روايه قوة انثي

قوة_انثى الحلقه 4

يقين:ركبت السياره مع راجلي ?وطوول الطريق ولا كلمه ساكتين وبس لين وصلنا للحوش طبعا حوشه فوق حوش اماليه نزلت قعمزت لوطا شويه وركبت معاه وانا قريب يغمى عليا من الخوف ورجليا يرعشو

معتز:تفضلي تفضلي
يقين:خشيت قعمزت ع الصالون وانا نجبد في نفسي بسيف ومش قادره نتكلم ونفكر كيف نفتح الموضوع معاه
معتز:قعمز ع الصالون جنب يقين…الف مبروك
يقين:الله يبارك فيك انا بنوض نبدل وراجعتلك
معتز:خوذي راحتك
يقين:ناضت لي الدار تغير في حوايجها

تعالو نحكيلكم ع معتز راجل يقين
معتز:مواليد 89انسان جدي هلباااا معنداش كثر بصاره كان يضحك علي بنات الناس هلبا اهم حاجه في حياته كلها سمعته بين الناس ميحبش ينفضح قدام الناس في ولا شي وديمه مهتم بي كلام الناس
مواصفاته اسمر شوي طويل شعره اسود خفيف لحيه عيونه عسليات

يقين:نضت لبست روب ابيض طويل وحاولت نشجع روحي ونحكيله يلي صار بتفصيل يمكن يتفاهمني ويستر عليا

✨روايات بنووتة الشيخ✨

عمر:طول الليل مش قادر يرقد يفكر شن صار في يقين ويدعي ربي انه ميفضحاش ويستنا في الشمس تطلع ويمشي يخطبها من خوها

يقين:طلعت من الدار وتررعش
معتز:تعالي تعشي
يقين:ابتسمت وقعمزت جنبه تاكل بسيف ..كملنا الماكله وانا زي المتهستره مش عارفه شنو ندير
معتز:هي توا نوضي نصلو ركعتين
يقين:ااه اكيد

يقين:لبست بدلة الصلاة ووقفت ورا معتز نصلي وبدون منحس لما سجدت دموعي ينزلو ونترجى في ربي يسترني بعد طلقنا السلام شاف معتز وراها

معتز:خيرك تبكي
يقين:منعرفش كيف الشجاعه جتني وبديت نحكي…انا ااءء انا عندي شي نحكيهولك
معتز:تجمد في مكانه ..شن في?
يقين:تبكي ..قبل العرس بي 3ايام عزمتني صاحبتي لي حوشها ع اساس حفلة عزوبيه
معتز:به؟
يقين:بشهقه وتبكي بعدها مشيت معاها وبمجرد موصلنا لي حوش صاحبتنا طلعت متفقه مع زوز شباب
معتز:?
يقين:انا منبيش نكذب عليك في شي من اول حياتنا واحد من الشباب اعتدا عليااا رغم ان ترجيته وقاومت بس مفيش فايده?
معتز:ناض شد يقين من شعرها وطاح فيها ضررب …ياحقيره ياعاااااهره يافضلة الكلاب
يقين:??والله مليااااا ذنب والله
معتز:متصيعه مع الذكوره وجايتيني تبيني نستر عليك وعلي عفنك ياقح…. يابنت الشواع …..ونحا السبته قعد يضرب فيها لين تعب
يقين:من الضرب مش قادره تتحرك دموعها بس ينزلو وجسمها كله ازرررق ودم في كل مكان
معتز:شدها من شعرها …مش رح نطلق تعرفي علاااش مش ع خاطرك ياعاهره لا خليف من كلام الناس عليا وسمعتي لا اكتر ومنبيش حد يحكي عليا لاكن والله لما نوريك نجوم الضهر رح تتصبحي علي طريحه وترقدي ع طريحه ورح تقعدي زي الكلبه تخدمي فيا وفي امي وفي مرتي يلي رح نتزوجها عليك غير عطيني وقت بسس….ودفل عليها
يقين:راقده تبكي وبس مش قادره حتا تحرك يدها

✨روايات بنووتة الشيخ✨

معتز:طلع وهوا متضايق بس فرح في نفس الوقت انه يقدر يكلم بنات براحته ويقين تقعد تخدم فيه بدون متتكلم ولا كلمه وفي نفس الوقت مش رح يطلقها باش ميدفعش المؤخر ويدير فيها شنو يبي

يقين:حاولت نوقف ع رجليا بس مقدرتش من كثر الضرب جسمي خلااااص معش قادره

ثاني يوم :-
عمر:طبعا انا مجانيش نوم ومصدقت الشمس طلعت لبست ونزلت بسرعه تلاقيت انا وواحد مصري يخدم بواب العمرا سألته ع يقين يلي كان يبيها ياسين وحكالي وين تسكن لانها مكانتش بعيده هلبا .

يقين:فتحت عيوني ع صوت تخبيط معتز…نووووضي ياواطياااا نوضي وجبدها من شعرها
يقين:اااه نضت
معتز:بنخش ندوش نطلع نلقا قطوري واتي
يقين:حاضر ?…قعدت نمشي ومستنده ع الحيط خشيت الكوجينه وانا نتحرك بصعوووبه وتيت الفطور وحطيته ع الطاوله وخشيت لدار بدلت حوايجي من الدم يلي فيهم شفت وجهي في المرايه لين خفت من كتر الضربات يلي فيه نزلت دمعتي مسحتها لان رغم يلي صار فرحت معتز مش رح يقول شي يعني مش رح ننفضح لازم نتحمل كل شي يعني هوا مذنبه شي يتزوج وحده زيني ماسها حد غيره حتا لو كان مش بي ارادتي مجتمعنا هكي يقول قاطع صوت تفكيري باب الحمام معتز طلع وبديت نرعش خايفه بنموت

معتز:قعمز ع الطاوله وبدي يفطر
يقين:قعدت مقعمزه في الدار ندعي ربي يطلع من الحوش ونفكر كيف رح نقابل امه واخته بشكلي هادا بعدين اذكرت الولد يلي اعتدي عليا كيف راح من بالي الولد هادا غريب علاش يبكي واكتر من مره يقولي نوعدك نتزوجك اااااااه يادنيا حسبي الله ونعم الوكيل فيكم يادعاء وياسين منبيش نتحسب ع الولد التاني واضح انه كان مجبور الله اعلم شنو قصته

✨روايات بنووتة الشيخ✨

وائل:كيف مفهمتش خوي انت ولد حميد تبع وزارت الداخليه??
عمر:اي انشاء الله
وائل :تفضل تفضل الحوش حوشك ربي يخلينا الحكومه
عمر:هههههه تسلم والله مستعجل كنت جايك في طلب
وائل:خااف ?…تفضل انت تؤمر
عمر:انا كم مره شفت اختك وسألت عليها قررت اني نجي من الباب ونخطبها
وائل:هههههه ياريت والله نحنا نلقو ناس احسن منكم بس للاسف امس كانت حفلتها تجوزت ونسترت
عمر:قعد مصدوووم ووجها تغير كيف يقين ادير في روحها هكي انا واعدتها نتزوجها ليش ادير هكي …اهااا به ربي يسعدها
وائل:تسلم تفضل تغدا عندنا
عمر:لا والله صحتين لازم نسافر طرابلس اليوم
وائل:ربي معاك
عمر:تسلم ….روحت وانا في بالي الفففف سؤال شن صار معاها لو يصيرلها شي نمووووت كله بسببي وياسين الكلببب

ترن ترن ترن
عمر:افف …الوو
ولاء:عمر وينك انت من اولامس متردش علاش هكي ادير فيا
عمر:والله ياقلبي حاصل في مواضيع
ولاء:هيا امتا تروح استاحشتك
عمر:انا اكتر ياقلبي بكرا مروح انشاء الله
ولاء:تمام نستنا فيك

معتز:خش لي الدار وين حوايجي ؟
يقين:اااه تت ت تو نطلعهواك
معتز:ضربها كف وقامها من شعرها….ياحماره ياعاهره كل شي نلقاه واتي زيك زي الخديمه قبل منقول نبي نلقا الشي عندي فاااااهمه
يقين:تبكي…حاضر حاضر?
معتز:لبس حوايجه وطلع وسكر الباب بلمفتاح
يقين:صليت ركعتين شكرت فيهم ربي انه ستر عليا ونضت دورت مرهم لاثار الضرب ملقيتش دهنت روحي بي زيت زيتون دافي يمكن يخفف عليا الالم شويه …وبعدها نضت درت دوره ع الحوش وخشيت المطبخ طيبت رز بلاو وفاصوليا

طق طق طق
يقين:??هادا منو…وقربت شفت طلعت خواته الزوز وامه حي عليا الباب مصكر بي المفتاح

كلثوم(ام معتتز):خيرهم هادم شكلهم راقدين
انتصار:افف بنقعد واقفه هلبا اناااا فديت ره
نورهان:تخبط ع الباب بقوه
(نورهان وانتصار خوات معتز)
يقين:قعدت ساكته ع اساس الحوش مفي حد

انتصار:الووو
معتز:ايوا
انتصار:وينكم شنو قاعدين راقدين لينا ساعه نطقو ولا ست الحسن خذاتك من خواتك خلاص
معتز:لا ولله طلعنا من بكري يقين تبي تشري شوي حجات
انتصار:من بدايتها شري مشاء الله الحق متعبين رواحنا
معتز:الله غالب مره تانيه
انتصار:هي يا امي مهناش الزوز
كلثوم:وين يدورو هادم مسرع
انتصار:ست الحسن طالعه تشري شوية حجات قال
كلثوم:مسرع هادي بتخليه خوك
نورهان:به هيا خلي نروحو

يقين:استريحت لما مشو وعرفت معتز كلمهم مشيت رقدت علي السرير يمكن ياخدني النوم قبل ميجي معتز شوي .

✨روايات بنووتة الشيخ✨

يقين:فتحت عيوني لقيتها الساعه 3توضيت ووقفت نصلي في الضهر
معتز:فتح الباب وشاف يقين تصلي قعد يضرب فيها بي رجله وهيا ساجده …نوضي ياكلبا نوضي اديري في روحك شريفه وتصلي ع اساس ربي بيتقبل وحده صلاة وحده عاهره زيك
يقين:رغم الضرب كملت صلاتي

عمر:منقدرش نروح طرابلس ونخلي يقين يمكن تطلق في اي لحضه ومنقدرش نقعد هلبا هنايا خدمتي وكل شي في طرابلس قررت نوصي زوز شباب في المنطقه لو سمعو ان يقين رجعت وطلقت رح يكلموني طووول خذيت حجاتي وروحت وخليت عقلي عند يقين?وقعدت نلوم فيها في عقلي الف مره علاااش تزوجتي بس علاش مستنيتينيش

دعاء:???
فجريه:بلا عياط خلاص اصلا ايمن ولد فتحيه خطبك من بوك اليوم
دعاء:ياحيييي علياااااا حي????
فجريه:تي خيرك خلاص انسيه هضاكا تو تتزوجي وتنستري وسيورك تنسي
دعاء:ياماما ضحك عليااا?????
دنيا(اخت دعاء)ككككككيف?
فجريه:وهيا مصدومه???شششنووو
دعاء:اي ضحك عليا خذي شرفي و واعدني نتزوجك ????
فجريه:قعدت تعيط وتخبط…اااااه يافضيحتي ياحشمتي بين الناس ياحي عليا حي معرفتش نرابي وطيتي راسي???وتضرب في دعاء

✨روايات بنووتة الشيخ ✨

يقين:كمل معتز غداه وناض رقد وانا ميته من الخوف غسلت الماعين وساويت الحوش وقعمزت نستريح شوي

الساعه11في الليل .
عمر:وصل لي حوشهم في طرابلس
امنه:الحمد الله ع السلامه ياقلبي
عمر:حضن امه ….الله يسلمك ياغاليا
امنه:قعمز استريح
عمر:وين بوي؟!
امنه:فوق في المكتب عنده خدمه
عمر:بنركبله نبيه ضروري
امنه:به وليدي اركب تو نجيبلك عشاك فوق
عمر:تمام

طق طق طق طق
حميد:ادخل
عمر:السلام عليكم
حميد:اهلا اهلا وحضن عمر
عمر:كيف الحال
حمد:تمام بعد غضوا يوم عالمي موعد تسليم النتائج متع الانتخابات
عمر:كويس
حميد:بنرفعك معاي ورح يكون عمك وياسين غادي لازم ندعمو عمك عشان ينجح
عمر:تقدر تخلي السياسه والمناصب والانتخابات ع جنب لي 5دقايق؟!
حميد:نصدم?شن في ؟
عمر:شن قصة الصفقه متع صربيا
حميد:اي صفقه
عمر:بوي انت عندك صفقه وحده في صربيا
حميد:اي به خيرها
عمر:وين اوراقها وشنو قصتها
حميد:احمم شوف يا ولدي مهما كان الفساد لو داره اقرب الناس ليك لاااازم تستر عليه
عمر:مفهمتش؟
حميد:عمك عبد الله (اب ياسين)
عمر:خيره?
حميد:وقت صارت صفقة صربيا عطاته الدوله مليون و300الف عشان يجيب نوع مؤنه من صربيا
عمر:ككمل?
حميد:اخذ الفلوس دفع مليون دينار و300الف حطهم في جيبه والمحاسب يلي كشفه اخذنا منه الاوراق و ولا كأنه شي صار
عمر:قعد مصدووووم ???….سؤال بس
حميد:شنو
عمر:انت متأكد مدخلك في شي
حميد:علاش بيكون. خلي انا في الوزاره بعيد كل البعد علي الصفقات
عمر:وقف وهوا الشر ينط من عيووونه
حميد:انت علاش تسأل شن في
عمر:طلع وهوا متكنطي ???
حميد:عمررر عمرررر
امنه:شاده سفرة العشاء عمررر وين ماشي

عمر:ركبت السياره ولاول مره ينضحك علياااا مكذبتاش لاني عارف مدام بري عنده منصب في الدوله يدير كل شي نجري بي اقوا سرعتي في الطريق…..يتبع