رواية ملجئي (Ayat Salih)

#ملجئي?
بقلمي✍Ayat Salih…….
الحلقة(11)❤
————————–——–
انا:الو
اوس:به اللي رديتي
انا:اسفة راحت عليا نومة
اوس:اي وبعد النومة قفلتي فونك
انا:خيره لسانك ثقيل?
اوس:باي
سكر في وجهي!
عرفته ان زعل مني☹بس كنت حايرة كيف،يحكي وكأنه سكران
طلعت برا الدار شفت عمر راقد في داره سكرت عليه الباب ورجعت لداري لبست سروال ابيض وبلوزة زهرية وخليت شعري مفتوح وبخيت بارفاني ونسيت ندير ميكاب?فتحت الباب بالشوي ومشيت لشقته كنت عارفة ان اللي درته غلط?ومش من المفروض ندير هكي بس القلب غلاب☹
كيف بنطقطق ع باب شقته لقيتهاا مفتوحة!!!!
سمعت صوت ضحك واصل لهني وضحكة بنت كانت!!!
الخوف تملكني وحسيت جسمي سقع وجمد?كنت خايفة ننصدم اكثر ما انصدمت في حياتي
خديت نفس واستجمعت قواي ودخلت وهني كانت الصدمة!!!!!
“”””””””””””””””””””””””””“”””””””””””””””””””””
دوش عمر وطلع لحوش عماد طقطق الباب فتحتله بنت قصيرة وبيضةة وعيونها عسليات وشعرها كان بني فاتح وطويل واصل لخصرها?
كان مراد متنح فيها لعند ما فاق ع نفسه?
لفت وجهه للخلف وعطاها بظهره
مراد:احممم نبي معاد
رشا(بصوت ناعم):حاضر تو ناديه….معاااد تعاال صاحبك يبيك
ودخلت رشا وجي معاد لمراد لقاه عاطيه بظهر ضحك وفي نفس الوقت عجباته لقطة صاحبه
عماد:لنقنك اصلي يا برو?
تلفت مراد لعماد:?اي هاك فلوسك
عطاه رباطي فلوس
عماد:منورر
مراد:عندك اخت وتبيش تقول?راه جينا خطبناها منك?
ضرب مراد ع ظهره ببصارة
عماد:واطي??تي مش اختي بنت خالتي نازحين عنذنا بيقعدو شهر
مراد:اهااا
عماد:قولي لمن لفقت التهمة?
مراد:لـ صالـح?
عماد:من جدك انتت???
مراد:وعلاش لا?
عماد:تي تبي تاخد بنته وتحبس فيه وفوق هذا عمك هو
مراد:بنته بيعطيهالي لو كان نحطه في الحبس اعوام واما ع قصة عمي،وخالي عنديش فيه?
عماد:ربي يهديك يا راجل
مراد:اجمعيين حبي?
عماد:شن صار فب وقار
مراد:محلولة?هي طير بنمشي لحوش عمي عيسى بناخد منه اوراق
عماد:مية مية طريقك بيضة
دخل عماد للحوش ومراد ركب سيارته ومشي لحوش عمه
“”””””””””””””””””””””””””“”””””””””””””””””””
دخلت للشقة لقيته قاعد مع بنت شعرهاا اصفرر ولابسة شوورت!!!!وسيور ولقيت اوس ع الصالون دايخ وهيا تشبحلي
البنت(وهي تمضغ في المستكة):انشالله خيرر
كانو الدموع مضببات عيوني ومش مصدقة اللي نشوف فيه واوس كانش منتبه بكل اصلا كان دايخ
انا:اا ا اانتي ممنو?
البنت:انتي اللي منو يا ماما هيا اطلعي
انصدمت اكثر ني ومعاش قدرت نتحمل طلعت بسرعة خشيت الشقة ودخلت داري وسكرت بالمفتاح
قعدت نبكي ع حظي الاسود لا عيلة زي الناس ولا حتى حبيب مقوم!!!!
كان منظره ومنظر البنت بين عيوني ومش قادرة ننساه او ان نحيه من بالي?
نار?كانت والعة في قلبي بكيت بكيييت لعند ما حسيت براحة مسحت دموعي وقررت ان خلاص معاش في شي اسمه اوس في حياتي وبنكملل قرايتي وبس?
فتحت فوني مسحت رقمه وحظرته ومسحت اي شي يتعلق بييه وكنت راضية بالقرار اللي ني قررته ووجود عمر جنبي مريحني❤
حطيت راسي ع المخدة وغفيت?
“”””””””””””””””””””””””””“”””””””””””””””””””
فـي الـصـبـاح?
نضت وكنت حاس بروحي دايخ?وراسي صداع حاولت نتفكر اللي صار امس بس ماتفكرت شي ماعدا ان وقار واقفة وتبكي?
خبطت يدي ع راسي بقلة حييلة?بس ني كيف جيت هني اصلا ومن البنت اللي كانت معاي?اووففف
دورت ع البنت لقيتهاش بكل نظفت الشقة ومشيت دوشت ولبست عشان نطلع نوصل وقار ونفهمها
“”””””””””””””””””””””””””“”””””””””””””””””””
كنت نفطر ني وعمر
انا:عمر
عمر:نعم
انا:بنقولك معاش تقول لاوس يوصلني
عمر:علاش?
انا:انت كيف توثق فيه اصلا وتركبني في سيارة معاه
عمر:مية مية خلاص تو نوصلك ني
انا:تمام
قمنا السفرة وطقطق الباب فتح عمر وني كنت نتسمع من ورا الباب
اوس:صبااحوو
عمر:صباحلنور
اوس:وين وقار مش نوصلها
عمر:والله تعبناك هلبا وبنبدا نوصلها ني وقار هيا قاتلي تبي تاخد راحتها وتتحشم منك
اوس فهم ان نبيش نحكي معاه
اوس:ملا تمام تبو حاجة ني موجود
عمر:ماتقصر حبيبي
اوس:هي سلام
عمر:سلام
طلع اوس وركبت سيارته ومشي لكافي قدام جامعتي عشان لما نكمل يجيني
طلعت ني وعمر مشيت للجامعة ودخلت لمحاضرتي وفهمت من الدكتور وتعرفت ع بنت اسمها ميرا
طلعنا من المحاضرة
ميرا:حبي ني توا بنروح بابا جي رقمي عندك بعدين تو نتصل بيك ونحكو
انا:تمام سلام?
مشت ميرا وني مشيت للكافيتيريا
حسيت بظل شخص فوقي تلفتت لقيته اوس خديت حاجتي وكنت بنوض شدني من يدي
اوس:وقار وراسك استني خلي نفهمك
نحيت يده من عليا
انا;ايدك معاش تمدها عليا احسنلك ومانبي نفهم شي كله واضح من عنوانه
اوس:لا مش واضح
انا:اهااا البنت هديكا جاية ترقي فيك ملا ولا تحجم فيك??
اوس:مش هكي ني،بروحي نعرفش كيف جتني اصلا
انا:لا ني نحكيلك كيف جت لما ني يوم كامل كلمتكش وكنت تعبانة وراقدة انت حسيت بفراغ مشيت لبنات الليل وخديتلك وحدة منهم تسليك?معاش تجي شوري بكل اوس وياريييت تحترم رجولتك وتخلينيش نقولك كلام يجرحك
مشيت وخليته حسيت بصدقه في الكلام بس قلبي قاعد موجوع منه ومش راضي يسامح?
لقيت عمر جي مشيت للحوش
دخلت ني للدار وعمر قعد في الصالة رن فونه لقاه اخته ملاك رد
عمر:اووة ملوكتي شجوك
ملاك:الحمدلله عموري شنجوك انت والله استااااحشتك?
عمر:والله حتني شنج القراية
ملاك:ماشية شج وقااار استاحشتهااا
استغرب عمر في الاساس ملاك ووقار مايحبوش بعض هلبا
عمر:باهية الحمدلله
ملاك:اعطيني نكلمهااا
عمر:هيا هيا تو نعطيها
طقطق عمر ليا
عمر:ملاك ع الخط تبي تكلمك
ني استغربت وترددت في نفس الوقت بس نبيش نحرج عمر خديت الفون
انا:اهلا
ملاك:وقااار اهليين كيف الحال?
انا:الحمدلله وانتي
ملاك:الحمدلله استاحشناكم وحقربي
انا:?حتني
ملاك:عارفاتك مصدومة في كلامي لان حني نطيقوش بعض بس ني قعدت مع نفسي وعرفت روحي غالطة معاك هلبااا?نتمنى تسامحيني
—
كنت فاقدة شعور الاهل وبنات العم والعيلة ني وفوق هذا فقدت الحب?لما قالت هالكلام ع طول ضعفت
انا:مسامحاتك حبيبتي عادي?❤
ملاك:وين انتم
انا سكتت عرفتش،شن نقول
ملاك:تمام حبي براحتك تحكيش?
انا:نقولك بس تقوليش لحد
ملاك:تمام
انا:حني في مصراتة
ملاك:الله يعني قاعدين في ليبيا?
انا:اي
ملاك:كويس
اناا:اها
ملاك:اووف ماما تنادي تو اول ما نحصل رصيد تاني نكلمكن باي
انا:باي❤
سكرت من عليها وحسيت بفرحة ان بدي عندي بنت عم ونبدو مع بعض ديما لان كنت فاقدة هالشعور?
—
ملاك:طلعوو في مصراتة
ضية:اياحح مراد،بعدين بيجي،لبوك لما يجي تو نلهي بوك وانتي بري قوليله
ملاك:تمام نمشي نعدل مكياجي?
——-
عمر:شن هدرزتو انتي وملاك
انا:نهدرزو عادي بس شكلها بدت كويسة معاي
عمر:اهااا!!قلتيلها ع مكاننا?
انا:اي قلتلهااا بس قاتلي مش رح تقول لحد
عمر:(بعصبية):غبيييةة انتي معقولة تقولي لملاك انتي
انا:بس بدت كويسة هيا?
عمر:فيش حد كويس ياااا غبيية اي صح اختي بس نعرفها ني
مشي عمر لداره وقربع الباب وني قعدت نبكي لان حسيت بنفسي درت كارثة!!!
“”””””””””””””””””””””””””“”””””””””””””””””””
وصل مراد لحوش عمه طقطق الحوش وانفتح
مراد:?
#يتبع?