوج(حقيقية)

#أحـبـبت_مـتـزوج❤”حـقـيقيـة”
بقـلمـي✍أيــات صـالـح”
الـبـارت..(13)
___________
فوزي:قولي
انا:شي
فوزي:ياباردة??
انا:واخدتها منك البرادة?
فوزي:تعرفي بنتي شن بـ نسميها
انا:شنو
فوزي:وتين
انا:محلاه♥
فوزي:زي امها
انا:تعرف شن بـ نسمي ولدي
فوزي:شنو
انا:محمـد ع اسم خوي?
فوزي:حبيبي نعسان بـ نرقد اني
انا:اممبه بيبي نني انت تصبح ع خير
فوزي:وانتي من اهلي?
سكرت من عليه وحطيت الفون ع قلبي وابتسمت حسيت ان الدنيا ضحكتلي وبعتتلي حبيب قلبي فوزي لكن حاسة بـ خوف رهيب من اللي مخبيتهولي?
غطيت روحي ورقدت كنت نحلم يومهاا بـ صحراااء مافيها حد الا ني ونجري ونشوف وراي وكل شوية نزيد نجري بـ سرعة اكبر لـ عند مافقت ولقيت نفسي عرقانة وكلني مية نضت لـ الحمام “يكـرم الـقارئ” خديت شاور وطلعت لابسة الديشمبر خذيت زيت جونسون دهنت بيه جسمي ولبست جامبسوت خفيفة بتاع حوش وطلعت للصالة مالقيت حد مشيت للمطبخ لقيت ماما تجهز في الغداء?
انا:ماما،الساعة كم?
ماما:صحة النوم الساعة2 الظهر
انا:?خيركم نوضتونيش لللكلية
ماما:عرسك يا حمارة وبـ تمشي كلية هو مزالك سيمستر واحد عاوديه بعد العرس
انا:اووف به
جهزت فطور لـ روحي وقعمزت في الصالة سمعت الباب يطق فتحت لقيتها غفران سلمت ع ماما وقعمزت معاي
غفران:عندي ليك اخبار بس قبل كل شي بنسالك
انا:شنو
غفران:علاش كذبتي عليا وقلتليش ان عصام كان خاطب?
انا:?خفت نخسرك
ضربتني ع كتفي بـ مزاح:يا حمارة معقولة تفكري هكي انتي اختي راه
انا:نجك ليا
غفران:وليا المهم خ نقولك
انا:قولي
غفران:عصام امس اتصل و…………
انا:بجد تحكي يعني خلاص
غفران:اي?بـ نعطيه فرصة
انا:روروروروريييي
غفران:ههههههههه المهم حبي بتبدي تجهزي ولا
انا:اي اليوم طالعين
::::::::::::
فاتو الايامات وجـي اسبوع العـرس?
اليوم كان يوم الحنـة وغدوا الزفـة??
كنت لابسة الردي البودوي وما حاطة شي في وجهي الجنان كان مزين مقعمزة وايميني سارة وايساري غفران وطبعا حوالينا ميسم ومرام والصغار والعزايز والنساوين وبنات الجيران
كانت زحمة بـ جد بحكم اول عرس يطلع في حوشـنا”
غفران:حاسة روحك متوترة?
سارة:اللطف حنة هيا مش ليلة دخلتها
ضربتها ع كتفها بـ مزاح:ههههههه يا واطية صكفمك
سارة:?به
مرام:وين عصام عندي موضوع بـ نكلمه فيه
احممم خلي نحكيلكم شن كانو لابسين
…
سارة:كانت لابسة قونة سوداء للفخد وبلوزة قصيرة تبين البطن لونهاا ابيض في الاسود ودايرة شعرها كعكة فوق ومنزلة خصلات وميكاب سموكي وكندرة سوداء كعب”
…..
غفران:لابسة فستان احمر طويل نوعه حوتة يهبل عليها ودايرة حنة هندية وشعرهااا خلاته مفتوح وميكاب خفيف هلباااااا وسكربينة كعب فضية”
……
مرام: لابسة فستان قصييرر هلبا للفخد لونه فوشي ودايرة شعرها ظفيرة وميكاب خفيف وروج احمر فاقع”
…….
ميسم:جامبسوت فضية لامعة وشعرها كيرلي وهو طويل وميكاب سموكي داكن”
…..
غفران:موضوع شن?
مرام:خاص
غفران:رح يحكيهولي لانه يخبيش عليا شي?عادي احكي
مرام:نحلفه يحكيش?
غفران:يصيم تلاتة ايام عشاني?
قعدت شادة ضحكتي?
طبعا مرام تهنتش الا لما ناضت وغفران قعدت تسحن
سارة:ياغبية نوضي وراها
غفران:اي صح
ناضت غفران مشت ورا الحوش واتصلت بعصام عشان يجيها
:::::
قعدت ني وسارة وميسم
ميسم:اووف خاطري نشوفه عريسك حتى وقت التلبيسة ناديتوناش
انا:لبستني امـه ني قتله تدخلش نخاف عليه من العين
ميسم:امبه
سارة:اني بـ نوض
كيف بتنوض سارة سمعت ميسم تحكي
ميسم:محمد وينه مش مبين
رجعت قعمزت?
سارة:عنده اشغال مش فاضي بالبنوت
ميسم:في بينكم حاجة??
سارة:حاجات مش حاجة في مانع?
ميسم:اهااا لا مسرع لحق يحب بعدي?
سارة:كيف?
ميسم:كنا ع علاقة ني ومحمد سرية حتى غرام تعرفهاش بعدين سيبته ني
سارة:وبه?
ميسم:اي هذا هو?
سارة:كويس
ناضت من جنبنا سارة وهيا راقيتلها?
قعدت الاغاني والعة وميسم من الكساد ناضت ترقص ريحتني من ازعاجها بعدين نوضوني قالولي نوضي ارقصي وقعدت نرقص?
:::::::::
عصام:ليش ناديتيني
سكت وقعد سارح في جمالهاا?
غفران:احمم
فاق ع روحه
عصام:اي?
غفران:بنحكيلك ع امس خلاص موافقة نعطيك فرصة اخيرة
عصام:بجد
من الفرحة مسك ايديهااا?وقرب من عليها لـ عند ما انفساهن تخلطت مع بعض
غفران:ااا عصام شدير
عصام:اوووش خليني نتنفس انفاسك
قعد يقرب منهاا اكثر واكثر وهيا حاسة بـ كل شي في جسمها انشل لـ عند ما قاطعهن صوت كانت تعرفه غفران
تلفتو الاثنين لقوها مرام
مرام:شديرو?
غفران:ااا ا اا ش ششي
مرام:صورت فيديو ليكم ورح نوريه لـ خالـي ومرت خالو عشان يعرفو كنتهم المستقبلية
ع حقيقتها ال&%$
كيف كانت بـ تمشي عصام شاف لـ غفران كانت نبكي وتشوفله في نظرة كسرة? عطول مسك مرام وخدي فونها بطريقـة سريعة
عصام:الباسوورد هيا
مرام:مش رح نعطيه وهات فوني
طبعا هو ركزش ع لبسة مرام بكل
عصام:قتلك هاتي?
خافت منه وعطتهوله ع طول فتح عصام وشاف الفيديو مسحه ودخل ع الضبط دار اعادة ضبط المصنع وحذفهولها
عصام:عشان تتربي

مرام:علاش به انمسح كل شي?
ناضت مرام تبكي ومشت وغفران مسحت دموعها وارتاحت ابتسمت لـ عصام
غفران:ش شش شكرا
عصام:ولو هيا خشي قبل مايشوفك حد
غفران:به?
دخلت غفران بسرعة وكان واضح عليها التوتر اما مرام دخلت تبكي الكل يسال علاش قالت فونها خرب بس وقعمزت تشوف لـ غفران بحقد
:::::
سارة:اممم يعني تبي تقنعني ان فيش بينك وبينها شي
محمد:وراسك مافي بيننا شي لاقبل ولا توا تي كذابة هذي
سارة:به
محمد:نبي نشوفك بالقفطان به
سارة:اقرا عليا الفاتحة تو نوريك
محمد:ياجافة
سارة:نعرف نننن?
محمد:جو الرجالة هياا باي
سارة:باي
سكر من عليها ومشت سارة
رن فوني لقيته فوزي رديت
انا:اووف وينك فوزي مش بنصورو
فوزي:سامحيني امي مرضت وفي المستشفى والله مانقدر نجي
زعلت منه الحق وكان خاطري نصور ني وياه بالبودري?بس سكتت وخلاص
انا:اها تمام ولاباس عليها نستأذن
سكرت من عليه وغمتلي بكل ني
قعدو يرقصو ويديرو في جو وني مش معاهن بكل لـ عند ما روح الكل وجي الليل رقدت وجت ماما وخالتي بيحنوني وميسم ومرام وامهم مقعمزين يدربكو وسارة وغفران يهدرزو
ماما:يا حمارة ابكي
انا:علاش?
خالتي:البنت لما يحنوها تقعد تبكي
انا:مابتش تجي الدمعة
ماما:?محشمتني من يومك
انا: يا دمعة دونت طيحي
سارة+غفران:???
انا:صار وذانكم معايا?
سارة:يعيني?
كملو الحنة وجت سارة وغفران رقدو جنبي والباقي توزعو في الحوش كنت نحس بشي يخربش في خشمي فتحت عيوني وشفت……
#يتبع