زوجه أَمْ جاريه رواية لآروي الطاهر

#زوجه_أَمْ_جاريه 15

زين:لوح العطر يلي كان جنبه لين تكسر…..متكذبيييييييييش علياااااا
نهاد:لسانها ارتبك….اان انا
زين:انتي ها؟!انتي شنو؟؟!
نهاد:متحملتش الخوف بدت تبكي ….انا مدرت شي غلط ومكلمتش حددددد طلقني وريحني منك ومن الرعب يلي عايشه فيه معاك
زين:بعد من عليها وقعد يشوفلها بهدوء…تبي تطلقي!؟
نهاد:بغضب…ااااي
زين:قعمز ع السرير….وين بتمشي بعدين؟!
نهاد:ارض الله واسعه
زين:وسبب طلاقك شنو!!
نهاد:تع….
زين:قاطعها…بتمشيله؟!
نهاد:من هوا?
زين:بصوت عااالي….متستعبطيش علي اممممي?شن معنى ترا بس يروح من بنغازي البغل هاذا
نهاد:نصدمت من كلام زين?
زين:ردي علياااااااا لما نتكلم?
نهاد:وانت ليش معصب يعني من الاول قلتلي مخليك معاي لان عندي فيك مصلحه وبس توا بديرلي جو الغيره
زين:تكنطا هلبا وضرب الذولاب يلي جنبها لين كسره ….معش اطولى لسانك متحمللك قاااااعد?
نهاد:سكتت وخذت نفس وهيا خايفه بس تشجعت بسيف…زز ز زين خلينا نحكو بهدوء
زين:وجها ميتفسرش وعضلاته وعروقه بارزااات من الغضب متاعه?…ادوي هي ادوي ادوي
نهاد:انت متبينيش والشي هاذا واضح من اول يوم زواج حتى حملي جي بلغصب تمام ….خلاص لهني وبس تحملت هلبا خلينا ننفصلو بهدوء وكل واحد يلقى نصيبه
زين:قايم حاجبه …نصيبه؟!!تبي تلقي نصيبك؟
نهاد:استفزاته….اي ليش لا قاعده صغيره وبنتي صغيره مدام انت متبيهاش ع……..
زين:قاطعها وهوا مقرب عليها بيديه الزوز وعروق عضلاته بيتفجرو من النار يلي فيه وبصوت عالي ….لو تمووووتي وندفنك وانتي حيه عمرك متكوني لغيري
نهاد:بصدمه…شش شنو
زين:زي مسمعتي نقتلك ونقطعك بطرف ومنخليكش لغيري فاااااااااهمه انتي لياااااااا ويجيب ربي يانهاد تتعاود لقطة اليوم مع الكلب يلي جي مبكري
نهاد:بس انا منبيكش خلاص تعبت
زين:طز فيك ميهمنيش ورح تقعدي معاي بسيف ولا بلكيف …..وطلع
نهاد:مسحت دموعها وهيا مبتسمه…اخيراااا تأكدت ان زين عنده شوية مشاعر اتجاها لو فعلا ميبيهاش كان استغل الفرصه وطلقها

زين:طلع برا الحوش ولع دخانه وبركاااان يغلي داخله بركاان???مصدوم في روحه وفي الكلام يلي طلع من فمه معقوله فرخه تخليه يحوس في روحه ومعش يقدرش يفكر في شي غيرها!
معقوله نهاد دارت يلي مقدروش يديروه زوز قبلها؟!
معقوله نهاد قدرت تروض الوحش يلي يخافو منه عائلات وخلاته ميقدرش يضربها ولا حتى يلمس شعره منها؟!كل الكلام هاذا كان يضايق في زين بيتفجر منه

اما نهاد…ماسكه بنتها ترضع فيها وهيا حاسه بشعور النصر???تذكر في نضرات زين ليها وكيف كان بياكلها بعيونه لما لابسه فستان الحفله ❤️
بدت نهاد تخطط شوي شوي باش تزيد تقرب زين ليها وطبعا يلي ادير فيه كله عشان بنتها متقعدش بدون اب وعشان ليث حتى هوا ميباعدش عليها ويتبهدل وطبعا متنكرش ان ادير هكي لانها تحبها قبل كل شي ?❤️

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

زين:بعد تفكير عمييييق لوح الدخان وخش الحوش
شاف نهاد مقعمزه ع الصالون وتتصفح في تالفونها
ولا كأنه صاير شي
زين:خش لغرفك النوم وقعد خاش طالع يبي يشوف نهاد وعقله بيتفجر من التفكير….تكلم في ولد خالتها شكلها….اكيد امالا علاش بتسهر لا توا !
اكيد وراه قصه لان واضح يهدرز متع واحد متعود زابطها المواضيع هاذي انااا
نهاد:تبي شي؟؟
زين:فاق علي روحه….قرن حواجبه وخش الغرفه
نهاد:ضحكت وسكرت تالفونها ولحقاته

رقدت نهاد وعطت زين بضهرها وطبعا الزوز فعدو فايقين ويفكرو في بعض بس مفيش حد قادر يوصل لثاني

صفاء:زياد حبيبي
زياد:ناعس…همم
صفاء:في شي سمعته اليوم هوا شي كبير ومش عارفه نحكيهولك او لا
زياد:احكي حبيبي
صفاء:مبكري خشيت علي مريم في الحمام متع الصاله لقيتها تحكي علي مع اختها قتلها ان هيا ن….
زياد:????
صفاء:زياد رقدت؟زيااااااد ….اففففف?

__________________

طق طق طق
زمزم:ضمت تالفونها…مم م منو
امنه:السلام عليكم
زمزم:بتوتر…وعليكم السلام خشي ماما
امنه:زهور تصلي ؟!
زمزم:اي قريب تكمل
زهور;طلقت السلام وناضت تنحي في بدلة الصلاة…شنو امي تبي شي
امنه:قعمزت علي السرير…شي قلت نهدرز عليكم ع اجواء الحفله متع السبوع
زهور:تجنن جت احلا حتا من دخول يوسف تحسيه كله مرتب
زمزم:تشوف لي امها بشك….من امتى تسيبي بوي في الليل وتجي باش تهدرزي معانا
امنه:ارتبكت…تحشمي وسكتي
زمزم:قولي الحق يما انطقي الجوهره
امنه:افففف الابله فوزيه خطبت زهور لي ولدها
زهور:?
زمزم:اخيراااااا بنحصلو عرس اخيرااااا مش مصدقه
امنه:سكري فمك وسكتي قاعد مصار شي وانتي بتهبلي ارزني
زمزم:تو يصير عير ارفعوها من عليا بنبدا نرقد بروحي وناخذ دولابها
امنه:ضحكت….عليك هبله وخلاص?
زهور:وكم مواليده ولدها
امنه:93فكري وصلي استخاره اليوم ويلي فيها خيره يقدمها ربي
زهور:بلعت ريقها….ان شاء الله
امنه:هي تصبحو ع خير
زهور:تلاقي الخير
زمزم؛بصوت واطي…روروروي
زهور:حذفت عليها المخده ?

_____________

الساعه3في الليل
نهاد:ناضت علي صوت لعبة ليث وكانت بطه لما تضغطي عليها اطلع في صوت
فتحت نهاد عيونها ببطئ شافت زين ماسك بنته❤️ويسكت فيها بهدوء
كان منضره يضحككك ويجنن في نفس الوقت
ماسكها بي يديه الكبار ويهز بيها شوي شوي وخايف عليها من كل حركه يديرها ?وعلامات وجها كلها حب وحنيه❤️
نهاد:قعمزت ع السرير….خيرها زينه؟
زين:خش في بعضه وطووول قرن حواجبه….ششش شي نضت علي صوت عياطها زعجتني توا كيف شذيتها هاك دبريلها
نهاد:خذتها منه ومن داخل ميته بضحك عليك ❤️بس خلت روحها عاديه ورقدت زينه جنبها

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

ثاني يوم??

زياد:يفطر…خيرك سارحه
صفاء:هاا?لا شي عادي
زياد:مش علي بعضك اليوم
صفاء:شي غير تعب امس مولي عليا
زياد:سلامتك صفصوفتي استريحي اليوم
صفاء:ان شاء الله حبيبى شن تبي الغدي ؟
زياد:اي شي عادي وكان حسيتي روحك تاعبه فوتي الموضوع تو نجيب من برا
صفاء:بساته علي راسه ….انت ادلل عليا بس
زياد:حضنها وطلع لخدمته❤️

___________
نهاد:تراقب في زين من بعيد كيف يلبس ويوتي في مسدسه …حست ان في شي
ليث:بخطواته الصغيرونه خش لغرفة النوم يجررري
نهاد:ههههه تعال ياعمري فوق
ليث:ركب ع السرير وهوا يتكعب ?…يشوف لي زينه كيف صغيره ومصدوم فيها
نهاد:لولي حبيبي هاذي زينه اختك نحبوها ….اشرت بيديها ع قلبها
ليث:قرن حواجبه ويشوف لي زينه بغيره
نهاد:خذت ليث في حضنها وزينه علي يديها….هيا بيبي محلاها بوسها
ليث:يشبح لي زينه
نهاد:هيا ماما بوسها حلوه
ليث:باس زينه وقعد فرحان يلاعب فيها ونهاد تضحك عليه كيف مصدوم اول مره يشوف بيبي
زين:لبس جاكيته ويشوف لي عيلته الصغيره من المرايا وخذي بعضه وطلع
نهاد:تعمدت متكلماش ولا تجي جيهته لين يبدا هوا يحكي معاها
زين:طلع من حوشه ولع سيارته ومقعمز فيها يستنى فيها تسخن وكانت تفكيره في حاجه وحده بسسس ….بعد المنضر يلي شافه قبل شويه مستحيل يخلي نهاد تضيع من بين يديه وتتشتت عيلته الصغيرونه هاذي

_________________

امنه:لا حول ولا قوه الا بالله ?
مريم:الله غالب هاذا قضاء الله راضيين بيه
زمزم:بصدمه …وو و وتوا شنو ؟!
مريم:قالو في امل لي الشفاء لهاذا السبب بوم الاربعاء بنطلع مع خوتي لتونس
امنه:انتي عارفه يامريم عمك صالح مستحيل يخليك بروحك اكيد يسفرك حتى علي حسابه
مريم:ابتسمت بتعب …عارفه والله لاكن الحمد الله اموري تمام خوتي مش منقصين شي حاجه وحده نبي نخلي حمودي عندك صفاء منطمنش عليه غير عندك بس
صفاء:اكيد اكيد مريم ولو
مريم:ربي يخليك
زهور:ربي يشفيك ان شاء الله وتقعدي بينا تربي وليدك ياااارب
مريم:ان شاء الله يارب

نهاد:بدلت لي زينه وبخرتها وطول بعد مرضعت استسلمت لنوم …وبعدين جي دور ليث حتى هوا حصل دوش دافي وبدلتله وسرحت شعراته الناعمات وزي العاده قعمز يتفرج ع الرسوم
استغلت نهاد وقت الهدوء هاذا في ضمان الحوش لان كانت الحوسه هلبا بسبب الحفله امس
رتبت كل حجاتها ونضمت الحوش ودارت الغدي طجين دجاج بلخضره ??مع سلاطه البطاطا ❤️
وكانت متوقعه زين يخش في اي لحضه لهاذا السبب خذت دوش خفيف ولبست فانيليا صوف رقبه طولها لفوق الركبه بشوي?وقامت شعرها كعكه مع ميكب خفيف ❤️وشوية خصلات نازلات علي خدودها

_______________

صفاء :كانت تحاول تستفرد بي مريم وتحكي معاها في الكلام يلي سمعاته لاكن للاسف مقدرتش طول الوقت معاهم زهور وزمزم محصلتش فرصه بكل

زين:فتح الباب وخش لحوشه
نهاد:تجهز في طاولة الغدي…شبحتله ومتكلمتش
زين:عجباااااااااته?وكان خاطره يحضنها لين ضلعوها يتفترشو في حضنه?بس زي كل مره كبريائه منعه من الشي هاذا …خش الحمام بعد ملوح الجاكيت ع الصالون وتالفونه
نهاد:حطت الغدي وجهزت صونية ليث عشان يامل براحته …ولما جت تقيم في جاكيت زين لاحضت اثار دم بسيطه عليه
نهاد:خافت يكون فيه شي ….طلع زين من الحمام والجاكيت قاعده في يدها
زين:قعمز ع الطاوله ومتكلمش
نهاد:مقدرتش تتحمل وكلماته….فيك شي انت مجروح؟!
زين:من داخله فرح بسؤالها بس رد عليها بجفاف….اموري طيبه علاش؟!
نهاد:شن اثار الدم هاذي ؟!
زين:واحد غلط وخذي عقابه
نهاد:شنو?
زين:شرب شوية عصير….زي مسمعتي
نهاد:معاذ??????معاذ صح؟!شن درت فيه زين
زين:قام حاجبه….وخيرك خايفه عليه هكي
نهاد:طز فيه مش خايفه بس منبيش شي بسببي انا
زين:يشرب في العصير ببرود
نهاد:زين تكلم متحرقليش اعصابي
زين:شوية طريحه بسيطه عشان يبطل يشوف ممتلكات غيره
نهاد:قامت حاجبها بثقه…وليش لشنو شاف هوا
زين:شبحله ع جنب….بطلي استفزاز مروق اليوم ومعنديش نيه نحرق اعصابي
نهاد:نحت الغدي من قدامه وقعمزت ع الطاوله وهوا قدامها
زين:انصدم من اللقطه يلي دارتها ومقدرش ينوض
نهاد:تشوفله في عيونه بثقه ومقربه عليه …كانت هيا فوق الطاوله وزين قدامها مقعمز ع الكرسي
نهاد:حطت يدها علي لحيته?….زين
زين:مقدرش يرد هايم في عيونها وريحتها يلي واصلاته
نهاد:احكي زين ….قولي انا شنو بنسبه ليك
الف حاجه كاتمها في قلبك ومتبيش تقول ممكن انت هكي طبعك بس انا نبي نعرف قولي
زين:معش قدر يقاوم اكتر من هكي ?..وقف ويديه علي خصر نهاد
زين:انااا
نهاد:يديها علي رقبته…احكي انت شنو
زين:قرب هلبا ويحكي جنب فمها?…حاس ان معش قادر
نهاد:تمرر في صوابعها علي لحيته…شنو
زين:معش قادر بلاك
نهاد:ابتسمت….شن يعني هاذا ؟!
زين:قامها ورماها ع الصالون وجاها ياكبدي??

زين:فكلها شعرها ومرر صوابعه داخل شعرها بقوه وجبدها ليه?…شن يسمو فيه هاذا برايك
نهاد:يدها ع رقبت زين….حسب رايك!
زين:قرب يبي يبوسها….نهاد
نهاد:قلبها يدق…ها
زين:نح…..
ليث:مامااا
نهاد:شافت ع اليمين …لولي
زين:بعد عليها شوي شوي
ليث:مم مم
نهاد:قامت شعرها وتتنفس بسرعه….تعالا حبيبي نتغدو
زين:ابتسم ع جنب والحركه هاذي قتلت نهاد من حلاوت زين??

قعمزو يتغدو عادي ونهاد تحاول تتفادا نضراته لان عارفه خلاص زين طاح ع وجها ?ولازم تعدبه شويه
نهاد:اءء بعدين في الليل بنمشي حوش اهلك نتعشو غادي ونرفعو زينه اول زياره ليها شن رايك
زين:اي يصير علاش لا
زينه:تبكي من بعيد
نهاد:حطت الكاشيك….خلي نشوفها ونجي
زين:معش تحمل يبي يحصل علي نهاد ??وقف عشان يلحقها غرفة النوم لاكن شده ليث
ليث:بابا ميااا نبي
زين:افففففف
ليث؛اميااا?????
زين:خلاص اسكت هاك
نهاد:تسكت في بنتها وتذكر في الشي يلي صار قبل شويه??اخيرا عرفت نقطة ضعفه

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

نهاد:خشت لحوش اهل زين وبدت زغاريط امنه فرحانه وصالح طوول خذي زينه منها
رغم فرحة الكل بيها مفروض تفرح وتشوف روحها لاكن بلعكس قلبها وجعها علي ليث ولسبب هاذا طووول الوقت ليث في حضنها وغير شن تبي
جت خالة ليث وكنتها يهدرزو

زهور:خشت المطبخ …..نهاااااد نهااااد
نهاد:ها زهوره
زهور:كنت خالتي تبيك ردي بالك راهو تسحب في الدوا وفتفاته
صفاء:حالة تعرفي من بكري تقصقص فيا اعود بالله منها
نهاد:معندها ماتسألني ياكبدي
زمزم:اححححي القهوا سخونه….والله خوذي تحقيق علي زين توا وكان خش تشوفيها كيف تشخ من الخوف
نهاد:?????
زهور:هيا بريلها فكيني
نهاد:خذت شيشة زينه وطلعت

امال:تعالي تعالي نهاد وين معش حصلناك في هدرزه
نهاد:والله اهو مشاغل الدنيا ….
امال:قوليلي شن امورك وشن مدايره
نهاد:الحمد الله بخير
امال:شني الوضع مع زين ؟!سمعت ضربك كم مره الله غالب حبيبتي هاذا حاله حتى مع نساوينه الاولات
نهاد:???
امال:اطلقي وفكي روحك من ها الوحش يلي واخذتيه صغيره وزي القمر علاش قاعده معاه
نهاد:بلعت ريقها بصدمه….كيف حايبتله بنت
امال:تي لوحي عليك راهو حتى بنتك ياما رح تعاني منه صدقيني
نهاد:اءء اء ان شاء الله خير خير
زين:السلام عليكم
امته:وعليكم السلام خش سلم خالتك عيادع وكنتها
زين:كيف الحال خالتي
عياده:الحمد الله بخير ولدي في صحه ونعمه
زين:قعمز علي طاوله في الصاله وجي ليث في حجره
نهاد:نصدمت من امال كيف تغطي في روحها وخايفه من زين
امنه:نهاد جيبي لي راجلك عشاه
نهاد:اااه اي حاضر عمتي ….وناضت
زين :يتبع في نهاد بعيونه

_____________________

نهاد:توتي في السفره….قليلة ادب بشكل امال هيا
زمزم:مش قتلك من البدايه
نهاد:به اطلعو عيب مخلينهم
صفاء:ترا فكيني المطبخ ارحم
نهاد:من يقدركم بسيس ??
زهور:ونبي قعمزي مع زين باش لما ينوض اديري اي لقطه وانوضو ع اساس نضمو كان لقانا مقعمزين في المطبخ بيدير العار
نهاد:اممم به تو نقعمز جنب راجلي بسلامته
زمزم:اخري???
نهاد:طلعت وهيا تضحك

نهاد:انزل لولي خلي بابا يتعشى
ليث:ببرائه …به ماما
نهاد:بساته وقرصت خدوده بخفه….ياعمرري سلمه يلي يسمع في كلامي محلاه
ليث:?
زين:قعمز ياكل وقعمزت قدامه نهاد
نهاد:عادي نسايرك?
زين:قام حاجبه ويبتسم ع جنبه ابتسامه صغغغيره بكل…اي علاش لا
عياده:قولي يازين
زين:سمع صوت خالته طووول قرن حواجبه…ها خالتي
عياده:قاعد يخدم معاكم انور ولد ناحيه
نهاد:حطت رجلها فوق رجل زين من تحت الطاوله
زين:ها???
عياده:تي انور انور ولد ناجيه فرخ اشقر
زين:يحاول يتمالك نفسه….اي قاعد قاعد
نهاد:عيونها ع الامل بس قاعده تناشب فيه برجلها
عياده:غير شريت من امه عسل ونبي نخليها رقمها راح مني
زين:يشوف لي نهاد….عسلل؟!
عياده:اي امه تبيع فيه ترا شوفلي رقمه كان عندك
زين؛هذي نفس عمممميق…لا والله معرفتي بيه سطحيه
عياده؛اهاا به معليشي
زين:انا شبعت
نهاد:بدلع…كول خيرك
زين:تاعب بنروح نتريح….مش ليل عليك حتى انتي؟!
نهاد:مزال خلي نشرب القهوا مع البنات
زين:به متعطليش
نهاد:ان شاء الله ?
زين:خذي فونه ودخانه وطلع من حوش بوه وهوا سخون يبوخ??من حركات نهاد

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

قامت نهاد اماعين العشي متع زين وروحت خالتهم وكنتها
قعمزو مع بعض شربو القهوا وهدرزو من هني من هني لين جت الساعه12ونص خذت نهال بنتها وروحت الحوش
نهاد:زين زززين
زين:طلع من المطبخ…..اها
نهاد:جيب ليث رقد
زين:قرب عليها وباس بنته زينه❤️وطلع
نهاد:خذت نفس عممميق…اووه في تقدم?
حطت زينه في سريرها وبدلت حوايجها…لبست قفطان نوم قصير لونه اسود فيه قلوب بي الفوشي الذاكن
وقفت نهاد تعلق في عبايتها وحست بي يد حاوطت خصرها وجبدتها
نهاد:تلاقت عيونها مع عيون زين ضحكت بعفويه ممزوجه بخوف…اااه خلعتني
زين:وخر بيها لين لصقها ع الخيط ومسك يديها ….كأنك متعمده تهبليني في وسط ناس منبيهمش يشوفو حتى ضحكتي
نهاد:ابتسمت….خليها ليا بس ضحكتك
زين:لصق فيها….صحكتي بس تبي?
نهاد:تعلقت في رقبته…لو بتعطيني اكتر مش رح نمانع
زين:هبلتيني نهاد …..ولي السرير ياحليلي????

________________

زياد:نوضي ديري فوشار به
صفاء:نبي نتفرج حبيبي مش ضروري
زياد:تو الفيلم انا جبته نوضي ديري الفوشار وجيبي حاجه نشربوها
صفاء:انلا
زياد:لوح عليها البطانيه وناض …..باااايره
صفاء:???

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

ثاني يوم ????
نهاد:مش مصدقه? فتحت عيوني في حضنه وبين يديه ?قعدت نتأمل في جماله وهوا راقد
الوحش الجميل هاذا يلي كلهم يخافو منه انا مهبلاته?كمية الحنيه يلي عنده مستحيل نلقاها في شخص عادي
يلي زيه قاسي بس لما تبدا عنده مشاعر تكون قووووويه ?
نهاد:بساته بحنيه علي خده وناضت من جنبه شوي شوي ….خشت دوشت علي السريع وطلعت بسرعه لي زينه قبل متنوض بوها بي عياطاتها ?

نهاد:لولي حبيبي قعمز هنايا لين نجيبلك كاكاو باهي
ليث:تيو جنه ماما
نهاد:باه ياروحي شويه هي

طق طق طق
نهاد:قعمز تفرج ماما
ليث:به
نهاد:حطت زينه ع الصالون وفتحت الباب….
نجاح:السلام عليكم
نهاد:وعليكم السلام تفضلي اختي؟
نجاح:تبي امنه ام زين وين؟!مشيت الحوش طقيت محدش فتحلي
نهاد:منعرفش يمكن طالعه ليش منو انتي
نجاح:قامت حاجبها بخبث…انتي مرت الزين؟!
نهاد:اها ان شاء الله وانتي
نجاح:…..يتبع