زوجه أَمْ جاريه رواية لآروي الطاهر
#زوجه_أَمْ_جاريه 2
نهاد:بين ذكرياتي يلي زي السم ع قلبي وسرحاني قاطعني صوته يلي اول مره نسمعه
_انزلي مع خواتي وتو نجيك ……ونزل من السياره
نهاد:صووته?مجرد مسمعته دارلي قشعريره في جسمي قبل منشوفه كان صوت رجولي ممزوج بي الشخصيه لحضات ونسمع في اخته تنادي
زهور:نهاد هيا انزلي
نهاد:نزلت معاها وقعدت شاده فيها هيا واختها زمزم خايفه نطيح بي الكعب لين وصلت الحوش
زمزم:قيمي خمارك وشوفي حوشك ياغزاله
نهاد:قامت خمارها وابتسمت لما شافت حوش يجنن من برا ارضي وبي جناناته
نهاد:مشاء الله ربي يبارك
زمزم:طبعا هاذا يلي جنبه حوشنا ويلي ع اليسار حوش سلفتك
نهاد:ابتسمت وهزت براسها بمعنى فهمت ….وخشت معاهم
خشت للحوش وكان اول شي ع اليمين مربوعه كبيره وفخمه وقدامها صاله متوسطه الكبر فيها صالون وشاشه كبيره يفتح جناح ع الصاله من جيهة اليمين فيه 3غرف وحمام وع اليسار المطبخ وحمام صغير
زهور:وهااذي دار النوم
نهاد:ابتسمت….صحيتي
زمزم:هيا زهور خلي العروسه تاخد راحتها….تصبحي ع خير
نهاد؛وانتي من اهله
طلعو زمزم وزهور وقعدت نهاد تتفحص في الدار يلي كان واضح عليها جديده ❤️
نحت عبايتها ووشاحها وقفت ع المرايا تعدل في شعرها ويبست في مكانها لما سمعت باب دار النوم ينفتح
خش العريس وبدون ميشوفلها قعمز علي كرسي الزيانه يشوف للمرايه وينحي في ساعته
نهاد:تلفتتله وعيونها ع الارض تراجي فيه يتكلم والصمت بينهم كان يخوف لين نطق اخيرا
_انا اسمي زين اعتقد تعرفي مواليدي وخدمتي وحتى عمري مفيش داعي لي اللكلك الزايد
نهاد:بدون متقيم عيونها نصدمت….خيره هاذا خلوقه في حكه من اول يوم؟!
زين:تلفت لي نهاد وهوا متكي ع الحيط….عرفيني بيك
نهاد:قامت عيونها وتلاقو عيونهم في بعض??
كانت صدمه لي زين متوقعهاش تكون قنينه وصغيره هكي ❤️شعرها الاحمر وبيوضتها وجسمها كانت تجنن
نهاد:قعدت دقايق عشان نستوعب يلي قدامي …هاذا هاذا رسمي رح يكون راجلي؟!بلحيته شعره كتافه العراض ?
زين:بهدوء…شنو مطوله لهدرجه صعب السؤال؟
نهاد:رجعت عيونها ع الارض وبدت تتكلم وتلخبط مره مره في الدوا….انا انا نهاد
زين:نحى جاكيته…..تابعي
نهاد:عمري 20
زين:شن سبب طلاقك؟
نهاد:شابكه يديها في بعض …كنت زوجته الثانيه ولما عرفت الاولى فرضت عليه يطلقني
زين:يطلع في حوايج من الدولاب….لاوين قاريه
نهاد:وقفت من تانيه عدادي
زين:حط حوايجه ع السرير وقرب عليها…قيمي راسك
نهاد:قامت راسها وشافت نضرت الجديه يلي كانت في عيونه
زين:انتي عارفه علاش متزوج؟!
نهاد:متحشمه…ق قق قالو ع خاطر مرتك متجيبش في صغار
زين ربع يديه….شوفي انا منبيش نتعمق هلبا معاك اليوم معندي نيه في شي بنرقد لا ماسك ولا بنقربك
نهاد:عقدت حواجبها لما حست بي الاهانه بطريقه غير مباشره
زين:طلع شريط حبوب من جيبه…..لو في يوم مسيتك فيه بسبب ولا بدون سبب رح تاخذي ها الحبوب وياويلك تحملي
نهاد:مقدرتش تخبي صدمة وجها وطلعو الحروف من فمها بدون متحس….علااش؟
زين:تنهد…منبيش صغار والحبوب رح تاخذيهم زيك زي يلي واخذها قبلك وقبل قبلك
نهاد:قعدت تشوفله بدون مترمش ولا حتى مره…مم مش فاهمه
زين:دار ضهره بدون اهتمام وياخذ في ملابسه….يلي خذيتهم قبلك زوز وكانو بنفس الطريقه يلي رح تمشي عليها انتي توا اكتر شي سنه بتقعديها معاي وبعدين تطلقي لانك متجيبيش في صغار ….وسر الحبوب مفيش حد رح يعرفه غيري وغيرك
نهاد????????
زين:خش للحمام وسكر الباب بدون ميزيد كلمه
نهاد:عقلها بيتفرج من الاسئله ليش تزوجني؟!!!!!كيف هاذا خيره شن قصته؟
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
نهاد:قعمزت علي السرير مش مستوعبه الكلام يلي سمعته طوووول جت في بالي كم روايه قريتها قبل تشبه القصص هادي معناها هوا يبي بنت تانيه اكيد نفس الروايات يلي قريتهم !!!!….مستحيل علاش يتزوج زوز قبلي ويدير معاهم هكي ؟!علاش يخلي في البنت يلي يتزوجها تاخذ في حبوب ويقول عقيمه
زين:ينشف في شعره….نوضي بدلي ولا ديري راي بنرقد وبنطفي الضي
نهاد:مسكت قفطانها عشان متتعترش وناضت…علاش هكي ادير انت؟!قصدي ليش متزوجني من الاساس عشان تخليني ناخذ حبوب وبعدين تكذب ع الناس وتقلهم متجيبش في صغار ؟!
زين:قام حاجبه وقرب عليها والمنشفه علي رقبته….لانك جديده واول يوم ليك رح نسامحك ع كلمة كذاب وعلى تعلايت صوتك عليا بس في الجديد حتى النفس بديري بالك عليه
نهاد:بلعت ريقها بخوف…اوكي اسفه بس من حقي نعرف
زين:بصوت يخوف…انتي مش منحقك شي
نهاد:?
زين:سكري فمك ويلي نقوله قولي عليه تم واسكتي كلمه زايده منبيش نسمعاها
نهاد:تجمعو الدموع في عيونها ونزلت راسها
زين:متبكيش توا مزال مطلقتكش عندك سنه هكي كبرها بعدين ابكي
نهاد:تنهت بعمق والدموع في عيونها
زين:عطاها بضهره…..انا مش بخيل ولا عيل باش ندير معاك شي غلط ونتقوى عليك متخافيش رح نحترمك ونقدرك قدام الناس لاكن معش نبي نسمع اسإله ولا شي وامسحي يلي مدايرتيه في وجهك وبدلي حوايجك فوتي جو الاغرائات معندي نيه في شي اليوم
نهاد:بلعت ريقها وشهقت البكي تخبط فيها …خشت للحمام نهارت بي البكي بس بدون صوت لانها كاتمه يديها علي فمها
زين:قعمز ع الصالون ونزل راسه ع المسند ومضايق من يلي صار قبل شوي وعقله شغال تفكير مسكتش لحضه….اختيار امي كانت غلط في البنت هيا بتحديد مكنتش نبي المواصفات هيا ….
_______________
زمزم:ماما
امنه(ام زين):ها
زهور:عضت فمها بمعنى اسكتي
زمزم:هزت راسها بي لا….لا امتى بيقعد زين هكي؟!
امنه:عقدت حواجبها بغضب…نعم؟
زمزم:قصدي قصدي ….البنت هيا حلوه وصغيره كان طلقها حرام عليه
امنه:وعلاش بيطلقها ياحنى كان حملت منه وحصلت الصغار
زمزم:وكان العله من…..
امنه:سكري فمك متحكيش ع خوك هكي …..في المحكمه جاب وراقي التحليل وكان سليم ميه في الميه منجيبش عقيم انا
زهور:بتوتر….امي هدي روحك مدوريهاش ديمه تحكي هكي وخلاص بدون متحسب لي كلامها
امنه:ناضت متكنطيه من جنبهم
زهور:افففف باهي هكي مش رح تخلينا نمشو غضوا للمحلات مبرررد وجهك
زمزم:والله من حقي قصدي جديات شايفتيها صدفه انتي خوك يتزوج مرتين وزوز يطلعو ميجيبوش؟!
زهور:بشك….مش عارف زعما في شي؟!
زمزم:اكيد مش زعما
زهور:بس مرته الاخيره خوتها طلبو تحاليل وحلل كانت اموره كويسه
زمزم:انا قصدي مرات يكون فيه شي تاني مش شرط يكون زين عقيم
زهور:افففف خلاص متلعبيليش بعقلي
زمزم:تسحابي الصدفه هاذي مش وراها قصه؟ولا نساوينه الزوز قبل كيف عايشين في رععععب منه يخافو من ضله
زهور:شي طبيعي ع اساس منموتوش منه حني
زمزم:مهما كان مفروض مرته ديمه غير
زهور:انا بنرقد معش تخربيلي عقلي بكلامك هاذا
زمزم:زيدي زيدي خلي الميه تمشي من تحتك?
زهور:راضي خلي تمشي .
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
نهاد:غسلت وجهي من الكحل يلي سايل بسبب دموعي خذيت دوش خفيف وطلعت بي روب الحمام سمرت الدار عليا لبست بيجامه خفيفه ولميت شعري فوق …..قعمزت ع السرير مربعه رجليه ومتكيه ع الحيط نفكر…..اول شي مستحيل يكون مفيش قصه ورا التصرف هاذا لازم نهدا وناخذ ع الوضع ….لازم نتأكد لو في وحده تانيه في حياته او لا لان مفيش شي يخليه يتصرف هكي غير السبب هاذا….بعد تفكير طوووويل ومنهك تمددت ع السرير وغطيت نفسي حاسه روحي وحيده ضايعه معنديش لمنو نحكي?معنديش حتى حضن نبكي عليه…..غمضت عيوني متصنعه النوم لما سمعت باب الدار انفتح
زين:شلح الكناتيرا متعه ورقد ع السرير وعاطي نهاد بضهر
نهاد:استغربت كيف رقد معاي بنفس السرير وقعدت نذكر في كلامه وعيوني مسكرات …قالي لو في يوم مسيتك بسبب ولا بدون سبب خوذي الحبوب….معناها رح يجي يوم ويقرب عليااا…..ااااه تعبت قعدت نفكر طووول الليل لين خذاني نوم عممميق بدون منحس ع روحي
زين عمره28سنه يخدم في الجيش بس القوات الخاصه وتعتبر حاجه كبيرع ومش اي حد يخشلها ??♀️عيلته تتكون من بوه نوري وامه امنه وخواته زهور وزمزم وخوته الشباب زياد ومحمد(متوفي)
بوه وزياد حاليا مسافرين لغرض شغل لا اكتر
_______________
ثاني يوم?
امنه:تعالي جاي وين ماشيه
زمزم:بنرفعلهم الفطور
امنه:قعمزي وهني روحك خليهم في حالهم تو لما ينوض زين يجي هنايا
زمزم:افففف به???
نهاد:فتحت عيوني بي ارهاق وفزع نشوف في كل الغرفه وكان السرير فاضي الواضح انه ناض بكري …نزلت من السرير رتبت شعري وخشيت المطبخ حطيت قهوا ع النار وسمعت الباب تسكر تلفتت …شفت منضر عمري مننساه ?❤️
زين:خش للحوش لابس سروال تواه رصاصي وبدي ضيق بارز عضلاته لونه اسود كان عرق مع بعضه وشعره يلي مش مرتب ونازله شوية خصلات علي عيونه
نهاد:سهيت علي روحي نشوفله كيف يمسح في وجها بي الفوطه وربي معمري شفت هكي غير في المسلسلات انا مسكت نفسى ….صباح الخير
زين:هز براسه بمعنى اوكي وخش الحمام
نهاد:كأنه مردش عليا??
في مكان ثاااااني بعيد علي زين وعيلته
مجهول:امتى زين بيعترف بيه السر هاذا؟
مجهول2:علمي علمك
مجهول:بس خلاص تعبناااااات لا امتى بنقعدو متحمليش المسؤليه هاذي بروحنه؟!
مجهول2:يصير خير
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
نهاد:وتت فطور خفيف وقهوا
زين:طلع من الحمام لابس سروال جيش وبدي اسود وقوانطي اسود مش مغطي صوابعه مسرح شعره والريحه يلي مفحفحه الدنيا كان منضره بي البدله يقتل
نهاد:تفطر؟
زين:قعمز بدون ميحكي يشرب في قهوته ويلبس في الكدار
نهاد:بدت تتنحنح وتبي تفتح اي هدرزه معاه ممكن توصل لحل….زين
زين:شافلها قايم حاجبه بنضره تخوف ومش مفهومه بعدين رجع عيونه ع الكدار يربط في الخيوط
نهاد:رغم خوفها من شبحته بس كملت …..شن يعني قوات خاصه ؟
زين:وشن ليك علاقه فيها
نهاد:هاا لا بس سألت
زين:شرب قهوته كلها في مره وناض يلبس في جاكيته….ناس يختاروهم بعنايه ويدربوهم تدريب مكثف عشان المهمات الصاعبه والحراسات
نهاد:وانت شنو تخدم توا
زين:حط الكوب بقوووه خلتها تنخلع……بطلي اسإله ومعش تتكلمي معاي غير في المهم
نهاد:تسارعت رموشها مع دقات قلبها الخايفه….بب به
زين:البسي وبري حوش بوي تعرفي عليهم كترت دوه لا واي كلمه تطلع من يلي حكيناه امس بشرفي تموتي في مكانك
نهاد:هزت براسها وقلبها بيطللللللع
زين:طلع من الحوش ركب سيارته الجيب الكحله وطلع بيها
نهاد:خافت من تصرفاته وتهديده. عنده نضره تخليك تموتي في مكانك??….رتبت سفرة الفطور وجهزت نفسها لبست قونه عنابيه وبلوزه بيضه ووشاح دارت مكياج خفيف وطلعت لي حوش زين يلي يبعد علي حوشها خضوات بس
_____________
امنه:روروروروي
زهور:اهلا اهلا بي العروس تفضلي
نهاد:زايد فضلك?❤️…وبدت تسلم واحده وحده لين وصلت في بنت مقعمزه وجنبها بيبي
زمزم:هاذي سلفتك مرت المرحوم اسمها مريم
نهاد:اهلين مريم
مريم:اهلين بيك حبيبتي تعالي قعمزي
نهاد:قعمزت جنبها وهيا متوتره ومعاهم امنه يهدرزو
لقمان:عارف يا زين غير اهدا
زين:منهداااااااش كلمه نقالت في وسط رجاله مطيحش الزححح
لقمان:تمام خلاص يلي تبيه يصير
زين:3ساعات وكل شي في الخدمه يرجع زي مكان ولا تنقلب الدنيا
لقمان:خلاص تمام اعطيني فرصه بس
زين:بدت تختفي ملامح الغضب لما شاف هاتفه يرن ورد عليه
زين:شن فيه
مجهول:الفلوس يلي حولتهم اخر مره تمو
زين:قداش تبو
مجهول:250تعرف المصاريف انت
زين:تمام مدور شي ….وسكر الخط
_________
ناضت امنه تشوف في الغدي وزمزم تصلي اما زهور في دارها تقرا ….قعدت نهاد وسلفتها بروحهم
مريم:مشاء الله طلعتي قنينه
نهاد:عيونك الحلوات
مريم:تنهدت بصوت واطي…حرام اقسم بالله
نهاد:سمعتها…..كيف
مريم:ابتسمت بحزن….سلامتك قوليلي ان شاء الله ارتحتي هنايا
نهاد؛اي الحمد الله
مريم:بضحكه….طبعا بترتاحي العيله كلها غير شنو تبي تو
نهاد:بادلتها بضحكه حتى هيا….ليش؟عروسه يعني
مريم:لا ….لانك مرت زين لا اكتر
نهاد:ابتسمت وساكته
مريم:تنفست بعمممق…ربي يعينك يانهاد ع يلي جايك
نهاد:اختفت الضحكه من ع وجها …شن قص…..
امنه:هي تفضلو الغدي واتي
مريم:غطت ولدها وناضت قبل متواجه اسإلت نهاد يلي مليهاش نهايه
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
تغدو وشربو القهوا وجو اقارب زين سلمو علي العروسه وتعرفو عليها بس طوووول هاذي المده نهاد في عالم تاني خوفها كلام سلفتها مريم وزادت خافت لما اذكرت تصرفات زين الصبح ….بسرعه ما مر الوقت واذن المغرب ….جاهم زين سلم ع امه وكانت نهاد مبهوره كيف خواته حاسبين الف حساب لي كل خطوه يديروها قدامه….ليش الرعب هاذا كله؟!…..ناض زين وبي امر منه طلعت نهاد روحت
خشت الحوش وقلبها معبي خوف من الف حاجه مش فاهمتها بدلت ملابسها لبست قفطان حوش نص كم لا الركبه لونه بيج فيه ورد زهري ولما طلعت من الدار سمعت زين في الحمام وطاحت عينها علي تالفونه ?
بتردد فتحاته ونصدمت انه بلا رمز….بدت رحلة التفتيش في الرسايل مكالمات اسماء واتس فايبر فيس بس ملقتش ولا اي حاجه تتعلق بي البنات كان عادي جدا والاستوديو كله صوره هوا وصحابه في التدريب رجعت التالفون في مكانه وحطت يدها ع فمها لما سمعاته يتكلم وراها
زين:كملتي؟
نهاد:مقدرتش تتلفت من الخوف
زين:بي قبضه قووويه ع يدها لفها ليه
مريم:خذت ولدها وسلمت عليهم كلهم ورجعت حوشها يلي كان حتى هوا يبعد خطوات لا اكتر ….خشت الحوش وشافت ضي الدار مفتوح عرفت انها رح تواجه نفس الكابوس يلي مهدم حياتها ?….يتبع
مزال هلبا شخصيات مطلعوش وهلبا اسرار معاهم شنو نكمل ولا ؟!