رواية ملجئي (Ayat Salih)

بقلميAyat Salih…….
الحلقة الاخيرة(الجزء الثاني والاخـير)
————————–
عماد:ناسي عملة التهريب اللي درتها ولفقتها لصالح?
مراد:هههههههه لا متذكرهااا وبه?
عماد:مسجلك فيديو انك تخطط لكل شي ولو جربت تمسني ولا تمس افنان لمااا نرفعه للشرطة وهما يتصرفو
مراد:تهدد فيا يا رفيق عمري?
عماد:سميه اللي تبيه
مراد:مية مية الايام بيناتناا
عماد:مية مية
ركب عماد سيارته ومشي
رن فون مراد لقاه سكينة
رد
مراد:وواااك شن تبي مني?
سكينة:حسبي الله فيك يا ظالم منك لله?ولدك مـات يا ظالم ياا حقييير ولدك مات بين ايدياا وهو يغلي بالحرارة وانت مش معدل الله لاتربحك حسبي الله فيك?
حس مراد بجسمه سقع?ااي صح هو اناني وظالم هلبا ناس ومنهم بوه بس كأن ضميره رجعله وعرف الغلط اللي داره
سكينة:عارفة روحي غلطت معاك ودرت شي،ينغفرش وجبت ولد بالحرام?بس مهما كان هذت ولدك مش عدوك كله رح ينردلك ووقت تطلب السماح مش رح تاخده
وسكرت عليه اما هو قعد واقف مصدوم
قعمز تحت ع التراب
مراد:ياربي ني شن درت ياربي ني غضبت بوي وامي وظلمت هلبا ناس وقتلت
قام ايديه وقعد يشوفلهن
مراد:وكنت السبب في موت ولدي!!
مراد(بصراخ ودموع):لااااااااااا يااااااااربي لااااااااا?غلطت هلبا في حياتي ولازم نصلح غلطاتي
ناض مراد وركبت سيارته
“”””””””””””””””””””””””””“”””””””””””””””””
طق الباب فتحت لقيته عمر وملاك?
انا:عمووورييي
وتغمرته ع طول?
ملاك:به اتذكرينا حني
انا:تفف??
سلمت ع ملاك ودخلنا كلنا
انا:اووووف معاش مزال وقت راه بنمشي نوتي روحي ني
عمر;ني في المربوعة اهوو
ملاك:تو نجي معاك?
ركبت معاي ملاك للدار
قعدت تشوفلي في اللبس وني متوترة
ملاك:شوفي هذا يهبل?
انا;تمام نلبسه هو
بعد وقت كملنا اختيار اللبس وجت ماما وبابا ووتو كل شي ولبست ني
كنت لابسة فستان سكري طوييل تلات رباع كمام طبعا اكمامه دانتيلودرت شعري كيرلي وميكاب بناتي ولبست اسوارة فضة بسيطة?
وصلني مسج من اوس مكتوب فيه:شنو يا ملاكي جهزتي?
بعتله:اي جهزت?
اتصل بيا رديت
اوس:بنديرو مقابلة شرعية
انا:ع اساس مش شايفين بعض?
اوس:?ديري الحولة يعنشكلك
انا:حاضر حاضر?
اوس:هيا حبيبي ني بنركب السيارة توا
انا:تمام دير بالك ع روحك
اوس:حااضر?
سكرت من عليه وقعدت نعدل في الميكاب بتاعي وخديت سيلفي وطلعت?
“”””””””””””””””””””””””””“”””””””””””””””””
مراد:يابوي سامحني،يا بوي غلطت هلبا ني وهذا وين رديت لعقلي?سامحني تربح
محمد حط يده ع راس ولده اللي كان يبوس في رجليه والدموع تجمعو في عيونه
محمد:مسامحك ياولدي دنيا واخرة وحلفاني نصيم عليه برا لامك واطلب منها السماح
مراد:انشالله برا ارجع لحوشك بوي والورق بعدين نجيبهملك وتوقعهن عشان يرجعلك الحوش
محمد:برا وليدي طريقك بيضاء
ركب مراد سيارته وحس براحة نوعا ما”
اما محمد اللي فرحته مش سايعته ان ولده رجع ع وعيه اخييراا”
اتجه مراد لحوشنا
“”””””””””””””””””””””””””“”””””””””””””””””
وصلو اوس واخته دخـل اوس مع بابا وعمر في المربوعة اما اخته مع عمتي سعاد وماما وملاك في الصالة?
دخلت المطبخ خديت العصير وقمته قبل ماندخل الصالة خدييت نفس ودخلت مديت العصير وسلمت
?قعمزت هدرزت مع اختهه وحبيتها جد كانت حبوبة وطيبة
قعدنا شوي وبعدين كلمنا عمر قال ان اوس يبي يدير مقابلة شرعية
طلعت للمر
انا:بست عمر
عمر:تي تعالي هيا
انا:اصبر نجيب عباية
عمر:عامين وانتي تهفهفي بشعرك قدامه وتوا بتلبسي عباية?
انا:به?
خشيت
انا:السلام عليكم
الكل:وعليكم السلام
بابا شبح لعمر بمعنى اطلع
وطلع بابا اما عمر قعد
عمر:هيا تفاهمو ع الشروط?
اوس:اول شرط ليا تطلع من هني??
انا:????
فنص فيا عمر سكتت?
عمر:شرطك مرفوض اللي بعدو
اوس:تي غير هيا هاك تليفوني افتح فيس وبرا فيه بنات?
انا:?
طرمت شواربي وقعدت معصبة
عمر:مداما هكي ني طالع هات الفون جاي?خمسة دقايق وراجعلكم
طلع عمر وني قعدت نشبح للسقف?
اوس:به كحلتي في السقف كويس?
انا:اي خير ما نكحل في وجهك?
اوس:خيرها السمحة زعلانة
انا:?
جي جنبي وحسيت بانفاسه عليا جمدت في مكاني ومعاش قدرت نتحرك من ريحة عطره اللي دوخ?
(عطر الشباب فيه سحر خاص?)
اوس(بهمس):من اول ما شفتك قلت تحرم عليا بنت من بعدك✋?
ع طول شفتله وجت عينه في عيني والمسافة اللي تفصل شفايفه ع شفايفي شعرة?
حسيت بجسمي سخن وع طول بعدت شوي
انا:اي?احكي شروطك
اوس:احممم?شروطي الحجاب ثم الحجاب ثم الحجاب
انا:اممبه?
اوس:وانتي?
انا:شغلي ثم شغلي ثم شغلي?
اوس:نحبك
انا:نموت فيك
عمر:حتني نموت فيكم
خشيت في بعضي ووجهي ولا احمر?طلعت من الدار بسرعة
اوس:مفروض يسموك قاطع اللقطات الرومانسية??
عمر:نعرف?
—-
روحو اوس واخته وعمر وملاك قعدو شوي وروحو وقعدت ني وماما وعمتي سعاد وبابا في المربوعة
ماما:اي الخميس الفاتحة راه
انا:بكري
ماما:مش بكري
طق الباب!!
انا:زعما منو?
ماما:تو بوك يفتح

بابا:مراد?
كـان مراد منزل راسه ولاول مرة مش قادر يحط عينه في عين عمه!
مراد:سامحني،يا عمي غلطت هلبا فيك وفي عيلتك سامحني جايك طالب السماح منك انا هذا وين فقت لروحي وعرفت روحي ماشي لطريق لاهي ليا ولاهي من ديني ماشي في طريق النار ومش عارف روحي ني هذا وين فقت من نومي راه سامحني،يا عمي
اما بابا وجعه مراد ولاول مرة شافه مكسور”
حط ايديه ع كتاف مراد..
بابا:مسامحك يا ولدي مسامحك
ابتسم مراد ومسح دمعته باصابعه اللي كانت ع وشك انها تنزل
مراد:ناديلي امي ترا
بابا:تعال مافي حد غريب خش
مراد:مرة تانية انشالله وراسك ناديهالي
بابا:حاضر هي

دخل بابا وكان واضح عليها فرحان واللمعة في عيونه فرحان لان عيلته واخيرا رح تكون عيلة بجد!
بابا:مراد هني يا سعاد وطالب يشوفك
سعاد:مرااد!!!
انا:كيف?
بابا:الولد طلب مني السماح والواضح جاي يستسمح من امه!
ناضت سعاد تجري مهما كان هذا فلدتها وقطعة منها رباته ع ايديها شرب حليبها وتغدى من دمها”يدير ما يدير يقعد ولدها ولد بطنها اللي جاباته وحملت بيه تسعة شهور! قلب الام يحن” ولو تقسى عليها الف مرة رح تحن ويحن قلبها ع ضناها??

اول ما شافاته قعدت تبكي وتغمراته وهو دخل في حضنها زي الطفل الصغير اللي مشتاق لامه زي الطفل اللي محتاج لحنان امه”
سعاد:وليدي مراد وليدي?
طاحو الاثنين ع الارض وكانو يبكو بحرارة
مراد:سامحيني يا امي سامحيني يا جنتي يا دنيتي سامحيني يا غاالية يا حنينة سامحيني يا طيبة يلي قلبك ابيض سامحيني ع كلامي الشين وفعلي السيئ ليك سامحيني ع كل كلمة جرحتك بيها سامحيني ع الجرح اللي درتهولك يا امي سامحيني وريحيلي قليبي ني ماشي،يام ماشي نسلم روحي للشرطة لان قاتل هلبا ناس وميتم هلبا صغار وظالم هلبا راني كافر يا امي راني لا نصلي ولا نصيم سكرت وخديت حشيش خايف يا امي خايف نموت وربي ما يسامحنيش ع اللي درته في دنيتي خايف يا امي ياخدني الموت وني داير عمايل كبر راسي خايف من الموت ياامي خايف
وقعد يبكي كأنه طفل صغير?
سعاد:ماتمشيش ياوليدي وتخليني انا ماصدقت ان قلبك رجعلك وضميرك ناض وحنيت ماتخليني نفقدك يا صغيري يا ضناي ماتخليني وتمشي من ليا بعدك انت عزوتي راك انت اللي حصلتك من هالدنيا ما تحرقلي قلبي وتمشي
قعدو الاثنين يبكو وحاضنين بعض
——-
(نكتب في الكلام ونبكي✋لأن الموقف هذا صاير قدام عيوني لناس نعرفهم صعععب هلباااااا?
ربي يحفظ جميع امهاتنا والله يرحم اللي ماتو ويغفرلهم)
كنت نشوفلهم وونبكي لعند ما شافني مراد ناض ووقف ع حيله وقام امه مسح دموعه بانامل يده وقدم خطوتين مني!
مراد:وحتى انتي يابنت عمي ظلمتك معاي سامحيني
ابتسمتله مع عيوني اللي مضببات بالدموع
انا:مسامحاتك يا ولد عمي وما تكسر قلب امك وتسلم روحك هيا فرحت بجيتك ما تكسر قلبها بمشيتك?
مراد:انشاالله??
حبت ماما تغير الجو شوي
ماما:تعال خش نعطوك حلويات اليوم خطبة وقار من اوس
مراد:الفففف مبروك
انا:الله يبارك فيك?
خش مراد وقعدنا نضحكو ونهدرزو مع بعض ومرة مرة نكسر في عيني ع عمتي سعاد ونشوف في الفرحة الموجودة في عيونها فرحة مش سايعتها❤ودعيت لنفسي اللهم فرحة مثل فرحتها?
“”””””””””””””””””””””””””“”””””””””””””””””
بعـد اربـعـة اسـابـيع?
انا:بجد حلووو المكياج?
المزينة:الف مبروك يا عروسة
انا:الله يبارك فيك?
خديت لقطات سيلفي لنفسي واتصلت بعمر يجي ياخدني
جي وطلعنا للصالة وكان الخوف متملكني ومتوترة نوعا ما! يعني اللحظة هذي تتمناها كل بنت بس في نفس الوقت تخوف”
وصلنا للصالة وقبل ما ننزلو مسكلي عمر يدي
عمر:ني خوك اللي ما جاباته امك وقت اللي يضايقك او يزاعلك تعاليلي ني موجود ونوقف معاك❤
انا:يخلييك ليا يارب وقفتك معاي سنتين تكفي انت الاخ اللي اي بنت تتمناه انت الاخ اللي الكل يحسدوني عليك انت خوي وبوي وصديقي وكل شي عندي جعلني مانفقدك يارب ونحضر عرسك?
عمر:اميين يارب هي انزلي وني نمشي ندرس السيارة
انا:امبه
نزل عمر نزلني ورجع درس السيارة
كنت نستنى في دار العروس?
لبست فيلو بسيط وطرحة ع شعري وخليت شعري مفتوح مكياج شبه ما درتش كان بسييط هلبااا وبوكيه ورد ابيض طبيعي” وكنت منزلة الطرحة”
سمعت باب الغرفة انفتح وريحة عطره وصلت لعندي توترت وزادت مسكتي للبوكيه تلفتت لقيته لابس بدلة العرس وطالع أنيق وجنتل?كان كل واحد فينا يقرب خطوة لعند ما زاد قربنا وانفاسنا اختلطت مع بعض قام الطرحة من عليا وباسني ع جبيني❤
اوس:واخيرا بديتي ليا وملكي وبنقعدو تحت حوش واحد??
انا:من اول يوم قتلك فيه نحبك وني كنت ملكك✋?
اوس:هيا حبيبي ندخلو الصالة
انا;هيا??
نضنا ودخلنا الصالة ع اسماء الله الحسنى??
وماسكين في ايدين بعض لعند ما وصلنا للكوشة قعمزنا وكنا نشوفو لبعض وناسيين الكل
انا:شوف البوفيه نبي ناكل?
اوس:ومايقعد في خاطرك وانتي مرات اوس?
ناض اوس ومشي للبوفيه وخدي،صحن حط فيه من كل نوع طرفين ومشروب وكانو الناس،يشوفوله ويحكو?بالاحرى يقرمو?
بس هو ما كانش معدل الا على راحتي وبس?
اوس:تفضلي كولي
انا:قدام الناس?
اوس:وعادي اليوم يومك
انا:اممبه
خديت الصحن وبديت ناكل ونشوف في نساوين عمامي وماما يتعرقو ومتحشمين??وني نزيد ناكل ونوكل في اوس مسحت ايديا بمنديل معطر وبعدين جي وقت المرواح”
طلعنا من الصالة سلمت ع عمر وماما وبابا وملاك وطلعنا ركبنا السيارة طبعا دار جو بالسيارة والخ….
وصلنا للحوش?
دخلت برجلي الايمين قعد اوس يوري فيا في الحوش وبعدين دخلت للدار مسحت مكياجي كله ونحيت الفيلو والطرحة دخلت الحمام حكيت سنوني ماه كليت??وتوضيت وصلينا لبست روب دخول ابيض?ودهنت جسمي بااللوشن
دخل عليا اوس”
اوس:احييه بالكركديه
انا:??مهبول
اوس:بيك?
وجي،جنبي ع،السرير وقرب من وذني وهمسلي
اوس:عندك علم انك طلعتي حلوة اليوم!!
انا:انلا?
اوس:ياحليلي وخلاص
وبعدين&%$#
(مش للصغار?مصو ليم?)
——
فتحت عيوني وعرفت روحي مانحلمش وان بجد كان عرسي ني واوس
لقيته قاعد راقد وشعره منكوش وكان منظره يهبل
صورته ونضت?
دخلت الحمام دوشت وطلعت كنت لابسة الديشمبر?قعدت ع الزيانة ندهن في اللوشن ع جسمي جي اوس من وراي
اوس:تهبلييي
انا:اوس ادخل دوش وخلينا نوضو اهلك ع جية?
اوس:ماشي ماشي
جت العشية وكانو مدايرين اهلي واهله مدايرين محضر?
لبسوني البدلة الصغيرة وجابولي المزينة مكيجتني ودارتلي شعري ومشينا لاهله طبعا طول الطريق واوس يعاكس بس ني نفوت فيه نبي اليوم يمشي ع خير والمكياج يقعد مكانه????
مشي اليوم كله حلو وضحك?
وكانت حياتي مع اوس تهبل
طبعا مراد ما سلمش نفسه بس بدي احسن من قبل?
اي اوس هو ملجئي?
“”””””””””””””””””””””””””“”””””””””””””””””
#الـنهـايـة?
#The_End?
اعطووني رايكم في الرواية وشن أكثر شي حبيتوه فيهاا?

 

error: