زوجه أَمْ جاريه رواية لآروي الطاهر

#زوجه_أَمْ_جاريه 5

زين:مسك نهاد من يدها وطلعها رجعها لي حوشها
قعدو البنات يفيقو في فاطمه اما امنه لحقت زين وقعدت اطق طق ع الباب خايفه زين يدير شي في نهاد وتموت بين يديه

فاطمه:بدت تفيق شوي شوي
زمزم:قتلك من البدايه يافاطمه انا قتلك???
مريم:تبخ في الميه علي فاطمه….اهدى يا زمزم واسكتي برو لحقو ع نهاد كلمي بوك امششششي
زهور:اءءء اي اي بوي وين
زمزم:اتصلي بيه بسرررعه
فاطمه:تتوجع من راسها…وو وينها نهاد خيرها
مريم:اه يااااارب استر في ها الليله صار

نهاد:خشت تجري سكرت ع روحها باب الدار وخااايفه بتموت
زين:بدون مقدمات كسر الباب وخش وواضح من عيونه الشرار?
نهاد:تجمعو الدموع في عيونها وعرفت ان خلاص رح ينهيها بسبب يلي دراته
زين:قرب عليها وهيا تبعد لين لصقت في الحيط
نهاد:نبضات قلبها نتتسارع مع تنفسها من الخوف
زين:حط يده ع الحيط….من اول يوم ليك قتلك رح نحترمك قدام الناس صح ولا غلط؟
نهاد:دموعها ينزلو
زين:بصوت عالي يخوف….رررررردي عليا لما نتكلممم
نهاد:هزت براسها وتبكي ….اي صح
زين:بس انتي محترمتينيش قدامهم ووقفتي في وجهي
نهاد:????
زين:انتي عارفه شنو رح ندير فيك توا ع اللقطه يلي درتيها برا؟!!!!
نهاد:في لحضة صمت وهوا كان خلاص رح يخبطها ….حضناته?
زين:واقف مش مستوعب شن دارت؟!?
نهاد:حضناته بقوه ❤️وبصوت يرجف …..متأذينيش ونبي
زين:لسانه ارتبط وجسمه تجمد بلحضن هاذا ،،معش سمع شي غير بكاها وصوت امه كيف تخبط في الباب برا وتترجى فيه يفتح
نهاد:قامت عيونها الحمررر فيه وقاعده حاضناته ودموعها ينزلو….بالله عليك زين
زين:فك يديها بسرعه ودفها لين طاحت ع السرير طلع بسرعه كأنه ضعف قدامها ومعش يبي يقعد جنبها
طلع عشان معش يشوف عيونها ويسمع صوتها وكيف تترجى فيه لان يذكر فيه بهلبا حجات❤️

قعمزت نهاد ع السرير تبكي كانت متوقعه انه يولي يضربها او يقتلها او اي شي المهم يرجعلها بس طال انتضارها فاتت ساعه تانه وزين مرجعش عشان يحاسبها ولا طلع برا الحوش

_____________________

طق طق طق
زين:طفا الدخان وفتح الباب
صالح:ماسك يديه الزوز وحاطهم وراه….شنو مفيش تفضل ؟!
زين:حوش ولدك امتى متبي تخش
صالح:خش المربوعه ولحقه زين بعد سكر الباب
زين:قعمز وكأنه عارف بوه شنو بيحكي
صالح:شن يلي درته اليوم
زين:اعتقد انك سمعت وعرفت كل شي مفيش داعب نعاود نحكي
صالح:عدل نضراته….ممكن نفهم شنو يلي غيرك؟!
زين:متغيرتش انا من يومي هكي دمي سخون ومنحبش الغلط
صالح:بس توا زدت قسوه وليت اناني متعجرف متكبر وكل همك الناس تسمع كلمتك وبس
زين:سكت
صالح:تعاقب فيا يازين؟!
زين:ولعت فيه نار?…..منعاقب في حد انا
صالح:شن تفسر يلي قاعد يصير هااا؟! بالك تسحابني مقتنع ان حتى زوجتك يلي فاتت متجيبش في صغار ؟!شنو ها الصدفه يلي تخليك تتزوج مرتين عقيمات ؟!
زين:اهو خذيت الثالثه يمكن تصدف وتجيب الحفيد يلي انت تبيه
صالح:انت تبيه ؟!?….يعني انت متبيش الصغار؟!
تكلم رد عليا
زين:عندي حجات اهم من تربيت عيل
صالح:تهند بقلة حيله….يلي قاعد يصير ليه علاقه بي الماااضي ؟!
زين:قبض يده من الغضب بس قعد ساكت ميبيش يعيط ويرفع صوته علي بوه
صالح:لهاذا السبب متبيش تجيب الحفيد يلي نبي نشوفه منك صح او لا ؟!
زين:عندك حفيدك ولد محمد الله يرحمه وانا خليها بي النصيب لو طلعت يلي عندي تحمل يصير خير
صالح:شن درت فيها البنت؟
زين:خذت نصيبها عشان تتربى وتعرف كيف تتصرف في الجديد
صالح:بنت الناس مش لعبه والمره هاذي منيش ساكت يازين اقسم بالله في الجديد نسمع انك مأذيها البنت تشوف شي مايعجبك فااهم ولا لا
زين:قعد منزل راسه وساكت كان ميحبش حد يكلمه بي الاسلوب هاذا ولو حد تاني حكي معاه هكى غير بوه راهو قتله في مكانه
طلع صالح من عند زين بعد مكمل معاه دوته بهدوء

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

زين:قعمز في سيارته وطيح الكرسي ….شنو يلي درته انا؟!كيف مربيتهاش ؟ كيف ممديتش يدي عليها؟كيف خليتها تتمادى لدرجة انها قربت عليا؟!
علاش كذبت علي بوي وقلتله اني عاقبتها؟!…خبط بيده بقوووه….كيف ضعفتتتت

قعد زين ع الحال هاذا مدة قريب ساعتين دخان طرف ورا طرف وصراع في عقله واسئله وهلبااااا حجات لين جت الساعه 2نزلت من سيارته وخش الحوش بي ملامح وجها الحاده زي العاده
خش دار النوم بياخذ حوايجه شاف نهاد راقده ع السرير وخصلات شعرها الاحمر مبعثره علي وجها
بعد عيونه عليها بدون اهتمام خذي حوايجه وطلع من الدار

_______________

فاطمه:زعمه يقول لي بوي
زمزم:ميديرهاش بس احتمال مزال حسابك مكملش معاه حي عليك
فاطمه:خلي يضرب من هني لا الصبح مش مسيباته صاحبه
زهور:مدام تحبيه هكى وينه معش رد عليك
فاطمه:سكتت
زمزم:مريم وين سارحه
مريم:نفكر في نهاد ينارى شن دار فيها
فاطمه:وجعتني يناري بسببي??
مريم:غضوا خلوه يطلع لخدمته ونمشو نشوفوها
زهور:اي صح
زمزم:انا بنرقد سادني رعايش
زهور:احرررف منك
مريم:ناضت من كانها
فاطمه:وين ماشيه الدنيا ليل
مريم:بندير رضعه لحمودي رح يفيق يعيط بعدين نلقاهاواتيه
فاطمه:اهابه

طلعت فاطمه للمطبخ توتي في الشيشه لولدها ع خشة زياد
مريم:جت عينها في عينه حطت الوشاح بسرعه علي شعرها
زياد:س سس سامحيني مكنت نعرف انك بايته هني
مريم:نزلت عيونها…ولا يهمك كنت ندير في شيشة حمودي
زياد:به كويس خشيت بناخد مشروب حطيته في الفريز
مريم:قلبها يدق….تصبح ع خير
زياد:وانتي من اهل الخير

___________________

امنه:رقدت؟!
صالح:بعد يلي صار في حد قادر يرقد؟!
امنه:الله غالب
صالح:ولدك تمادا هلباااا ويبي حد يوقفه عند حده
امنه:ااااااه غير قولي منو يلي بيسترجى ويوقف قدامه بس ….لاكن ع رغم من يلي صار اليوم فاطمه تستاهل كيف تكلم صاحبه وادير معاه علاقه بلحرام
صالح:مهما كانت البنت غالطه مليشي الحق يمد عليها يده
امنه:والله انت ولدك وتعرفه كيف دمه سخون وميتحملش
صالح:مش عذر هادا
امنه:تنهدت…..ع العموم ولدك زياد
صالح:خيره هوا التاني
امنه:يبيني نخطبله صاحبت زهور بنتك
صالح:ككككيف؟؟؟
امنه:خيره استغربت الولد حوشه واتي شن يمنعه
صالح:عقد حواجبه…..كنت مداير حاجه تانيه في بالي
امنه:شنو
صالح:……..

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

ثاني يوم???

نهاد:فتحت عيونها ادور وين زين؟!….بس مكانش جنبها
تفاجأت لما شافت الباب مصلح ..كيف وامتى صلحه؟!
طلعت من دار النوم بدون حتى متغسل وجها …دارت في الحوش كله وزين مكانش موجود عرفاته طالع لما شافت سيارته مهناش

خشت نهاد للحمام دوشت وفطرت بعدين قعدت تحوس ع الحوش

___________________

فاطمه:روحت لحوشهم قبل متتلاقى مع زين ويخلص عليها بكل
اما مريم كانت تتحجج بي اي شي عشان تقعد في حوش شيابينها خايفه اولاد الحرام يخشولها ويرجعو يضايقوها

طق طق طق
نهاد:فتحت الباب وكانت عارفه انه مش زين لانه عنده مفتاح
نهاد:ابتسمت….تفضلو
زمزم:ياحليلي علي مرت خوي شن صاير فيك ياكبدي
زهور:بي شنو ضربك وريني جسمك
نهاد:ضحكت….غير قعمزو نديرو قهوا ونهدرزو

خشو زمزم وزهور قعمزو ونهاد دارت نسكافي وحطت شوي من الكيكه الفاضله
زمزم:احكيلي مش قادره نستنى
نهاد:فكرت لحضات قبل متحكي….تقوللهم حضنته ؟!بس مش كل شي بين الراجل ومرته ينقال
زهور:الوووو
نهاد:اهااا….اي كان خلاص بيمد عليا يده بس ادخل بوك لما طق ع الباب سيبني وطلع
زمزم:اااه الحمد الله
زهور:بملامح تفكير…بس بوي عطل عشان يجي ؟!
نهاد:ارتبكت….مش عارف بس المهم في حد جي خبط ع الباب وطلعله
زمزم:يالله المهم نفذتي منه …ماما كانت بتجي بس لهت مع حمودي لان مريم طلعت مع خوها
نهاد:خوها؟…غريبه مريم عمرها متكلمت علي اهلها قدامي
زهور:عندها اهل تمشيلهم ويجوها بس بابا رفض مريم تطلع من حوشها وتربي ولدها بعيد علينا لهاذا السبب قاعده عندنا
نهاد:به كويس ربي يحفضلها وليدها
زمزم:المهم نحنا اليوم بنمشو حوش خالتي تسكن في مزرعه تجنن تعرفي بنباتو غادي
نهاد:الله سعدودكم قداش ليا ع الطلوع
زهور:بنحاول نكلم زين يخليك تمشي معانا
نهاد:زعما يخليني؟!
زمزم:علاش بيرفض هلبا هكي !!!

_______________________

زياد:نعمممممممم؟؟؟؟!
صالح:قعمز وواطي عيونك لما نكلمك
زياد:عيون شنو يلي بنواطيهم فهمني؟!جاي تقولي بنزوجك مرت خوك شن الكلام هادااااا
صالح:مرت خوك تاخذها وتربي ولدها اولا من غيرها
بالك تسحابني بنخليها في حوشها بروحها ؟!
زياد:تنرفزززززز…..مش ح ناخذها والبنت يلي مربط معاها والله منسيبها حتى كان مشيت بروحي
صالح:من قالك متاخذهاش؟!نبيك تكتب الكتاب علي مرت خوك وتقعد في حوشها وجيب مرتك يلي. تبيها في حوشك
زياد:قام حاجبه….وليش الحل هاذا مقلتش عليه لي زين؟!ولا متقدراش تخاف منه حتى انت
صالح:ضربه كففف?
زياد:طلع متكنطي وقربع الباب وراه
امنه:اااه قتلك ياحاج قتلك والله مايوافق زياد ونعرفه
صالح:تو يوافق بسيف عليه

______________________

روحو زمزم وزهور قبل ميروح زين
اما نهاد خذاها النوم ع الصالون

زين:خش لحوش بوه شاد خضره وفواكه ولحم زي العاده حطهم في المطبخ وجي بيطلع
زهور:زين
زين:تلفت…..شنو؟
زهور:اءء نن نهاد
زين:خيرها؟!
زهور:قصدي بعدين بوي بيرفعنا حوش خالتي عياده بنباتو اليوم خميس عادي تخلي نهاد تمشي معانا ؟
زين:بيتان لا غضوا تو نجيبها
زهور:بفرح….به عادي مهم تجيبها
زين:طلع من حوش بوه بخطوات بسيطه وصل لحوشه

فتح الباب وخش شاف نهاد راقده قدام المكيف ومش مغطيه سكر المكيف وخش للحمام خذي دوش خفيف وطلع ❤️

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

مريم:خذت ولدها وركبت السياره ….وين زياد ميبيش يمشي
امنه:لالا عنده خدمه قال
زمزم وزهور مقعمزين في السياره وحاشيين راسهم في التالفونات….طلع بيهم صالح ✨✨✨

زين:طلع من الحمام يمسح في شعره ولما وصل في الصاله سمع انين خفيف شاف جنبه كانت نهاد وجها احمممر وعيونها نصف مفتوحات
نهاد:ز ز زين
زين:قرب شوي يشوف فيها بس مردش
نهاد:بصوت مرخي هلبا….زين اناا انا منحسش في روحي كويسه
زين:عطاها بضهر وجاي بيطلع بس وقفه صوتها
كان صوت انينها خفففيف …التفت وبيد تقدم وتوخر هلبا مرات ….لين واخيرا حطها علي وجها وعرف ان الحراره راكبتلها بشكل مش طبيعي هلبااااا?درجة وجها احمر قريب يوصل لون شعرها ❤️

زين:بعد يده وطلع من الحوش لي حوش بوه خش ينادي يبي اي وحده من خواته ولا امه ولا حتى مريم تجي تهتم بيها بس كانو كلهم طالعين
اضطر يرجعلها ……

قعد زين واقف مش عارف كيف يدير وواضح ان حالتها بدت تسوء لدرجة من الحراره بدي جسمها يخض عرف ان لو بيزيد يتأخر ممكن تموت منها
خش بسرررعه لدار النوم يفتش بدون ترتيب لين لقي عبايتها خذاها وطلع الصاله لفها عليها ….بعد من جنبها وقعد يشوفلها ….كيف هكي جسمها مغطي وشعرها برا؟!….رجع لغرفة النوم يدور لين جاب عبايه تانيه?حطها علي شعرها وقامها بيديه??❤️

مسافة الطريقه لي السياره وهوا يشوف لي خدودها كيف حممممر وجسمها يلي مش قادر يتحرك وعيونها يلي مره يتسكرو ومره ينفتحو شويه
حطها في السياره وطلع بيها المشفى ……

_______________

زياد:صفاء به اقترحي عليا ويلي اديريه ماشي
صفاء:تنهدت بوجع….صعب عليا زياد كيف تتزوج عليااا ولا تجيبني زوجه تانيه اقسم بالله نمووووت نموووت يا زياد????
زياد:صفاء متزيدينيش وربي نجيك الحوش توواااا
صفاء:مسحت دموعها…زياد نقبل في حاله وحده
زياد:بفرح….شنو
صفاء:تخلي زواجك عليها ورق بس
زياد:موافق اصلا مهما كان مرت خوي الله يرحمه مستحيل نقدر نمسها
صفاء:هكي نوافق
زياد:صفاء خلي في بالك اني نحبك ومش رح نخليك مهما كان الثمن
صفاء:ولا انا وح نتخلى عليك❤️

زين:وصل بي نهاد المشفى خش الدكتور يفحص فيها وزين يغطي في شعرها ويعاود لدرجة خلى الدكتور يرتبك وكل ميقيم عيونه يقوله لو سمحت شويه كان يخاف من نضرته?

عطوها خافض للحراره وقعد جنبها لين تمت التغديه بعدين جاه الدكتور
الدكتور:يالله خوي تقدر تروح بيها امورها تمام بس لازم تحافض علي الدوا متاعها وتعطيهولها في وقته زي مايوصفهولك الصيدلي ولا اديرلها كمادات كل متحس ان الحراره بدت ترتفع
زين:انا؟?
الدكتور:امالا منو؟!مش حضرتك زوجها؟
زين:ها؟اي اي
الدكتور :خلاص دير يلي قتلك عليه وبي اذن الله تمشي تمام
زين:تمام منور
الدكتور:ولا يهمك
زين:استناها لين تنوض بس مفاقتش حملها من جديد وركبها السياره وطلع بيها …..

وقف ع الصيدليه خذالها الدوا وفهم كيف رح يعطيهولها وروح بيها

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

دخلها دار النوم حطها ع السرير وسكر المكيف
خش الكوجينه وهوا مش فاهم كيف يديرو الكمادات?فتح القوقل وعرف الطريقه حس بي الاستهزاء ع روحها لما لقي الطريقه تافها ?

خذي الصونيه يلي فيها الميه وخش لدار عصر الفوطه وحطها علي راسها وطبعا كله تعليمات قوقل بعدين بعد عليها وقعد يشوفلها حس ان في شي غلط ؟!!!

اذكر ان حط الفوطه علي العبايه يلي لابستها علي راسها?بعد الفوطه ونحا العبايات يلي لافهم بيها زي البراك ورجع حطلها الفوطه….يتبع