رواية ملجئي (Ayat Salih)

آلحلقة(9)….
بقلمـي:-Ayat Salih✍
————————
مراد:في يوم تعرفت ع بنت البنت هذي كانت كل شي بالنسبة ليا حبينا بعض حب مش طبيعي يجد!!!
وجي اليوم اللي ني بنطلبهاا فيه بس بوهااا رفض ببساطة لانني فقيير!!! وفي نفس الوقت صغيرة بس مع هذا حبيتها ني وياهاااا ما استسلمناش وقعدناا مع بعض وكل يوم حبنا يكبر لعند ما يوم سمعت بيهااا دارت حادث جن جنوني?ومشيت للمستشفى عرفت انها فقدت الذاكرة?مشيت لبوهااا قالي مش رح يعطيها الدواء وفقدان ذاكرتها لمصلحتها عشان تنساني وتكمل حياتهاا?كنت نحاول نوصلها بكل الطرق بس ما قدرتش كونت نفسي وبدي عندي زوز حياش وشغلي كويس ةقعدت نراقب فيهاا كل يوم وين تمشي وشن دير لعند ما وصلنا لهذا اليوم وني قاعد جنبهاااا اليوم
**
الجمله هذي تكررت في وذني وني قاعد جنبهاااا اليوم
وني قاعد جنبهاااا اليوم
وني قاعد جنبهاااا اليوم
يعني ني البنت!!!!يعني ني فاقدة ذاكرتي!!!يعني ني وياه كنا مع بعض وبوي هو اللي فرقنا?

كنت نشوفله وعيوني معبيات دموع مش قادرة نحكي حرف من الصدمة

كنت نشوفلها ونشوف لملامحها اللي باين عليهن الصدمة ماعرفتش شن نحكي وشن ندير قعدت ساكت ولازم الصمت اللي سمعاته مش سهل عليها?سنتين من حياتهاا راحو منهاا سنتين وبوهاا هو الليي صمملها حياتهاا ع مزاجه سنتين وهياا متفارقة عن شخص كانت تحبه ورجعت تحبه صعب?
انا:نبي نشوف باباا!!
اوس:لا مستحييل الشي هذا مستحييل نخسرك مرة تانية وقااارر
كيف بنوض شدني ونزلت ع ركابه
اوس:وقاااار?تخلينيش نخسرك مرة تانية ونتعذب مرة تانية?
كانو الناس يشوفولنا
شفته كيف نازل ع ركابه ويترجى فياا خلاني نضعف قدامه ونزلتله وقعدت نبكي
انا:مش رح نمشي وبنقعد معااك اا ا اانيي ن ننحبكك?
حضني اوس
كان حضنه كفيلل ان يخليني نحس بالامان
كان حضنه ذافئ ولاول مرة نحس بالشعور هذا
فرغت كل اللي في داخلي من بكي ودموع
نحيت من حضنه وكنت نتهرب من نظراته ليا
رشفت خشمي ومسحت دموعي بانامل يدي
انا:هياا وقت علينا
طلعت بسرعة وهو لحقني ركبت السيارة وكنت ساكتة
اوس:تحبيني?
ماعرفتش شن نجاوب كنت خجولة نوعاا ماا!!
سكتت
اوس:جاوبي تحبيني?
تشجعت وجاوبته
انا:اي نحبك واكثر مما تتوقع في يوم ما لقيتش من ينقذني انت نقذتني في يوم كنت محتاجة الامان انت كنت موجود في يوم كنت محتاجة السند انت سندتني في يوم كنت محتاجة ملجأ!! انت قعدت #ملجئي❤
اوس:‏ لأنك منيّ وفيني ولأنك لي،
أبي أسمع أحبّك قَد ماتقدر”
انا:رح،تسمع احبكك كل يوم لعند ما تمل
اوس:انتي ما ينمل منك ولا من صوتك ولا من ضحكتك ولا من حكيك ولا من اي شي يخصك❤
انا:لو يرجع الزمن بيا الف مرة?رح نختارك انت”
“”””””””””””””””””””””””””“”””””
وصلنا للحوش?وقد ما حاول عمر مع اوس انه يقعد ماقدرش
تغدينا ني عمر وقعمز عمر يتفرج ع الTV وني في المطبخ ندير في كيك سمعت صوت مسج في فوني فتحته كان من اوس كان مكتوب فيه (‏ححلوة ريحَة عطرك لمن تبقى ف يدينيہ بعد مسكُة يدك ؛ و حتى ف ملابسيہ بعد حضَن طويييييل ?“)
ابتسمت وبعتله مسج مكتوب فيه(أقـسـم لـك :
إنـي أحـبـك عـهـداً والعـهـد دينـاً لا يمـوت و أعـشقـك دهـراً حـتـا أمـووت❤)

سكرت الفون وني حاسة بشعور حلوو قعدت نجهز في الكيك ونغني في اغنيية شيماء

اسلوبه عجبني جذبني كسبني بطيبته❤
ذوقه وحنيته?
ومصفي نيته??
وييااي?
شخصيته عجيبة رهيبة وهيبة طلته?
ما امل من شوفته?
حبيت بسبته دنيااااي❤?
حبيبي وصااار?
اهم شخص،بحياتي واجمل الاقدار?
عرفت اختااار?
عشقت اللي يساوي بعيني ناس كثااار?

الحبب يغار??

خش عليا عمر
عمر:يعينيي يعينيي يااا فنانةة
انا:???حلو صوتي صح?
عمر(شدني من خدودي):يهههبل زيك?
انا:خلي نحط الكيك في الصحون ونجيب النسكافي
عمر:تمام
وتيت السفرة طبعاا صورتها وبعتها لاوس??
اوس:صحتين ياقلبي?
انا:ع قلبك روحي?
سكرت الفون ومشيت للصالة قعمزنا ني وعمر ناكلو
عمر:اي بتبدي من غدوا في الجامعة
انا:اي
عمر:موفقة
انا:سلمك وانت شن لقيت شغل?
عمر:اي الاسبوع الجاي،بنباشر
انا:مية مية
عمر:نمشي ناخد قيلولة ني
انا:وني خلي نضم الماعيين
قمت السفرة وغسلتها وقعمزت نفسفس
جاني مسج
فتحته…
“”””””””””””””””””””””””””“”””””
مراد:ايواا
صالح:اهلين كيف حالك
مراد:عال العال اسمع بنجييك اليوم
صالح(بخوف):تفضل الحوش حوشك
مراد:عارفه حوشي!!تشاو
سكر في وجهه ولوح دخانه تحت وعفس عليه
رن فونه
سكينة:الوو مراد
مراد:تيي ها شن تبي
سكينة:محمد جاته حرارة وعالية هلبااا بنرفعه للمستشفى?
مراد:ديريله كمادات تو يشفى بلاش دراما زايدة!
سكينة:تي حرام عليك راه ولدك?قولي وين مفتاح الحوش
مراد:ولد حرام يلزمنيش”احمدي ربك ان عطيتك حوش ني وتوا باي
سكر من عليها بكل برود وركب سيارته ومشي لحوش صالح

سكينة:يااارب الطف بيه يارب هذا اللي قعدلي ياربي حتى اهلي تبرو مني ومعاش عندي من نشد الظهر بيه?
“”””””””””””””””””””””””””“”
وصلني مسج لقيته من ملجئي?
اوس:تعالي للشقة رقم5
اتصلت بيه
اوس:عمري
انا:مهبول انت!!!نقدرش
اوس:لا تقدري هيا
انا:اوووفف به
مشيت شفت عمر لقيته راقد مشيت لداري لبست سروال جينز وبلوزة سوداء كمامها تلات رباع وخليت شعري مفتوح وبخيت بارفاني”ودرت ماسكراا وطلعت ركبت للشقة 5 طقطقت الباب وني الخوف متملكني”
فتحلي اوس كان لابس توتة نايك??
سرحت فيه?
اوس:(اشرلي بيده)ياهووو
انا:ااه?
اوس:تعالي
كنت نشبحله وواضح عليا الخوف
اوس:تخافيش تعالي
خشييت لقيت الشقة مرتبة ومنظفة وكأنه مش ساكن فيها راجل!!!!
انا:انت منظف الشقة?
اوس:اي ني?ليش
انا:لا بس نظيفة هلباا?يعني انظف من شقتناا?
اوس:?من يومي،هكي ني المهم بنقولك
انا:شنو?
اوس:بتمشي معاي للدكتور غذوا بعد محاضراتك عشان يكشف عليك وتاخدي ادوية مرات ترجعلك ذاكرتك
انا:بس خايفة لو ترجعلي ذاكرتي نزيد نتوجع?
حط يده ع يدي وكأن يقولي تخافيش ويطمن فيا♥
اكتفيت بالابتسامة وقعدت نشوف للشقة
حط يده ع ذقني ولف وجهي تجاهه?
اوس:ليش تتهربي مني?
انا:اا ا ااني?
اوس:ملا غولتك?
انا:لالا نتهربش?
اوس:واضح من حركة عيونك ايمين ايسار
انا:به توا بنمشي ني عمر قريب ينوض
اوس:امبه ديري بالك ع روحك واول ما تخشي اتصلي بيا
انا:حاضر?
وقفت ع باب الشقة
انا:نحبك?
ومشيت نجري للشقة?
اوس:مهبولة?
فتحت الشقة لقيت….
“”””””””””””””””””””””””””“”””””””””””””””
وصل مراد لحوش صالح نزل من سيارته طقطق ع الحوش فتحله صالح
صالح:اا نورتناا مراد?
مراد(ببرود):به
دفه ودخل الداخل قعمز ع الصالون
مراد:ملا وين الهانم?
صالح:حرجت ومشت لحوش هلها
مراد:كويسس كويسس
صالح:اي نجيبلك حاجة تاكلها
مراد:ني عاطييك فلوووس تشريك انتت ومرتك وبنتك بس انت بعتنيي
صالح:حشااا نبيعك انت وربي هيا عملتهاا فياا وهربت
مراد:ايااحح حلوة هذي!
صالح:☹
مراد:عندي ليك،شغل حلو
صالح:شنهوا
مراد:بندير مشروع وبنخليك شريك معاي شنرايك
صالح فرح وحس،روحه بيرجع فلوس من الاول
صالح:اي تمام?
مراد:هذوم الورق وقع عليهن
خذاهن صالح ووقع عليهن وهو بيطير من الفرحة
مراد:شاطر
خذي مراد الورق وطلع
مراد:تشاااو
وسكر وراه الباب ركب سيارته وهو يضحك ع غباء صالح
#يتبع✍