زوجه أَمْ جاريه رواية لآروي الطاهر
#زوجه_أَمْ_جاريه 14
زين:وصل للحضانه وكانت كلها اطفال صغيرين بكل❤️
خشت الممرضه جابت بيبي ومداته لي زين
زين:خاف علي البيبي من عضلاته ويديه ….ارتبك معرفش كيف يشده لين ساعداته الممرضه
زين:كان زي المتهلوس شاد البيبي ومش مصدق روحه شاف للاسوار يلي في يد البيبي عشان يقرا جنسه وتبدلت ملامح لما عرف ان البيبي بنوته?
بلع ريقه وشعوره كان ميوصفش صدمه وخوف ومش مصدق يلي مساكها بين يديه
اما المصحه انقلبت زززحمه بي اهل زين كلهم عماته وعمامه خلاته وخواله زحمه بطريقه غررريبه
اما صفاء طلعتمن قسم الطوارئ وكان حالها احسن بهلبا ❤️ونضمت لي مريم يستقبلو في الناس
______________
زين:يتأمل في بنته كيف راقده وتثاوب بي فمها الصغيرون ❤️يتلمس في خدها الناعم بي يديه وهوا خايف عليها
الممرضه:لوسمحت
زين:سارح في بنته
الممرضه:لو سمحتتت يا اخ
زين:هاا؟!
الممرضه:لازم نرجع البيبي للحضانه وزوجتك تبيك
زين:زي المتهستر….زوجتي؟!
الممرضه:اي زوجتك
زين:عطاها بنته وقعد يراقب في الممرضه كيف ترجع فيها للحضانه …حط يده علي المرش متع الدار وهوا يتأمل في بنته من بعيد
بعدين هز راسه يمين يسار عشان يبعد الافكار يلي محاصره دماغه ويفيق روحه شوي ….طلع للممر و
سلم علي اقاربه يباركوله كلهم وطبعا هوا زي العاده حتى ابتسامه لااا
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
مريم:الو
زمزم:ها مريم طمنونا خير امي متردش
مريم:امك من فرحتها نست تالفونها في السياره
زمزم:هههههه به شن صار جابت ولا مزال
مريم:جابت بنوته
زمزم:ياحليلي????الحمد الله اخيرا
زهور:حاشيه ودنها في التالفون….منو شن جابت
زمزم:تي بعدي من عليا خلي نفهم….من فيه غادي؟
مريم:العيله كلها جت ومخلو مجابو تعرفي
زهور:اسأليها زين شن وضعه خاطري نعرف
مريم:قوليلهل زي ماهوا الفرق ان سارح طول الوقت مش مصدق روحه
زهور:ياعمرررري
زمزم:هي تمام امالا كلمي زين يجيبنا
مريم:اي بنروح انا لحمودي منبيش يجي المشفى هنايا واكيد ليث مش رح يجي حتى هوا
زمزم:اوكي تمام …وسكرت الخط
زين:حط يده علي مقبض الباب خذي نفس عممميق وفتحه وخش الغرفه
نهاد:شافتله ومسحت دموعها
زين:قعمز جنب سرير نهاد ويشوفلها ❤️رغم تعب الجياب لاكن زايده حلاوتها ✨بي شعرها الاحمر المنثور علي وجها وخدودها الورديات?
زين:امورك تمام ؟
نهاد:اي الحمد الله وين ليث؟
زين:مع خواتي في الحوش
نهاد:به جيبوه نبي نشوفه
زين:يصير خير انتي ليش تبكي تحسي في شي؟
نهاد:عيونها حممر…تمنيت امي معاي في اللحضه هاذي صعب وقت نمر بيها بروحي لاول مره
زين:سكت مش عارف شن يرد عليها
نهاد:مسحت دموعها وابتسمت…شفت بنتك؟!
زين:راحت علامات الجد من علي وجها وتوتر شوي….اءء اه اي اي شفتها
نهاد؛حلوه صح?
زين:اءءء انا طالع بناخذ شوي حجات ناقصه توصي ع شي تبيه ؟!
نهاد:جيبلي صاكو البيبي والصاكو متعي يلي موتياته مجبتهمش طلعنا بسرعه تلقاهم في دار الضيوف
زين:تمام
_______________
في السياره :-
صفاء:مقعمزه القدام مع زياد….بتجيبي حمودي معاك؟!
مريم:لالا معش بنولي اليوم بناخذ حمودي وبنمشي حوش اهلي امي تعبانه شوي
صفاء:بعيد الشر خيرها
مريم:تعبانه والله من السكر
صفاء:الف سلامه عليها
مريم:الله يسلمك صحيتي
الساعه 9في الليل؛-
وصلو زهوز وزمزم للمصحه وزينو غرفة نهاد كلها بلوردي ودارو ديكور يهبل وجابو معاهم استكيرات ❤️
اما نهاد غيرت ملابسها …لبست قفطان حاير طوله لونه زهرى هادي قريب للابيض وقامت شعرها فوق ولبست شريط فيه ورده لونه زهري❤️
جي خو نهاد ومرته وخواتها الزوز قعدو في المصحه فتره باهيه وروحو وطبعا نهاد فرحانه بيهم لاكن كل متذكر ان بنتها في الحضانه ومتقدرش تشوفها هلبا تضايق
ليث:ينعس وماسك في نهاد…مامااا هي هي
نهاد:ضحكت…حبيبي منقدرش نروح معاك انا
ليث:هي ماما ????
نهاد:حضناتها….اشششش خلاص ياعمري خليك جنبي ونني هي
ليث:حط راسه علي صدر نهاد وسكر عيونه
امنه:نحي من عليك وعطيه لي بوه مدلع الفرخ
نهاد:تنرفزت….ولدي زي مولد زين ياعمتي
زين:رفع عيونه في امه ولما نهاد ردت عليها رجع عيونه في التالفون
امنه:بتخليه معاك يعني ؟!ربي يهديك حتى انتي
نهاد:خليه يرقد ويروحو بيه راقد عشان ميبكيش
امنه:ناضت من مكانها….اااخخ ياركابي خلي انوض نجيبلك طبيخة الحلبه باش تقوى روحك ….وطلعت
زين:سكر فونه وحطه في جيبه….هاتي ليث
نهاد:اها
زين:مسك ليث ولمس يد نهاد❤️….
نهاد:بتوتر…اءءء لمنو بتخليه؟
زين:عند زياد
نهاد:به قلها ادير بالها كويس ومتعطيشي زبادي يتحسس منه
زين:تمام….جاي بيطلع لاكن وقفه صوتها
نهاد:زززين
زين:تلفت…شنو؟!
نهاد:ارفعني حتا انا منبيش ناكل طبيخة الحلبه ?
زين:ضحك ضحكه خفيفه وطلع من الدار
نهاد:مصدقتش عيونها لما شافت زين ضحك وتسحاب روحها تهيأت
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
زهور:رقدت علي سريرها….اخخخيرااا بنخصلو مناسبه في حوشنا
زمزم:مناسبة شنو
زهور:جياب نهاد…بالك تسحابي بابا وامي بيخلوه عادي اكيد رح يديروه اسبوع مقوم
زمزم:اي حق كيف فاتت عليا هاذي
زهور:لانك عبيطه
زمزم:لوحت عليها الدبدوب….ارقدي وسكري فمك
زياد:صفووو
صفاء:طلعت من الحمام لافه عليها الفوطه…ها حبيبي
زياد:زين جاب ليث عشان يقعد لا غضوا وراس قلبي تردي بالك عليه
صفاء:اشرت علي عيونها….من هاذي قبل هاذي
زياد:قرب عليها…انتي خيرك محلوه اليوم
صفاء:يديها ع كتاف زياد وتدلع….انت شن رايك?
زياد:اححم الولد راقد معتقدش ينوض?
صفاء:تضحك….يعني؟!
زياد:قامها…..يعنني يعني يعني
صفاء:????
زين:رجع للمصحه بعد مرفع ليث لي حوش زياد واول مخش الغرفه لقاها فاضيه امه مهناش مفيش غير نهاد
نهاد:اخيرا جيت
زين:في شي؟
نهاد:بعد الغطاء من عليها….تعال ساعدني نبي نشوفها مريتهاش من بكري
زين:مش وقته توا خليك راقده
نهاد:تنحى في التغديه….مستحيل لازم نشوفها ميجينيش النوم
زين:مسك يدها ونهاد مستنده عليه لين وصلو للحضانه
قعدت نهاد تشوف لي بنتها من بعيد وتبتسم وتبكي في نفس اللحضه
نهاد:متكيا راسها ع المرش وتشوف لبنتها…رح نسميها زينه ❤️
زين:شبحلها بستغراب
نهاد:عيونها علي بنتها ….عشان يكون اسمها زينه زين صالح ❤️
زين:شاف لبنته وفي داخله كان عاجبه الاسم هلبااااا وفرحان بيه
نهاد:عارفاتك مش فرحان بيها زيني بس حبيتها انا
بنتي ……الله محلاها الكلمه
زين:قرن حواجبه…هيا ليل الدنيا ارجعي غرفتك
نهاد:باست يدها وحطتها ع المرش…بنتي زينه غضوا ماما تجي تاخذك
زين:رجع مسك نهاد من يدها رجعها للغرفه ونهاد تتعمد تقرب منها اكتر لان ريحته بروحها كانت امان بنسبه ليها ❤️
امنه:اااه جيتو وانا ندور من بكري
نهاد:شفتها قبل منرقد
امنه:به تريحي معش تنوضي هلبا
زين:طالع نجيب اميه تبو شي
امنه:سلامتك ولدي
زين:طلع وسكر الباب وامنه مقعمزه اطبق في حوايج نهاد يلي غسلتهم
نهاد:بتردد…عمتي
امنه:نعم
نهاد:في موضوع خاطري نسألك عليه من زمان ومتردده
امنه:رفعت عيونها بخوف…شن في بنتي خيرك
نهاد:زين….انتي امه واكيد تعرفي عليه كل شي
نبي نعرف ليش هوا قاسي بطريقه هاذي ؟!
ع قد محاولت معاه قاعد زي ماهوا حتى لما شاف بنته متغير فيه شي
امنه:خذت نفس عميق ….صالح مش اب زين
من قبل كنت متزوجه واحد جبت منه زين بعدين اطلقت منه وتزوجت صالح
اب زين كان قائد في الجيش وعنده رتبه كبيره وللاسف ربا زين بي نضام الجيش مش اب يربي في ولده لا كأنه يدرب في جندي
وياما ضربه لما كان صغير بسبب وبدون سبب وذله هلباااقدام العيله وصغار العيله ولما يغلط يعاقب فيه بحجات متتصدقش لدرجة خلاص معش تحملت وطلبت الطلاق
نهاد:???لل ليش هاذا كله
امنه:الله اعلم ….لما زوجت صالح وجبت زين معاي كان الولد متبدل بكل ويبي يعتمد علي روحه في كل شي وقاااسي حتى مع صالح يلي حاول يعطيه شويه حنان عشان يكسبه
خش زين للجيش وانا قلبي نااار منبيشي يولي زي بوه لاكن الله غالب مقدرتش ….توا العيله كلها تخاف منه
نهاد:ليش تخاف منه نبي نعرف بنهبل
امنه:كم مره تعارك مع اقارب لينا وحاول زين يقتل ولادهم بدم بارد بس الحمد الله ربي منعه بقدرته من غير ان زين نضرته تخوف وتهديده ميطيحش في الارض
نهاد:في خاطرها…ياما هددني ومدار شي زعما ليش؟
امنه:اصبري عليه اكيد مفيش بني ادم ميتغيرش بس كل شي يبي الصبر توا زين بدت عنده عيله
نهاد:اي عيله ياعمتي وبنته مش معبرها ولا دار اي ردة فعل
امنه:ابتسمت ….تعالي نوريك
نهاد:بي استغراب….شنو
امنه:خذت نهاد من يدها….غير تعالي تو تفهمي
نهاد:طلعت مع امنه وهيا مش عارفه وين ماشيه لين وقفو قدام الحضانه
امنه:شوفي
نهاد:شافت قدامها لقاته زين واقف مربع يديه ويشوف لبنته
امنه:شفتيه؟
نهاد:مصدومه اءء اء اي….بس كيف عرفتي ان هوا هنى؟!
امنه:من بكري ماشي جاي عليها وطلب منهم حتا يحملها مره تانيه ….يابنتي مهما كان هاذي قطعه منه مفيش اب محبش صغاره بذات لو جت بنوته رقيقه❤️
نهاد:تعبو عيونها دموع
امنه:هي توا ارجعي لي غرفتك ورتاحي كل شي ليه حل اكيد
نهاد:ابتسمت وهزت راسها بمعنى تمام ورجعت غرفتها
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
ثاني يوم??
زين:روح للحوش دوش وبدل ملابسه سرح شعره يلي يقتل ?وبخ عطره ك العاده ورجع المصحه
الممرضه:افففف عليك يوم استغفر الله
موضفة الريسبشن:خيرك صبح
الممرضه:معنديش نيه نجي
موضفة الريسبشن:كلنا مش غير انتي ….اوووووووه شوفي شوفي يلي خاش
الممرضه:شبحت لي زين….هاذا شنووو???
موضفة الريسبشن:من امس هنايا عنده قريبته جايبه معرفتش شن تقربله بزبط لاكن عيوني فيه من امس شخصيته وشكله يجنن
الممرضه:هاتي الشكلاته جاي
موضفة الريسبشن:تي وين ماشيه
الممرضه:تو نجيك
طق طق طق
نهاد:غطت صدرها….تفضل
زين:فتح الباب ونصدم
نهاد:ابتسمت خش نرضع فيها
زين:طلعوها؟!
نهاد:اي قتلي لازم ترضع اليوم
زين:ارتبك …به مليح
الممرضه:سلامات
نهاد:اهلين
الممرضه:عيونها علي زين…..اءء شفتك خاش توا استاذ زياره صح؟!
زين:اي ان شاء الله
الممرضه:تفضل هاذي ضيافه من المصحه اليوم
زين:خذي منها شكلاته
نهاد:تشوفلها بحقدددد
الممرضه:الف صحه عليك يارب ?
زين:مردش
نهاد:والضيافه لزوار ولا حتى للمرضى؟?
الممرضه:اااه سوري نسيتك تفضلي
نهاد:خذت منها وهيا متكنطيه
الممرضه:رجعت شافت لي زين وترمش في عيونها….تبي شي استاذ
زين:قام حاجبه مستغرب
نهاد:انفجرت فيها….ياماما انا الجايبه هنايا مش هوااا ره راجلي هاذا
الممرضه:خيرك مدام محكيت شي انا
نهاد:اطللللعي اقلبي وجهك خير منكلم امن المصحه
الممرضه:طلعت وهيا متعفله وتخبط
زين:يشوف لنهاد
نهاد:شنو تشبحلي ؟!عجبك الجو معاها يعني
زين:ناض من جنبها يتصل وفي داخله ميت بضحك علي نهاد ومنضرها كيف معصبه
زمزم:السلاااام عليكم
نهاد:خففت من تكشير وجها…وعليكم السلام ع سلامتكم
زهور:سلمك …ياروووحى اخيرا رضعتيها
نهاد:اي جابوهالي من بكري
امنه:نهاد عمك بيخش غطي روحك
نهاد:غطت صدرها
صالح:السلام عليكم
نهاد&زين:وعليكم السلام
صالح:كيف حالك يابنتي اليوم
نهاد:الحمد الله بخير تفضل قعمز ياعمي
صالح:باس بنت زين وقعمز….وهااادي هديتك يا نهاد
نهاد:هدية شنو?
صالح:بمناسبة الحفيده الحلوه هاذي
نهاد:فتحاته لقاته طاقم ذهب❤️….عمي هلبا عليا هكي والله
صالح:اششش لا مفيش حاجه هلبا عليك تستاهل زينه الصغيره ….زينه سميتوها ولا
نهاد:ابتسمت…اي زينه
صالح:واضح مكشره وجها زي بوها
كلهم:????????
زين:?
#بعد_مرور_اسبوع✨✨✨✨✨
روحت نهاد لحوشها وطول فترة قعادها في المصحه زهور وصفاء وزمزم يجهزو ويحجزو في كل شي يخص الاسبوع او حفلة استقبال زينه❤️
حجزو في الصاله والعشي …النسكافي الكيكه العصير والترافيل وشركة تنسيق وديكور وكله ع اللون الموڤ زي متبي نهاد ❤️وعزمو ناسهم كلهممم كأنه عرس
يوم 3/12كانت الحفله
خش زين لصاله لابس زبون لونه اسود في الذهبي
وطلعتله نهاد كانت لابسه جلوه وزينه بين يديها ❤️
زين:ساكت ويشوفلها
نهاد:هيا بيدرجونا مع بعض
زين:معنديش نيه نخش فوتي الموضوع امي قتلي بناخذو صور وبنطلع
نهاد:بعيون تترجى فيه….ونننبي زين متكسرش بخاطري
زين:قلت ….
نهاد:بالله عليك وراس اغلى شي عندك
زين:اففففف مش معطل ره
نهاد:به?
امنه:هيا خشو شوي شوي زهوووور زهووور تعالي ارفعي ليث من هني
نهاد:لالا ليث بيهش معانا
امنه:شني?
نهاد:ليث ولدنا…قيمه زين ❤️
زين:قام ليث وكان بيموووت علي نهاد كيف تعامل في ولده وتدافع عليه
خشت نهاد وجنبها زين طالعين علي بعض يهبلووو
زينه في حضن نهاد وليث لابس نفس بوه
طبعا كلهم يتهامسو بصوت واطي علي جمال زين ونهاد وعلي قصة زين وولده
وكل واحد يألف في حاجه لين نهاد حست بشي هاذا
نهاد:باست ليث وحضناته قدامهم كلهم ❤️ولما جت المنشطه جنبها ادرج فيهم خذت منها المايك وتكلمت
نهاد:شرفتوني ونورتوني يلي حيتو البوم عشان تشاركو فرحتي بي زينه وبي ليث ولدي حبيبي اغلا اثنين علي قلبي بعد بوهم ربي يحفضهم ليا ❤️
بكلمات نهاد هاذي سكتتهم كلهم وزين في اللحضه هاذي حس ان نهاد رفعت راسه قدامهم ?
صفاء:مسحت دموعها وداخلها تقول….صحه ليك يانهااااد منوووره خليك هكي
اما مريم كانت تشوف من بعيد وماسكه ولدها بدون تعليق سااارحه في هلبا حجات
وامنه مصدومه في نهاد وكلامها معقوله تكون طبيعيه وجديات تقبلت ليث؟!
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
طلع زين بعد مدارو خلاته وعماته هجوم عليه يسلمو ويباركو
خشت نهاد لغرفة الصاله بدلة حوايجها لبست قفطان كبير لونه ازرق وشعرها كيف عاكس بلونه يجنن❤️
بدت المنضومه والجوو يهبل امنه فرحانه بطير وطول الوقت زينه في يديها اما نهاد ليث معاها وتضحك عليه كيف فرحان بي الاغاني ويصفق ❤️
وقعدت ترقص معاه قدامهم كلهم لدرجة العيله حبو ليث من خلال نهاد وكيف تعامل فيه
_______________
كمل السبوع وروحو كلهم شوي شوي لين فضت الصاله وطلعت نهاد بعد مطلعت بضاعتها والعدايه يلي وصلتها من المعازيم :-
في الحوش ❤️❤️❤️
نهاد:بدلت حوايجها لبست توته خفيفه …رقدت زينه حطتها في سريرها اما ليث من لما وصلت بيه راقد
طق طق طق
زين:فتح الباب…تفضلو
هندا(خالة نهاد):سامحني زين غير نهاد نست عندى خلال الفجره مبكري
زين:ولا يهمك تفضلي
هندا:ناديلي عليها مستعجله والله
زين:تمام…خش لصاله…نهااااد نهاااد
نهاد:طلعت بلبسة الصلاة …نعم
زين:خالتك برا
نهاد:طلعت بسرعه….سامحيني خويلتي تعبتك في الليل
هندا:ولا يهمك عادي هاك ودي بالك علي حجات
نهاد:صحيتي?
هندا:تعال يا ولد
نهاد:استغربت
هندا:هاذا معاد روح من بنغازي امس وقالي نبي نسلم ع نهاد
نهاد:بلعت ريقها….اااه اي اي عادي وينه
معاد:جي قدام نهاد ومد يده…كيف حال بنت خالتي
نهاد:سلمت عليه …تمام كيف حالك انت
معاذ:بخير بعد مشفتك …هكي تتزوجي من وراي
نهاد:والله انت مختفي كنهادا عزمتك?
معاذ:والله كان مش مختفي وضروف مخليتش غيري ياخذك تعرفي مكانتك عندي
هندا:تحشم معاد البنت متزوجه
معاد:نبصرو يما خيرك?
نهاد:سايرتهم بضحكات مزيفه
معاد:الف مبروك تتربى في عزك ومعش تختفي ع الفيس ردي عاد
نهاد:صحيت الفال ليك
معاد:ضغط علي يدها بقوه ❤️ومشي
هندا:تصبحي ع خير
نهاد:وانتي من اهل الخير
هندا:تباعدت هيا ومعاذ
نهاد:سكرت الباب وبلعت ريقها ….خشت بخطوات هاديه
زين:كملتو؟
نهاد:اااه اي جابتلي خلال الفجره متع اللبسه الصغيره قبل بنلبسها ومصارش
زين:ينحي في تيشرته….. ومعاذ ؟!شنو نسيتي عنده
نهاد:ممم معاذ ?شي
زين:بتقنعيني ان كلامه كان عادي
نهاد:اي مفي شي
زين:خيرك معش رديتي عليه ع الفيس
نهاد:انا مم مكلمتش ال….
زين:لوح العطر يلي كان جنبه لين تكسر…..متكذبيييييييييش علياااااا
نهاد:لسانها ارتبك….اان انا
زين:انتي ها؟!انتي شنو؟؟!
نهاد:متحملتش الخوف بدت تبكي ….انا ندرت شي غلط ومكلمتش حددددد طلقني وريحني منك ومن الرعب يلي عايشه فيه معاك
زين:…..يتبع
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?