روايه قوة انثي
قبل متقرى الروايه ياريت تركزي ع الكلام يلي تحت وتقريه اكتر من الروايه نفسها
يوم الخميس :-
عمر:متوتر ومش عارف شنو يدير ..حاس بي روحه كأنه نقص شي علي يقين لان بيروح بيها من دون عرس
امنه:خيرك حايس في روحك
عمر:بنروح بيها اليوم
امنه:به?لاكن دير في بالك رح نديرولها عشي صغير ونعزم عمتك وخالاتك خير ماينغلعو بعدين ويقولو هادي منو
عمر:وشنو رح تقوليلهم؟
امنه:الشرع حلل4عندي غير ها الكذبه انا برا جيبها وقلها تسلوي روحها اشبح كيف تطلع خليقتها
عمر؛تمام …في سره((والله خليقتها زي العسل لو تشوفيها))
حميد:شنو اليوم عقد القيران؟
عمر:اي
حميد:تمام جاي معاك
عمر:نستنا فيكترن ترن ترن
يقين:لابسه بيجامه وشعرها كعكه متقوليش عليها بتتزوج اليوم ?…ها عمور
عمر:يقين جايك انا وبوي نمشو للمحكمه مع بعض نكتبو الكتاب
يقين:اه??ب بب به تمام …وهوووووب ع الدوش والميكاب الخفيف والطرحاات✨روايات بنووتة الشيخ✨
شرف الدين :لولتي بنقولك
ولاء:عيوني
شرف الدين:ممكن تشوفي الوالده وتحددي موعد معاها
ولاء:ليش؟
شرف الدين:والله نبي نخطب
ولاء:توترت?اهاا ومثلت انها فرحانه ياقلبي انت ?بس خلي بابا يروح من مصر قبل
شرف الدين:قداش مزاله
ولاء:الاسبوع الجاي انشاء الله
شرف الدين:اوكي نستنا
يقين:لبست قونه ليكرا زيتونيه وبلوزه بيج مع جاكيت رسمي زيتوني ووشاح مزركش نفس لون الكندره والشنطه وطبعا مكياج وعطر خفيف وطبعا بنمووت من الخوف لان اول مره نشوف بوه ورح نشوف عيلته اليوم وكيف رح يتقبلوني
طق طق طق
يقين:اوووه خليك قويه خليك قويه …جايا
عمر:شنو ها الحلاوه هاذي كلها
يقين:اي عارفه…وخشت جابت شنطتها
عمر:ياثقه?…ونزلوو
يقين:ركبت السياره …السلام عليكم وسلمت عليه
حميد:وعليكم السلام مشاء الله مشاء الله ربي يحفضك
يقين:تسلم عمي
حميد:عرف يقين من اول مشافها انها بنت مذوقه ومعندهاش ع الخبث
يقين:وصلنا للمحكمه ودخلنا طبعا مهري 1000جني ومؤخر انا طلبت يكون 100جني فقط لان عارفه روحي رح نطلق ومنبيش ناخذ منه شي
القاضي:يقين المزوغي موافقه وبدون اي ضغط انك تتزوجي عمر الدوسري
يقين:شافت لي عمر وهيا خايفه
عمر:قرب منها ..وين قوة الانثى
يقين:ابتسمت اي موافقه
القاضي:نفس الشي سأل عمر ووافق وطلعو من المحكمه بي كتيب عائله
حميد:الف مبروك بنتي
يقين:باست يد حميد…الله يبارك فيك عمي
حميد:حشاك حشاك ربي يسعدكم …يلا عمر انا قاعد هنايا بيجي صاحبي انت خوذ السياره وبرا وين متبو
عمر:لا خلينا نوصلوك
حميد:لا والله عاطي كلمه لي الراجل
عمر:به ع راحتك هيا يقين
يقين:سلامات
✨روايات بنووتة الشيخ✨
ع سفرة الغدي:-
شريفه:انا بروحي نصدمت الحق
فايز:به وشنو قتلك قصدي مش بياخد ولاء بنت فوزي
ياسين:اي علاش غير
شريفه.مغيرش قاعد خاطب ولاء لما سألتها ع قصة البنت التانيه يلي بياخدها قتلي الشرع حلل 4ولو تبي تجي تفضلي ع العشي اليوم
ياسين:وبتمشي
شريفه:اكيد امالا شنو ضروووري نمشي نفهم كل شي
((طبعا ياسين محطش احتمال 1%تكون البنت يقين))
في السياره:-
يقين:وين ماشي
عمر:لو بنقولك بتعصبي وبتخششيها بعضها
يقين:شنو درت ?
عمر:امي اليوم عزمت اقاربنا ع العشي وقتلي اشريلها قفطان وقلها تمشي للمزين
يقين:ياعمر مش مقتلك منبيش الجو هادا
عمر:تي بايخه ره تروحي هكي اقل شي عشي حتا باش تتعرفي ع العيله
يقين:اممم به
عمر:هيا انزلي نشوفو المحلات
يقين:تمام
✨روايات بنووتة الشيخ✨
يقين:نزلنا وقعدنا ندورو ندورو ندورو لين عجبني قفطان طويل ماشي ع الجسم لونه احمر يجنن خذيناه وحذيت شوي اكسسوارات وروحنا للفندق
في الفندق:-
عمر:توا وانا وين بنمشي
يقين:وين نعلم بيك انا شوي وبتجيني المزينه ره
عمر:به عادي نقعمز نتفرج عليكم
يقين:ونبي ????
عمر:?هي خلي نقلب وجهي بي كرامتي خيرلي امتا نجي ناخذك
يقين:تعالا مع المغرب
عمر:تمام
عاصم:اووووه شنو ها الريحه الحلوا هادي
امنه:لعزومت اليوم
عاصم:اهااا اي نسيت شنو جابها ولا مزال
امنه:مزال واطلع خليني نغبر علي ايامي بلا تقصقيص
عاصم:??
الساعه8:-
يقين:تسلم ايديك حبيبتي
الكوافيره؛ولوو هادا واجبي يلا سلام
يقين:سلامات
ترن ترن ترن
يقين:ايواا
عمر:هي شنو ليا ساعه مقعمز
يقين:اوكي نازله
عمر:تمام
يقين:لبست عبايه وخمار وكندره حاطيه وحطيت كندرة الكعب في كيسه معاي ونزلت
عمر:فتح باب السياره وركبت يقين
عمر:طالعه تقول باتمان ???
يقين:عمر مش ناقصاتك ره يكفي منشوف في شي
عمر:??
ياسين:وين ع خير
شريفه:تي مش قتلك اليوم عزومت مرت عمر
ياسين:اهااا به به انا طالع
شريفه:دير بالك ع روحك
يقين:نزلت من السياره وانا خايفه بنموووت
عمر:طق طق طق
امنه:هيااا هي
عمر:السلام عليكم
يقين:السلام عليكم
امنه:وعليكم السلام …وقالبه وجها
يقين:نحت الخمار وسلمت ع امنه
عمر:وهااذي ام…??ااءء ءء امي
امنه:?
يقين:تشرفت بيك ?
امنه:ب ب بيك اكتر تفضلو
يقين:خشت قدام المدخل نحت عبايتها وقعمزت وعمر وامه فاتحين فمهم وخلاص
يقين:حسيت بلاحراااج ومعش عرفت شنو ندير
امنه:عمر تعال للمطبخ شوي
عمر:جاي جاي
في المطبخ:
امنه:هاذي البنت؟ متأكد
عمر:تي اي خيرها
امنه:البنت زي القمر كيف هكي
عمر:شنو كيف هكي ?
امنه:متوقعتهاش تكون قنينه بكللل
عمر:وطيبه زياده مش قنينه بس
امنه:به توا اطلع النساوين بيبدو يجو
عمر:به
امنه:قعمزت جنب يقين وقعدت تهدرز عليها وتسأل فيها ع شغلها وهكي…
ياسين:لو سمحت طقيت ع الغرفه رقم 12مفتحليش حد وين الانسه يلي فيها معندكش علم؟
الريسبشن:لحضه….لا والله خلصت اقامتها وطلعت
ياسين:امتا؟
الريسبشن؛اليوم بهد المغرب
ياسين:اهاا تمام….وين هربتي مني يا يقين وين وين
وصلو عمات عمر وخلاته وطول الوقت يشكرو في يقين وبس وامنه مش عارفه راسها من وجليها وشريفه تقصقص تبي تعرف القصه لاكن شي شي مقدرتش تجبد الدوه وعمر مقعمز برا مع صحابه واقاربه يباركوله وهوا عقله مع يقين ويذكر كيف شافها !!
كملت العزومه تعشو وباركو وروحو ويقين استأذنت من امنه وركبت الشقه دوشت وبدلت حوايجها
شريفه:والله البنت رايحه زي الغزااله لاكن نموت ونعرف القصه
فايز:شن قالو ؟
شريفه:قالو عجباته وخذاها والشرع حلل4
ياسين:اي ع اساس رح نصدقو
شريفه:لاكن قمرر البنت تو تخليه ينسا ولاء ويركز معاها وامنه طول العزومه يقين ويقين
ياسين:شششنو؟؟منو يقين???
شريفه:تي مرت عممر
ياسين:?????
✨روايات بنووتة الشيخ✨
طق طق طق
يقين:تجفف في شعرها …ادخل
عمر:شنو الجو
يقين:تمام محلاه جو اقاربك الحق طول الوقت ضحك وجووهم يهبل
عمر:كويس مهم عجبك الجو
يقين:اكيد حتا امك كويسه
عمر:وقف وراها ويشبحلها في المرايه وقعد يشفشف في شعرها
يقين:عمممر ههههههه
عمر:هكي مليحه ??
يقين:??بارد
ترن ترن ترن
عمر:اخذ تالفونه وطلع للبلكونه …الوو
ياسين:علااش متزوجها ؟؟؟
عمر:نعم؟
ياسين:انت فاهم دين اصلي علاااااش متزوجها
عمر؛هما كلمتين كنت نقدر نحميها منك ونخليها تسافر غصبا عنك لاكن خليتها تتزوجني لان نبيها قريبه مني ومعاي باش نتريح عليها وتوا وديني ومانعبد نشوف اسمك بسسس في حياتنا وربي الكون إلاما نمسح من ع وجه الارض وكلامي مستحيل نولي فيه ….طوط طوط طوط
ياسين:يخبط ع الدوماان …الزززززح
ترن ترن ترن
ياسين:شن تبي من فيتي ليك قرن تتصلي بيا
دعاء:نبي نحكي معاك في موضوع
ياسين:اهو جايك
دعاء:تي لا توا ليل?
ياسين:وتي روحك خمسه دقايق وارجعي حوشكم
ولا فوتيني
دعاء:اوكي …وسكرت تتطمن لو كل راقدين
يقين:في شي عموور ؟
عمر:سلامتك
يقين:وراس عمور وتي السفره مابين كملت شعري جعااانه
عمر:اي عقاب عمري نخدم قرسون
يقين:ههههه عادي ع خاطري
عمر:اي علاش لا حااضر تطلبي شي تاني ؟
يقين:سلامتك ياحلوو
✨روايات بنووتة الشيخ✨
شرف الدين؛هي شنو ولاء انا بنسافر راهو ونبي نتزوج قبل
ولاء:خلاص وعد الاسبوع هادا نكلم ماما وتقدرو تجيب اهلك
شرف الدين:تمام نستنا فيك
دعاء:ركبت مع ياسين في السياره ومشو درس قدام محل وطبعا الساعه كانت 3في الليل والدنيا كللللها مصكره
ياسين:شنو تبي هي
دعاء:خايفه حد يشوفني
ياسين:السياره مظلمه خلصي شنو تبي
دعاء:امتا بتتزوجني
ياسين:هه انا منتزوجش ره حطيها في بالك
دعاء:لا رح تتزوجني وغصبااا عنك مستحيل نقعد هكي انا
ياسين:ضرب دعاء كف ….صوتك معش تعليه
دعاء:لانك مش راجل قاعد تتهرب ومتبيش ادير يلي واعدتني بيه ياحقير تفووو ياعيل …ونزلت من السياره لحقها ياسين وقعد يخنق فيها في دروج المحل لين خلااااص معادش تحركت
ياسين:حط يده علي رقبتها بيشوف النبض لقاها ميته ??خلاها طايحه وركب سيارته وهرب طوووول
يقين:تعشت مع عمر ورقت ع السرير وعمر قعمز جنبها يتأمل فيها لين خداه النوم جنبها .
✨روايات بنووتة الشيخ✨
ثاني يوم :-
يقين:لبست حوايجها وصلت …عمر عمر عموووور
عمر:هااا يا امي هااا
يقين:??شدت خدوده …نوض ياروح ماما نوض
عمر:فتح عيونه شاف يقين جبدها من رقبتها وقعد يشفشف ويبصر عليها
يقين:هههههه واااااك ياعمر الهم كيف مساويه شعري يابارد
عمر:قعمز ع السرير …وين ع خير
يقين:بننزل نفطر مع مامتك ونصبح عليها وبعدين نمشي الشغل
عمر:فوتيه اليوم خلينا نمشو نهيجو
يقين:وين بنمشو
عمر:الملاهي ?
يقين:قول والله
عمر:والله
يقين:تم ???خلي ننزلو لوطا نفطرو مع اهلك بعدين ساهل
عمر:تمام شويه بس نلبس
طق طق طقطق
شريفه:نعمم??
الشرطه:ياسين قاعد
شريفه:علاش شنو فيه
الشرطه:ياسين وين
شريفه:ياسين لا مهناش
الشرطي:بسررعه تفتيش …وخشو الرطه طلعو ياسين جبدوه من نومه ع المركز وشريفه تخبط وتعيط واتصلت بي فايز قتله
ع سفرة الفطور:-
عاصم:قول والله هاذي مرتك
عمر:مش مصدق اسألهاا?
عاصم:محلاااها?
يقين:?
عمر:ضرب عاصم ع رجله…هي انت
حميد:??
عاصم؛ومثقفه ولغات ودنيا …ياريتني عمر
يقين:???
عمر:هيييي?
عاصم:ههههههه به بشويه عادي تقريني عندي امتحان انجليزي
حميد:العفو البنت قاعده عروسه تحشم
يقين؛لاعادي بلعكس اول منروح جيب كتاباتك وولا يهمك
عاصم:تي انتي احسن وحدده ?
امنه:ناضت وهيا قالبه وجها للمطبخ لحقتها يقين
يقين:اءء ء امي
امنه:نصدمت من الكلمه ?وتلفتت
يقين:تفضلي هادي هديه بسيطه ليك نتمنى تقبليها مني
امنه:فتحتها لقتها خاتم ذهب تفاااجأت …ليش متعبه روحك
يقين:لا مافيها تعب بس نبي طلب لو ممكن
امنه:تفضلي
يقين:الله اعلم قداش نقعد مع عمر الفتره هادي نبيك تعامليني زي بنتك بالله عليك يعلم ربي قداش عانيت في حياتي وفاده امي من وانا صغيره بس خليك كويسه معاي وتاخدي عيوني
امنه:عجبتها يقين وقلبها حن عليها ..حضنتهاا …وحتا انا معنديش بنيه ورح تكوني بنتي انشاء الله
يقين:ياااارب
فايز؛وين الدليل ان قتلها
الشرطي:شفل فيديو واضح فيه يقين كيف يخنق في دعاء طبعا الكاميره متع المحل يلي نزلت قدامه دعاء سجلت كل شي وبما ان فايز يخدم في الدوله قررو يحبسوه اسبوعين وبعدين يدبرو اي فبركه ويطلع
يقين:طلعت هيا وعمر وللملاهي طول لعبو وهيجو ويقين طووول الوقت الضحكه علي وجها وعمر يزيد يحبها اكتر واكتر روحو مع حو العصر تقريبا
ترن ترن ترن
عمر:الوو
ولاء:هلا عمر وين انت
عمر:في الحوش
ولاء:به تعالا نبيك لو تقدر
عمر:به انشاء الله …وطلع
يقين:تساعد في امنه في المطبخ
وطبعا فجريه اعترفت بي كل شي لي راجلها وعياطات في الحوش وطلقها راجلها
عمر:وصل عند ولاء وهوا مستغرب كيف ولاء امس متصلتش بيا رغم تعرف ان امس روحت بي يقين؟
ولاء:عمر
عمر:اها معاك اكيد ع موضوع العرس صح
ولاء:بصراحه لا انا معش مرتاحه
عمر:ليش؟
ولاء:متسألنيش انا مستحيل نجي علي ضره مستحيييل ونبي نفسخ
عمر:فرررررحت بس حاولت منبينش …ع راحتك ولاء
ولاء:نبيك تنهي كل شي مع بابا في اسرع وقت
عمر:تمام وربي يسعدك
ولاء:ويسعدك
عمر:طلعت وانا طاااااير من الفرحه للحوش بسرررعه
ياسين:خش للحبس وهوا مطمن ان رح يطلع وقف قدامه واحد عضلاااااات وطويل اسمه طلال
طلال:منو الحلو الجديد
ياسين:فوتني بلا مفرخ
طلال:هه نعم ؟
ياسين:وقف قتلك فوتني بلا جو مفرخ لان انت متعرفش انا ولد منو
طلال:شد ياسين طااح فيه ضرب على ضرب علي ضرب ومفيش حد دافع عليه لين رفعوه للمستشفى واكتشفو ان عنده كسر في العمود الفقري يعني غير عيونه ميقدرش يحرك شي
حمييد:لا حول ولا قوه الا بالله ربي يكون في عون امه وبوه
عاصم:يستاهل هاذا جزاء ضلمه لي هلبا ناس
امنه:اسكت ياولد الشماته مش باهيه
عمر ويقين:يشوفو لبعضهم وبس
✨روايات بنووتة الشيخ✨
بعد مرور 3ايام :-
عمر:وين ماشيه؟
يقين:عندي لقاء سياسي اليوم يبي الترجمه
عمر:خلاص فوتيها الخدمه شنو تبي فيها وخيرك مش لابسه عبايه
يقين:خدمتي معش تتكلم عليها عمر تمام هاذا مستقبلي وخاص بيا ولبسي مدامه محترم مش ضيق ولا عريان مفيش داعي نغيره
عمر:به خيرك عصبتي
يقين:مخيرنيش بس كل واحد عنده حجاته الخاصه ومفروض نحترمو بعض
عمر:فهمت ❤️
يقين:قعمزت يلي كنا خايفين منه ربي جزاه
عمر:شنو قصدك ؟
يقين:ماسكه دموعها …تقدر تتزوج ولاء بدون اي عقبات
عمر:عقبات شنو تحكي عليها؟
يقين:انا يعني اكيد وجودي مضايقها واصلا معندي علاش قاعده
عمر:ولاء اختارت انها تنفصل علي قبل اسبوع وفسخت
يقين:?
عمر:وتوا متأكده معندك شي تبي تقعدي ع خاطره؟
يقين:ساكته وتفكر شنو بنقول
عمر:حضنها…عطينا بعض فرصه ع الاقل نحاول انسيك في كل شي عشتيه خليك معاي بين عيلتي وصغار خوتك خليك في بلادك معانا ❤️
يقين:حسيت ان هادي فرصه مستحيل نضيعها …وانا معاك❤️
عمر:نحبك
يقين:قدااااش ليا مسمعتش الكلمه هاذي بدات لما تكون من واحد صادق
عمر:يقونتي
يقين:عيونها
عمر:شكله مش رح يصيرلك من مشي اليوم
يقين:عمممر ??
عمر:ياقلب عمر انتي ❤️
كملت يقين حياتها مع عمر وجابت بنوته وزوز ولاد وعيلة عمر زاد حبهم لي يقين بعد الصغار وقعدت يقين ديمه تسأل علي صغار خوتها وتمشيلهم ومش منقصه عليهم ولا شي ❤️✨…النهايه
ربي خلقك انثى والانثى قادره ادير كللللل شي ره قادره تجيب صغار وتحبهم رغم الالم يلي تحس بيه قادره تربي وطلع رجالا قادره تتحمل ضروف متعبه اكتر من الراجل بي الف مره الانثى لما تجي علي الدنيا تفتح باب الجنه لي بوها ولما تصبح ام تولي الجنه تحت اقدامها راهو انتي شي عضييييم
مرات بي مصيبه تجيك حياتك تتغير الف مره للاحسن ديمه احمدي ربي ع كلشي يصيرلك لان ربي مسخرلك حياتك قبل متجي مستحيل ينساك لما توصلي ع الدنيا
متخليش حجات تافها تهزك متخليش ذكر تافه بلا معنى ينزل دموعك بحجت الحب يلعن الحب يلي رح يخليك تبكي وتضايقي يلي يخليك لاتاكلي ولا تشربي يلي يخلي ضروف تافها تقضي عليك تي انتي ربي قال علي كيدك عضيم في القرآن انتي قادره اديري كلللشي مترضيش بضلم في حياتك مهما كان نوعه تعلمي قولي لا ومنبيش …متوافقيش علي الزواج وانتي متبيش لاكن موافقه ع خاطر قالولك هيا العمر يجري ولا يلي زيك تزوجو لااااا متخليش حلمك قفطان ابيض وراجل في اي لحضه يتخلى عليك كملي قرايتك لان الشهاده سلاحك في اي وقت خليك ثابته وشخصيتك قويه ومينضحكش عليك خليك حلم الشاب يفوز بي قلبك خليك متابعه حياتك علي الصح متقوليش لا منديرش هكي لان مجتمعنا رح يحكي عليا لااا ياماما مدام الشي يلي اديري فيه صح ويرضي ربي سواء كان قرايه او خدمه او غيره طززززر في الناس والمجتمع وكل شي وتعيشي انتي وسعادتك وراحتك خليك قويه لانك والله انتي حاجه صعب تتكر ❤️