روايه قوة انثي

قوة_انثى الحلقه 12

اسماعيل:الو السلام عليكم
ياسين:وعليكم السلام تفضل؟
اسماعيل:لو تتذكر انا الشاب يلي سألتي ع يقين ولد جرانهم وعطيتني رقمك اي حاجه نعرفها عليها نكلمك
ياسين:اهااا اي اتذكرتك فيه شي؟
اسماعيل:اي قبل منقولك تعطيني الحلاوه زي ماوعدتني؟
ياسين:تي نعطيك غير انطق
اسماعيل:كلمتي ع الفيس تسأل ع خوتها وخللت ان هيا مسافره ولما سمعت ان خوتها ماتو نصدمت واكيد رح تروح
ياسين??مليح بكل توا كلمها ع اساس تطمن عليها وشوفها امتا مروحه بسرررررعه
اسماعيل:تمام وصكر

يقين:????
عمر:يقين بالله عليك بالله عليك اهدي ع الاقل لين توصلي هنايا
يقين:مش قادره ياعمر مش قادره الاثنين مع بعضهم ???
عمر:الله غالب هادا قضاء ربي انتي سامحيهم ودعيلهم بلجنه
يقين:مسامحتهم دنيا واخره???
عمر:خليك ع الخط نحجزلك بكرا …
يقين:وهيا تبكي …تمام عمر انا بنكلم الشركه ناخذ اجازه
عمر:تمام

يقين:صكرت من عمر وكلمت الشركه ان لازم نسافر لي ليبيا لان عندي حالة وفاة وطلبت اجازه بدون مرتب وفعلا عطوني اجازه مدتها 4شهور ولو روحت قبل4شهور عادي نولي للخدمه بعدين شفت اسماعيل باعتلي رساله

اسماعيل:ياريت اطمنيني عليك اسف مكنتش متخيل انك مسمعتيش
يقين:عادي مدور شي
اسماعيل:بعد سمعتي الخير اكيد رح ترجعي ليبيا صح
يقين:اي اكيد بكرا انشاء الله
اسماعيل :توصلي بسلامه ولو تبي شي كلميني نساعدك
يقين:تسلم ربي يخليك

✨روايات بنووتة الشيخ✨

محمد:هههههه قاعد مطلعتهاش من راسك الزح قريب تصكر سنه
ياسين:تي والله لو تفوت4سنين مانسيبها
محمد:حب هادا ولا كلب?
ياسين:حب امها لاكن مش انا يلي تنكسرلي كلمه
ترن ترن ترن
ياسين:ها شنو
اسماعيل :بكرا مروحه
ياسين:تم منور ورح نجيك لا عندك تاخذ يلي تبيه
اسماعيل:تمام?

عمر:يقين بكرا مفيش حجز لي ليبيا انا حجزتلك ع تونس ومن تونس اركبي لي ليبيا طووول رح تتعبي شويه بس المهم توصلي
يقين:اي عادي مش مشكله
عمر:اهدي وانشاء الله خير
يقين:عمر انا لازم نسكر راسي يوجع فيا نبي نرتاح شوي
عمر:خلي الخط مفتوح وارقدي
يقين:ليش؟
عمر:مستحيل نصكر وانتي بي الحاله هاذي خلي الخط مفتوح وارقدي
يقين:محلاه لما يكون عندك شخص خايف عليك ومهتم بيك في عز ضيقك…..اوكي

✨روايات بنووتة الشيخ✨

يقين:نضت تاني يوم ونفس كل سفره حياتي ولت كلها سفر وتيت حوايجي دوشت ولبست سروال جينز اسود وبلوزه لا الركبه بيضه مع جاكيت اسود وشنطه وسبيدرو احمر ووشاح مزركش بي الابيض والاحمر وطلعت بسرعه ع المطار وطول الطريق وانا نبكي

عمر:نضت يادوبني لبست بس حتا فطور مافطرتش ومشيت للمطار نستنا في يقين رغم انها حتا تونس قاعده ماوصلتش بس مقدرتش نصبر

ياسين:هاشنو مجتش وحده بي الاسم يلي عطيتهولك؟
الشاب:لا والله واقف ع الجوازات من الصبح ومفيش حد بلاسم يلي عطيتهولي دخل ليبيا
ياسين:كان صار معاك شي خبرني
الشاب:تمام

يقين:نزلت لي تونس وكلمت عمر.
يقين:عمر انا وصلت تونس
عمر:اوكي تمام بري راجعي اسمك في الحجز وشوفي طيارتك امتا
يقين:تمام ….مشيت راجعت ولقيت عمر دافع عليا حق التذكره مزال ع طيارتي ساعتين مشيت قعمزت في الكافيتيريا كليت شوي حجات لان مذقت شي من انس وقعدت سارحه ودموعي ينزلو لين جي نداء الطياره بعتت لي عمر مسج وركبت

✨رويات بنووتة الشيخ✨

الشاب:الوو
ياسين:بشرني
الشاب:اي توا وصلت
ياسين:اوكي تمام منور تعبتك معاي
الشاب:تفضل في اي وقت

محمد:توا الساعه 10في الليل مستحيل تجي للمنطقه المنعزله هادي اكيد بتقعد في طرابلس
ياسين:اي عارف
محمد:تي به علاش جبتنا اليوم الزح حتا نت مفيش هنايه
ياسين:تي اسكت لازم المره هادي متهربش مني

عمر:واقف يستنا في يقين امتا يشوفها بدو ينزلو الركاب وهوا علي نار ….لين شافها جايه اخيرااا
يقين:بدون متحس جاته وحضناته وتبكي
عمر:اششش معادش تبكي انا جنبك خلاص
يقين:تعبت ياعمر تعبت
عمر:لالا منعرفكش هكي انا وين قوة الانثى يلي حكيتي عليها يا بطه
يقين:ابتسمت وهيا في هز بكاها
عمر:مسح دموعها …يلا تعالي توا ارتاحي اكيد تاعبه
يقين:اوكي…..طبعا ع قد مسافرت اول مره حد يستقبلني لما شفت عمر قدامي منعرفش شنو صار كأني شفت حد من اهلي حد نحبه ليا سنين قداش ارتحت لما حضنته ❤️خسيت روحي قويه

عمر:منضرها وهيا تبكي ذكرني بي اول مره شفتها فيها لما تبكي وتترجا فيا منمسهاش بس المره هادي رح نحميها ومستحيل نخلي حاجه اضرها رغم كانو عيونها متورمات من البكي بس محلااااها ملامحها تقتل ❤️❤️✨ركبت السياره وطول الطريق شاد يدها لين وصلنا الفندق

عمر:اوكي تمام المفتاح لو سمحت
الريسبشن:تفضل
عمر:يلا ياشاطره …شد يقين وركبوو للغرفه
يقين:خشيت للغرفه وقعمزت ع الكنبه مش مصدقه اني رجعت ليبيا وامتا بنمشي نشوف صغار خوتي ياترا شنو صاير فيهم ..قاطع تفكيري صوت عمر

عمر:يقين
يقين:هاا
عمر:انا نازل انتي بدلي حوايجك ونبعتلك حاجه كوليها وارتاحي اول متنوضي كلميني تمام؟
يقين:تمام عمر سامحني ع تعبك
عمر:قرب منها وحط يده علي عيونها …مش حرام المشفشفه هادي تبكي
يقين:ابتسمت
عمر:يلا ديري زي مقتلك راهو متاكليش بنجي انا نرصك نخليك زي الدبه
يقين:هههههه حاضر
عمر:يلا سلام
يقين:سلام

عمر:طلعت وخليت عقلي عندها من كتر ما اني خايف عليها مقدرتش نروح قعدت مقعمز في كافي الفندق وبس

✨روايات بنووتة الشيخ✨

الجرسون:لو سمحت استاذ
عمر:تفضل؟
الجرسون:الامله يلي طلبتها للغرفه 12
عمر:اي خيرها
الجرسون:يلي في الغرفه مش راضي يفتح من بكري نطقو
عمر:خفت يكون صاير معاها شي ع طوووول طلبت مفتاح احطيات وخذيته لان كان الحجز بي اسمي ومشيت طقيت طقيت بس مفيش اجابه فتحت الباب …ونشوف يقين راقده زي البيبي ضحكت لانها خوفتني عليها ع الفاضي خشيت صكرت الباب خطيتها وقعمزت في البلاكونه ونشوفلها من بعيد الساعه كانت 3في الليل تقريبا صكرت تالفوني ورقدت ع الكنبه يلي في الدار

✨روايات بنووتة الشيخ✨

الساعه10الصبح:-
يقين:عمر عمرر
عمر:ناض مخلوع هااا شنو
يقين:انت شنو ادير هنايا يا مجنون
عمر:يساوي في رقبته….ااااه ياربي ماهو كله منك امس خوفتينا عليك الجرسون يطق عليك وانتي راقده زي الميته
يقين:اها به وليش راقد هنايا
عمر:شد يقين من شعرها ببصاره….باش انوض الصبح نشفشفك
يقين:هههههه بعد ويلا اطلع خليني نبدل
عمر:مصح وجهك تلزي فيا
يقين:اي يلا برااا
عمر:مستنيك لوطه نفطرو ونطلعو وخلي شناطيك في الفندق
يقين:اوكي
عمر:قرب ع يقين وشفشف شعرها
يقين:هههههه خلاص عاد
عمر:اخر مره ونبي
يقين:عمررر
عمر:هههههه به خلاص

يقين:صكرت الباب وانا نضحك محلاه كيف طيب وحنين بعدين اذكرت خطيبته وحسيت روحي زباااااله خليته معاي الفتره هادي يلا تو نرجع فرنسا ويفضالهم الجو…غسلت وجهي ولبست عبايه رصاصيه ووشاح عنابي وكندره وشنطه عنابيه ونزلت قعمزت مع عمر

عمر:محلاها طالعه عليك العبايه?
يقين:عارفه
عمر:مرزن دمك
يقين:???
عمر:عقاب ليك امس مكليتيش اليوم بتفطري فطورين
يقين:هادا كله بنكمله ??
عمر:اي يلااا

محمد:الزفت ارحمني من بكري مدرسين قدام حوشها شكلها مش رح تجي
ياسين:تي تو تشوف اليوم رح تروح وقول مقالهاش ياسين

يقين:بعد مكملت الفطور بسيف ركبت سيارة عمر ونطلقنا للمنطقه متاعنا وفي الطريق شريت حجات مواد غذائيه والعاب لي صغار خوتي وهكي طبعا طول الطريق عمر يغيرلي في جوي ويهدرز عليا ويخلي فيا ميته بضحك ويفتحلي في اغاني لين محسيتش بطول الطريق ومره مره ننزلو ناكلو ونتمشو لين وصلنا

محمد:اخييييرا شرفت
ياسين:??
محمد:اووووباااا معاها شخص كأني نعرفه
ياسين:عمررررر???

طق طق طق
قيس:منو انتي
يقين:حضنت قيس وهيا تبكي ….وين ماما
قيس:خش يجري ….ماما ماما
يقين:عمر هات الحجات منك
عمر:هاك وتو نجيب الباقي
وفاء:منوو
يقين:انا?
وفاء:شافت يقين …وكان رد فعلها غريب حضنت يقين وقعدت تبكي وتبكي وتبكي
يقين:ربي يصبرنا ???
وفاء:نار في كبدي ناااار
يقين:ربي يرحمه ويجعل مثواه الجنه
وفاء:يااارب خشي يقين خشي

يقين:خشيت مع وفاء قعمزنا وحكيتلها شنو صار معاي ودخلتلها الحجات وقعمزت مع صغار خوي شويه لعبت معاهم وهدرزت عليهم …وين نجوى
وفاء:نجوى مشت لي تونس مع امها مريضه
يقين:ربي يشفيها امتا بتروح
وفاء:مش معروف الحق
يقين:يلا انا لازم نمشي
وفاء:خليك تعشي معانا
يقين:لا والل منقدر وفاء هاك خوذي هاذم 2000دينار خليهم عندك تحتاجيهم وكل فتره رح نبعتلك مبلغ
وفاء:بدت تبكي ….سامحينا يقين ظلمناك هلبا
يقين:اششش خلاص يلي فات مات معاد اذكريني بي شي مسامحتكم يلا لازم نمشي ديري بالك ع روحك هادا رقمي وكلميني لو احتجتي شي
وفاء:انشاء الله وربي معاك

✨روايات بنووتة الشيخ✨

يقين:طلعت لي عمر وركبت في السياره
عمر:هااا شايف عيونك يضحكو
يقين:الحمد الله كان استقبالها كويس
عمر:دوووم ياحلووو

يقين:منبيش نطول عليكم ….رجعنا طرابلس وانا نفكر نولي توا لي فرنسا او لا حسيت روحي مرتاحه هنايا سبحان الله مهما تمشي تقعد بلادك بلادك ❤️

قعدت في الفندق قريب 3ايام وعمر مخلانيش بكككل كل يوم معاي لغاية ما جي يوم

طق طق طق

يقين:اكيد عمر
طق طططق
يقين:جايا يابارد سمعتك ن….ي يي ياسين ?….يتبع