رواية ملجئي (Ayat Salih)

الحلقة(10)❤
————————–——–
دخلت للشقة لقيتها هادية شفت عمر راقد مشيت بدلت ولبست توتة وقعدت نتفرج ع الTV لعند مافاق عمر 
عمر:اووف ضربتها نومة الصح شكلي?
انا:يعينيي?
عمر:اسمعيي
انا:شنوو
عمر:خليناا اليوم نطلعو نتمشوو قدام البحر
انا:ب بس
عمر:بس شنو?قصدك مراد
انا:اي?
عمر:لالا فوتييه مستحيل يفكرو اننا في ليبيا اصلا
انا:اممبه
عمر:اسمعي انتي ارتاحي ني بنوض ندير العشي اليوم
انا:شن بدير?
عمر:بيتزا
انا:انت ضم المطبخ??
عمر:مع بعضنا
وناض للمطبخ وني قعدت نفسفس
—
طلع المكونات وقعد يعجن سمع فونه يرن غسل ايديه لقاها امه رد
عمر:اوووو يام
ضية:وينك يا وليدي مرايفتلك?
عمر:الله غالب يام انتي عارفة الظروف
ضية:ظروف شن اللي تخليك تباعد ع امك?
عمر:خلاص يام دموعك غاليات معاش تبكي
ضية:طمنني عليك كيف حالك
عمر:الحمدلله وانتم كيف حالكم
ضية:الحمدلله انت وين
عمر:نقدرش نقولك يام فوتيه الموضوع
ضية:به به انت مش مجبور تقعد مع المايعة هذيكا
عمر:وعلاش تقولي عليها مايعة مش مع حد غريب هيا ني خوها راه
ضية:خوية تخويك نجيبش بنات هكي ني?
(Ayat Salih:-ع اساس بنتها??)
عمر:وشن دارت هيا من عيب مشت تقرا راه مش مشت تسهر في البار باش تقولي نجيبش بنات هكي
ضية:تقرا طياح سعدهاا تهرب من اهلها في نص الليالي مايعة
عمر: يماا متصلة تطمني ولا خلاص ني بخير سلام?
سكر من عليهااا وهو معصب تلفت وراه لقاني واقفة ودموعي ينزلوو
اول ما تلفتلي ع طول دخلت داري وسكرت بالمفتاح
قعد عمر يطقطق ع الباب:وقااار افتحي امي مش قصدها راه غير مرايفتلي هذا لاش قالت هكي امي تحبك راه
ما حكيتش بكل وقعدت ساكتة لعند ما عرفت انه مشي وقعدت نبكي لعند ما غفيت??
“”””””””””””””””””””””””””“”””””””
ضية:امشي حتى ولدي غيراته علياا
جت ملاك
ملاك:ع من تحكي ماما
ضية:ع وجه الشوم وقار كلمت عمر سالت عليه وجبت سيرتها ما تحمل فيها وسكر علياا تخيلي ولدي هكي يدير?
ملاك:تعرفي يا ماماا نكرهها الفرخة هذي حتى مرتد خداته مني?
ضية:مراد عينك اصلا مستحيل نرضى بيه ني
ملاك:وعلاش?
ضية:مجرم هذا
ملاك:لكن فلوس?يعيشني ني وياك اميرات فكري فيها
ضية:به اصلا توا يبي وقار خلاص
ملاك:لالا
ضية:شنو
ملاك:عندي خطة سمحة رح ندمرو فيها وقار ونفس الوقت ياخدني مراد?
ضية:و شن هيا
ملاك:……………..
“”””””””””””””””””””””””””“””””””””””””””””
نضت ع صوت اذان المغرب”
توضـيت وصليـت فتحت فوني لقيت عرم مسجات واتصالات من اوس!
سكرت الفون وقفلته لان ما كانش خاطري نحكي مع حد بكل فتحت باب الدار بالشوي ونشوف ايمين وايسار وعيوني يدورو ع عمر خشيت المطبخ لقيته منظفه والبيتزا في الكوشة طايبة طلعت للصالة لقيته راقد ع الصالون وواضح انه كان يبكي?وكان من غير غطاء جبت غطاء وغطيته ولقيت عيونه يرمشو عرفت انه فاق قعدت تحت من الصالون ونشوفله
انا:عارفة روحي حمل عليك ورح نتعبك وهذا قاعدين في البداية بس ويمكن تخسر حتى رضا امك والشي هذا مستحيل نرضى بيه
كنت نحكي وني نشهق ونبكي
انا:ل لل لكن وقفت معاي هلبا ولهني يكفي خلاص عارفتك تسمع في كلامي?
وكيف بنوض مسك يدي
عمر:نخسسر الكل وما نطيح كلمتي معاك وحلمك رح يتحقق يعني رح يتحقق وني رح نكون معاك في كل خطوة في حياتك?
ابتسمتله وني دموعي مالين وجهي
مسح دموعي بانامل يده وضحكلي
عمر:معاش نبيك تبكي وتخافي دامني معاك تخافيش
انا:يخليك ليا
عمر:وليا يارب هيا بري كولي وارقدي عشان تنوضي بكري لمحاضرتك
انا:تمام?
تعشيت وكانت بيتزا تهببل غسلت الماعين ودخلت لداري حطيت راسي ع المخدة بس جانيش نوم بككلل اتذكرت اوس فتحت فوني واتصلت عليه
انا:الو
اوس:…..
“”””””””””””””””””””””””””“””””””””””””””
مراد:خلاص كملنا الشغل
عماد:يعني هربتو البضاعة?
مراد:اي وشويةة وجايك باش نعطيك حقاتك
عماد:مية مية نستنى فيك المهم الشرطة عرفوش شي ولا?
مراد:لا عرفو
عماد:تبصر ولا?
مراد:تي،يا راجل الورق مزور ومش بتوقيعنااا راه
عمااد:توقيع منو ملا?
مراد:صالح”
عماد:تبصر صح?
مراد:والله ما نبصر
“”””””””””””””””””””””””””“”””””””””””””طق طق
صالح:به خيركم تخبطو اهو جاي
فتح صالح الباب لقي الشرطة قدامه
صالح:انشالله خير?
الشرطي:انت متهم بقضية تهريب مخدرات ونبوك تتفضل معاناا للمخفر
صالح:كييف مخدرات?
الشرطي:اي
صالح:بس ني هربتش مخدرات
الشرطي:جيبوه
شدوه الشرطة ورفعوه تلفت ع جنب لقي مراد في سيارته وغمزله وفهم ان الموضوع كله مفبرك
رفعوه الشرطة المخفر”
—–
دخل مراد للحوش
محمد:وين كنت
مراد:نشوف في مسلسل اسمه رفعو صالح عمي للحبس??
محمد:كيييف
مراد:خوك الشريف مهرب مخدرات وكشفوه الشرطة
محمد:تي شن تخرط انت خوي ونعرفه يديرهاش
مراد:اي واضح?برا شوف الاوراق اللي شادينهااا بتوقعيته هو!!!تي خلاص طينتكم وانكشفت?
محمد:حسبي الله فيك يا مغضوب وعارفها لعبة منك
مراد:الزم حدودك لا توا الفيديو ننشره وتطلع برا الحوش?
ناض محمد وهو معصب يلبس ومشي لخوه ومراد مشي يدوش عشان يمشي لعماد
#يتبع✍
(اكيد الكل يسأل شن قصة الفيديو وليش يقوله نلزك من الحوش??كله رح تعرفوه مع الحلقات الجاية)
واسفة ع قصر الحلقة بس كتبتها بالسيف الفون يعلق بدي وبيتش نحرمكن من حلقة