رواية ملجئي (Ayat Salih)

آلحلقة(8)….
بقلمـي:-Ayat Salih✍
————————
كلينا ولبسنا فتحنا الباب لقينا اوس!!
عمر:اوو اوس كيف الحال
اوس:تمام طالعين للجامعة?
عمر:اي والله
كان اوس يحكي وعيونه معاي?
اوس:نوصلها ني خير الايام هذي عشان نطمننو قبل
عمر:قولك هكي?
اوس:اي والله
عمر:مية مية
شبحلي عمر وني ع طول نزلت عيوني
عمر:خلاص بري مع اوس وني نمشي نشوف شغل
انا:اوك?
طلعت ني واوس وعمر رجع للشقة مع انني انصدمت كيف عمر واثق في اوس هكي?لدرجة يهربني معاه ويوصلني مهما كان المفروض يخاف عليا!!!!
ركبنا السيارة ومافيش واحد مننا حكي لعند ما شغل اوس اغاني وني ع طول سكرتهن وشفتله
انا(بعصبية):اوس بلاش استعباط وع اساس ولا كأن صاير احكيلي كيف فقدت ذاكرتي وشن صاير وانت من وين تعرفني
اوس:مداما انتي تبي هكي خلاص رح نحكيلك اول ما نروحو نمشو لمكان هادي ونحكو فيه تمام?
انا(بجدية):اوك
وشفت لقدامي ومعاش حكيت حرف مع انني كنت نبي نحكي معاه ونسمع غزله اللي من اول ما شفته وهو يهديلي فيه بس كنت نبي ناخد موقف عشان يحكيلي كل شي
****************
مراد:اووووف كيف هكي????
عماد:والله هذا اللي صاير
مراد:معقولة رجعو الاردن?
عماد:مستحيل يكونو بالغباااء هذا!!!!
مراد:وقار مش سهلة ومستحيل ترجع للاردن بس في الساعات هذوم وين مشو?
عماد:ومستحيل يكونو في ليبياا!
تعصب مراد وكسر الكرسي وشد عماد من ياقة رقبته:تعررف كان ما تجيبهملي ندبحك انت وبوها فهمتت
ونفض ايديه ولبس نظاراته وطلع بعصبية ركب سيارته سمع فونه يرن لقاه بوه
مراد:ها شن في
محمد:حسبي الله فيك لاك ولدي ولا نعرفك من اليوم هكي دير لعمك خو بوك?ديره مضحكة قدام الكل اللي ما تتحشم
مراد(بهزوة):ههه يعني ع اساس مش مضحكة هو??باع بنته بقيمة مالية مش مضحكة?بلاش نستعبطو ع بعض وكل واحد عارف روحه شن واستنى دقيقتين بس نلقاك مكلمني وتقولي ارجع للحوش زي كل مرة مش حبا فيا لا. حبا في فلوسي ههه يلا يلا وراي شغل اهم من خوك ومنك!! سلام
سكر مراد من على بوه وخدي طرف دخان ولعه واتصل بصاحبه عماد
عماد:شن تبي
مراد:سلمه الزعول اسمع تعال للسيارة قاعد قدام المحل ني نبيك في موضوع
عماد:تي به به
مر شوي وقت وجي عماد ركب السيارة
عماد:شن تبي?
مراد:به بلاش زعل اسفين خلاص غير تعصبت ني
عماد:مش مشكلة قولي،شن هو للموضوع?
مراد:صفقة مليحة ورح نربحو من وراها
عماد:ووقار شن موضوعها
مراد:تي خيرك انت،باكو??وقار موضوعها سهل وسيورها بتجي لكن الموضوع هذا رح يخليناا فلوووسس
عماد:وشن هي الصفقة?
*******************
وصلنا ني واوس للجامعة نزلت ني وياه والبنات عيونهن بياكلو اوس? (كان لابس سروال ابيض وسورية حمرا وسبيدرو احمر??)
سجلنا وقالولي نباشر من غدوا طلعنا وجت بنت وقفتنا
البنت:اهلا ني راسيل?
اوس:اهلين تفضلي
اول ما شفتها تكلم فيه وما سلمتش عليا بكل عصبت ومشعارفة ليش مع ان فيش شي بيني وبين اوس!!!!
راسيل:بنقولك حابة نتعرف عليك هذا رقمي?
قبل ما،يتكلم اوس قطعت عليه ني
انا:عفوا حبيبته اول شي من الذوق تسلمي عليااا!!ولا عمياء شفتينيش??تاني شي مش تشوفي فيه معاي يعني ما فرضتيش مرات نكون حبيبته???تالت شي رقمك هذا رديه من وين ما جبتيه لا توا نوكلهولك?
وشديت اوس من يده وطلعت بيه وني الشياطين ينقرزو من قدامي?
واوس كان مصدوم في تصرفي وماعرفش يفهم هذي غيرة??ولا حب?ولا شن?
ركبنا السيارة واوس كان متنح فيا”
انا:خيرك سوق هيا!
اوس:شن اللي درتيه توا?
انا:شنوو وجعاتك هيااا ولا??برالهااا خلاص برا خود رقمها
وقبلت وجهي القدام
حسيت بايده شدت يدي!!!وايده التانية حطها ع ذقني وقبل بيها وجهي لوجهه
اوس:والله إلليّ في قلبه قمر
معاد تغريه النجوم
كانو عيوني يشوفو لعيونه ولمعة الحب اللي بينا ما تمت حسيت بنفسي كأنني نعرفه من قبل❤حبيت وجودي معاه❤
انا:اوس احكيلي
اوس:اهو بنحكيلك اصبري
ولع السيارة ومشي لكافي قريب علينا نزلنا خدينا طاولة وقعمزنا
انا:هيا احكيلي كل شي
اوس:تمام……
*******************
مراد:صفقة تهريب
عماد:كيييف تهريب بعقلك انت?باش ننحبسو
مراد:كل شي مخطط،مش رح يمسكونا كمية مخدرات بنهربوهااا حني وطبعا كل الورق مش رح،يكون باسمنا يعني حني طالعين منها
عماد:باسم من ملا?
مراد:……..
**************
صالح:تعرف يا محمد ادمرت ني خلاص
محمد:حقك عليا يا ولد سيدي
صالح:بنتي مشت مني وهربت ومراد مستحيل يطلقني في حالي ني نعرفه اللي يرجع في كلمته يدفنه وني رجعت في كلمتي?
محمد:تي انت،بعقلك بتبيع بنتك?
صالح:البنت لما نجيبوها بنزوجوها لما نزوجوها بتاخد مهر خلاص ني،بعتهاش ني خديت مهرها بس
محمد:لا حول الله وخلاص ماعندي ما نقول ني ربي ما رزقني الا بالفرخ المغضوب هذا مشعارف شن داير تحت ربي ني
صالح:ربي يهديه
كانو يدردشو الزوز ودخل عليهن خوهن التالت عيسى
عيسى:كيف حالكم
صالح&محمد:الحمدلله امتى جيت
عيسى:قبل شوي جبت العويلة وجيت
محمد:خير ما درت
قعمزو يهدرزو مع بعض.
“عند النساوين”
سعاد:نورتونا والله هذا وين نور الحوش
ضية:بنورك حبيبتي اي كيف الحال
سعاد:الحمدلله والله
ضية:تعرفي ضميت هذااكا الحوش تعب بكل?
سعاد:وخيره ملاك عاونتكش?
ملاك:يا عمتي ني امتحانات
ضية:بنيتي امتحانات كليتهم وانتي عارفة ربي ما رزقني الا بيها وماعندي من يعاون
سعاد:ربي ينجحك
ملاك:سلمك?
ضية:قالو وقار هربت من حوشها وسليمة مشت عند اهلها
سعاد(باسف):اي والله كله من ولدي?
ملاك:مش من ولدك مراد رايدها بالحلال لكن هيا جو تفقعيص تبي تدهور برا بروحها ما ساد مش متحجبة هيا
سعاد:لا والله البنت كويسة والحجاب بالنية تلبسي وشاح من غير نية بلا فايدة راه!!!الدين بالنية لكن كله من ولدي وبوها
طنشت ملاك ومش عاجبها الكلام
دخل مراد لقاهم يهدرزو
مراد:اوووو نورتوناا
ملاك:بنورك?
مراد:شنجو عمتي ضية
ضية:الحمدلله كيف حالك انت
مراد:عال العال
دخل مراد المطبخ وفات المربوعة لان عارف نصايح عمه عيسى ما تخلصش ف فااتهم
ملاك:اي ملا ني نمشي،نديرلكن قهوة
سعاد:ارتاحي يا بنيتي
ملاك:لا والله لما نديرها ارتاحي انتي عميمة?
قبل ما تدخل المطبخ ساوت نفسها ودكنت روجها وبخت بارفان ودخلت
ملاك(باستعباط):انت هني?
مراد:لا غادي
ملاك:??
طلعت ملاك مكرج القهووة وقعدت تجهز فيها وتتمويع طبعا ومراد واقف ياكل في التفاح ويشبحلها
حطتها ع النار وتلفتت لمراد وقربت من عليه
ملاك:مش ناوي تنساها
مراد:منو?
ملاك:اللي ما تتسمى وقار
مراد:مش ناوي?
زادت ملاك قربت لعند وحطت صوابعها ع شفايفه وتحرك فيهن
ملاك:وكان لقيت اللي تنسيك فيها
مراد:يصير خير بعدين
نحى،صوابعها وطلع من المطبخ وهيا تكنطت وكملت قهوتها وطلعت مدتها
*********
كان يهدرز ع صاحبه في التليفون
مراد:لا وشن قاتلي كان لقيت اللي تنسيك فيها????
عماد:اسمع يراجل كان هيا سلمت نفسها ليك شن المانع??استمتع عادي
مراد:تي منظرها يخوف كان نرقد معاها في السرير تجيني حالة نفسية?خشمها زي البطاطا وعيونها عيون بقة??وجسمها اسمن من جارنا عبدالله?وسنونها ضي،اصفر??
عماد:يعنشكلك ضحكتني??
مراد:المهم اليوم نكملو الاوراق به?
عماد:مية مية
مراد:بنسكر توا ني،سلام
عماد:سلام
********
مراد:رح نحكي بس اهم شي ديريش جو مش مصدقة
انا:تمام احكي
مراد:….
#يتبع✍
#ايات?