روايه قوة انثي

الحلقه 3

بالله عليك سامحيني والله نتزوجك وعد مستحيل نخليك هكي
يقين:تبي تكلمه تترجاه يسيبها بس مقدرتش صوتها مهناش وتبكي بي العبره
عمره:نحا لي يقين سروالها وصكرلها فمها بي يده ودموعه ينزلو بدون صوت ?دخل صبعه اكتر من مره ويقين تقاوم لين خلاص معش قدرت بعد فتره نزل دم .
وهنايا نهاررر عمر بي البكي ويحضن فيها ويقلها سامحيني ودموعه زي المطر

يقين:غطت وجها بيديها وتبكي ?
عمر:مسح دموعه وناض …خليك هنايا متطلعيش شويه وراجعلك …وطلع للحمام

✨روايات بنووتة الشيخ✨

دعاء:راقده علي سرير ياسين وياسين يلبس في حوايجه .
دعاء:حبيبي متأكد رح تتزوجني
ياسين:معش تسأليني السؤال هادا بعدين انا درتلك هكي باش لو موافقوش اهلك رح يعرفي انك رقدتي معاي ويوافقو بسيف
دعاء:ياعمري انت نستنا فيك السبت
ياسين:باسها…خليك متطلعيش نشوف عمر شنو صار معاه

عمر:في الحمام يحاول يرجع الحبه يلي حطهالا ياسين في القهوا بس يحاول بدون فايده حط راسه تحت اميه مصقعه عشان يصحصح لان حس روحه رح يتهلوس ومعش يقدر يوقف

يقين:لبست عبايتها وقعمت تبكي وتفكر كيف رح يصير فيها خش عليها ياسين
ياسين:مبروك ياعروسه?
يقين:تشوفله وتبكي
ياسين:هوا عرسك بعد 3ايام صح؟بس من كثر ما انا فرحان زوجتك اليوم وولد عمي زياده ههههههه
يقين:??
ياسين:هادا جزاء اي حد يوقف في طريقي الواضح انك نسيتي انا ولد منو هه عموما توا وريني كيف رح تتزوجي طبعا انتي مش غبيه باش تكملي عرسك وتخلي عريس الغفله يفضحك لهاذا السبب كل مندير زياره لمنطقة الفقر هادي رح تجيني الشقه تهدرزي عليا ونهدرز عليك ادلعيني وندلعك وهلبا حجات تمام ياحلو
ياقين:ناضت وهيا تبكي طلعت من الشقه بسرعه .
ياسين:خش لي الدار وشاف قطرة دم ع السرير عمر ضحك وطلع

✨روايات بنووتة الشيخ✨
دعاء:حبيبي وين يقين؟
ياسين:توا كيف طلعت
دعاء:اوكي ياعمري انا مروحه وزي ما اتفقنا
ياسين:اها اكيد

عمر:طلع من الحمام وهوا دايخ لي داره طول .???ياسييين ياسيين
ياسين:نعم
عمر:وهوا مش قادر يوقف ومتكي ع الحيط…وين البنت؟
ياسين:طلعت روحت
عمر:كيف تخليها تطللللللع عجبك يلي درته فيها
ياسين:اففف خلاص عمور الزفت انت مخصرت شي بلا جو عرق الشرف توا
عمر:قعد يشوف في الدنيا ادور وصوت ياسين بدا يختفي لين خلاص معادش يعلم بي شي?

يقين:طول الطريق نبكي ونفكر في فضيحتي وكيف بندير ودموعي مبوش يوقفو لين وصلت الحوش
وفاء:خيرك منكده وتعيطي
يقين:وصلت لي حوش ليلي امها مريضه هلبا روحت
وفاء:به وانتي خيرك تبكي
يقين:ولا شي خايفه من الزواج وتذكرت امي
وفاء:طيح سعدك البنت تكون فرحانه مش زيك وجه نكد نسخه من خوك ديري الحلوه بروحك وريحيني متعبيش عليا
يقين:صكرت الباب ع روهي وانا نبكي وبسسس???ونتخايل في خوتي كيف رح يقتلوني

✨روايات بنووتة الشيخ✨

فجريه:وامتا بيجو
دعاء:السبت ياماما بيجي هوا وامه
فجريه:هادا ولد واحد مسؤل يعني لازم نجهزو ضيافه باهيه
دعاء:اي تو نتفقو شنو نشرو

طق طق طق
يقين:بصوت مخنوق …ادخل
وفاء:ووووه قاعده تعيطي مخلوقه مصنوعه من النكد
يقين:خيرك وفاء شنو تبي؟
وفاء:نوضي صاحبتك تبيك ع الارضي وديري العشي وبسبوسه خاطري فيها
يقين:به…وناضت

يقين:الوو
دعاء:اهلين يقين
يقين:كيف اديري فيا هكي?معندكش قلب انتي فهميني كيييييييف??تعرفي ان عرسي بعد3ايام حرام عليك
دعاء:اففف يقين انتي عارفه ياسين ولد منو وقعد يهدد فيا وقال نقتلك انتي وعيلتك
يقين:بري حسبي الله ونعم الوكيل فيك ربي ياخد فيك الحق ?…وصكرت

وفاء:هيا نوضي ديري العشي دموع التماسيح هادم مش عليا خوك قريب يروح .

✨روايات بنووتة الشيخ✨
يقين:غسلت وجهي وصليت وبقيت في سجودي وانا ندعي وبس بعدها خلاص قررت نهدا خشيت المطبخ درت عشي وبسبوسه يلي تبيها وفاء وخشيت داري

وائل :خيرها متجيش تتعشا
وفاء:جايها خناق العرايس ههههههه مدورهاش تو تاكل بعدين
وائل:كلمت مولا الخيمه يجي يركبها غضوا
وفاء:افففف بيبدا النفخ كلموني حوش خال غضوا جايين كلهم بايتين
وائل:يالله يومين ويتم كل شي

يقين:نفكر لو قررت نتراجع علي زواجي توا خوي يذبحني ورح يزوجني غصب عليا خلي نكمل زواجي بالك يطلع ولد كويس نحكيله يلي صار ويستر علياا

✨روايات بنووتة الشيخ✨

عمر:فتح عيونه واخيرا اثر الحبه انتهى…ناض زي المجنون شد ياسين من رقبته وحذفه ع الحيط

عمر:ووووين البنت???
ياسين:اااااااه اي بنت
عمر:بلاااا استغباء متعك ياحقير ووووين البنت
ياسين:شنو قالولك خطفتها اناااا روحت برووحها
عمر:وين حوشها
ياسين:وين نعلم
عمر:شنو اسمها
ياسين:وعلاش
عمر:شد ياسين من شعره…ياكلب غير امس مأثره فيا الحبه مش انا يلي نتهدد البنت شنو اسمهااااااا??
ياسين:عائشه اسمها?
عمر:علااااش درت فيها هكي
ياسين:عمر خيرك عادي بنت هيا في النهايه وحده ق…
عمر:كان ق…ياولد الق…راهو مترجتنيش نخليها وتبكي
ياسين:الزززفت عمر طول عمرك وانت مع البنات جت علي هادي
عمر:طول عمري مع الخامرات ياخامر لاكن معمري وسخت بنت نضيفه
ياسين:منو قالك نضيفه خلاص فوت الموضوع
عمر:عايشه منو اسمها
ياسين:اففف عايشه الاحمدي
عمر:ابس جاكيته وطلع
ياسين:غبي

✨روايات بنووتة الشيخ✨

يوم السبت:-
في حوش يقين…مدايرين صهريه كبيررره والحوش زحمه ويقين لابسه البودري وتحاول تبتسم لاكن بدون فايده تفكر في مصيبتها ويلي يسألها علاش تبكي تقوله تمنيت امي معاي

عمر:من الصبح لا الليل وهوا يدور ع اسم عائشه الاحمدي يبي يعرف حوشها عشان يخطبها

دعاء:مجهزين ارواحهم عشان يستقبلو اهل ياسين وكل شي واااتي لاكن من الصبح تتصل بيه مقفل وقريب تهبل

ياسين:شنو متبيش تروح لي طرابلس
عمر:ساكت وشاد تالفونه
ياسين:عمر نكلم فيك لين يومين متردش عليا الزح تكلم
عمر:اقلب وجه دين فيتك من عليااا مش ناقصك
ياسين:متبيش تروح لي طرابلس معاي؟
عمر:منبيش نروح
ياسين:ع راحتك يا ولد العم

ترن ترن ترن
عمر:ايوا بوي شنو جو
حميد:الحمد الله وين انت روحت؟
عمر:لالا قاعد في (ممنوع ذكر اسم المنطقه)
حميد:كيف هكي خيرك مطلعتش مع ولد عمك ؟
عمر:عندي حاجه هكي بنديرها ع السريع المهم بوي انت شنو مداير؟
حميد:تمام والله عندي مؤتمر صحفي غضوا بخصوص الانتخابات
عمر:به كويس المهم بوي نبي رقم اي حد يخدم في السجل المدني بي معرفتك
حميد:علاش علي منو تبي تسأل؟
عمر:علي وليد نبيه غير نبي نتواصل معاهم طول
حميد:به تو نبعتلك رقم واحد يعرفني غادي قوله انا ولد حميد وتو يخدم
عمر:تمام صحيت يابوي
حميد:سلمك غير حاول تروح الايام الجايه
عمر:انشاء الله

✨روايات بنووتة الشيخ✨

فجريه:ياحشمتي مع بوك وينهم مجوش لا توا
دعاء:منعرفش ياماما نتصل بيه مصكر?
ترن ترن ترن
دعاء:هواااا?…الووو
ياسين:ايوا
دعاء:وينك من بكري نتصل وتالفونك مصكر
ياسين:شنو تبي
دعاء:كيف شنو نبي مش اليوم بتجي تخطب انت وامك؟
ياسين:هههههه بعقلك انتي؟تبيني نخطب وحده باعت صاحبتها وباعت روحها ورقدت معاها
دعاء:???????
ياسين:تعيشي وتاكلي غيرها ياحلوا….طووط طوووط طوووط

فجريه:خيرك وجهك اصفر شن قالك
دعاء:امه موافقتش?
فجريه:ياخسارت الحجات يلي شريناهم تو شنو نقول لي بوك انا بسسس
دعاء:قعدت تبكي ونادمه ع يلي داراته وتفكر كيف تطلع من ها المصيبه

ثاني يوم:-
يقين:مشي للمزين وخليتهم يديرو في الطولات والكراسي لاني مش مدايره حفلتي في الصاله بحكم مفيش صالات في قريتنا الا زوز بس وبعاد عليا

طوووول الوقت مفيش شي في بالي غير شنو رح يصير فيا رح يقتلوني ولا يستر عليا ولاشنو رح يصير مفهمتش

علي:تفضل كيف نخدمك
عمر:انت تعرف انا من طرف منو جايك صح
علي:هوا في حد ميعرفش بوك هههه اكيد تفضل
عمر:بنعطيك اسم بنت واسم مدينه نبيك تجيبلي حوشهم وين
علي:تمام الاسم؟
عمر:عائشه الاحمدي
علي:عطيني ربع ساعه بس
عمر:تمام

يقين:لبست الڤيلو وانا حاسه انه كفن من كثر خوفي ومن الصبح ندعي وبس يارب حتا لو قتلوني متخليهاش فضيحه يااااربي وصلت لي حوشن وخشيت للخيمه طبعا بدون اغاني لان خوي مدين شويه قعمزت نبتسم لي المعازيم وانا في قلبي ناااار ميعلم بيها كان ربي ونحس في الدقايق تفوت عليا سنين شويا ونسمع في سيارات وزغاريط امتاعين العريس وصلو ?

خشو اخواته وباقي اقاربه دارو شوط دربوكه وطلعوني معاهم

✨روايات بنووتة الشيخ✨

عمر:شنو صار معاك
علي:الاسم يلي عطيتهولي مش موجود في المدينه يلي حكيت عليها بس موجود في طرابلس وغريان ومناطق بعيده ع المدينه يلي عطيتني اسمها
عمر:تمام علي منور مقصرتش
علي:في الخدمه

ترن ترن ترن
ياسين:ها يا حب عرفتك والله رح تتصل بيا متقدرش تستغنى عليا
عمر:اسم البنت كذذذب ياسين لاخر مره نحذرك انا لتوا قاعد مدرت شي ره
ياسين:وااااك الله يحرق البنت تعرف منو هيا
عمر:منو
ياسين:يقين وكان عرسها بعد3ايام بضبط بس توا اكيد بطلت ورد بالك تفكر تاخذها هادي لياااا انا بس مش زواج لاكن هكي جو
عمر:عرسها بعد 3اياام?دمرتها الله يلعنك يااااااااااكلب ياحقييييييييير ياتااااااااااافه
ياسين:خلاص عمر اهدا
عمر:لوح التالفون وقعد يخبط في راسه ويقول انا شنو درت ??

✨روايات بنووتة الشيخ✨

يقين:ركبت السياره مع راجلي ?وطوول الطريق ولا كلمه ساكتين وبس لين وصلنا للحوش طبعا حوشه فوق حوش اماليه نزلت قعمزت لوطا شويه وركبت معاه وانا قريب يغمى عليا من الخوف ورجليا يرعشو ….يتبع