رواية ملجئي (Ayat Salih)

بقلميAyat Salih…….

الحلقة الاخيرة(الجزء الاول)

مراد:شوفو?
فتح الفيديو وكان عمي محمد في ملهى ليلي “بالعامية” وكان منظره مش محترم بكل?كنت نشوف لملامح عمتي سعاد اللي كانت تدل ع خيبة كبيرة?عمي محمد هو الوحيد اللي كان معروف بطيبته واحترامه واخلاقه بس الفيديو ما كانش يدل ع هكي ابدا?
شفت لعمي محمد اللي مش معدل ابدا وكأن ماصاير شي?
ونشوف لمراد اللي مفكر روحه دار انجاز بعد ما دار لبوه هكي?
كنت نشوف للعيلة اللي ني جيت فيها وبديت منها وحملت لقبهم?كنت مشمئزة من كل واحد فيهن
سعاد:صح اللي نشوف فيه يا محمد??وراسك قول كذب?
محمد:مش كذب وصح بس هذا كله كاان نزوة لما يومها سافرت تونس مشيت للشغل صح بس الله غالب اللي،صار صار
سعاد:لااااه علييك?طحت من عيني
محمد:ورقة طلاقك تو توصلك والحوش اقعدي فيه ني تو ندبر روحي
مراد:تؤتؤ الحوش حوشي”ولا ناسي انك كتبته باسمي!!!! عموما امي بتقعد فيه اصلا لوقت محدد?
انا:مش متحشم من روحك?راهم عيلتك راهم امك وبوك اللي جابوك وربوك ووصلوك للي انت فيه حسبي الله فيك?عمتي،سعاد بتروح معاي وني اللي بنأمنلها حوش وعمل وكل شي ورزق الحرام اللي عايش فيه انت اقعد فيه
مراد:يكون احسن” ومزااال انتي دورك بعديين وما نتسمى مراد كان ما وريتك الويل وتوا برا
انا:هيا عمتي

ناضت معاي عمتي سعاد وقبل ما نطلع شفت لعمي بنظرة لومانوطلعت

محمد:ارتحت توا?
مراد:اي?
محمد:رد بالك يا وليدي لما يصيرلك شي تطلب السماح لاني والله العظيم ماني مسامحك لا ذنيا لا اخرة
وخدي حاجته وطلع محمد اما مراد قعد مقعمز بعدين اتصل بعماد عشان يجيه للحوش
“”””””””””””””””””””””””””“”””””””””””””””””
انا:تو تقعدي معانا فترة هني لعند ما انضم امورك تمام
سعاد:بارك الله فيك يابنيتي مشعارفة شن نقولك والله
انا:ماتقولي شي هذا واجبي عميمة
فتحت باب الحوش ولقيت امي حكيتلهم شنصار واستقبلو عمتي سعاد
ركبت لداري اتصلت بـ اوس
اوس:هـذا ويـن اتـذكرتـي تـتـصـلي?
انـا:اسـفة روحـي واللـه بـس انشغـلـت شـوي
اوس:المهم كلمت اختي بتجيكم غدوا
انا:تمام حبيبي?بس امك خيرها?
اوس:متوفية?
انا:?الله يرحمها اسفة كانش قصدي?
اوس:عادي روحي نزعلش منك
انا:?
اوس:نحبببببككككككك
انا:واطي صوتك?
اوس:مانبيش تيي غير امتى نحصل عليك فدييت ني
انا:وشن بدير كان حصلت عليا?
اوس:نقول!!

انا:لالا وراسك?

(أيات:- عرفتو شـن بيقول صح??)

اوس:تو بعدين نوريهولك عملي??
انا:باااي بنسكر?
سكرت عليه وحسييت براحة?حلوو الحب
نزلت تحت هدرزت مع عمتي سعاد وماما
سعاد:كان عندي وليد تاني،راه خديتك انتي كنة ليا
انا:جيبي توا نستناك?
سعاد:من منو يا بعدي?
انا:عميمة،نقولك
سعاد:قولي بنيتي
انا:عمي محمد طيب راه وكويس تخسريشي صح ربيه ع عملته لكن تطلقيش منهوالله يحبك وتوا انتم كبرتو
سعاد:قولك هكي?
ماما:صح كلامها يا سعاد تخسريشي
سعاد:يصير خير
انا:وبه نادي بابا ترا نبيكم في حاجة
جي،بابا وقعمز معانا
انا:ني عرفت كل شي ع فكرة!!!
بابا:شن عرفتي
انا:فقدان الذاكرة والخ…
انصدمو كلهم بما فيهم عمتي،سعاد?كيف عرفت?
انا:اوس خبرني ع كل شي
بابا:وين تلاقيتي معاه?
انا:بابا خيرك?قصدي انت الغالط راه
بابا:?
انا:مسامحتكم والله مع ان وجعتني?بس الدواء عندكن
ماما:كيف?
انا:غدوا جايب اخته بيخطبني وني موافقة عليه
بابا:يابنتي ني ندمت بجد وبما انه جي توا ني موافق عليه من قبل مايجي
ماما:وحتني
انا:تمام وخلي نحكيلكن كيف تلاقينا
وقعدت نحكيلهن من البداية
بابا:راجل والله اللي اسمه اوس
وقعدنا نهدرزو
“”””””””””””””””””””””””””“”””””””””””””””””
فـي الـلـيل…..
انا:اي حبيبي
اوس:اسمعي بتبدي تتحجبي راه يمشيش معاي هكي
انا:حبيبي مع الوقت نتعود
اوس:قلنا لا
انا:اووف به خلاص
اوس:حبيبتي نبيش كل شي بالغصب ني بس الحجاب حلو وعفة راه?محلاك بالحجاب وتبدي مستورة?
انا:حاضر عيوني ورح نلبسه?
اوس:ايواا ويومهاا ع اساس بنمشو الدكتور بس صارو مواضيع من الاسبوع الجاي نخطبك،ونقرو فااتحة ونبدو نمشو به حبيبي?
انا:اممبه?
اوس:ترا هاتي خشيم
انا:امممموواااححح
اوس:واحد تاني
انا:قالولك ماكينة،بوس ني?
اوس:تو نمشي،نجيب ماكينة بوس من روسيا?
انا:لاخلاص امممووواح اممموااحح
اوس:???
انا:حبيبي بنقولك
اوس:قولي
انا:بنبدا نشتغل راه
اوس:بس….
انا:لا بس لا شي ني هربت من اهلي سنتين وقعدت نقرا مش عشان نقعد في الحوش ونكحل بالشهادة راه!!!
اوس:به معاك حق?انشالله حبيبي
انا:?نحبك ني
اوس:ونمووت فيك ني❤
“”””””””””””””””””””””””””“”””””””””””””””””
عماد:خير،شن صاير?
مراد:جت وقار
عماد:اي?
مراد:ووو……
وقعد يحكيله في كل شي
عماد:اهااا
مراد:اي
عماد:وشن ناوي تدير توا?
مراد:مشعارف الحق
عماد:اسمع ني جيتك توا مستعجل راه عندي العويلة بنوصلهم تو غدوا نجيك الصبح ونحكو
مراد:مية،مية
طلع عماد وشي شور خالته
طق طق
خالته:اهلا عماد تفضل
عماد:ترا ناديلي افنان ضروري نبيها لحظة
خالته:حاضر
جاته افنان
افنان:اهلا عماد خش الداخل
عماد:اسمعي افنان راك انتي حب الطفولة راه وربي نحبك من لما كنا صغار ولما خطبك صاحبي قدرتش نوقف فيها لانه صاحبي هو لكن بعد اللي صار اليوم بنوقف فيها
افنان:شن تحكي يا عماد
عماد:مراد..
وحكالها انه يبيني قاعد ولما جيت ضربني عشان هربت والخ?..
افنان:به مداما يبيها علاش يعشم فيا ني?
عماد:هو بايعك وني،شاريك يا بنت خالتي
افنان:مش قادرة نحكي شي عماد?بنمشي نرقد وغدوا نكلمه وننهي كل شي
عماد:تمام بري ارتاحي توا
خشت افنان للحوش وعماد ركب سيارته ومشي شور هلـه
“”””””””””””””””””””””””””“”””””””””””””””””
افنان:يكذب عليا تخيلي?
رنا(اختها):تفيي عليه الكذاب فوتيه والله عماد خير منه
(الكذابة،مش قالت بنرقد?)
افنان:حتني هكي،بندير?بس نكلمه غدوا خير
“”””””””””””””””””””””””””“”””””””””””””””””
فـي الصـبـاح?….
عماد:اهلا مرااد
مراد:تعاال يا ولد الكلب
وعطاه بوكس ع وجهه
عماد:تي خير&%$#?
مراد:ماشي تخرب علياا،يا&%$# وني،دايرك خوي?
#فلاش_باك✨
افنان:صباح الخير مراد
مراد:صباحو روحي
افنان:بنقولك بنفسخ منك وبننهي كل شي ني
مراد:علاش شن صاير
افنان:جاني عماد امس في اليل وحكالي ع وقار اللي قاعد تبيها ني ماناخذش واحد عقله مع غيري عارفاتك تحبهاش اصلا لو تحبها تمدش يدك عليها بس المهم انك تفكر فيها وبجد ني هذا اخر قرار عندي ومعرفة خير ااشفرة بنكسرها سلام
مراد:بس..
طووط طووط
#حالياا✨
عماد:اي بنت خالتي وني اولى بيهاا ولو كنت معاها راجل راه خربتش عليك لكن طلعتش راجل وقاعد تفكر في ست الحسن وقار??
وعطاه بوكس?
مراد:وربي لما ندمك فيهاا يا عماد
عماد:شكلك ناسي
مراد;شنو?
عماد:……
“”””””””””””””””””””””””””“”””””””””””””””””
نضت الصبح وتيت الفطور وفطرنا كلنا بعدين،ضميت الحوش وماما وبابا طلعو يشرو في الحاجات للضيوف وني وعمتي سعاد نجهزو في الحار
انا;اوووف متوترة?
سعاد:طبيعي،الشي هذا ملا ليلة الدخلة ياما بيصير،فيك
انا:وواككك??
طق الباب مشيت فتحت
انا:?
#يتبع

error: