رواية ملجئي (Ayat Salih)

#مـلجئي?
آلحلقة(7)….
بقلمـي:-Ayat Salih✍
————————
انفتح باب داري!
انا:?اا بابا
دسيت الفون وراي!!
بابا:صار هربتي وشن قلتي بتحققي،حلمك?اي حلم?تاكسي جو???اسمعي اني مش رح نديرلك شي لان هذي طلبات مراد بس تعرفي تفكري تهربي تاني ما تلومي الا روحك
وطلع من الدار
خديت الفون ولقيت اوس ع الخط!!!
انا:يعني سمعت صح?
اوس:هذا طاغي مش أب اسمعي لازم تهربي معاي
انا:بس كيف هكي
اوس:كلمت عمر هو مشي لمصراتة واجر شقة غادي نمشو غادي واقري غادي في طيران ومستحيل يفكرو انك في ليبيا اصلا وبعديين بوك مستحيل يعفس مصراتة
انا:وليش?
اوس:نحكيلك بعدين المهم شن بتهربي معاي?
غمضت عيوني وفكرت في حلمي من صغري نعرف ان الحلم مش بالساهل نوصلوله لان لازم تكافحي وتضحي وتسعي عشان الحلم خديت نفس و
انا:تمام امتى??
اوس:الليلة
انا:اليوم جيت ني
اوس:واليوم بتهربي ها شن قلتي
انا:اوووف☹تمام
اوس:تمام سكري هي
سكرت من اوس وني خايفة?لو مسكوني هالمرة مش رح ننجى منهن ابدااا
قعدت فكرة تجيبني وفكرة ترفعني لعند ما خلاص قررت نهرب
خخديت شنطة ظهر حطيت فيها توتة ولبسة وفلوس وحاجات نبيهن ورسلت مسج لاوس نستنى فيه يوصل
——
اوووف ياربي وعدتهاا انني نحققلها حلمهاا ونكون معاها بس هما خدوها مني?اوووف
رن فونه
عمر:ايوا اوس شن في?
اوس:تي شنصار اليوم بنهربها راه
عمر:به به تمام جيبها خديت شقة ني تو نبعتلك في مسج المكان
اوس:مية مية
سكر من عليه وهو حاس هموم الدنيا ع راسه
——
جاني مسج من اوس انه وصل تنهدت وخديت حاجتي حدفتها من الروشن وهو مسكها وحطها في السيارة
كيف حطيت رجلي،برا الروشن تلفتت لداري
لتاني مرة بنطلع منهااا?زعماا شن يستنى فياا?
نزلت من الروشن وركبت السيارة
انا:لوين توا?
اوس:لمصراتة لو نقعدو هني رح يمسكونا
انا:امم اوك
حطيت راسي ع المسند ولفتت وجهي للروشن
اوووف حياتي كلهاا عذاب ووقت جيت بنحقق حلمي وقفولي فيه!!!!وقفلي فيه اللي مفروض يكون سندي اللي مفروض هو يحققهولي الي مفروض هو يكون #ملجئي?
ليش?ليش من صغري ننهان وننضرب من دون الغير?
شن ناقصني?
كانت كل الافكاري ملخبطة ومشتتة لعند ما رحت في سبات عمييق?
——–
كانت راقدة زي الملاك?شفايفها الحمرا وبشرتها اللي ابيض من الحليب وشعرها اللي ع وجهها نازل
ليش تفرقنا?كنا رح نعيشو احلا عيشة مع بعض?ليش فرقونا ووقفو ضدنا!!!!
كمل طريقه وهو،افكار تجيبه وافكار ترفعه
——-
سليمة:وووووووه عليااااااا بنتي مشت تاني ووووووه علياااا ووووووه يا كبيدتي ني وين مشيتي وين حسبي الله فيك يا ظالم
صالح:تي خيررك تعيطي،شن صار
سليمة:بنتك هربت تاني هربت ونفدت بريشها من ظلمك وطغيانك ليها?تي انت مش اب انت شيطان حرقت قلبي ع بنتي وخليتها تبعد علياا حسبي الله فيك حسبي،الله فيك
طاحت سليمة ع ركابها وتبكي
اما،صالح عيونها حمر والشياطين ينقرزو عليه كييف تهرب منه تاني واول شخص جي ع باله مراد كيف وشن رح يدير لو عرف قعمز ع السرير وهو حاس بنفسه عاجز
قام التليفون واتصل ع مراد
مراد:حاس اتصالك هذا وراه شر!!
صالح:اااا هوو اي
مراد:انطق شن صاير
صالح:وو و وقارر هربت?
مراد:تبصر صح?
صالح:لا والله ما نبصر
مراد:يبقى تشهد ع روحك وع روح بنتك
سكر مراد الخط
سليمة:شنصار?
صالح:بيقتلني?
سليمة:تستاهل حسبي الله فيك معاش عندي معاك قعدة يا ظالم
ناضت سليمة ومشت للدار تلم في حاجتها وصالح قاعد في مكانه يستنى في مصيره?
******
مراد:يا%&$#@ توااااا تجيب الرجالة وتجي
سكر مراد الخط وخدي جزدانه وناض
محمد:وين ماشي?
مراد:(بشبحة ع الجنب)لخووك الذكر
وطلع من الحوش وقربع الباب
محمد:حسبي الله فيك يا مغضوب?حسبي الله فيك
سعاد:الله غالب
محمد:ابصر شن بيدير لعمه توا خلي نتصل بيه ونشوفه
رن فون صالح
صالح:ايوا حميدة
محمد:شن صاير بينك انت ومراد
صالح:نفس الموضوع هربت وقار
محمد:الفرخ معصب راه يدير حاجة
صالح:انشالله خير
سكر صالح الخط من محمد وحاس بنفسه مخنوق
اتصلت سليمة ع ولد خوها وجي رفعها?
***********
وصلنا لمصراتة وبالتحديد للشقة!
نزلت حاجتي وركبنا فتحلنا عمر”
خديته بالاحضان وتغمرته قعدت نبكي
انا:خفت هلباااا من غيرك?
عمر:(وهو يمسح ع،شعري)تخافيش يا عمري ني معاااك?
مسحت دموعي ودخلنا
عمر:ادخل اوس
اوس:لالا خودو راحتكن ني بنمشي لصاحبي هني
عمر:مية مية وبارك الله فيك
اوس:ولو واجبي
طلع اوس من العمارة
وسكر عمر الباب وجاني لقاني مقعمزة ع الكنبة
انا:عمر?خااايفة
خشيت في حضنه وغمضت عيوني وقعد هو يمسحلي ع شعري بيده
عمر:اوووش معاش تخافي لما تكوني معاي مستحيل نخلي مخلوق يمسك مرة تانية?
زدت خشيت في حضنه ورقدت
قعد عمر يفكر كيف بيدير?
*******
جي مراد للحوش وفتحله صالح
شد صالح من ياقة سوريته
مراد:احكي وين مشت
صالح:والله ما ندري علمي علمك
مراد:قتلك ني رد بالك منها ولا??(بصراخ)قتلك ولا ماقتلكش
صالح(بخوف):قتلي،قتلي
مراد:وعلاش ما نفدتش الكلام?
صالح:اسف والله اسف
مراد:شباب خلوكنن معاه هني وردو،بالكن يهرب منكن وانتم برو دورو طرابلس كاملة لين تلقوها
مشي كل واحذ منهن لوين ما قاله
طلع مراذ ركب سيارته وروح للحوش
******
جي الصبح
نضت وكانت الشمس ع عيوني خديت فوني شفت الساعة لقيتها ال11:30ص
لقيت مسج من اوس مكتوب فيه:-
(صباحك ورد يا احلا وردة في الكون)
لما قريت المسج ابتسمت دخلت الحمام(يكرم القاريء) غسلت وجهي وفرشيت سنوني وطلعت لقيت الفطور جاهز وعمر جايب الخبز
عمر:اووو فقتي كيف كنت بنوضك
انا:انت جهزته?
عمر:اي ني كولي،بسرعة عشان نمشو نسجلو في الكلية وتبدي من غدوا
انا:تمام
كليت ولبسنا فتحنا الباب لقينا…..
انا:?
عمر:.?
#يتبع✍
عارفتها قصيرة بس والله حرارة نايضة عليااا ونكتب بالسيف?غير لانني وعدتكم بحلقة بس والعشية تنزل حلقة تانية?✍
#ايات?