زوجه أَمْ جاريه رواية لآروي الطاهر

#زوجه_أَمْ_جاريه 9

خش زين لدار حط مفاتيح وورقة دواء ع الزيانه وطلع لي الصالون
نهاد:نزلت من السرير بهدوء فتحت الورقه عرفتها ورقة وصفه طبيه جت بتقرا الاسم حست بزين فتح بابا المطبخ
رجعت للوصفه وقرت الاسم ((هديه عامر ال…))
شافت للعمر لقاته59
نهاد:رجعت الورقه بسرعه لمكانها ورجعت لي السرير غمضت عيونها وبدت الحيره والفظول ياكل فيها اكتر من قبل
منو هاذي هديه؟!!؟؟
كنت نقدر نقول حبيبته مرته اي شي بس عمرها 59سنه مستحيلللل تكون على علاقه بيه ….تعببببببت ياربي شنو القصه وراء زين

زين:فتح ضي دار النوم ولما شاف نهاد راقده رجع سكر الضي وخش الدار
نهاد:متكلمتش ولا دارت شي
زين:قعمز علي السرير عاطي نهاد بضهره …قعد فتره مقعمز بنفس الطريقه بعدين حط راسه ع المخده وسكر عيونه وهوا مهموم?

_______________________

مريم:كانت مقعمزه علي سريرها بنفس طريقة زين ومهمومه زيه?تشوف لي شنطتها وشنطة ولدها وتشوف لي دولابها يلي فاضي ….من غضوا بتطلع من هاذا المكان بتخلي حوشها ورزق ولدها وبتمشي لحوش اماليها ليش؟!عشان الانسان يلي حباته يعيش في سلام مع مرته ومتنكدش عليه
جفو دموع مريم وتعبت من كل شي قاعد يصير سكرت شناطيها وخذت ولدها في حضنها ورقدت❤️

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

ثاني يوم????

طق طق طق طق
مريم:فتحت الباب…صباح الخير عمتي
امنه:صباح الوردات كيف حالك اليوم
مريم:الحمد الله خشي
امنه:لا والله الف حاجه في راسي جبتلك شيشة حمودي نسيتيها امس
مريم:صحيتي
امنه:طاحت عينها علي الشناطي وتغيرت ملامح وجها….مريم شنو هاذا وين ماشيه؟!
مريم:خذت نفس عميق….خلاص عمتي معش نقدر نقعد هنايا اكتر من هكي بنرجع حوش اهلي
امنه:لاكن زياد ب…..
مريم:قاطعتها…..زياد مستحيل نخليه يتزوجني ونخربله حياته …..حرام ياعمتي شوفيه كيف فرحان بعروسته ليش نحمل فيه مسؤليه ونخرب عليه فرحته
امنه:معش عرفت شنو ترد
مريم:تفضلي عمتي الفطور واتي
امنه:صحتين حبيبتي ربي معاك
مريم:ابتسم ❤️

_____________

زين:كمل صلاة الصبح وطلع للبلاكونا….خذي نفس عممميق والتفكير مش راحمه ولا دقيقه رجع خش للمطبخ شاف نهاد مقعمزه ع الكرسي تهز في رجلها بتوتر
زين:محكاش معاها وقعمز يفطر
نهاد:زين بنسألك
زين:شني
نهاد:وين مشيت امس؟!
زين:علاش؟
نهاد:لا بس نشغلت عليك
زين:صاحبي مريض ومعش دخلك فيها الحجات هيا
نهاد:صاحبك اسمه هديه؟!..
زين:بكل عصبيه ناض قلب الطاوله كلها متع الفطور وطاحو كل الماعين تكسروو
نهاد:يديها ع فمها من صدمتها
زين:مسكها من مرفقها بغل ومتكنطي لين عروقه بارزات…..كككككككككلمه بسسسس تانيه???تي اقسم بالله كل تهديد قلتهولك قبل ومدرتاش بنفذه فااااااهمه
نهاد:تبكى
زين:حط يده ع راسها:الاسم يلي قلتيه قبل شويه تنسييييييييه نهااااائي في حياتك
نهاد:فكت يدها وخلت تعبيرات وجها عادي وقعدت تمسح في دموعه….تمام انا مقصدي شي من خوفي عليك بس…..وقبل ميتكلم زين سيباته ومشت
زين:طيح التحفه يلي جنبه بغضبببب….وطلع من الحوش

_______________

صفاء:تاكل في الفراوله….زيادووو حبيبي زيااااااد. وينك
زياد:يلبسفي التيشرت….عيونه ياقمر زياد
صفاء:تعالا نزل طقم الشاهي من فوق
زياد:قرب عليها….علاش قصيرونتي من جاينا؟
صفاء:امى وعماتي ياعمري هيا سرعلي روحك
زياد:تي عمات شنو لينا يوم بس متزوجين
صفاء:بدلع….حبيبي هكي سبرنا به شنو بنديرلهم هي
زياد:ذآاااب ….حاضر ياعيون حبيبك ?❤️?

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

مريم:واقفه قدام باب حوشها تلم في كنادرها
صالح:ينادي من بعيد ….مرررريم
مريم:حطت الوشاح ع راسها…..ايوا عمي تفضل تفضل
صالح:قعمز علي الكرسي يلي كان في الجنان….تعالي بنحكي معاك كلمتين
مريم:قعمزت جنبه ومتوتره….اها عمي ان شاء الله خير
صالح:علاش بطلتي زواج من زياد مش كنتي موافقه؟!
مريم:اي بس …يعني بعد شفت كيف زياد فرحان مستحيل نخرب عليه
صالح:لاكن م…..
مريم:قاطعاته…..عمي ارجوك اسمحلي في هاذي زياد مستحيل نتقبله گ زوج ليا ?
صالح:سكت وخذي نفس….به ليش تبي ترجعي حوش اماليك؟!يهون عليك حفيدي الوحيد يتربى بعيد عليا ؟
مريم:نزلو دموعها….انا ياعمي مهما كنتي واقفين معاي في نضر الناس ارمله وكذا مره يضايقو فيا منقدرش نقعد بروحي في الحوش
صالح:منو يلي ضايق
مريم:مسحت دموعها…..ربي يسامحهم?
صالح:لو هاذي المشكله تنحل من غضوا ….جيبي كل بضاعتك انتي ومحمد وتعالي عندي مفيش بنادم يقدر يوصلك
مريم:نزلت راسها
صالح:متحرمينيش من حفيدي يامريم نعرفك بنت اصل ومديريهاش
مريم:ان شاء الله ياعمي منطيحش كلمتك
صالح:ابتسم بفرح…ربي يفتح عليك ان شاء الله

__________________

#بعد_مرور_شهر

مريم:سكنت في حوش العيله وكانت متريحه نوعا ما ع الاقل مفيش ولاد حرام يضايقو فيها

اما نهاد بدت تتعامل مع زين بنفس تصرفاته بزززبط ومعش تحكي معاه غير في الحجات الضروريه وطول الفتره هاذي معش قرب عليها ….واخيرا زارتها مرت خوها وخوها وكانت فرحانه بيهم برغم انهم مينفعوش ?

زمزم:تي خيرك وانتي تترقدي
نهاد:حاسه روحي تاعبه مش قادره تعرفي
زهور:خليها متبيش ادير الغدي دلع زايد
مريم:حرام عليكم لابسينها من الصبح??
زمزم:اسكتي انتي مدخلكش
نهاد:اي دافعي عليا بالله نجيها سلفتي
مريم:كان زادو طولو لسانهم اطلقي عليهم زين ياكبدي خلي ياكلهم ماكله
كلهم:??????
صفاء:نسمع عليه هلبا تعرفي
نهاد:شن سمعتي
صفاء:ان طبعه واعر هلبا وصعب التعامل معاه حتى زياد ديمه يحكيلي عليه
زهور:ووووه انتي كل شي حتى راجلي
صفاء:?خزي عليكم والله منقصد
نهاد:هههههه
صفاء:بس بجد خاطري نعرف كيف متصرفه معاه في الحوش ؟!
نهاد:في اللحضه هاذي معرفتش علاش اذكرت كيف باسها اول مره بقوه ❤️?
مريم:سرحت ياكبدي
زهور:في شنو بتسرح امالا في الطرايح ?
نهاد:مش لهدرجه عاد?….برغم انه واعر ويخوف ومنكدي بس نشوف فيه يجنن?
زمزم:بنسبه للجمال وخي معروف قنين زي وخياته احممم?
نهاد:منحكيش ع الشكل ….شخصيته دمار??
زهور:اياه علينا حتى نهاد بدت حتى راجلي الله غالب عليا انا وزمزم ومريم مادين وجوهنا وخلاص
صفاء &نهاد:?????

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

زين:خش لحوشه مستعجل بياخذ فلوسه …واول مخش غرفك النوم فاحت عليه ريحة نهاد ❤️رغم انها مكانتش موجوده….سكر عيونه لحضات وفتحهم ….خذي يلي يبيه وقبل ميطلع من الدار قعد يشوف لي روب نهاد يلي حاطاته ع الكرسي وطلع

((شكله مستاحش ياكبدي??))

________________

نهاد:بنتفجر يامريم ومش عارفه ولا لاقيه لمنو نحكي
مريم:يخوف ….شش شن فيه
نهاد:من فتره زين طلع من الحوش في الليل متأخر
ورجع قريب اذان الفجر
مريم:به؟!
نهاد:المهم رجع معاه ورقه متع وصفه طبيه ولما فتحتها لقيت فيها اسم مرا وعمرها59تخيلي
معرفتش منو هاذي وليش اصلا طلع بسرعه في الليل ع خاطرها
مريم:قدرتي تقري الاسم ؟!
نهاد:اسمها هديه ولا هدايه مش عارف مهم هكي
مريم:هدد ه هديه?
نهاد:اي …..تعرفيها؟!
مريم:ساكته
نهاد:مريم تكلمي الله يربحك تعرفي شي ع الموضوع
مريم:نن نهاد انا …..
زين:زهوووور
مريم:بلعت ريقها بخوف….انا بنمشي الحمام …وطلعت تجري
زين:قعمز في الصاله…..وين خواتي؟!
نهاد:رجعت رقدت ع الجلسه….طلعو لي حوش زياد بيجيبو شوي حجات من صفاء
زين:قايم حاجبه….نوضي انتي شنو تترقدي في الصاله
نهاد:تاعبه نحس في روحي وكبدي زاهقه خليني بالله
زين:طلع وخلاها
مريم:شفاته طلع برا الحوش وجت لي نهاد

نهاد:فزت من مكانها….مريم بالله تحكيلي ربي يربحك ان شاء الله ريحيلي قلبي
مريم:بخوف وتردد….نهاد بنحكي بس مدخليش بالله عليك
نهاد:عليك الامان
مريم:هديه هاذي مرا من جنسيه سوريه ….كانت تخدم هنايا تساعد في عمتي من قبل حتى منتزوج
ايام كنت عروسه صارت مشكله كبيره بين زين وبنت هديه مفهمت شي منها بس كان زين يعيط بعلو صوته وبوه يسكت فيهم …..من هذاك اليوم المرا وبنتها اختفو من المدينه بيلي فيها
وطلعت شائعات ان زين قتلهم او قتل البنت يلي تعارك معاها
والفتره هذيكه طلعوو هلبااااا اشاعات لا تعد ولا تحصى قالو حتى دفنها حيه وقالو ذبحها وقالو قتلها وردمها كل واحد يقول في قصه
نهاد:بصدمه….بب به البنت وين توا
مريم:علمي علمك والله منعرف حتى سبب المشكله شنو حتى زهور وزمزم معندهمش اي فكره
بس سبب خوف الناس من زين القصه هاذي
نهاد:????
مريم:بس يلي حيرني شن جيب هديه لزين بعد السنين هاذي كلها؟!
نهاد:مصدومه?
مريم:حي عليا حتى وجهك انخطف لونه
نهاد:حاسه روحي مش تمام من الصبح بنخش الحمام
مريم:نوضي به تو نجيك
______________

الساعه9في الليل :-
زين:سمع بي فتح الباب ….تمام انا شفت الامور وطمنوني
مجهول:تمام بس دير في حسابك مرات الاسبوع الجاي نكلمك
زين:تمام ساهل ساهل
نهاد:خشت الصاله وقعمزت ع الصالون وعلامات الصدمه علي وجها
زين:لاحض ان مرت نصف ساعه تامه يتفرج فيها ع التلفزيون ونهاد بنفس الوضعيه تشوف قدامها وساكته

زين:في شي؟!
نهاد:اءءء اء ها؟!
زين:مقعمزه هنايا تبي شي؟!
نهاد:زين ففف في شي لازم تعرفه
زين:شبحلها بي استغراب
نهاد:دموعها ينزلو بشكل مش طبيعي لدرجة خلت زين يبي يعرف سر دموعها؟!
زين:شن فيه
نهاد:زز ز زين انا حامل ?
زين:….يتبع

عارفتها قصيره بس والله روحت تاعبه ومقدرت نكتب اكتر من هكي